O‘zbekiston Respublikasining “O‘zbekiston Respublikasida chet el investitsiyalari to‘g‘risida”gi va “O‘zbekiston Respublikasining tashqi iqtisodiy faoliyati to‘g‘risida”gi qonunlariga muvofiq, 1992-yilning 16-yanvaridagi O‘zbekiston Respublikasi Hukumati bilan “Nyumont Mayning Korporeyshn” firmasi o‘rtasidagi “Zarafshon-Nyumont” qo‘shma korxonasini tuzish to‘g‘risida shartnoma bayonnomasiga asoslanib, shuningdek, chet el investitsiyalari va ilg‘or texnologiyalarini O‘zbekiston iqtisodiyotiga jalb qilishni, Muruntov konidagi minerallashgan jins uyumlarini xalq xo‘jaligi tasarrufiga jalb qilishni jadallashtirish uchun real asoslarni ta’minlash, oltin qazib chiqarishni ko‘paytirish, valyuta tushumlarini tezlashtirish maqsadida Vazirlar Mahkamasi qaror qiladi:
1. O‘zbekiston Respublikasi Davlat geologiya va mineral resurslar qo‘mitasining O‘zbekiston tomonidan Davlat geologiya va mineral resurslar qo‘mitasi va Navoiy kon-metallurgiya kombinati hamda Amerika tomonidan “Nyumont Mayning Korporeyshn” firmalari ta’sis etgan “Zarafshon-Nyumont” qo‘shma korxonasini tashkil etish to‘g‘risidagi taklifi qabul qilinsin.
2. O‘zbekiston Respublikasiga valyuta tushumlarini jadallashtirish, “Zarafshon-Nyumont” qo‘shma korxonasining samarali ishlashi bilan bog‘liq masalalarni hal qilish uchun zarur shart-sharoitlarni yaratish maqsadida, bayonnomada ko‘rsatilgan huquqlar bilan bir qatorda, unga quyidagi huquqlar berilsin:
o‘zi ishlab chiqargan oltinni, uning kamida 50 foizi O‘zbekiston Respublikasida realizatsiya qilinishini nazarda tutib, dunyo bozori narxlarida erkin realizatsiya qilish;
O‘zbekiston banklarida yoki undan tashqarida hisob-kitob schyotlarini ochish, o‘z mulki yoki mulkka egalik huquqi kafolati asosida istalgan valyutada qarz olish, mazkur qarzlar bo‘yicha bitta yoki bir necha xalqaro moliya muassasasiga kerakli to‘lovlarni amalga oshirish.
3. “Zarafshon-Nyumont” qo‘shma korxonasi faoliyatining O‘zbekiston Respublikasi iqtisodiyoti uchun ahamiyatini hisobga olib:
unga eng qulay bo‘lgan rejim yaratilsin, bunda agar u ro‘yxatga olingan paytdan boshlab uch yil mobaynida foydali qazilmalarni qazib chiqarish va qayta ishlash sohasida chet el investitsiyasiga ega bo‘lgan boshqa har qanday korxonaga mazkur qarorda nazarda tutilganidan ham qulayroq soliq imtiyozlari berilsa, aynan shunday imtiyozlar “Zarafshon-Nyumont” qo‘shma korxonasi uchun ham taalluqli bo‘lishi nazarda tutilsin;
“Zarafshon-Nyumont” qo‘shma korxonasi foyda to‘plashga erishish davrigacha qo‘shma korxona muassislarining dastlabki investitsiyalari summasi miqdorida, shuningdek, shu maqsadlar uchun jalb qilingan kreditlardan soliq to‘lashdan ozod qilinsin;
belgilab qo‘yilsinki, soliq to‘lashdan ozod qilingan davr o‘tgach, “Zarafshon-Nyumont” qo‘shma korxonasidan olinadigan soliqlarning umumiy miqdori qo‘shma korxona daromadining 10 foizidan oshmasligi kerak;
qo‘shma korxona o‘zining ishlab turishini ta’minlash bilan bog‘liq chet eldan keltiriladigan mahsulot uchun soliq to‘lashdan, mulkdan olinadigan soliqdan, qo‘shma korxonada chet elliklarning ulush qo‘shib qatnashib oladigan daromadlaridan soliq to‘lashdan ozod qilinsin;
“Zarafshon-Nyumont” korxonasi faoliyatiga nisbatan xalqaro me’yorlarga muvofiq, agar qo‘shma korxona zarar ko‘rsa, u holda solinadigan soliq miqdorini keyingi istalgan 7 yil mobaynida ko‘rilgan zarar miqdoriga kamaytirish qoidasini qo‘llash nazarda tutilsin.
Belgilab qo‘yilsinki, O‘zbekiston Respublikasida “Zarafshon-Nyumont” qo‘shma korxonasining bir maromda ishlab turish sharoitini og‘irlashtiradigan qonun va me’yoriy hujjatlar qabul qilingan taqdirda, qo‘shma korxonani tashkil qilish to‘g‘risidagi bayonnoma imzolangan paytda amalda bo‘lgan qonun va boshqa me’yoriy hujjatlar hamda mazkur qarorda qabul qilingan me’yorlar qo‘llaniladi.
Oldingi tahrirga qarang.
Zarafshon-Nyumont” qo‘shma korxonasi o‘zi ishlab chiqargan mahsulotlarni eksport qilishda korxona ro‘yxatga olingan kundan boshlab o‘n yil davomida boj poshlinalari to‘lashdan ozod qilinsin.
(3-bandning sakkizinchi xatboshisi O‘zbekiston Respublikasi Vazirlar Mahkamasining 1995-yil 21-avgustdagi 330-son qarori bilan to‘ldirilgan)
Keyingi tahrirga qarang.
“Zarafshon-Nyumont” qo‘shma korxonasini tashkil etish va uning faoliyat ko‘rsatishi to‘g‘risidagi bayonnomaga muvofiq o‘zbekistonlik muassislarning barcha mulklari va boshqa majburiyatlari bo‘yicha hamda hamkorlikdagi korxonaning mulk huquqlarini uchinchi tomon da’volaridan himoyalash kafolatlari;
o‘zbekistonlik muassislarning bayonnomada ko‘rsatilgan badallarni qo‘shma korxonaning ustav fondiga to‘lab turish kafolatlari;
narxlar hamda tariflar bo‘yicha kelishilgan qoidalar va shartlarga muvofiq ravishda qo‘shma korxonaga kerakli barcha ishlab chiqarish resurslarini respublika hududida belgilangan tartibda berish. Bunga zarur miqdordagi minerallashgan materiallarni sotib olish huquqi, yetarli miqdorda elektr energiyasi, suv limitlari, shuningdek, qo‘shma korxonaning ishlab chiqarish faoliyati uchun ijara shartnomasiga muvofiq yer uchastkasidan foydalanish huquqi ham kiradi;
“Zarafshon-Nyumont” qo‘shma korxonasiga kredit bergan xalqlar moliya muassasalarining va boshqa tashkilotlarning mablag‘larini yetarlicha himoya qilish, shu jumladan, Hukumat qo‘shma korxona tomonidan qarzlar yoki uning ustav faoliyati bo‘yicha to‘lovlarga cheklash belgilamasligi ham nazarda tutiladi.
5. O‘zbekiston Respublikasi Moliya vazirligi belgilangan tartibda “Zarafshon-Nyumont” qo‘shma korxonasini huquqiy shaxs sifatida ro‘yxatdan o‘tkazsin.
6. O‘zbekiston Respublikasi Tashqi iqtisodiy aloqalar vazirligi “Zarafshon-Nyumont” qo‘shma korxonasini tashqi iqtisodiy aloqalar qatnashchisi sifatida ro‘yxatdan o‘tkazsin.
7. O‘zbekiston Respublikasi Davlat geologiya va mineral resurslar qo‘mitasi hamda Navoiy kon-metallurgiya kombinati:
“Zarafshon-Nyumont” qo‘shma korxonasiga, uning butun faoliyati davomida kelishilgan hajmda, sifatda, shakllangan bahoda minerallashgan massani sotishni ta’minlasinlar;
“Zarafshon-Nyumont” qo‘shma korxonasi uchun suv ta’minoti hamda ijara shartlari bo‘yicha tog‘ etagi chegaralarida yer uchastkasi ajratish masalasini hal qilsinlar.
8. O‘zbekiston Respublikasi Energetika va elektrlashtirish vazirligi “Zarafshon-Nyumont” qo‘shma korxonasini elektr quvvati iste’molchilarining birinchi toifasiga kiritsin.
10. O‘zbekiston Respublikasi Binokorlik materiallari sanoati vazirligi “Zarafshon-Nyumont” qo‘shma korxonasi qurilishini mahalliy qurilish materiallari bilan bir qatorda sement, g‘isht, ohak bilan buyurtmaga muvofiq, amaldagi narxlar bo‘yicha ta’minlasin.
11. O‘zbekiston Respublikasi Sog‘liqni saqlash vazirligi “Zarafshon-Nyumont” qo‘shma korxonasi xodimlariga malakali tibbiy xizmat ko‘rsatishni tashkil qilishda yordam bersin.
12. Belgilab qo‘yilsinki, mazkur qaror “Zarafshon-Nyumont” qo‘shma korxonasining butun faoliyati davrida amal qiladi.