Chernobil halokatidan ziyon ko‘rgan fuqarolarni ijtimoiy himoyalashni ta’minlash maqsadida O‘zbekiston Respublikasi Oliy Kengashi Rayosati va Vazirlar Mahkamasi qaror qiladi:
1. Chernobil halokatidan ziyon ko‘rgan O‘zbekiston Respublikasida istiqomat qiluvchi fuqarolarga beriladigan haq-huquqlar, kompensatsiya puli va imtiyozlar ro‘yxati tasdiqlansin (ilova qilinadi).
Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari, O‘zbekiston Respublikasi vazirliklari hamda idoralari Chernobil halokatidan ziyon ko‘rgan fuqarolarni imtiyozlar va kompensatsiya pullari bilan ta’minlash haqida tegishli qarorlar qabul qilsinlar.
2. Chernobil halokatidan ziyon ko‘rgan fuqarolarni ijtimoiy himoya qilishga sarf bo‘ladigan xarajatlar Pensiya fondi, ijtimoiy sug‘urta, mahalliy va respublika budjetlari mablag‘lari hisobidan qoplanishi nazarda tutilsin.
Keyingi tahrirga qarang.
3. O‘zbekiston Respublikasi Sog‘liqni saqlash vazirligi va O‘zbekiston Respublikasi Mudofaa ishlari vazirligi:
1992-yilning 1-iyuligacha Chernobil halokatidan ziyon ko‘rganlar haqidagi ma’lumotlarning Davlat ro‘yxatini tuzsinlar, unga 1986-yilda zararlangan zonada muddatli xizmatni o‘tagan harbiy xizmatchilarni ham kiritsinlar;
yuqorida ko‘rsatilgan fuqarolarni va ularning 1986-yildan keyin tug‘ilgan bolalarini diagnostika qilish, kuzatib borish va davolash bo‘yicha chora-tadbirlar tizimini ishlab chiqsinlar va joriy etsinlar;
ko‘rsatilgan toifaga kiruvchi fuqarolarga statsionar davolanish chog‘ida parhez ovqatlanish va dori-darmon ta’minoti bo‘yicha Ulug‘ Vatan urushi qatnashchilari va baynalmilalchi jangchilar uchun nazarda tutilgan imtiyozlarni joriy qilsinlar.
Keyingi tahrirga qarang.
4. Chernobil AESidagi halokatni bartaraf etishda ishtirok qilganlarga va ularning bolalariga sanatoriylar, sanatoriy-profilaktoriy va sanatoriy tipidagi kashshoflar lagerlariga birinchi navbatda bepul yo‘llanmalar berishni ta’minlash O‘zbekiston Kasaba uyushmalari Federatsiyasi Kengashidan so‘ralsin.
5. O‘zbekiston Respublikasi Savdo vazirligi va “O‘zbekbirlashuv” Chernobil AESidagi halokat oqibatlarini bartaraf etish ishlarida qatnashgan fuqarolarni hududiy asosda biriktirilgan do‘konlar orqali O‘zbekiston Respublikasi Sog‘liqni saqlash vazirligi tavsiya etgan normada oziq-ovqat mahsulotlari bilan ta’minlasinlar.
6. “Chernobil” jamiyatining “O‘zbekiston chernobilchilari” uyushmasini tuzish haqidagi taklifi qabul qilinsin.
“Chernobil” hududiy jamiyatlarini tashkil etish va ularning faoliyati uchun zarur sharoitlar yaratish bilan bog‘liq tegishli qarorlar qabul qilsinlar;
uch oy muddat ichida “Chernobil” jamoat tashkilotlariga va ularning bo‘linmalariga tegishli binolarni bersinlar, shuningdek ularga zarur asbob-anjomlar, jihozlar, avtotransport ajratish va telefonlar o‘rnatish bilan bog‘liq masalalarni hal etsinlar;
“Chernobil” jamoa tashkilotlariga tashkil etiladigan ishlab chiqarish korxonalari, yordamchi va fermerlik xo‘jaliklari, bog‘dorchilik shirkatlari uchun birinchi navbatda yer maydonlari ajratsinlar.
tashkil etilayotgan “O‘zbekiston chernobilchilari” uyushmasiga uning tashkil topish davrida ma’muriy-xo‘jalik xarajatlari va ish haqi fondi uchun hisob-kitoblarga muvofiq 200 ming so‘m ajratsin;
ishlab chiqarish-xo‘jalik faoliyatini rivojlantirish maqsadida Chernobil halokatidan ziyon ko‘rgan ishchilar 60 foizdan kam bo‘lmagan “Chernobil” jamoat tashkilotlari bo‘linmalariga ishlab chiqarish-xo‘jalik faoliyatini rivojlantirish uchun O‘zbekiston Respublikasi Davlat banki, O‘zbekiston sanoatqurilish banki, O‘zbekiston dehqonchilik-sanoat banki bilan birgalikda imtiyozli ravishda kredit resurslari berishni ta’minlasin.
Keyingi tahrirga qarang.
Keyingi tahrirga qarang.
9. O‘zbekiston Respublikasi Madaniyat ishlari vazirligi, Davlat teleradioeshittirish kompaniyasi xayriya tadbirlarini, teleko‘rsatuvlarni vaqt-vaqti bilan tashkil etib tursinlar, ulardan tushadigan mablag‘lar Chernobil halokati oqibatida ziyon ko‘rgan fuqarolarga moddiy yordam ko‘rsatish uchun “O‘zbekiston chernobilchilari” uyushmasining hisob-kitob schyotiga yo‘naltirilsin.
Keyingi tahrirga qarang.
Keyingi tahrirga qarang.
O‘zbekiston Respublikasi Oliy Kengashi Rayosati va Vazirlar Mahkamasining
1992-yil 6-apreldagi 170-son qaroriga
ILOVA
1992-yil 6-apreldagi 170-son qaroriga
ILOVA
Mazkur qarorning amal qilishi Chernobil halokatidan ziyon ko‘rgan fuqarolarning quyidagi toifalariga tatbiq etiladi:
1) Chernobil AES halokati oqibatida nurlanish kasalligiga chalingan va uni boshidan kechirgan shaxslar, shuningdek, Chernobil halokati sababli nogiron bo‘lib qolganlardan:
Keyingi tahrirga qarang.
a) Chernobil AESda ishlagan yoki halokat natijasida zararlangan zonada halokat oqibatlarini tugatish ishlarida ishtirok etgan (shu jumladan, vaqtincha ishga yuborilgan yoki xizmat safariga jo‘natilgan) shaxslar;
b) maxsus yig‘inlarga chaqirilgan va halokat oqibatlarini tugatish bilan bog‘liq zararlangan zonadagi ishlarni bajarishga jalb etilgan harbiy xizmatchilar* va harbiy majburiyatli shaxslar;
2) 1986-1987-yillarda Chernobil halokati oqibatlarini tugatish bo‘yicha zararlangan zonada ishlagan yoki shu yillar davomida AESdan foydalanish va boshqa yumushlarni bajargan (shu jumladan, vaqtincha ishga yuborilgan yoki xizmat safariga jo‘natilgan) shaxslar, shuningdek, joylashish o‘rni va bajarayotgan vazifasidan qat’i nazar, maxsus yig‘inlarga chaqirilgan va halokat oqibatlarini tugatish bilan bog‘liq bu davrdagi ishlarni bajarishga jalb qilingan harbiy xizmatchilar va harbiy majburiyatli shaxslar, shuningdek, 1986-1987-yillarda zararlangan zonada xizmat vazifasini o‘tagan ichki ishlar organlarining boshliqlar va oddiy sostavidagi shaxslar;
3) 1988-1989-yillarda Chernobil halokati oqibatlarini tugatish bo‘yicha zararlangan zonada ishlagan yoki shu yillar davomida AESdan foydalanish va boshqa yumushlarni bajargan (shu jumladan, vaqtincha ishga yuborilgan yoki xizmat safariga jo‘natilgan) shaxslar, shuningdek, joylashish o‘rni va bajarayotgan vazifasidan qat’i nazar, maxsus yig‘inlarga chaqirilgan va halokat oqibatlarini tugatish bilan bog‘liq bu davrdagi ishlarni bajarishga jalb qilingan harbiy xizmatchilar va harbiy majburiyatli shaxslar, shuningdek, 1988-1989-yillarda zararlangan zonada xizmat vazifasini o‘tagan ichki ishlar organlarining boshliqlar va oddiy sostavidagi shaxslar.
Keyingi tahrirga qarang.
1) dori-darmonlarni bepul olish (vrachlarning retsepti bo‘yicha), har yilgi sanatoriy va kurortda bepul davolanishni ta’minlash yoki kurort yo‘llanmasi o‘rtacha qiymati miqdorida kompensatsiya pullarini olish, turar joydan davolanish, dispanserlik, ambulatoriya yoki klinik kuzatuv joyigacha transportda bepul (taksidan tashqari) borish va kelish;
2) yasama tishlarni bepul tayyorlash va tuzatish (qimmatbaho metalldan tayyorlangan yasamalar bundan mustasnodir);
3) mehnatga vaqtincha layoqatsizligi tufayli, uzluksiz ish faoliyatidan qat’i nazar, oylik maoshining 100 foizi miqdorida nafaqa olish;
4) mehnatga vaqtincha layoqatsizligi tufayli surunkasiga 4 oygacha yoki kalendar yilda 5 oygacha nafaqa olish, agar ular ishlovchi nogironlar bo‘lib hisoblansalar;
Keyingi tahrirga qarang.
5) imtiyozlilar orasida turar joy sharoitini yaxshilashga muhtoj deb topilgan taqdirda ustun darajada turar joy maydoni yoki alohida xona ko‘rinishidagi qo‘shimcha turar joy maydoni bilan ta’minlanish;
6) o‘zi va oila a’zolari yashayotgan turar joy uchun ishchi va xizmatchilarga belgilangan kvartira haqining 50 foizi miqdorida (amaldagi qonunlarda belgilangan normalar doirasida) haq to‘lash.
Ko‘rsatilgan shaxslarga, shuningdek, Chernobil halokati natijasida halok bo‘lganlar, nurlanish kasalligi tufayli vafot etganlar va vafot etgan nogironlarning oilalariga isitish, elektr-energiyasi, vodoprovod, gazdan foydalanganlik uchun belgilangan haqning narxidan 50 foiz chegirib tashlanadi, markazlashtirilgan isitish tarmog‘iga ega bo‘lmagan uylarda yashovchilar uchun esa — aholiga sotiladigan miqdorda sotib olingan yoqilg‘i narxining 50 foizi to‘lanadi.
Keyingi tahrirga qarang.
7) davlat turar joy fondidagi o‘zlari yashab turgan turar joylarni tekinga shaxsiy mulk qilib olish;
8) tibbiy ko‘rsatmalarga binoan kam ish haqi to‘lanadigan ishga o‘tkazilganda oldingi ish haqi bilan yangi joydagi ish haqi o‘rtasidagi farqni olish. Bu farq ish qobiliyati tiklangunga yoki nogironlik belgilangunga qadar korxonalar, muassasalar va tashkilotlar tomonidan to‘lanadi;
9) Chernobil AES halokati oqibatida kasallanganligi yoki shikastlanganligi sababli qonunchilik hujjatlariga muvofiq belgilanadigan haqiqiy yetkazilgan zararni qoplaydigan miqdorda nogironlik nafaqasi tayinlanadi.
Keyingi tahrirga qarang.
Yuqoridagi sabablarga ko‘ra boquvchisidan ajrab qolgan hollarda oila a’zolariga mehnatga qobiliyatsiz har bir oila a’zosi uchun oylik maoshning 40 foizi miqdorida pensiya to‘lanadi. Fuqarolarning xohishiga ko‘ra pensiya zararlangan zonada ishlagan vaqtidagi ish haqi bo‘yicha hisoblab chiqariladi;
Keyingi tahrirga qarang.
1993-yil 1-iyuldan boshlab Chernobil halokatidan ziyon ko‘rgan fuqarolarga va boquvchisini yo‘qotgan hollarda ularning oilalariga nogironlik pensiyalarining quyidagi eng ko‘p miqdorlari belgilanadi:
Keyingi tahrirga qarang.
10) harbiy xizmat (xizmat vazifalari)ni o‘tash vaqtida yaralangan, nogiron yoki kontuziya bo‘lgan harbiy xizmatchilarga, ichki ishlar organlarining boshliqlar va oddiy sostavidagi shaxslarga hamda boquvchisidan ajralgan hollarda ularning oilalariga qonun bilan belgilangan tartibda va normalarda pensiya tayinlanadi. Bunda ofitserlar sostavidagi shaxslarga, praporshchiklar, michmanlar, muddatdan tashqari xizmatda bo‘lgan harbiy xizmatchilar, harbiy xizmatchi ayollarga, ichki ishlar organlarining boshliqlar va oddiy sostavidagi shaxslarning xohishiga ko‘ra ko‘rsatilgan sabablarga ko‘ra nogironlik pensiyasi zararlangan zonada ishlanganligi uchun ko‘paytirilgan pul mablag‘idan hisoblanishi mumkin.
Keyingi tahrirga qarang.
Bundan tashqari, haqiqiy harbiy xizmatdagi harbiy xizmatchilarga va ularning oilalariga beriladigan nogironlik nafaqasi eng oz miqdordagi maoshning besh barobar ko‘paytirilgani miqdorida to‘lanishi mumkin;
Keyingi tahrirga qarang.
11) ular bilan yaqin qarindoshlari yashamasa, ijtimoiy ta’minot organlari tomonidan uyda xizmat ko‘rsatish;
Keyingi tahrirga qarang.
12) oziq-ovqat mahsulotlari iste’mol qilishning oqilona normalariga muvofiq, oziq-ovqat mollari bilan ta’minlash;
13) hamma turdagi shahar yo‘lovchi tashish transportlarida (taksidan tashqari), o‘zi yashab turgan ma’muriy nohiya doirasidagi qishloq joylardagi umumiy foydalanishdagi avtomobil transportida, shuningdek, shahar atrofiga qatnaydigan temir yo‘l transportida, shahardan tashqaridagi marshrutlarda qatnaydigan avtobuslarda bepul yurish, yiliga bir marta (borish va kelish) temir yo‘lda bepul yurish, temir yo‘li bo‘lmagan nohiyalarda esa havo, suv yoki shaharlararo avtomobil transportlarida birinchi navbatda chiptalar sotib olish huquqi bilan yurish;
14) har yili bir marta, ular xohlagan vaqtlarda mehnat ta’tilidan foydalanish, shuningdek, ish haqi saqlangan holda 14 kalendar kundan iborat har yilgi qo‘shimcha ta’til olish;
15) bo‘ydoqlar, yolg‘izlar va kam bolali fuqarolarni ularning daromadlaridan olinadigan har qanday soliqlardan ozod qilish. Bo‘ydoqlar, yolg‘izlar va kam bolali fuqarolardan olinadigan soliqlardan jabrlanuvchilarning er va xotinlari ham ozod qilinadilar;
18) birinchi navbatda: a) uy-joy qurish kooperativlariga, transport vositalari va ularga texnika xizmati ko‘rsatish uchun umumiy garajlar va to‘xtash joylari qurish va ulardan foydalanish kooperativlariga, bog‘dorchilik (shirkatlari) kooperativlariga kirish; b) bog‘ uychalari yoki ularni qurish uchun qurilish jihozlarini, ehtiyoj katta bo‘lgan sanoat mollari, shu jumladan, yengil avtomobillar, mototsikllar va motorli qayiqlar sotib olish; v) maishiy xizmat, transport vositalariga texnika xizmati ko‘rsatish va ularni tuzatish, umumiy ovqatlanish korxonalarida, uy-joy-kommunal xo‘jaligi muassasalarida, aloqa va shaharlararo transportda xizmat ko‘rsatish;
22) pensiyaga chiqqunga qadar yoki ish joyi o‘zgargunga qadar birkitilgan poliklinikadan pensiyaga chiqqanda va ish joyini o‘zgartirganda ham foydalanish;
23) bolalar maktabgacha tarbiya muassasalarida, davolash va sanatoriy tipidagi ixtisoslashtirilgan bolalar muassasalarida, kashshoflar lagerlarida va boshqa sog‘lomlashtirish muassasalarida, ularning qaysi idoraga mansubligidan qat’i nazar, bolalarni joylar bilan navbatdan tashqari ta’minlash;
Keyingi tahrirga qarang.
Chernobil AES halokati oqibatlarini bartaraf etish sababli nogiron deb topilgan shaxslarga I va II guruh, nogironligi umrbod, III guruh nogironligiga vrach ko‘rigidan qayta o‘tish 5 yil muddatga belgilanadi. Nogironlik sababi “ChAESdagi halokat sababli” deb ko‘rsatiladi.
Keyingi tahrirga qarang.
Ushbu bo‘limning 5 — 7, 16, 18 — 20, 23-24-bandlarida nazarda tutilgan kompensatsiyalar va imtiyozlar Chernobil AES halokati oqibatida halok bo‘lgan, nurlanish kasali natijasida vafot etgan va vafot etgan nogironlarning oilalariga ham joriy qilinadi.
Keyingi tahrirga qarang.
Ushbu Ro‘yxatning I bo‘limi 2-bandida ko‘rsatilgan shaxslar mazkur Ro‘yxatning II bo‘limi 2, 3, 6-7, 12, 14, 16, 18, 20—24-bandlarida ko‘rsatilgan kompensatsiya va imtiyozlarga, shuningdek, quyidagi huquqlarga ega bo‘ladilar:
1) o‘ta zararli va o‘ta og‘ir sharoitdagi mehnat bilan mashg‘ul bo‘lgan xodimlar uchun qonunchilik hujjatlariga muvofiq nazarda tutilgan imtiyozli shartlarda qarilik pensiyasiga quyidagilar chiqadi:
erkaklar — 50 yoshga to‘lib, zararlangan zonada qancha vaqt ishlaganidek qat’i nazar, kamida 20 yillik ish stajiga ega bo‘lsa;
ayollar — 45 yoshga to‘lib, zararlangan zonada qancha vaqt ishlaganidan qat’i nazar, kamida 15 yillik ish stajiga ega bo‘lsa;
qarilik pensiyasiga qo‘shimcha ravishda qarilik pensiyasi eng kam miqdorining 30 foizi hajmida ustama olish;
Keyingi tahrirga qarang.
3) ish joyidan har yili sanatoriy-kurort yoki boshqa sog‘lomlashtirish muassasasiga borish uchun (meditsina ko‘rsatmalari bo‘lganda) birinchi navbatda tekin yo‘llanma bilan ta’minlanish;
5) hamma turdagi shahar yo‘lovchi tashish transporti (taksidan tashqari)da va o‘zi yashaydigan qishloq joylardagi umumiy foydalaniladigan avtotransport (taksidan boshqa)da, ma’muriy rayonda, shuningdek, shahar atrofida qatnaydigan temir yo‘l va shahar tashqarisidagi marshrutlarda qatnovchi avtobusda bepul yurish;
Ushbu Ro‘yxatning II bo‘limi 6, 7 va 16-bandlarida ko‘zda tutilgan kompensatsiya va imtiyozlar Chernobil AESdagi halokat oqibatlarini tugatishning vafot etgan qatnashchilari oilalariga joriy qilinadi.
Ushbu Ro‘yxatning I bo‘lim 3-bandida ko‘rsatilgan shaxslar II bo‘limning 3, 8, 20—24-bandlarida, mazkur bo‘limning birinchi qismi 2-bandida nazarda tutilgan kompensatsiya va imtiyozlarga ega bo‘lish huquqiga egadirlar va shu bilan birga:
1) qonunlarda ko‘rsatilgan zararli va og‘ir mehnat sharoitidagi ishlarda band bo‘lgan xodimlar uchun nazarda tutilgan, 1989-yil Chernobil AES halokati oqibatlarini tugatish ishlarida ishtirok etgan shaxslardan tashqari, imtiyozli shartlarda quyidagi qarilik pensiyasini olish:
Keyingi tahrirga qarang.
Keyingi tahrirga qarang.
erkaklar — 55 yoshga to‘lib, zararlangan zonada qancha vaqt ishlaganidan qat’i nazar, kamida 25 yillik ish stajiga ega bo‘lsa;
ayollar — 50 yoshga to‘lib, zararlangan zonada qancha vaqt ishlaganidan qat’i nazar, kamida 20 yillik ish stajiga ega bo‘lsa;
Keyingi tahrirga qarang.
4) ish joyidan har yili sanatoriy-kurortlarda davolanish va dam olish uchun yo‘llanmalar bilan ta’minlanish;
6) egallab turgan turar joy maydonining hajmidan qat’i nazar, kommunal uylarda istiqomat qiluvchi fuqarolar uchun uy-joy hisobiga qabul qilinish;
7) oziq-ovqat mahsulotlari iste’mol qilishning oqilona normalariga muvofiq oziq-ovqat mollari bilan ta’minlanish kabi huquqlarga egadirlar.
Ushbu Ro‘yxatning I bo‘limi 1-bandining “a” va “b” kichik bandlarida va 2 va 3-bandlarida ko‘rsatilgan shaxslarga Chernobil halokati oqibatlarini tugatish ishtirokchilarining guvohnomasi va ko‘krak nishoni berilib, ushbu hujjat mazkur Ro‘yxatning II va III bo‘limlarida nazarda tutilgan imtiyozlarni olish huquqini tasdiqlaydi.
Zararlangan zonalardan evakuatsiya qilingan, ko‘chish huquqi bilan ko‘chirilgan, shu jumladan, ko‘chish vaqtida ona qornida bo‘lganlar ham, ota-onalari orqali Chernobil halokati ta’sir qilgan 18 yoshgacha bo‘lgan bolalar va o‘smirlarni ijtimoiy himoya qilish, tibbiy xizmat ko‘rsatish, sog‘lomlashtirish maqsadida ularga quyidagi qo‘shimcha imtiyozlar beriladi:
1) tibbiyot ko‘rsatmasiga ko‘ra respublikaning tegishli profildagi sanatoriylarida, shu jumladan, “Ona va bola” sanatoriylarida tekin davolanish;
3) ota-onalardan birining yoki ularning o‘rnini bosa oladigan shaxslar hamrohligida temir yo‘llarda, temir yo‘l bo‘lmagan joylarda esa havo, suv yo‘llari yoki shaharlararo avtomobil transporti vositasida davolash muassasalarining yo‘llanmasi bo‘yicha davolanish yoki sanatoriy-kurort joylarigacha tekinga borish va kelish, birinchi navbatda chiptalar olish;
4) kashshoflar lagerlarida (umumiy va sanatoriy tipidagi) va boshqa sog‘lomlashtirish muassasalarida har yili tekinga davolanish;
5) qon ishlab chiqaradigan organlar (o‘tkir leykoz), qalqonsimon bez (adenomalar, rak); xavfli o‘simtalar bilan kasallangan hollarda bolalar va o‘smirlar ushbu Ro‘yxatning II qismida ko‘rsatilgan imtiyozlarga ega bo‘ladilar;
1) bemor bolani parvarishlash uchun, ish stajidan qati nazar, (ota-onalardan biriga) kasallik varaqasiga 100 foiz miqdorida haq to‘lash;
2) ota-onalardan birining (vrachlar tavsiyasiga ko‘ra), kasallik varaqasi bergan va unga haq to‘lagan holda, bemor bola bilan davolash muassasasida bo‘lishi.
Keyingi tahrirga qarang.
Ushbu Ro‘yxatning I qismi 1-bandida ko‘rsatilgan nogironlarga ularning salomatligiga yetkazilgan zarar uchun quyidagi miqdorlarda bir yo‘la kompensatsiya to‘lanadi: I guruhga — 10 ming so‘m; II guruhga — 7 ming so‘m; III guruhga — 5 ming so‘m. Ularga har yili salomatlikni tiklash maqsadida quyidagi miqdorlarda moddiy yordam puli ham to‘lanadi: I va II guruh nogironlarga eng kam ish haqi miqdorining 3 baravari; III guruhga — eng kam ish haqi miqdorining ikki baravari miqdorida.
Keyingi tahrirga qarang.
Chernobil halokati oqibatida boquvchisini yo‘qotgan bolali oilalarga bir yo‘la 10 ming so‘m, halok bo‘lganning ota-onalariga 5 ming so‘m miqdorida kompensatsiya puli to‘lanadi.
Mazkur Ro‘yxatning I bo‘limi 3-bandida ko‘rsatilgan, 1988-yilda Chernobil AESdagi halokat oqibatlarini tugatishda ishtirok etgan shaxslarga salomatligini tiklash uchun har yili eng kam ish haqi miqdorining ikki baravari miqdorida bir yo‘la moddiy yordam puli to‘lanadi.
Keyingi tahrirga qarang.
Mazkur Ro‘yxatning I bo‘limi 3-bandida ko‘rsatilgan, 1989-yilda Chernobil AESdagi halokat oqibatlarini tugatishda ishtirok etgan shaxslarga salomatligini tiklash uchun har yili eng kam ish haqi miqdorida bir yo‘la moddiy yordam puli to‘lanadi.
Keyingi tahrirga qarang.
Keyingi tahrirga qarang.
Chernobil AESdagi halokat oqibatlarini tugatish ishtirokchisi oila boquvchisini Chernobil halokati oqibatida yo‘qotgan taqdirda ilgari uning qaramog‘ida bo‘lgan ishga yaroqsiz oila a’zolari har oyda kompensatsiya puli olish huquqiga egadirlar. Bunda bolalar boquvchining qaramog‘ida bo‘lgan yoki bo‘lmaganligidan qat’i nazar, ularga har oyga kompensatsiya belgilanadi.
Kompensatsiya oilaning ishga yaroqsiz har bir a’zosiga, ushbu Ro‘yxatga muvofiq, bu shaxslar uchun belgilangan pensiyadan qat’i nazar, qarilik pensiyasi eng kam miqdorining 50 foizi miqdorida belgilanadi.
Keyingi tahrirga qarang.
Boquvchisini yo‘qotgan bolalarga har yili eng kam ish haqi miqdori hajmida bir yo‘la moddiy yordam puli to‘lanadi.
Keyingi tahrirga qarang.
Chernobil halokati tufayli salomatligiga zarar yetgan shaxslarga va shu halokat oqibatida boquvchisini yo‘qotgan oilalarga, oladigan boshqa daromad turlaridan qat’i nazar, kompensatsiya to‘lanadi.
Ustav faoliyati Chernobil halokatidan zarar ko‘rgan shaxslarga yordam ko‘rsatishdan iborat bo‘lgan jamoat birlashmalari shu maqsadlarga yo‘naltiriladigan mablag‘lardan olinadigan soliqlardan ozod qilinadilar. Jamoat birlashmalari, ularning bo‘limlari va korxonalariga O‘zbekiston Respublikasi Prezidenti huzuridagi Vazirlar Mahkamasi tomonidan belgilangan tartibda eksport va import qilinadigan mollarga boj to‘lashda imtiyozlar beriladi.
O‘zbekiston Respublikasining fuqarolari va jamoat birlashmalari Chernobil halokati bilan bog‘liq bo‘lgan masalalar bo‘yicha to‘liq va ishonchli ma’lumotlarni o‘z vaqtida olish huquqiga egadirlar. Ma’lumotlarni O‘zbekiston Respublikasi Prezidenti huzuridagi Vazirlar Mahkamasi tomonidan shu ishlar uchun vakil qilingan muassasalar va tashkilotlar taqdim etadilar.
Korxonalar, muassasalar va tashkilotlarning, jamoat birlashmalarining mansabdor shaxslari va ommaviy axborot vositalari Chernobil halokati bilan bog‘liq bo‘lgan masalalar bo‘yicha xolis ma’lumotlarni ataylab buzib ko‘rsatganlik yoki yashirganlik uchun O‘zbekiston Respublikasi qonunchiligiga muvofiq javob beradilar.