LexUZ sharhi
Mazkur qaror O‘zbekiston Respublikasi Prezidentining 2021-yil 18-oktabrdagi PF-6325-sonli “O‘zbekiston Respublikasi Prezidentining va O‘zbekiston Respublikasi Hukumatining ayrim hujjatlarini o‘z kuchini yo‘qotgan deb hisoblash to‘g‘risida”gi Farmoniga asosan o‘z kuchini yo‘qotgan.
Naqd pul muomalasini tartibga solish va pullarning asossiz ravishda ko‘payib ketishiga yo‘l qo‘ymaslik maqsadida Vazirlar Mahkamasi qaror qiladi:
1. O‘zbekiston Respublikasi Markaziy banki va tijorat banklari korxonalar, tashkilotlar va muassasalarga, mulkchilik shakllaridan qat’i nazar, naqd pullarni ish haqi va unga tenglashtirilgan to‘lovlar, pensiyalar, nafaqalar va stipendiyalarni to‘lashga, shuningdek, xizmat safari xarajatlari uchungina bersinlar.
Keyingi tahrirga qarang.
2. Belgilab qo‘yilsinki, mulkchilik shakllaridan qat’i nazar, xo‘jalik yurituvchi subyektlar o‘rtasidagi hisob-kitoblar bank muassasalari orqali naqd pulsiz amalga oshiriladi;
davlat (aksionerlik) korxonalari va tashkilotlaridan kooperativlar, fermerlar, xususiy va kichik korxonalarning hisob-kitob schyotlariga tushadigan pul mablag‘lari operatsiyalar va to‘lovlar ularning ustav faoliyati sohasiga muvofiq kelgan taqdirda qo‘shib qo‘yiladi;
Keyingi tahrirga qarang.
aholining omonatlari bo‘yicha operatsiyalar O‘zbekiston Respublikasi Markaziy bankining litsenziyalariga ega bo‘lgan bank muassasalari tomonidan amalga oshiriladi.
Keyingi tahrirga qarang.
3. Ushbu qaror chiqqan kundan boshlab “O‘zkooptayyorlovsavdo”, boshqa vositachi va tayyorlov tashkilotlarining aholidan xarid qilingan qishloq xo‘jaligi mahsuloti uchun naqd pul to‘lashlari taqiqlansin. Bunda mahsulotlarning haqi jamg‘arma tarmog‘iga ega bo‘lgan banklarda fuqarolarning alohida hisob-kitob schyotlariga mablag‘ o‘tkazish yo‘li bilan to‘lansin.
Bank muassasalari ana shu hisob-kitob schyotlaridan mablag‘larni tegishli banklarning hisob-kitob cheklari va chek daftarchalaridagi cheklar holidagina bersinlar.
“O‘zkooptayyorlovsavdo” birlashmasiga qishloq qishloq xo‘jaligi mahsulotlari tayyorlash va chorva mollari xarid qilish uchun naqd pul qanday maqsadlarga ajratilgani va qaytarilishi ko‘rsatilgan holda faqat respublika Hukumatining qaroriga binoan ajratilsin.
Keyingi tahrirga qarang.
4. 1994-yilning 11-iyulidan boshlab naqd pulga mayda ulgurji savdo qilish, shuningdek, korxonalar, muassasalar va tashkilotlarning joriy xo‘jalik ehtiyojlari uchun naqd pul berish taqiqlansin.
O‘zbekiston Respublikasi Moliya vazirligi va Markaziy banki “O‘zbeksavdo” uyushmasi va O‘zbekbirlashuv boshqaruvi bilan birgalikda bir hafta muddatda mayda ulgurji savdo bo‘yicha tovarlar sotish va naqd pulsiz hisob-kitob bo‘yicha korxonalarning joriy xo‘jalik ehtiyojlarini ta’minlash tartibi, shuningdek, umumiy ovqatlanish tashkilotlari tushgan foydaning bir qismidan qishloq xo‘jaligi mahsuloti xarid qilish uchun foydalanishi tartibi to‘g‘risida takliflar kiritsinlar.
Keyingi tahrirga qarang.
5. 1994-yilning 1-avgustidan mehnatga haq to‘lash uchun ajratiladigan mablag‘lar davlat yo‘li bilan tartibga solinishi joriy etilsin. Shu maqsadda:
mulkchilikning barcha shakllaridagi korxonalar va tashkilotlar (budjetdagilardan tashqari) mahsulot (ish, xizmat) hajmi o‘sishining har bir foizi uchun baza davriga nisbatan ish haqi fondini taqqoslama narxlarda 0,7 foizgacha oshirishlari mumkinligi;
xo‘jalik yurituvchi subyektlar belgilangan nisbatni turli sabablarga ko‘ra oshirib yuborgan hollarda mehnatga haq to‘lash fondining asossiz oshirilgan qismi to‘lov budjet hisobiga o‘tkazilishi belgilab qo‘yilsin.
Tijorat banklari xo‘jalik yurituvchi subyektlar tomonidan mehnatga haq to‘lash uchun mablag‘lar sarflanishi ustidan har chorakda nazorat o‘rnatsinlar.
Keyingi tahrirga qarang.