LexUZ sharhi
O‘zbekiston Respublikasi Prezidentining 2002-yil 7-avgustdagi PF-3112-sonli “2002-yilning 1-sentabridan boshlab o‘qituvchilar va o‘quv yurtlari muallimlarining, ilmiy xodimlarning ish haqi miqdorlarini oshirish to‘g‘risida” Farmoni bilan 1990-yil 2-iyundagi PF-12-son Farmon kuchini yo‘qotganligi belgilangan. Mazmunan 1990-yil 2-iyundagi PF-12-son “Musulmonlarning Saudiya Arabistoniga haj qilish uchun borishi to‘g‘risida”gi Farmon emas, mazkur Farmon nazarda tutilgan bo‘lishi lozim.
1990-yil 1-sentabridan boshlab boshlang‘ich (I—IV) sinflar o‘qituvchilari ish haqi ular o‘quv soatini haftasiga 20 soatdan 14 soatga kamaytirish hisobiga oyiga o‘rtacha 35 foiz oshirilsin. Bu boshlang‘ich sinflar o‘quv ta’lim-tarbiya jarayoni sifatini oshirishga, mustaqil o‘qish uchun eng qulay sharoitlar ta’minlanishiga, jumhuriyat yosh fuqarolari ta’lim-tarbiyasi uchun muallimlar kasb tayyorgarligi va mas’uliyatini oshirishni rag‘batlantirishga yordam beradi.
O‘zbekiston SSJ Vazirlar Kengashiga shu maqsadlar uchun bu yil 20,8 mln. so‘m kelgusi yillarda har yili 62,5 million so‘m mablag‘ izlab topish topshirilsin.