Mamlakatda investitsiya muhitini yanada yaxshilash, xususiylashtirish, ishlab chiqarishni modernizatsiya qilish, texnik jihatdan qayta jihozlash va rekonstruksiya qilish, respublikaning ortiqcha ishchi kuchi mavjud bo‘lgan mintaqalarida yangi ish joylarini yaratish dasturlarini amalga oshirishga to‘g‘ridan to‘g‘ri xususiy xorijiy investitsiyalarni keng jalb etish, shuningdek xorijiy investorlar uchun ishonchli huquqiy himoya va kafolatlarni ta’minlash maqsadida:
1. 2005-yilning 1-iyulidan boshlab to‘g‘ridan to‘g‘ri xususiy xorijiy investitsiyalarni jalb etadigan iqtisodiyot tarmoqlari (ilovaga muvofiq) korxonalari asosiy faoliyati bo‘yicha daromad (foyda) solig‘i, mulk solig‘i, ijtimoiy infratuzilmani rivojlantirish va hududlarni obodonlashtirish solig‘i, ekologiya solig‘i, mikrofirma va kichik korxonalar uchun belgilangan yagona soliq to‘lashdan, shuningdek Respublika yo‘l jamg‘armasiga majburiy ajratmalar to‘lashdan ozod qilinsin.
Keyingi tahrirga qarang.
Belgilansinki, to‘g‘ridan to‘g‘ri xususiy xorijiy investitsiyalar hajmi quyidagicha bo‘lganda mazkur soliq imtiyozlari beriladi:
Keyingi tahrirga qarang.
2. Ushbu Farmonning 1-bandida ko‘rsatilgan soliq imtiyozlari quyidagi shartlar asosida qo‘llanilishi belgilab qo‘yilsin:
mazkur korxonalarni ortiqcha ishchi kuchi bo‘lgan mintaqalar — Qoraqalpog‘iston Respublikasi, Jizzax, Qashqadaryo, Sirdaryo, Surxondaryo, Xorazm viloyatlarida, shuningdek Navoiy, Andijon, Namangan va Farg‘ona viloyatlarining qishloq aholi punktlarida joylashtirish;
Keyingi tahrirga qarang.
xorijiy investorlar tomonidan to‘g‘ridan to‘g‘ri xususiy xorijiy investitsiyalarni O‘zbekiston Respublikasining kafolati berilmagan holda amalga oshirish;
korxonaning ustav kapitalida xorijiy ishtirokchilarning ulushi kamida 50 foizni tashkil etishi lozim;
Keyingi tahrirga qarang.
ushbu korxonalar davlat ro‘yxatidan o‘tkazilgandan keyin to‘g‘ridan to‘g‘ri xususiy xorijiy investitsiyalarni kiritish;
Keyingi tahrirga qarang.
xorijiy investitsiyalarni erkin almashtiriladigan valyuta yoki yangi zamonaviy texnologik uskuna tarzida qo‘yish;
mazkur imtiyozlarni qo‘llanish muddati davomida imtiyozlardan olingan daromadni korxonani yanada rivojlantirish maqsadida qayta investitsiyalashga yo‘naltirish.
Keyingi tahrirga qarang.
Keyingi tahrirga qarang.
3. O‘zbekiston Respublikasi Vazirlar Mahkamasi huzuridagi Xorijiy investitsiyalar va kreditlar masalalari bo‘yicha idoralararo Kengash zimmasiga to‘g‘ridan to‘g‘ri xususiy xorijiy investitsiyalar jalb etiladigan korxonalarning ushbu Farmon ilovasida ko‘rsatilgan iqtisodiyot tarmoqlariga taalluqli ekanini aniqlash vazifasi yuklatilsin.
Keyingi tahrirga qarang.
Keyingi tahrirga qarang.
xorijiy investitsiyalar ishtirokidagi korxonalar tomonidan O‘zbekiston Respublikasining kafolatisiz jalb etiladigan uzoq muddatli kreditlar bo‘yicha foizlar daromad (foyda) solig‘ini hisoblashda soliqqa tortiladigan bazaga kiritilmaydi;
xorijiy investitsiyalar ishtirokida yangi tashkil etiladigan korxonalarning asosiy faoliyatdan ko‘radigan zararlari 5 yil muddat ichida soliqqa tortiladigan daromad hisobidan to‘lash uchun hisobot davridan keyingi yillarga teng ulushlar bilan taqsimlanadi;
keyingi qonun hujjatlarida investitsiyalash shart-sharoitlari yomonlashgan taqdirda mazkur Farmonning 1-bandidagi imtiyozlar qancha muddatga berilgan bo‘lsa, ana shu muddat mobaynida amal qiladi.
Keyingi tahrirga qarang.
5. Ushbu Farmonning 1-bandiga muvofiq imtiyoz olgan korxonalar shunday imtiyoz berilgan muddat tugashidan keyin bir yil barvaqtroq faoliyatini to‘xtatgan taqdirda foydani o‘z mamlakatiga o‘tkazish va xorijiy investorning kapitalini chet elga olib chiqib ketish faqat berilgan imtiyozlar summasini budjetga qaytargandan keyin amalga oshiriladi.
6. O‘zbekiston Respublikasi Moliya vazirligi Davlat soliq qo‘mitasi, Iqtisodiyot vazirligi, Savdo-sanoat palatasi bilan birgalikda bir oy muddatda ushbu Farmonda belgilangan to‘g‘ridan to‘g‘ri xususiy xorijiy investitsiyalar uchun soliq imtiyozlarini qo‘llash tartibi to‘g‘risidagi nizomni ishlab chiqsin va belgilangan tartibda tasdiqlasin.
Keyingi tahrirga qarang.
xorijiy investorlarga to‘lanadigan, dividend tarzida olinadigan daromadlarga soliq miqdori (stavkalari) ko‘payishi;
Keyingi tahrirga qarang.
xorijiy investorning chet elga o‘tkaziladigan daromadlari (foydasi)ni o‘z mamlakatiga qaytarish tartibotini murakkablashtiruvchi yoki ularning miqdorini kamaytiruvchi qo‘shimcha talablar joriy etilishi, bunda davlat xorijiy investitsiyalar ishtirokidagi korxonaning to‘lovga qobiliyatsizligi va bankrotligi yoki kredit beruvchilarning huquqlarini himoya qilish, xorijiy investor — jismoniy shaxs sodir etgan jinoiy qilmish yoki ma’muriy huquqbuzarlik hollarida yoxud sud yoki hakamlikning qaroriga muvofiq daromad (foyda)ni o‘z mamlakatiga qaytarishni to‘xtatib turishning boshqa zarurati bo‘lganda xorijiy investor mablag‘larini qonun hujjatlarini kamsitmaydigan tarzda qo‘llash shartlari asosida o‘z mamlakatiga qaytarilishini to‘xtatib turish hollari mustasno;
investitsiyalarning miqdori bo‘yicha investitsiyalash hajmlariga miqdoriy cheklashlar hamda boshqa qo‘shimcha talablar, shu jumladan xorijiy investitsiyalar ishtirokidagi korxonalarda xorijiy investitsiyalarning minimal miqdorini ko‘paytirish tarzidagi talablar joriy etilishi;
respublika korxonalarining ustav jamg‘armalarida xorijiy investorning ulush bilan ishtirok etishi bo‘yicha cheklashlar joriy etilishi;
xorijiy investorlarning vizalarini rasmiylashtirish va uzaytirish borasidagi qo‘shimcha tartibotlar, shuningdek xorijiy investitsiyalarni amalga oshirish bo‘yicha boshqa qo‘shimcha talablar joriy etilishi.
Keyingi tahrirga qarang.
Bunda, yuqorida ko‘rsatilgan barcha investitsiyalash shart-sharoitlari yomonlashgan taqdirda xorijiy investor mazkur kafolatni qo‘llash to‘g‘risida tegishli vakolatli organni xabardor qilishi nazarda tutilsin.
Keyingi tahrirga qarang.
9. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda mazkur Farmon qabul qilinishi munosabati bilan amaldagi qonunchilik hujjatlariga o‘zgartirish va qo‘shimchalar kiritish to‘g‘risida Vazirlar Mahkamasiga takliflar kiritsin.
10. Ushbu Farmonning ijrosini nazorat qilish O‘zbekiston Respublikasi Bosh vazirining birinchi o‘rinbosari R. Azimov zimmasiga yuklatilsin.
1. Radioelektron sanoati buyumlari hamda kompyuter va hisoblash texnikasi butlovchi buyumlarini ishlab chiqarish.
O‘zbekiston Respublikasi Prezidentining 2005-yil 24-martdagi PF-3586-sonli Farmoni 1a-ilovasida ko‘rsatilgan qurilish materiallarining yangi turlarini ishlab chiqarish.
mahalliy xomashyodan sanoat miqyosida qayta ishlangan tayyor oziq-ovqat mahsulotlari ishlab chiqarish (alkogolli, alkogolsiz ichimliklar va tamaki mahsulotlari bundan mustasno).
Keyingi tahrirga qarang.