O‘. Barnoyev | — | Buxoro viloyati hokimi, Kengash raisi |
B. Shaxriyorov | — | Buxoro viloyati hokimining o‘rinbosari, Kengash raisining o‘rinbosari |
K. Kamolov | — | Buxoro shahar hokimi |
H. Davlatov | — | Buxoro viloyat qurilish bosh boshqarmasi boshlig‘i |
B. Adilov | — | Buxoro viloyat moliya bosh boshqarmasi boshlig‘i |
T. Ochilov | — | Buxoro viloyat adliya boshqarmasi boshlig‘i |
I. Jo‘rayev | — | Buxoro viloyat iqtisodiyot va sanoat bosh boshqarmasi boshlig‘i |
Sh. Ashurov | — | Buxoro viloyat davlat soliq boshqarmasi boshlig‘i |
D. Salimov | — | Buxoro viloyat bojxona boshqarmasi boshlig‘i |
Sh. Xakimov | — | Buxoro viloyat markaziy bank bosh boshqarmasi boshlig‘i |
N. Kenjayev | — | Buxoro viloyat yer resurslari va davlat kadastri boshqarmasi boshlig‘i |
O‘. Hamroyev | — | Davlat aktivlarini boshqarish agentligi Buxoro viloyat boshqarmasi boshlig‘i |
B. Toshev | — | “Qurilishloyiha” MChJ direktori |
lavozimiga ko‘ra | — | “Bukhara City” majmuasi hududida obyektlarni qurish va ulardan foydalanish direksiyasi direktori |
M. G‘aybullayev | — | Buxoro viloyati hokimligi apparati kotibiyat mudiri — kengash kotibi. |
O‘zbekiston Respublikasi Vazirlar Mahkamasining qarori, 08.07.2019 yildagi 565-son
Кучга кириш санаси
09.07.2019
Рус
Ўзб
O’zb
O‘zb|Рус
Buxoro shahrining me’moriy qiyofasini yanada yaxshilash va obodonlashtirish, uning xorijiy va mahalliy investorlar uchun jozibadorligini oshirish, shuningdek shaharning turizm salohiyatidan samarali foydalanish, zamonaviy biznes, moliyaviy va turistik infratuzilmalarning jadal rivojlanishini ta’minlash hamda servis xizmatlari turlari va sifatini oshirish maqsadida Vazirlar Mahkamasi qaror qiladi:
1. O‘zbekiston Respublikasi Qurilish vazirligi, Iqtisodiyot va sanoat vazirligi, Investitsiyalar va tashqi savdo vazirligi hamda Buxoro viloyati hokimligining:
Buxoro shahrining Hofiz Tanish Buxoriy, Zulfiya, Qayum Murtazoyev, Ibrohim Mo‘minov va Sanoatchilar ko‘chalariga tutash hududlarda samarasiz foydalanilayotgan obyektlar, bino va inshootlar egallagan jami 83 gektar maydonda “Bukhara City” zamonaviy ishbilarmonlik va turar joylar markazini (keyingi o‘rinlarda “Bukhara City” majmuasi deb ataladi) barpo qilish;
Buxoro viloyati hokimligi huzurida “Bukhara City” majmuasi hududida obyektlar qurilishini muvofiqlashtirish va nazorat qilish uchun davlat unitar korxonasi shaklidagi “Bukhara City” hududida obyektlarni qurish va ulardan foydalanish direksiyasini (keyingi o‘rinlarda Direksiya deb ataladi) tashkil etish to‘g‘risidagi taklifi ma’qullansin.
2. Buxoro shahrida “Bukhara City” majmuasini barpo qilish jarayonida zarur tadbirlarni tashkillashtirish va investitsiya loyihalarini ko‘rib chiqish bo‘yicha viloyat kengashi (keyingi o‘rinlarda Kengash deb ataladi) tarkibi ilovaga muvofiq tasdiqlansin.
“Bukhara City” majmuasini barpo qilish jarayonini tartibga solish va muvofiqlashtirish ustidan nazoratni amalga oshirish;
investitsiya loyihalarini ko‘rib chiqish, tanlash va ularni “Bukhara City” majmuasi hududida amalga oshirish uchun joylashtirish bo‘yicha tegishli qarorlar qabul qilish;
muhandislik-kommunikatsiya va transport infratuzilmasini qurish bo‘yicha loyihalarning o‘z vaqtida amalga oshirilishini ta’minlash;
“Bukhara City” majmuasini barpo etish bo‘yicha yuzaga keladigan masalalarni hal etishda investorlarga (tashabbuskorlarga) amaliy yordam ko‘rsatish;
b) Direksiya faoliyati O‘zbekiston Respublikasi Prezidentining 2018-yil 2-avgustdagi “Respublika hududlarida “Business city” zamonaviy ishbilarmonlik markazlarini tashkil etish chora-tadbirlari to‘g‘risida” PQ-3895-son qarorining 3-bandida belgilangan asosiy vazifalarga muvofiq tashkil etiladi.
4. “Bukhara City” majmuasining shaharsozlik hujjatlarini ishlab chiqish va uning hududida, jumladan:
Buxoro tarixi muzeyi, ilmiy markaz, xalqaro konferensiya va forumlar o‘tkazish uchun “Ekspomarkaz”, kinoteatr, teatr, kutubxona, sport-sog‘lomlashtirish obyektlari hamda ijtimoiy soha obyektlarini barpo qilish ishlari O‘zbekiston Respublikasining respublika budjeti va viloyat mahalliy budjetining qo‘shimcha manbalari hamda qonun hujjatlarida taqiqlanmagan boshqa manbalar;
xususiy obyektlar, shuningdek biznes markazi, mehmonxonalar, banklar, ofislar, savdo-maishiy shoxobchalar, turar joy binolari va boshqa obyektlarni qurish ishlari investorlarning mablag‘lari, grantlar, kreditlar, homiylik xayriyalari va qonun hujjatlarida taqiqlanmagan boshqa manbalar hisobidan amalga oshiriladi.
5. Direksiya Buxoro shahri Ibrohim Mo‘minov ko‘chasi 2-uy manzilidagi binoda tekin foydalanish huquqi bilan joylashtirilsin.
Direksiyani saqlash xarajatlari Kengash tomonidan tasdiqlangan xarajatlar smetasiga muvofiq, shartnoma asosida investorlardan tushadigan mablag‘lar, mahalliy budjet mablag‘lari hamda qonun hujjatlarida taqiqlanmagan boshqa manbalar hisobidan amalga oshiriladi.
“Bukhara Sity” majmuasining bosh rejasini ilg‘or xorijiy tajribalar asosida har tomonlama mukammal tayyorlash uchun loyiha menejeri sifatida Buxoro viloyati hokimligi bilan o‘zaro manfaatli hamkorlik prinsiplari asosida tuziladigan kelishuvlarga muvofiq Turkiyaning “Studio Vertebra” kompaniyasi va qurilish sohasida boshqa yetakchi loyihalash tashkilotlari jalb qilinadi;
“Bukhara Sity” majmuasini barpo qilish loyihasini ishlab chiqishda uning hududida Buxoro tarixi muzeyi, ilmiy markaz, xalqaro konferensiya va forumlar o‘tkazish uchun “Ekspomarkaz”, kinoteatr, teatr, kutubxona, biznes markazi, mehmonxonalar, banklar, ofislar, savdo-maishiy shoxobchalar, sport-sog‘lomlashtirish obyektlari, turar joy binolari va boshqa zamonaviy obyektlarni joylashtirishga ustuvorlik beriladi;
Oldingi tahrirga qarang.
“Bukhara City” majmuasi hududida obyektlar qurish uchun yer uchastkalarini elektron onlayn-auksion orqali realizatsiya qilish O‘zbekiston Respublikasi Prezidentining 2018-yil 2-avgustdagi “Respublika hududlarida “Business city” zamonaviy ishbilarmonlik markazlarini tashkil etish chora-tadbirlari to‘g‘risida”gi PQ-3895-son qarorining 2-bandida belgilangan tartibda amalga oshiriladi;
(6-bandning to‘rtinchi xatboshisi O‘zbekiston Respublikasi Prezidentining 2022-yil 18-maydagi PQ-247-sonli qarori tahririda — Qonunchilik ma’lumotlari milliy bazasi, 19.05.2022-y., 07/22/247/0428-son)
Direksiyaga loyihalashtirish shartlarini, qurilish-montaj ishlarini amalga oshirish, tovarlar (ishlar, xizmatlar) xaridlarini amalga oshirish usullarini mustaqil tanlash, shuningdek, eng yaxshi takliflarni tanlash natijalari bo‘yicha tanlov asosida ishlarni bajaruvchilarni, loyiha tashkilotlarini belgilash huquqi beriladi;
“Bukhara Sity” majmuasi hududidagi davlat mulki obyektlarini buzib sotishdan tushadigan mablag‘lar istisno tariqasida Direksiya hisobiga o‘tkaziladi hamda keyinchalik mazkur hududdagi obyektlarni buzish bo‘yicha xususiy mulk egalariga yetkazilgan zarar va kompensatsiya to‘lovlarini to‘lashga yo‘naltiriladi;
yer uchastkalarining olib qo‘yilishi, binolar va inshootlar (keyingi o‘rinlarda obyektlar deb ataladi) buzilishi sababli xususiy mulk egalariga yetkazilgan zarar Buxoro viloyati hokimligi huzuridagi Davlat va jamiyat ehtiyojlari uchun yer uchastkalarining olib quyilishi munosabati bilan jismoniy va yuridik shaxslarga yetkazilgan zararlarni qoplash bo‘yicha jamg‘arma mablag‘lari hisobidan qoplanadi;
Oldingi tahrirga qarang.
investorlarga yangi obyektlarni barpo qilish uchun berilayotgan yer uchastkalari hududidagi obyektlarni buzish bilan bog‘liq zarar Direksiya mablag‘lari hisobidan qoplanadi;
(6-bandning sakkizinchi xatboshisi O‘zbekiston Respublikasi Prezidentining 2022-yil 18-maydagi PQ-247-sonli qarori tahririda — Qonunchilik ma’lumotlari milliy bazasi, 19.05.2022-y., 07/22/247/0428-son)
Oldingi tahrirga qarang.
er ishlarini bajarish, bino va inshootlardagi muhandislik va transport kommunikatsiyalarini qurish, umumiy foydalanishdagi hududlarni obodonlashtirish, reklama va targ‘ibot tadbirlarini tashkil qilish, taqdimotlar o‘tkazish, shuningdek mahalliy, xorijiy konsalting, arxitektura kompaniyalari xizmatlari uchun to‘lovlar va boshqa xarajatlar homiylik xayriyalari, kreditlar, Buxoro viloyati mahalliy budjetining qo‘shimcha manbalari, Direksiya mablag‘lari va qonun hujjatlarida taqiqlanmagan boshqa manbalar hisobidan qoplanadi.
(6-bandning to‘qqizinchi xatboshisi O‘zbekiston Respublikasi Prezidentining 2022-yil 18-maydagi PQ-247-sonli qarori tahririda — Qonunchilik ma’lumotlari milliy bazasi, 19.05.2022-y., 07/22/247/0428-son)
7. O‘zbekiston Respublikasi Qurilish vazirligi Yer resurslari, geodeziya, kartografiya va davlat kadastri qo‘mitasi hamda Buxoro viloyati hokimligi bilan birgalikda bir oy muddatda belgilangan tartibda “Bukhara Sity” majmuasini barpo qilish bo‘yicha ajratiladigan yer uchastkasi chegaralarini aniq belgilasin va ushbu hududda topografik tasvirga olish ishlarini amalga oshirsin.
O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi, Davlat soliq qo‘mitasi bilan birgalikda o‘n kun muddatda “Bukhara Sity” majmuasi hududida mulkchilik shaklidan qat’i nazar, buziladigan va boshqa joyga ko‘chiriladigan obyektlarning to‘liq xatlovdan o‘tkazilishini hamda mulk huquqini tasdiqlovchi hujjatlar asosida ularning aniq ro‘yxati shakllantirilishini;
“Bukhara Sity” majmuasi joylashtiriladigan hududda buzilishi va boshqa joyga ko‘chirilishi kutilayotgan obyektlarning mulkdorlarini qonun hujjatlarida belgilangan tartibda rasmiy ogohlantirgan holda ularni buzish ishlariga zarur pudratchi va qurilish tashkilotlarini jalb qilish choralari ko‘rilishini hamda bosqichma-bosqich “Bukhara Sity” majmuasi qurilish maydoni tayyorlanishini;
“Bukhara Sity” majmuasi hududida yer uchastkasi olib qo‘yilishi rejalashtirilayotgan manfaatdor shaxslar bilan ochiq muhokama o‘tkazilishini, jismoniy va yuridik shaxslarga tegishli bo‘lgan turar joy va ishlab chiqarish binolari, boshqa imoratlar va inshootlarning buzilishiga ko‘chmas mulkning bozor qiymati va olib qo‘yish sababli mulkdorga yetkazilgan zararning o‘rni to‘liq qoplanishini;
Oldingi tahrirga qarang.
obyektlar buzilishi va boshqa joyga ko‘chirilishi natijasida xususiy mulk egalariga yetkazilgan zarar qonunchilikda belgilangan tartibda qoplab berilishini;
(8-bandning beshinchi xatboshisi O‘zbekiston Respublikasi Prezidentining 2022-yil 18-maydagi PQ-247-sonli qarori tahririda — Qonunchilik ma’lumotlari milliy bazasi, 19.05.2022-y., 07/22/247/0428-son)
“O‘zdonmahsulot” AK bilan kelishgan holda “Bukhara Sity” majmuasi hududida buzilishga tushgan “Buxorodonmahsulotlari” AJga qarashli obyektlarni ko‘chirish va qurish uchun Buxoro shahar hokimligi Obodonlashtirish boshqarmasiga tegishli binolar va inshootlar (sobiq “985-sonli Buxoro ishlar boshqarmasi” AJ bino va inshootlari)ning joylashgan hududi bilan birgalikda “Buxorodonmahsulotlari” AJga ajratilishini ta’minlasin.
Bunda, “Buxorodonmahsulotlari” AJning binolar va inshootlarini boshqa joyga ko‘chirish muddati qisqaligini e’tiborga olib, istisno tariqasida binolar va inshootlarni buzish, qurish hamda uskuna va jihozlarni sotib olishni tender (tanlov) o‘tkazmagan holda, to‘g‘ridan to‘g‘ri shartnomalar asosida amalga oshirilishiga ruxsat berilsin.
12. O‘zbekiston Respublikasi Uy-joy kommunal xizmat ko‘rsatish vazirligi, Energetika vazirligi, “O‘ztransgaz” AJ, Avtomobil yo‘llari qo‘mitasi, Buxoro viloyati hokimligi Direksiya bilan birgalikda “Bukhara Sity” majmuasi hududini tasdiqlangan Bosh rejaga muvofiq zarur infratuzilma, shu jumladan ichimlik suvi va oqova suv, elektr energiyasi, tabiiy gaz, avtomobil yo‘llari hamda irrigatsiya tarmoqlari bilan ta’minlash choralarini ko‘rsin.
ichimlik suvi ta’minoti va oqova tarmoqlarini qurish — Moliya vazirligi huzuridagi Suv ta’minoti va kanalizatsiya tizimlarini rivojlantirish jamg‘armasi mablag‘lari;
majmua hududigacha elektr energiyasi va tabiiy gaz ta’minoti tarmoqlarini qurish — tegishlicha “Hududiy elektr tarmoqlari” AJ va “O‘ztransgaz” AJ mablag‘lari;
majmua hududidagi ichki muhandislik-kommunikatsiya infratuzilma obyektlarini barpo etish investorlarning mablag‘lari hisobidan amalga oshiriladi.
13. O‘zbekiston Respublikasi Investitsiyalar va tashqi savdo vazirligi, Tashqi ishlar vazirligi, Savdo-sanoat palatasi, Turizmni rivojlantirish davlat qo‘mitasi, Buxoro viloyati hokimligi tegishli vazirlik va idoralar bilan birgalikda:
“Bukhara Sity” majmuasi hududida amalga oshiriladigan loyihalarga salohiyatli xorijiy va mahalliy investorlar jalb etilishini;
“Bukhara City” majmuasi hududida barpo etiladigan xalqaro konferensiya va forumlar o‘tkazish uchun “Ekspomarkaz”, shuningdek sport-sog‘lomlashtirish obyektlari va boshqa ijtimoiy soha infratuzilmalarini tasdiqlangan Bosh reja va loyiha-smeta hujjatlari asosida bosqichma-bosqich 2020 — 2022-yillar Investitsiya dasturlariga kiritilishini ta’minlasin.
14. O‘zbekiston Respublikasi Prezidentining 2018-yil 2-avgustdagi “Respublika hududlarida “Business city” zamonaviy ishbilarmonlik markazlarini tashkil etish chora-tadbirlari to‘g‘risida”gi PQ-3895-son qarorining 8, 9, 11, 12 va 13-bandlarining amal qilishi “Bukhara Sity” majmuasi qurilishi loyihasining tegishli qatnashchilariga, shu jumladan Direksiyaga tatbiq etilsin.
15. O‘zbekiston Respublikasi Investitsiyalar va tashqi savdo vazirligi boshqa manfaatdor idoralar bilan birgalikda bir oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida Vazirlar Mahkamasiga taklif kiritsin.
16. Mazkur qarorning ijrosini nazorat qilish O‘zbekiston Respublikasi Bosh vazirining birinchi o‘rinbosari — transport vaziri A.J. Ramatov, Bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari E.M. Ganiyev hamda Buxoro viloyati hokimi O‘.I. Barnoyev zimmasiga yuklansin.