O‘zbekiston Respublikasi Prezidentining “Davlat tibbiyot muassasalari va sog‘liqni saqlashni boshqarish organlari xodimlarini moddiy rag‘batlantirishni kuchaytirish chora-tadbirlari to‘g‘risida” 2018-yil 7-noyabrdagi PQ-4007-son qaroriga muvofiq hamda davlat tibbiyot tashkilotlari tibbiyot va farmatsevtika xodimlari ish haqining rag‘batlantiruvchi ahamiyatini yanada kuchaytirish maqsadida Vazirlar Mahkamasi qaror qiladi:
1. Vazirlar Mahkamasining “Tibbiyot xodimlari mehnatiga haq to‘lashning takomillashtirilgan tizimini tasdiqlash to‘g‘risida” 2005-yil 21-dekabrdagi 276-son qaroriga (O‘zbekiston Respublikasi QT, 2005-y., 12-son, 64-modda) 1-ilova matni ilovaga muvofiq tahrirda bayon qilinsin.
2. Vazirlar Mahkamasining “Mehnatga haq to‘lashning yagona tarif setkasini yanada takomillashtirish to‘g‘risida” 2009-yil 21-iyuldagi 206-son qarorining (O‘zbekiston Respublikasi QT, 2009-y., 7-son, 57-modda) 2-bandi, shuningdek, qarorga 2-ilova o‘z kuchini yo‘qotgan deb hisoblansin.
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — moliya vaziri J.A. Qo‘chqorov va O‘zbekiston Respublikasi sog‘liqni saqlash vaziri A.K. Shadmanov zimmasiga yuklansin.
Mehnatga haq to‘lash razryadlari | 2018-yil 1-dekabrdan boshlab kiritiladigan tarif koeffitsiyentlari | 2019-yil 1-apreldan boshlab kiritiladigan tarif koeffitsiyentlari | |
1 | 3,778 | 4,345 | |
2 | 4,157 | 4,781 | |
3 | 4,571 | 5,257 | |
4 | 5,029 | 5,783 | |
5 | 5,531 | 6,361 | |
6 | 6,084 | 6,997 | |
7 | 6,694 | 7,698 | |
8 | 7,429 | 8,543 | |
9 | 8,246 | 9,483 | |
10 | 9,155 | 10,528 | |
11 | 10,068 | 11,578 | ”. |