Muayyan yashash joyiga ega bo‘lmagan shaxslarning huquqlari, erkinliklari va qonuniy manfaatlarini himoya qilish tizimini yanada takomillashtirish maqsadida Vazirlar Mahkamasi qaror qiladi:
1. Vazirlar Mahkamasining 2018-yil 26-apreldagi 309-son qarori (O‘zbekiston Respublikasi QT, 2018-y., 4-son, 95-modda) bilan tasdiqlangan Ichki ishlar organlarining muayyan yashash joyiga ega bo‘lmagan shaxslarni reabilitatsiya qilish markazlari to‘g‘risidagi nizomga ilovaga muvofiq o‘zgartirish va qo‘shimchalar kiritilsin.
2. O‘zbekiston Respublikasi Ichki ishlar vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish O‘zbekiston Respublikasi ichki ishlar vaziri P.R. Bobojonov zimmasiga yuklansin..
1. 36-bandning birinchi xatboshidagi “migratsiya va fuqarolikni rasmiylashtirish hamda ekspert-kriminalistika xizmatlarining” so‘zlari “migratsiya va fuqarolikni rasmiylashtirish bo‘linmalari, shuningdek, ekspert-kriminalistika xizmatining” so‘zlari bilan almashtirilsin.
2. 38-bandning birinchi xatboshidagi “migratsiya va fuqarolikni rasmiylashtirish xizmati” so‘zlari “migratsiya va fuqarolikni rasmiylashtirish bo‘linmasi” so‘zlari bilan almashtirilsin.
ikkinchi xatboshidagi “migratsiya va fuqarolikni rasmiylashtirish xizmatiga” so‘zlari “migratsiya va fuqarolikni rasmiylashtirish bo‘linmasiga” so‘zlari bilan almashtirilsin;
uchinchi xatboshidagi “migratsiya va fuqarolikni rasmiylashtirish xizmati” so‘zlari “migratsiya va fuqarolikni rasmiylashtirish bo‘linmasi” so‘zlari bilan almashtirilsin.
“421. Muayyan yashash joyiga ega bo‘lmagan shaxslar shaxsini tasdiqlovchi vaqtinchalik ma’lumotnoma bilan tuman (shahar) ichki ishlar organlarining migratsiya va fuqarolikni rasmiylashtirish bo‘linmalariga murojaat etganda quyidagilar amalga oshiriladi:
muayyan yashash joyiga ega bo‘lmagan shaxsning O‘zbekiston Respublikasi fuqaroligiga mansubligi uning tug‘ilgan vaqti va joyi, qayerda yashaganligi, tug‘ilganlik haqidagi guvohnoma yoki shaxsini tasdiqlovchi boshqa hujjatlar mavjudligi yoki mavjud emasligi, ota-onasi, turmush o‘rtog‘i, farzandlari va boshqa yaqin qarindoshlari, avvalgi doimiy propiska qilingan manzili haqidagi ma’lumotlarni aniqlash orqali o‘rganib chiqiladi;
O‘zbekiston Respublikasi yoki boshqa davlat fuqaroligiga mansubligi aniqlanmagan taqdirda, tuman (shahar) ichki ishlar organlarining migratsiya va fuqarolikni rasmiylashtirish bo‘linmalari shaxsini tasdiqlovchi vaqtincha ma’lumotnomani belgilangan tartibda beradi, shuningdek, mahalliy xokimliklar bilan birgalikda doimiy propiskani ramiylashtirish, yashash guvohnomasini hujjatlashtirish choralarini ko‘radi.
422. O‘zbekiston Respublikasining fuqarolik pasporti bilan avval hujjatlashtirilgan, ammo uni yo‘qotib qo‘ygan va doimiy propiskasi bo‘lmagan (sud qarori bilan doimiy propiskadan chiqarib yuborilgan va/yoki doimiy propiskaga qo‘yishga asoslari mavjud bo‘lmagan) muayyan yashash joyiga ega bo‘lmagan shaxslarga istisno tariqasida, vaqtinchalik propiska asosida O‘zbekiston Respublikasining fuqarolik pasporti qayta rasmiylashtiriladi.
423. Ushbu Nizomning 421 va 422-bandlarida nazarda tutilgan hollarda fuqarolik pasportlarni rasmiylashtirishda ichki ishlar organlari tomonidan muayyan yashash joyiga ega bo‘lmagan shaxslarni O‘zbekiston Respublikasi Ma’muriy javobgarlik to‘g‘risidagi kodeksining 21 va 3081-moddalarida nazarda tutilgan tartibda ma’muriy javobgarlikdan ozod etish choralari ko‘riladi.
Muayyan yashash joyiga ega bo‘lmagan shaxslarning fuqarolik pasportlarini rasmiylashtirish uchun davlat bojlari tuman (shahar) ichki ishlar organlari migratsiya va fuqarolikni rasmiylashtirish bo‘linmalarining talabnomasiga asosan Qoraqalpog‘iston Respublikasi, viloyatlar va Toshkent shahar mahalliy budjet mablag‘lari hamda qonun hujjatlarida taqiqlanmagan boshqa manbalar hisobidan qoplanadi.
Muayyan yashash joyiga ega bo‘lmagan shaxslarni ma’muriy javobgarlikdan ozod etish va pasportni rasmiylashtirishda davlat bojini qoplash uchun tegishli hujjatlarni rasmiylashtirish hamda sudlarga va mahalliy ijro etuvchi hokimiyat organlariga taqdim etish tartibi O‘zbekiston Respublikasi Ichki ishlar vazirligi tomonidan belgilanadi”.
“Zarur bo‘lganda, reabilitatsiya markazining buyurtmanomasiga asosan Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan ularga mahalliy budjet mablag‘lari hisobidan yo‘l xarajatlari uchun pul beriladi”.