LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Ichki bozorni yuqori sifatli bolalar oziq-ovqat mahsulotlari bilan to‘ldirish, ular narxlarining asossiz ravishda oshishiga yo‘l qo‘ymaslik va aholining ijtimoiy muhofaza qilinishini ta’minlash maqsadida Vazirlar Mahkamasi qaror qiladi:
1. “Nestle—O‘zbekiston” qo‘shma korxonasi ishlab chiqarayotgan bolalar sut mahsulotlari, ko‘rsatib o‘tilgan qo‘shma korxona tomonidan ishlab chiqarilgan bolalar sut mahsulotlari oxirgi iste’molchi uchun ishlab chiqaruvchi korxonaning ulgurji-sotish narxiga ko‘pi bilan 25 foiz miqdorida cheklangan savdo ustamasi qo‘llangan holda sotilgan taqdirda qo‘shilgan qiymat solig‘idan 2003-yil 1-yanvardan boshlab ozod qilinsin.
Keyingi tahrirga qarang.
2. O‘zbekiston Respublikasi Moliya vazirligi Monopoliyadan chiqarish va raqobatni rivojlantirish davlat qo‘mitasi, Davlat soliq qo‘mitasi bilan birgalikda Savdo tashkilotlari tomonidan “Nestle-O‘zbekiston” qo‘shma korxonasi ishlab chiqarayotgan bolalar sut mahsulotlariga cheklangan savdo ustamalarini qo‘llash tartibi to‘g‘risidagi nizomni bir hafta muddatda ishlab chiqsin va belgilangan tartibda tasdiqlasin.
3. O‘zbekiston Respublikasi Davlat soliq qo‘mitasi Monopoliyadan chiqarish va raqobatni rivojlantirish davlat qo‘mitasi bilan birgalikda “Nestle—O‘zbekiston” qo‘shma korxonasi ishlab chiqarayotgan bolalar sut mahsulotlariga chakana sotish narxlarini shakllantirishda belgilangan cheklangan savdo ustamalariga savdo korxonalari tomonidan rioya etilishi ustidan qattiq nazoratni ta’minlasin.
Keyingi tahrirga qarang.