LexUZ sharhi
Mazkur qaror O‘zbekiston Respublikasi Vazirlar Mahkamasining 2016-yil 10-iyundagi 200-sonli “Tumanlar, shaharlar va boshqa aholi punktlarida, o‘ta muhim davlat ahamiyatiga molik yoki yong‘in va portlash xavfi yuqori bo‘lgan obyektlarda O‘zbekiston Respublikasi Ichki ishlar vazirligining Davlat yong‘in xavfsizligi xizmati bo‘linmalarini tashkil etish tartibi to‘g‘risidagi Nizomni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasidagi aholi yashash joylarini, obyektlarni yong‘inga qarshi ishonchli himoya qilishni ta’minlash, shuningdek, yong‘in soqchiligini mustahkamlash maqsadida Vazirlar Mahkamasi qaror qiladi:
a) O‘zbekiston Respublikasi Ichki ishlar vazirligining harbiylashtirilgan yong‘in soqchiligi alohida davlat ahamiyatiga ega bo‘lgan yoki yong‘in chiqish va portlash xavfi ko‘proq bo‘lgan obyektlarda, shuningdek, aholisi 50 ming va undan ziyod bo‘lgan shaharlar (ro‘yxati ilova* qilinmoqda)da tashkil etiladi.
Tashkil etilayotgan harbiylashtirilgan yong‘in soqchiligining xodimlari soni va tuzilmasi tasdiqlangan xodimlar soni va ularni saqlash uchun ajratilgan mablag‘lar doirasida Ichki ishlar vazirligi tomonidan belgilanadi;
Keyingi tahrirga qarang.
b) O‘zbekiston Respublikasi Ichki ishlar vazirligining professional yong‘in soqchiligi qolgan obyektlarda, shaharlarda, shahar ko‘rinishidagi shaharchalarda, tumanlarning markazlarida va aholi yashaydigan boshqa joylarda tashkil etiladi.
Professional soqchilik tashkil etilishi lozim bo‘lgan shaharlar, shahar ko‘rinishidagi shaharchalar, tumanlarning markazlari hamda aholi yashash joylari ro‘yxati va ushbu soqchilik xodimlari soni O‘zbekiston Respublikasi Moliya vazirligi bilan kelishilgan holda Ichki ishlar vazirligi tomonidan belgilanadi (yiliga bir marta 1-sentabrda);
v) xalq xo‘jaligi obyektlarini yong‘indan saqlash (Mudofaa vazirligi, Milliy xavfsizlik xizmati va “O‘zdavzaxira” bosh boshqarmasi obyektlari bundan mustasno) korxonalar, tashkilotlar, muassasalar rahbarlarining Ichki ishlar vazirligi organlari bilan tuziladigan shartnomalariga ko‘ra amalga oshiriladi.
Harbiylashtirilgan yoki professional yong‘in soqchiligi tashkil etilishi zarur bo‘lgan xalq xo‘jaligi obyektlari ro‘yxati va ushbu soqchilik xodimlari soni amaldagi normalar va qoidalar asosida O‘zbekiston Respublikasi Ichki ishlar vazirligi tomonidan belgilanadi;
Keyingi tahrirga qarang.
shaharlarni muhofaza qiluvchi harbiylashtirilgan yong‘in soqchiligi bo‘yicha — respublika budjeti hisobiga;
Keyingi tahrirga qarang.
shaharlarni, shahar ko‘rinishidagi shaharchalarni, tumanlar markazlarini muhofaza qiluvchi professional yong‘in soqchiligi bo‘yicha — mahalliy budjet hisobiga;
Keyingi tahrirga qarang.
sanoat korxonalarining va boshqa obyektlarning yong‘in xavfsizligini ta’minlovchi harbiylashtirilgan va professional yong‘in soqchiligi bo‘yicha — tegishli korxonalar, tashkilotlar va muassasalar bilan tuziladigan shartnomalarga ko‘ra olinadigan mablag‘lar hisobiga amalga oshiriladi;
d) o‘t o‘chiruvchilar deposi qurilishi shaharlarda, shahar ko‘rinishidagi shaharchalarda, tumanlarning markazlarida va aholi yashash joylarida shaharlar hamda tumanlar hokimliklarining ijroiya apparatlari tomonidan mahalliy budjet, kapital qo‘yilmalar rejasi bo‘yicha ajratiladigan mablag‘lar va oldini olish chora-tadbirlarini o‘tkazish uchun mo‘ljallangan davlat sug‘urtasi bo‘yicha to‘lovlardan ushlab qolinadigan mablag‘lar hisobiga, shuningdek, ulush asosida obyektlar tomonidan ajratiladigan mablag‘lar hisobiga, sanoat va boshqa obyektlarda esa korxonalar, tashkilotlar va muassasalar tomonidan ajratiladigan o‘z mablag‘lari hisobiga amalga oshiriladi;
Keyingi tahrirga qarang.
e) o‘t o‘chiruvchilar deposi binolaridan foydalanish va ularni jihozlash, o‘t o‘chirish, hisoblash va ko‘paytirish texnikalari, avtotransport, yonilg‘i-moylash materiallari, maxsus kiyim-bosh, aloqa vositalari, diagnostika apparatlari, jihozlar va yong‘indan saqlash bo‘linmalari uchun yong‘in-texnika asboblari sotib olish:
shaharlarda tashkil etiladigan harbiylashtirilgan yong‘in soqchiligi bo‘yicha — respublika budjeti hisobiga;
Keyingi tahrirga qarang.
shaharlarda, shahar ko‘rinishidagi shaharchalarda, tuman markazlarida va aholi yashash joylarida tashkil etiladigan professional yong‘in soqchiligi bo‘yicha — shaharlar va tumanlar hokimliklari tomonidan ajratiladigan mablag‘lar hisobiga;
yong‘inga qarshi vositalari va avtomat signallari bo‘lgan xalq xo‘jaligi obyektlarida tashkil etiladigan harbiylashtirilgan va professional yong‘in soqchiligi bo‘yicha — tuzilgan shartnomalarga muvofiq korxonalar, tashkilotlar va muassasalarning mablag‘lari hisobiga amalga oshiriladi;
j) yong‘in soqchiligi boshqarmalari va bo‘limlari shtatiga — harbiylashtirilgan yong‘in soqchiligi bo‘yicha;
yong‘in soqchiligi boshqarmalari va bo‘limlari shtatiga, shuningdek, davlat yong‘in nazorati bo‘limlari (bo‘linmalari, inspeksiyalari) shtatiga — professional yong‘in soqchiligiga rahbarlik qiluvchi qo‘shimcha xodimlar lavozimlarini joriy etish tegishli ravishda harbiylashtirilgan professional yong‘in soqchiligi xodimlari soni va ish haqi fondi hisobiga amalga oshiriladi, lekin u soqchilikning har bir turi xodimlari umumiy sonining 4 foizidan oshib ketmasligi kerak.
2. O‘zbekiston Respublikasi Moliya vazirligi 1996-yildan boshlab Ichki ishlar vazirligiga mazkur qarordan kelib chiqadigan xarajatlar uchun mablag‘lar ajratishni nazarda tutsin.
3. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar, mulkchilik shakllaridan qat’i nazar, korxonalar va tashkilotlar:
o‘t o‘chirish deposi binolarini qurish, rekonstruksiya qilish va mukammal tuzatish, xalq xo‘jaligi obyektlarini va aholi yashash joylarini yong‘in texnikasi, yong‘in-texnika jihozlari, yong‘inga qarshi himoya qurilmalari bilan ta’minlash va ularni soz holda saqlash yuzasidan chora-tadbirlar ko‘rsinlar;
yong‘in xavfsizligi normalari va qoidalari talablarini bajarmaganlik va ularni buzganlik uchun rahbarlarni hamda mansabdor shaxslarni qattiq intizomiy javobgarlikka tortsinlar.