LexUZ sharhi
Mazkur qaror O‘zbekiston Respublikasi Vazirlar Mahkamasining 2012-yil 15-martdagi 72-sonli “O‘zbekiston Respublikasining “Intellektual mulk to‘g‘risidagi qonun hujjatlari takomillashtirilishi munosabati bilan O‘zbekiston Respublikasining ayrim qonunlariga o‘zgartish va qo‘shimchalar kiritish haqida” 2011-yil 26-dekabrdagi O‘RQ-312-son Qonunini amalga oshirish chora-tadbirlari to‘g‘risida”gi qaroriga asosan o‘z kuchini yo‘qotgan.
“Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 5-moddasiga muvofiq O‘zbekiston Respublikasi Vazirlar Mahkamasi qaror qiladi:
1. Kinovideomahsulotlarni ishlab chiqarish, ko‘paytirish, dublyaj qilish, sotish va ularning prokati bo‘yicha faoliyat turlarini litsenziyalash to‘g‘risidagi nizom ilovaga muvofiq tasdiqlansin.
2. Respublika “Ma’naviyat va ma’rifat” kengashining litsenziya berish to‘g‘risidagi qarorlari protokolini rasmiylashtirish, litsenziyalar o‘z vaqtida berilishini nazorat qilish va ularning hisobini olib borish O‘zbekiston Respublikasi Vazirlar Mahkamasining Ijtimoiy kompleksi kotibiyati tomonidan amalga oshirilishi ma’lumot uchun qabul qilinsin.
Keyingi tahrirga qarang.
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.A. Azizxo‘jayev zimmasiga yuklansin.
1. Mazkur Nizom kinovideomahsulotlarni ishlab chiqarish, ko‘paytirish, dublyaj qilish, sotish va ularning prokati bo‘yicha faoliyat turlarini litsenziyalash tartibini belgilaydi.
2. Quyidagilar kinovideomahsulotlarni ishlab chiqarish, ko‘paytirish, dublyaj qilish, sotish va ularning prokati bo‘yicha litsenziyalanadigan faoliyat turlari hisoblanadi:
badiiy va xronikal-hujjatli, ilmiy-ommabop, tasviriy, multiplikatsion kinovideofilmlar hamda dasturlar ishlab chiqarish;
3. Litsenziyalar berish va ularni bekor qilish, qayta rasmiylashtirish, ularning amal qilish muddatini uzaytirish, to‘xtatib turish yoxud to‘xtatish to‘g‘risidagi qarorlar Respublika “Ma’naviyat-ma’rifat” kengashi (keyingi o‘rinlarda Kengash deb ataladi) xulosalari asosida Vazirlar Mahkamasi (litsenziyalovchi organ) tomonidan qabul qilinadi.
Keyingi tahrirga qarang.
Vazirlar Mahkamasining hujjatlar qabul qilish, ular yuzasidan ekspert xulosalar tayyorlash, litsenziyalar berish va qayta rasmiylashtirish, litsenziatlar tomonidan litsenziya talablari va shartlariga rioya etilishini nazorat qilish bo‘yicha ishchi organ funksiyasini “O‘zbekkino” Milliy agentligi (keyingi o‘rinlarda ishchi organ deb ataladi) amalga oshiradi.
Respublika “Ma’naviyat-ma’rifat” kengashining qarori protokolini rasmiylashtirish, ishchi organ tomonidan litsenziyalarni o‘z vaqtida berilishi va ularning hisobi olib borilishi yuzasidan nazoratni O‘zbekiston Respublikasi Vazirlar Mahkamasi Ijtimoiy kompleks kotibiyati amalga oshiradi.
Keyingi tahrirga qarang.
4. Kinovideomahsulotlarni ishlab chiqarish, ko‘paytirish, dublyaj qilish, sotish va ularning prokati bo‘yicha faoliyat turlari yuridik va jismoniy shaxslar tomonidan amalga oshirilishi mumkin.
Keyingi tahrirga qarang.
5. Kinovideomahsulotlarni ishlab chiqarish, ko‘paytirish, dublyaj qilish, sotish va ularning prokati bo‘yicha faoliyat turlarini amalga oshirish uchun namunaviy (oddiy) litsenziya beriladi.
Litsenziya talabgorining arizasiga ko‘ra litsenziyalar umuman faoliyat turiga yoxud uning bir qismiga beriladi.
6. Kinovideomahsulotlarni ishlab chiqarish, ko‘paytirish, dublyaj qilish, sotish va ularning prokati bo‘yicha faoliyat turlarini amalga oshirishga litsenziya 5 yil muddatga beriladi. Litsenziya faqat litsenziya talabgorining arizasiga ko‘ra besh yildan kam muddatga berilishi mumkin.
Keyingi tahrirga qarang.
7. Quyidagilar kinovideomahsulotlarni ishlab chiqarish, ko‘paytirish, dublyaj qilish, sotish va ularning prokati bo‘yicha faoliyat turlarini amalga oshirishning litsenziya talablari va shartlari hisoblanadi:
zo‘ravonlikni, mamlakat xavfsizligi va ijtimoiy-siyosiy barqarorlikni, fuqarolar tinchligining, millatlararo va dinlararo totuvlikning buzilishini, O‘zbekiston to‘g‘risida noto‘g‘ri axborotlar tarqatilishini hamda uning tarixiy, madaniy va ma’naviy boyliklarining buzib ko‘rsatilishini targ‘ib qilish uchun foydalanadigan mahsulotlarni ishlab chiqarish, ko‘paytirish hamda tarqatishga yo‘l qo‘ymaslik yuzasidan litsenziatning majburiyati;
a) badiiy va xronikal-hujjatli, ilmiy-ommabop, tasviriy, multiplikatsion kinovideofilmlar hamda dasturlar ishlab chiqarishda:
kinovideofilmlar hamda dasturlar ishlab chiqarish sohasidagi qonun hujjatlariga, normativ-texnik talablarga majburiy tarzda rioya qilinishi;
kinovideofilmlar hamda dasturlar ishlab chiqarish uchun zarur bo‘lgan tegishli moddiy-texnika bazasining, asbob-uskunalar va boshqa texnik vositalarning mavjud bo‘lishi;
kinovideofilmlarni hamda dasturlarni ko‘paytirish va dublyaj qilish sohasidagi qonun hujjatlariga, kinovideomahsulotlar nusxalari texnik sifatiga qo‘yiladigan talablarga, shuningdek kinovideomahsulotlarni ko‘paytirish va dublyaj qilishda ularning bezatilishiga oid talablarga majburiy tarzda rioya qilinishi;
mahsulotni ko‘paytirish huquqiga ega bo‘lgan shaxs yoxud kino va video asarlarni ko‘paytirish va dublyaj qilishga huquqi bo‘lgan shaxsning roziligi bo‘lgan boshqa buyurtmachi tomonidan buyurtmani tasdiqlovchi hujjatlar mavjudligi;
litsenziat tomonidan kino va video asarning mahsulotning nomi, ushbu mahsulot tarkibiga kirgan asarlar nomi, tayyorlangan nusxalar soni ko‘rsatilgan holdagi tayyorlangan nusxalarining, shuningdek litsenziat yoki tiraj buyurmachisining kino va video asarni ko‘paytirish va dublyaj qilish huquqini tasdiqlovchi hujjatlarning hisob-kitobi yuritilishi;
litsenziat tomonidan kino va video asarni ko‘paytirish va dublyaj qilishga doir ishlab chiqarish faoliyatining yong‘in xavfsizligi qoidalari va sanitariya-gigiyena normalari talablariga javob beruvchi, ular to‘g‘risida litsenziyalovchi organga axborot taqdim etilgan binolar va xonalarda amalga oshirilishi;
litsenziat tomonidan kino va video asarni ko‘paytirish va dublyaj qilishga doir ishlab chiqarish faoliyatini manbalarning har qanday turida standartlar talablariga muvofiq keluvchi asbob-uskunalar va texnik vositalardan foydalangan holda amalga oshirish;
kinovideofilmlar va dasturlarni sotish hamda ularning prokati sohasidagi qonun hujjatlariga, kinovideomahsulotlarni sotish hamda ularning prokatiga qo‘yiladigan normativ-texnik talablarga majburiy tarzda rioya qilinishi;
kino va video asarlarga intellektual mulk egasi huquqlari buzilgan tarzda kinovideomahsulotlarning sotilishiga hamda ularning prokatiga yo‘l qo‘ymaslik;
litsenziat tomonidan kinovideomahsulotlarni sotish hamda ularning prokatiga doir faoliyatni yong‘in xavfsizligi qoidalari va sanitariya-gigiyena normalari talablariga javob beruvchi, ular to‘g‘risida litsenziyalovchi organga axborot taqdim etilgan binolar va xonalarda amalga oshirilishi;
har bir seans bo‘yicha mavjud va sotilgan pattalarning qat’iy ravishda alohida olib borilishi, kassa intizomi va pattalarni sotishdan tushgan tushumni inkassatsiya qilish qoidalariga rioya etilishi.
8. Litsenziya bitimida ushbu Nizomning 7-bandida sanab o‘tilgan litsenziya talablari va shartlaridan kelib chiquvchi aniq talablar va shartlar nazarda tutilishi mumkin.
9. Litsenziya olish uchun litsenziya talabgori litsenziyalovchi organga quyidagi hujjatlarni taqdim etadi:
yuridik shaxs uchun — yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bankdagi hisob raqami;
jismoniy shaxs uchun — familiyasi, ismi, otasining ismi, fuqarolik shaxsini tasdiqlovchi hujjatlarning ma’lumotlari;
faoliyatning litsenziyalanadigan turi (yoxud uning bir qismi) hamda faoliyatning ushbu turi amalga oshiriladigan muddat;
Keyingi tahrirga qarang.
yuridik shaxsning davlat ro‘yxatidan o‘tkazilganligi to‘g‘risidagi guvohnoma nusxasi — yuridik shaxslar uchun;
yakka tartibdagi tadbirkorning davlat ro‘yxatidan o‘tkazilganligi to‘g‘risidagi guvohnoma nusxasi — jismoniy shaxslar uchun;
v) litsenziya talabgori tomonidan ariza ko‘rib chiqilganligi uchun yig‘im to‘langanligini tasdiqlovchi hujjat.
Keyingi tahrirga qarang.
10. Litsenziya talabgori tomonidan ushbu Nizomning 9-bandida ko‘rsatilgan hujjatlarga qo‘shimcha ravishda quyidagi hujjatlar taqdim etiladi:
a) badiiy va xronikal-hujjatli, ilmiy-ommabop, multiplikatsion, tasviriy kinovideofilmlar hamda dasturlar ishlab chiqarish faoliyatini amalga oshirish uchun — litsenziyalanadigan faoliyatni amalga oshirish uchun zarur bo‘lgan mavjud moddiy-texnik baza, asbob-uskunalar va boshqa texnik vositalar to‘g‘risidagi ma’lumotlar;
b) kinovideofilmlarni hamda dasturlarni ko‘paytirish, dublyaj qilish faoliyatini amalga oshirish uchun:
litsenziyalanadigan faoliyat amalga oshiriladigan binolar va xonalarga mulk huquqi yoki boshqa ashyoviy huquqni tasdiqlovchi hujjat;
yong‘in nazorati va sanitariya-epidemiologiya nazorati organlarining mavjud binolar va xonalarning yong‘in xavfsizligi qoidalari va sanitariya-gigiyena normalari talablariga muvofiqligi to‘g‘risidagi xulosalari;
litsenziyalanadigan faoliyatni amalga oshirish uchun zarur bo‘lgan mavjud asbob-uskunalar va boshqa texnik vositalar to‘g‘risida ma’lumotlar;
litsenziyalanadigan faoliyat turi amalga oshiriladigan binolar va xonalarga mulk huquqi yoki boshqa ashyoviy huquqni tasdiqlovchi hujjat;
yong‘in nazorati va sanitariya-epidemiologiya nazorati organlarining mavjud binolar va xonalarning yong‘in xavfsizligi va sanitariya-gigiyena talablariga muvofiqligi to‘g‘risidagi xulosalari.
11. Litsenziya talabgoridan mazkur Nizomda nazarda tutilmagan hujjatlarning taqdim etilishini talab qilishga yo‘l qo‘yilmaydi.
12. Hujjatlar litsenziya talabgori tomonidan ishchi organga bevosita yoxud olinganligi to‘g‘risidagi bildirishnoma bilan pochta aloqa vositasi orqali yetkazib beriladi.
Hujjatlar ishchi organ tomonidan ro‘yxat bo‘yicha qabul qilinadi, ro‘yxatning nusxasi hujjatlar qabul qilib olingan sana to‘g‘risida belgi qo‘yilgan holda litsenziya talabgoriga yuboriladi (topshiriladi).
Noto‘g‘ri yoki buzilgan ma’lumotlar taqdim etilganligi uchun litsenziya talabgori qonun hujjatlariga muvofiq javob beradi.
13. Litsenziya talabgori arizasi ko‘rib chiqilganligi uchun qonun hujjatlarida to‘lov kunida belgilangan eng kam oylik ish haqining besh baravari miqdorida yig‘im undiriladi.
Keyingi tahrirga qarang.
14. Kinovideomahsulotlarni ishlab chiqarish, ko‘paytirish, dublyaj qilish, sotish va ularning prokati bo‘yicha faoliyat turlarini litsenziyalash ushbu Nizomga ilova qilinayotgan sxemaga muvofiq amalga oshiriladi.
Litsenziya talabgoriga litsenziya berish yoki litsenziya berishni rad etish to‘g‘risida qaror litsenziya talabgorining arizasi olingan kundan boshlab o‘ttiz kundan ortiq bo‘lmagan muddatda qabul qilinadi.
Ishchi organ ariza olingan kundan boshlab o‘n besh kundan ortiq bo‘lmagan muddatda hujjatlarni ko‘rib chiqadi va ular bo‘yicha Kengash yig‘ilishida ko‘rib chiqish uchun ekspert xulosasi tayyorlaydi.
Kengash ishchi organning taklifi olingan kundan boshlab o‘n kundan ortiq bo‘lmagan muddatda uni ko‘rib chiqadi hamda litsenziya talabgoriga litsenziya berish yoki litsenziya berishni rad etish to‘g‘risida Vazirlar Mahkamasiga taklif kiritadi. Vazirlar Mahkamasi Ijtimoiy kompleks kotibiyati tomonidan Kengash yig‘ilishi protokoli rasmiylashtiriladi, protokol Kengash raisi (uning o‘rinbosari) tomonidan imzolanadi. Zarur hollarda Kengash qarori so‘rov yo‘li bilan qabul qilinishi mumkin.
Keyingi tahrirga qarang.
Vazirlar Mahkamasi Kengashning taklifi olingan kundan boshlab besh kundan ortiq bo‘lmagan muddatda uni ko‘rib chiqadi hamda litsenziya berish yoki litsenziya berishni rad etish to‘g‘risida qaror qabul qiladi.
15. Ishchi organ tegishli qaror qabul qilingandan keyin uch kun muddatda litsenziya talabgorini qabul qilingan qaror to‘g‘risida yozma ravishda xabardor qiladi.
Litsenziya berishga qaror qabul qilinganligi to‘g‘risidagi bildirishnoma litsenziya talabgoriga bank hisob raqami rekvizitlari, davlat boji to‘lash muddati ko‘rsatilgan holda yozma shaklda yuboriladi (topshiriladi).
Litsenziya bitimi ishchi organ bilan litsenziat o‘rtasida tuziladi, unda quyidagilar bo‘lishi kerak:
litsenziat tomonidan litsenziya bitimi talablari va shartlari bajarilishini ishchi organ tomonidan nazorat qilish tartibi.
16. Litsenziyalar ishchi organ tomonidan belgilangan shakldagi blankalarda rasmiylashtiriladi Litsenziyalar blankalari qat’iy hisobda turadigan hujjatlar hisoblanadi, hisobga olish seriyasiga, tartib raqamiga va himoyalanganlik darajasiga ega bo‘ladi. Litsenziya blankalari namunalari Vazirlar Mahkamasi bilan kelishgan holda ishchi organ tomonidan ishlab chiqiladi. Litsenziya blankalari ishchi organ buyurtmanomasiga ko‘ra “Davlat belgisi” davlat-ishlab chiqarish birlashmasida bosmaxona usulida tayyorlanadi. Ishchi organ rahbari litsenziyalar blankalari hisobga olinishi, saqlanishi va ulardan maqsadli foydalanilishi uchun shaxsan javob beradi.
Ishchi organ tomonidan litsenziyalarni rasmiylashtirish va berish muddatlariga rioya etilishi, shuningdek berilgan litsenziyalar hisobini olib borilishi yuzasidan nazoratni Vazirlar Mahkamasi Ijtimoiy kompleksi kotibiyati tomonidan amalga oshiriladi.
Keyingi tahrirga qarang.
Litsenziyalar O‘zbekiston Respublikasi Bosh vazirining o‘rinbosari — Vazirlar Mahkamasining Ijtimoiy kompleksi rahbari tomonidan imzolanadi.
Keyingi tahrirga qarang.
17. Litsenziya litsenziya talabgori tomonidan davlat boji to‘langanligini tasdiqlovchi hujjat taqdim etilgandan va litsenziya bitimi imzolangandan keyin uch kun muddatda beriladi.
18. Agar litsenziat litsenziya berish to‘g‘risida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida ishchi organga litsenziya berilganligi uchun davlat boji to‘langanligini tasdiqlovchi hujjatni taqdim etmasa yoxud litsenziya bitimini imzolamasa, Vazirlar Mahkamasi litsenziyani bekor qilish to‘g‘risida qaror qabul qilishga haqlidir.
19. Litsenziya berish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 17-moddasida nazarda tutilgan asoslar bo‘yicha rad etilishi mumkin.
Litsenziya talabgori ishchi organning litsenziya berishni rad etilishi to‘g‘risidagi qarori, shuningdek ishchi organ mansabdor shaxsining xatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.
20. Litsenziya berish rad etilishi to‘g‘risida qaror qabul qilingan taqdirda rad etish to‘g‘risidagi bildirishnoma litsenziya talabgoriga rad etishning aniq sabablari va litsenziya talabgori ko‘rsatib o‘tilgan sabablarni bartaraf etib hujjatlarni takroran ko‘rib chiqishga taqdim etishi uchun yetarli bo‘lgan muddat ko‘rsatilgan holda yozma shaklda yuboriladi (topshiriladi).
Keyingi tahrirga qarang.
21. Litsenziya talabgori tomonidan litsenziya berish rad etilishiga asos bo‘lgan sabablar bartaraf etilgan taqdirda, hujjatlarni takroran ko‘rib chiqish litsenziya talabgorining arizasi barcha zarur hujjatlar bilan birgalikda olingan kundan boshlab o‘n kundan ortiq bo‘lmagan muddatda amalga oshiriladi.
Bunda ishchi organ hujjatlar takroran taqdim etilgandan keyin uch kun mobaynida ular yuzasidan Kengash yig‘ilishida ko‘rib chiqish uchun ekspert xulosasi tayyorlaydi.
Kengash ekspert xulosasi olingandan keyin to‘rt kun muddatda uni ko‘rib chiqadi va litsenziya talabgoriga litsenziya berish yoki litsenziya berishni rad etish to‘g‘risidagi taklifni Kengashning tegishli qaror protokoli bilan birga Vazirlar Mahkamasiga taqdim etadi.
Vazirlar Mahkamasi Kengash taklifi olingandan keyin uch kundan ortiq bo‘lmagan muddatda uni ko‘rib chiqadi va litsenziya berish yoki litsenziya berishni rad etish to‘g‘risida qaror qabul qiladi.
Litsenziya berish rad etilganligi to‘g‘risidagi bildirishnomada ko‘rsatilgan muddat o‘tgandan keyin berilgan ariza yangidan berilgan ariza hisoblanadi.
22. Yuridik shaxs — litsenziat qayta tashkil etilgan, uning nomi yoki joylashgan joyi (pochta manzili) o‘zgargan taqdirda, litsenziat yoki uning huquqiy vorisi qayta ro‘yxatdan o‘tkazilgandan keyin bir hafta muddatda ishchi organga ko‘rsatib o‘tilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.
Jismoniy shaxs — litsenziatning familiyasi, ismi, otasining ismi yoki yashash joyi o‘zgargan taqdirda, litsenziat qayta ro‘yxatdan o‘tkazilgandan keyin bir hafta muddatda ishchi organga ko‘rsatib o‘tilgan ma’lumotlarni tasdiqlovchi tegishli hujjatlar ilova qilingan holda litsenziyani qayta rasmiylashtirish to‘g‘risida ariza berishi shart.
Keyingi tahrirga qarang.
Keyingi tahrirga qarang.
23. Litsenziat litsenziya qayta rasmiylashtirilgunga qadar unda ko‘rsatilgan faoliyatni ilgari berilgan litsenziya asosida amalga oshiradi.
24. Litsenziyani qayta rasmiylashtirishda ishchi organ litsenziyalar reyestriga tegishli o‘zgartirishlar kiritadi. Litsenziyalarni qayta rasmiylashtirish ishchi organ tomonidan tegishli hujjatlar ilova qilingan holda litsenziyalarni qayta rasmiylashtirish to‘g‘risida ariza olingan kundan boshlab besh kun mobaynida amalga oshiriladi.
Litsenziyalarni qayta rasmiylashtirishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi ishchi organ hisob raqamiga o‘tkaziladi.
25. Litsenziyaning amal qilish muddatini uzaytirish litsenziatning arizasiga ko‘ra amalga oshiriladi.
Litsenziyaning amal qilish muddatini uzaytirish to‘g‘risidagi ariza ishchi organga litsenziyaning amal qilish muddati o‘tgunga qadar ikki oydan kechikmay berilishi kerak.
Litsenziyaning amal qilish muddatini uzaytirish litsenziya berish uchun nazarda tutilgan tartibda amalga oshiriladi.
26. Amal qilish muddati o‘tmagan yo‘qolgan yoki yaroqsiz holga kelgan litsenziya o‘rniga litsenziatning arizasiga ko‘ra uning dublikati berilishi mumkin.
Litsenziya dublikati berishda litsenziya talabgorining litsenziya berish to‘g‘risidagi arizasi ko‘rib chiqilganligi uchun to‘lanadigan summaning yarmi miqdorida yig‘im undiriladi. Yig‘im summasi ishchi organ hisob raqamiga o‘tkaziladi.
27. Litsenziya talablari va shartlariga rioya etilishi ustidan nazorat belgilangan tartibda ishchi organ tomonidan amalga oshiriladi.
28. Litsenziya talablari va shartlariga rioya etilishi ustidan nazoratni amalga oshirishda ishchi organ o‘z vakolatlari doirasida quyidagi huquqlarga ega:
litsenziat tomonidan litsenziya talablari va shartlariga rioya etilishini belgilangan tartibda rejali tekshirish;
litsenziya talablari va shartlari litsenziat tomonidan buzilganligidan dalolat beruvchi hollar mavjud bo‘lgan taqdirda litsenziatning ularga rioya etishini belgilangan tartibda rejadan tashqari tekshirish;
litsenziya talablari va shartlariga rioya etilishini tekshirish chog‘ida paydo bo‘ladigan masalalar yuzasidan litsenziatdan zarur axborotni so‘rash va olish;
tekshirishlar natijalari asosida, litsenziya talablari va shartlarining aniq buzilishlarini ko‘rsatgan holda dalolatnomalar (ma’lumotnomalar) tuzish;
litsenziatga aniqlangan buzilishlarini bartaraf etish majburiyatini yuklovchi qarorlar chiqarish, bunday buzilishlarni bartaraf etish muddatlarini belgilash;
litsenziyaning amal qilishini to‘xtatib turish va to‘xtatish yoki uni bekor qilish to‘g‘risidagi taklifni ko‘rib chiqish uchun litsenziyalovchi organga kiritish;
xo‘jalik yurituvchi subyektlar tomonidan faoliyatni litsenziyasiz amalga oshirish hollari aniqlangan taqdirda materiallarni qonun hujjatlarida belgilangan choralar ko‘rish uchun belgilangan tartibda soliq organlariga yuborish.
29. Litsenziya talablari va shartlariga rioya etilishini tekshirishda ishchi organ xodimlari tomonidan ikki nusxada dalolatnoma tuziladi, ularning bittasi litsenziatga beriladi, ikkinchi nusxasi litsenziyalovchi organda qoladi.
Kengash yoki ishchi organ qaroriga ko‘ra litsenziya talablari va shartlariga rioya etilishi yuzasidan tekshirishlar o‘tkazish uchun tegishli tashkilotlar mutaxassislari jalb qilinishi mumkin.
30. Litsenziyaning amal qilishini to‘xtatib turish, to‘xtatish va litsenziyani bekor qilish “Faoliyatning ayrim turlarini litsenziyalash to‘g‘risida”gi O‘zbekiston Respublikasi Qonunining 22—24-moddasida nazarda tutilgan hollarda va tartibda litsenziyalovchi organ tomonidan amalga oshiriladi.
31. Litsenziyalovchi organning litsenziyaning amal qilishini to‘xtatib turish, to‘xtatish va litsenziyani bekor qilish to‘g‘risidagi qarori yuzasidan sudga shikoyat qilinishi mumkin. Litsenziyalovchi organ qarori asossiz ekanligi sud tomonidan e’tirof etilgan taqdirda, litsenziyalovchi organ litsenziat oldida litsenziat ko‘rgan zarar miqdorida javob beradi.
Keyingi tahrirga qarang.
litsenziyaning umuman faoliyat turiga yoki uning bir qismiga berilganligi to‘g‘risidagi ma’lumotlar;
litsenziyani qayta rasmiylashtirish, ularning amal qilish muddatini uzaytirish, to‘xtatib turish va tiklashning asoslari va sanasi;
33. Litsenziyalar reyestridagi ma’lumotlar ular bilan yuridik va jismoniy shaxslarning tanishishi uchun ochiq hisoblanadi. Ular ishchi organdan to‘lov asosida reyestrdan ko‘chirma sifatida aniq litsenziatlar to‘g‘risida axborot olishlari mumkin.
Litsenziyalar reyestridan ma’lumot berilganligi uchun eng kam oylik ish haqining yarmi miqdoridagi to‘lov ishchi organ hisob raqamiga o‘tkaziladi.
Keyingi tahrirga qarang.
34. Reyestrdan axborot berish muddati tegishli ariza berilgan sanadan boshlab uch kundan ortiq bo‘lishi mumkin emas (axborot berilganligi uchun to‘lov to‘langanligi to‘g‘risida hujjat taqdim etilgan taqdirda).
Keyingi tahrirga qarang.
35. Kinovideomahsulotlarni ishlab chiqarish, ko‘paytirish, dublyaj qilish, sotish va ularning prokati bo‘yicha faoliyat turlarini amalga oshirish huquqi uchun litsenziya berilganligi uchun to‘lov kunida qonun hujjatlarida belgilangan eng kam oylik ish haqining o‘n baravari miqdorida davlat boji undiriladi.
Litsenziya talabgorining arizasiga ko‘ra litsenziya besh yildan kam muddatga berilgan va besh yildan kam muddatga muddati uzaytirilgan taqdirda davlat boji miqdori litsenziyaning amal qilish muddatiga mutanosib ravishda kamayadi.
Kinovideomahsulotlarni ishlab chiqarish, ko‘paytirish, dublyaj qilish, sotish va ularning prokati bo‘yicha faoliyat turlarini litsenziyalash to‘g‘risidagi nizomga
ILOVA
ILOVA
Keyingi tahrirga qarang.