Vazirlar Mahkamasi qaror qiladi:
O‘zbekiston Respublikasi Vazirlar Mahkamasining “Avtomobilda xorijiy yuk tashuvchilarning O‘zbekiston Respublikasi hududiga kirishlari, bo‘lishlari, yuk olib o‘tishlari va undan chiqib ketishlari tartibi to‘g‘risida” 1995-yil 11-yanvardagi 11-son qaroriga o‘zgartirish kiritilib, 5-band quyidagi tahrirda bayon qilinsin:
“Avtomobil vositalarining O‘zbekiston Respublikasi hududiga kirish hujjatlarini rasmiylashtirganlik uchun stavka hamda hududga kirganlik uchun olinadigan to‘lov, viza va boj yig‘imlaridan tashqari, 100 AQSh dollari miqdorida belgilansin.
Yig‘imlarni undirish bevosita bojxona postlarida bank bo‘limlari tomonidan amalga oshiriladi va olingan mablag‘lar AQSh dollarida Respublika yo‘l fondining valyuta schyotiga o‘tkaziladi.
O‘zbekiston Respublikasi hududiga kirish hujjatlarini rasmiylashtirish, hududga kirganlik uchun yig‘imlarning to‘langanligini nazorat qilish O‘zbekiston Respublikasi Davlat soliq qo‘mitasining bojxona xizmati organlari tomonidan amalga oshiriladi.
Belgilab qo‘yilsinki, tushgan valyuta mablag‘lari “O‘zavtoyo‘l” davlat konserni tomonidan tranzit magistral yo‘llarni tuzatish va saqlash uchun chet ellarda ishlab chiqarilgan yo‘l texnikasi, asbob-uskunalar, texnologiyalar va materiallarni sotib olish, shuningdek, chet ellarda yoki xorijiy firmalar mutaxassislarini respublikaga taklif etgan holda malakali kadrlar tayyorlash maqsadida foydalaniladi”.