LexUZ sharhi
Mazkur qaror O‘zbekistan Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
Xususiy tadbirkorlikni yanada rag‘batlantirish, ichki bozorni neft mahsulotlari bilan to‘ldirish, bozor munosabatlarini shakllantirish maqsadida Vazirlar Mahkamasi qapop qiladi:
1. O‘zbekiston Respublikasi Davlat mulki qo‘mitasi, “O‘zdavneftmahsulot” birlashmasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining 1995-yil mobaynida respublikaning aholiga avtomobil yonilg‘isini naqd pulga sotuvchi ishlab turgan 158 ta avtomobil yonilg‘isi quyish shoxobchalarini xususiylashtirish to‘g‘risidagi taklifi ilovaga* muvofiq qabul qilinsin.
2. O‘zbekiston Respublikasi Davlat mulki qo‘mitasi “O‘zdavneftmahsulot” birlashmasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda avtomobil yonilg‘isi quyish shoxobchalarini ular joylashgan yer maydonlari bilan birgalikda jismoniy va yuridik shaxslarga, shu jumladan xorijiy jismoniy va yuridik shaxslarga, mablag‘lar manbai to‘g‘risida deklaratsiya talab qilmasdan, kimoshdi savdolarida va tanlov asosida sotsinlar.
3. Avtomobil yonilg‘isi quyish shoxobchalarini sotishdan tushgan mablag‘, sotish narxining butun summasini to‘lash uchun bir oy muddat belgilangan holda, Vazirlar Mahkamasining 1994-yil 29-apreldagi 228-son qarori bilan tasdiqlangan kimoshdi savdosida va tanlovlarda sotiladigan davlat mulkiga haq to‘lash, ularni taqsimlash va ulardan foydalanish tartibi to‘g‘risidagi vaqtinchalik vaqtinchalik nizomga muvofiq taqsimlansin.
4. Belgilab qo‘yilsinki, xususiylashtirilgan avtomobil yonilg‘isi quyish shoxobchalarida ularning egalari tomonidan to‘g‘ridan to‘g‘ri shartnomalar bo‘yicha O‘zbekiston Respublikasi tashqarisidan keltiriladigan yoki tovar-xomashyo birjalarida xarid qilingan neft mahsulotlari sotiladi.
5. “O‘zdavneftmahsulot” birlashmasi va uning tarkibiga kiruvchi korxonalar va tashkilotlarning xususiylashtirilgan avtomobil yonilg‘isi quyish shoxobchalari egalariga neft mahsulotlari berishi taqiqlansin.
6. Xususiylashtirilgan avtomobil yonilg‘isi quyish shoxobchalari egalariga belgilangan tartibda O‘zbekiston Respublikasi tashqarisidan xarid qilinadigan neft mahsulotlarini, muomala chiqimlarini va rentabellikning chegaralangan 30 foizli darajasini hisobga olgan holda, sotib olish narxlarida sotishga ruxsat berilsin.
Keyingi tahrirga qarang.
7. Xususiylashtirilgan xususiy avtomobil yonilg‘isi quyish shoxobchalarining ishi Vazirlar Mahkamasining 1994-yil 9-iyundagi 290-son qarori bilan tasdiqlangan Xususiylashtirilgan xususiy avtoyonilg‘i quyish shoxobchalarining ishlash tartibi to‘g‘risidagi vaqtinchalik nizomga muvofiq amalga oshirilsin.
8. Davlat soliq qo‘mitasi (Gataulin), Ichki ishlar vazirligi (Almatov), Davlat tabiatni muhofaza qilish qo‘mitasi (Habibullayev), “O‘zdavstandart” markazi (Asriyans) xususiylashtirilgan avtomobil yonilg‘isi quyish shoxobchalari egalarining neft mahsulotlari sotib olish, qabul qilish, saqlash, sotish va hisobga olish, texnika va yong‘in xavfsizligi, atrof muhitni muhofaza qilish, sotiladigan neft mahsulotlari sifatiga, shuningdek Nizomning 7-bandida ko‘rsatilgan qoidalarga rioya etishlari ustidan qattiq nazorat o‘rnatsinlar.
Keyingi tahrirga qarang.
9. O‘zbekiston Respublikasi Adliya vazirligi bir oy muddatda qonunchilikka mazkur qarordan kelib chiquvchi o‘zgartirish va qo‘shimchalar kiritish to‘g‘risidagi takliflarni Vazirlar Mahkamasiga taqdim etsin.