Oltin qazib olish sanoatini boshqarish tuzilmasini takomillashtirish, qimmatbaho metallar qazib olish, ularni qayta ishlash va tayyor mahsulot ishlab chiqarish bo‘yicha mukammal siklni shakllantirish, tarmoq korxonalarini rekonstruksiya qilish va rivojlantirishga xorijiy investitsiyalarni jalb etish uchun qulay shart-sharoitlar yaratish maqsadida Vazirlar Mahkamasi qaror qiladi:
1. O‘zbekiston oltin qazib olish va olmosga ishlov berish korxonalari uyushmasi (“O‘zolmosoltin”)ning muassislari tomonidan uni tugatish to‘g‘risida qaror qabul qilinganligi ma’lumot uchun qabul qilinsin.
“O‘zolmosoltin” uyushmasi muassislarining 1-ilovaga* muvofiq tarkibda tugatish komissiyasi tashkil etish to‘g‘risidagi taklifiga rozilik berilsin.
2. Navoiy KMK va “Olmaliq KMK” ochiq aksiyadorlik jamiyati tarkibiga 2-ilovaga* muvofiq davlat korxonalari tarkibiy bo‘linmalar maqomi bilan kiritilsin, ular tegishli ravishda mustaqil yuridik shaxs sifatida tugatilsin.
3. Ilgari “O‘zolmosoltin” uyushmasi tarkibiga kirgan “O‘zsanoatavtomatika” MChJ “Olmaliq KMK” ochiq aksiyadorlik jamiyati ixtiyoriga berilsin.
4. Tugatish komissiyasi ilgari “O‘zolmosoltin” uyushmasi tarkibiga kirgan 3-ilovaga* muvofiq korxonalarni tugatsin.
4-ilovaga* muvofiq aksiyadorlik jamiyatlari aksiyalarining davlatga tegishli paketlarini “Olmaliq KMK” ochiq aksiyadorlik jamiyatiga ishonchli boshqaruvga bersin;
Keyingi tahrirga qarang.
2002-yilda Toshkent viloyatida joylashgan “Oltin Yombi” pansionatining xususiylashtirilishini ta’minlasin.
6. O‘zbekiston Respublikasi Makroiqtisodiyot va statistika vazirligi, Moliya vazirligi, Tashqi iqtisodiy aloqalar vazirligi, boshqa vazirliklar va idoralar oltin qazib olish tarmog‘ida mazkur qarorda nazarda tutilgan tashkiliy o‘zgartirishlardan kelib chiqqan holda 2002-yil uchun tasdiqlangan moddiy-qiymat balanslari ko‘rsatkichlariga o‘n kun muddatda tegishli o‘zgartirishlar kiritsinlar.
9. “Sanoatkontexnazorat” agentligi, O‘zbekiston Respublikasi Davlat geologiya va mineral resurslar qo‘mitasi, Moliya vazirligi huzuridagi Qimmatbaho metallar va qimmatbaho toshlar qo‘mitasi Navoiy KMK va “Olmaliq KMK” ochiq aksiyadorlik jamiyati bilan birgalikda:
Keyingi tahrirga qarang.
yer osti boyliklaridan oqilona foydalanish maqsadida berilgan zaxiralarning to‘liq qayta ishlanishi va oltin konlarini razvedka qilish va ulardan foydalanish bo‘yicha ma’lumotlarning muntazam taqqoslab borilishi ustidan nazoratni ta’minlasinlar;
texnik-iqtisodiy ko‘rsatkichlar tahlili o‘tkazilgandan keyin tarkibida oltin bo‘lgan rudalarni qazib olish va oltin ajratish fabrikalarida oltinni ajratib olish vaqtidagi yo‘qotishlar, tabiiy kamayishlar normativlarini belgilangan tartibda tasdiqlasinlar.
O‘zbekiston Respublikasi Vazirlar Mahkamasining “O‘zbekiston oltin qazib olish va olmosga ishlov berish korxonalari (“O‘zolmosoltin”) uyushmasini tashkil etish va uning faoliyati masalalari to‘g‘risida” 1994-yil 19-martdagi 150-son qarori;
O‘zbekiston Respublikasi Vazirlar Mahkamasining “Vazirlar Mahkamasining “O‘zbekiston oltin qazib olish va olmosga qayta ishlov berish korxonalari (“O‘zolmosoltin”) uyushmasini tashkil etish va uning faoliyati masalalari to‘g‘risida” 1994-yil 19-martdagi 150-son qaroriga o‘zgartirishlar kiritish to‘g‘risida” 1998-yil 20-apreldagi 165-son qarori;
Vazirlar Mahkamasining “1999-2000-yillarda xususiylashtirishni chuqurlashtirish va davlat mulkini sotishdan davlat budjetiga mablag‘lar tushishini ko‘paytirish chora-tadbirlari to‘g‘risida” 1998-yil 17-dekabrdagi 525-son qaroriga 8-ilovaning 6-bandi o‘z kuchini yo‘qotgan deb hisoblansin.
11. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S.Azimov zimmasiga yuklansin.