Xorijda yashayotgan va professional faoliyatini yuritayotgan vatandoshlarimiz, ayniqsa, katta ilmiy salohiyatga ega olimlar, mutaxassislar va iste’dodli yoshlar bilan yaqin hamkorlikni yo‘lga qo‘yish, shuningdek, O‘zbekistonning har tomonlama va jadal rivojlanishi uchun zarur, jahon mehnat bozorida raqobatbardosh va yuqori malakali mutaxassislarni yetakchi xorijiy ta’lim muassasalarida hamda O‘zbekistonda tayyorlash va malakasini oshirish orqali kadrlar bilan ta’minlash maqsadida:
1. O‘zbekiston Respublikasi Tashqi ishlar vazirligi qoshidagi Mutaxassislarni xorijda tayyorlash va vatandoshlar bilan muloqot qilish markazi O‘zbekiston Respublikasi Vazirlar Mahkamasiga bo‘ysunadigan Mutaxassislarni xorijda tayyorlash va vatandoshlar bilan muloqot qilish bo‘yicha “El-yurt umidi” jamg‘armasi (keyingi o‘rinlarda Jamg‘arma deb yuritiladi) etib qayta tashkil etilsin.
2. Belgilab qo‘yilsinki, Jamg‘arma Xorijda stipendiatlarning malaka oshirishi, stajirovkasi va o‘qishini tashkil etish bo‘yicha O‘zbekiston Respublikasi Prezidentining “Iste’dod” jamg‘armasining huquqlari, majburiyatlari va shartnomalari, shu jumladan xalqaro shartnomalari bo‘yicha huquqiy vorisi hisoblanadi.
xorijdagi nufuzli ilmiy-tadqiqot, ta’lim va tibbiyot muassasalarida, iqtisodiyotning istiqbolli tarmoqlarida, ayniqsa, eng yangi materiallar va innovatsion texnologiyalarni ishlab chiqarish va qo‘llash sohalarida ishlayotgan, qimmatli ilmiy va amaliy tajribaga ega vatandoshlarimiz bilan aloqalar o‘rnatish;
davlat organlarining kadrlar bo‘yicha xizmatlari tomonidan foydalanilishi va onlayn tarzda izlash amalga oshirilishi mumkin bo‘lgan jahon mamlakatlari va mutaxassisliklar bo‘yicha kataloglashtirilgan qimmatli ilmiy va amaliy tajribaga ega vatandoshlarning elektron reyestri (ma’lumotlar bazasi)ni yaratish va yuritish;
xorijiy olimlar, o‘qituvchilar, muhandislar va boshqa mutaxassislar, shu jumladan vatandoshlarni ta’lim, sog‘liqni saqlash, iqtisodiyot va davlat boshqaruvi sohalariga, ayniqsa, yangi, istiqbolli tarmoqlarga jalb etish, ular uchun qulay sharoitlar yaratish, dolzarb muammolarini hal etish, ularning salohiyatidan samarali foydalanishni ta’minlash bo‘yicha takliflar ishlab chiqish va tadbirlarni amalga oshirish;
ta’lim, sog‘liqni saqlash va iqtisodiyot sohalarida ishlayotgan vatandoshlar orasida O‘zbekistonning ijobiy qiyofasini shakllantirish, O‘zbekiston Respublikasida iqtisodiyot tarmoqlari va ijtimoiy sohani rivojlantirish masalalari bo‘yicha ularning g‘oya va fikrlarini to‘plash, umumlashtirish va tegishli tashkilotlarga yetkazish, shuningdek, to‘plangan materiallarni tayyorlash va tarqatishning samarali tizimini yaratish;
xorijda O‘zbekistonning ijobiy imidjini shakllantirish va qo‘llab-quvvatlashda, shuningdek, rivojlangan mamlakatlarning nufuzli ta’lim va ilmiy markazlari bilan aloqalarni yo‘lga qo‘yish va hamkorlikni rivojlantirishda vatandoshlar salohiyatidan faol foydalanish;
Oldingi tahrirga qarang.
jahonning rivojlangan mamlakatlaridagi yetakchi ta’lim va ilmiy muassasalarida bakalavriat, magistratura va doktorantura dasturlari bo‘yicha ta’lim, sog‘liqni saqlash, iqtisodiyot va davlat boshqaruvi sohalaridagi istiqbolli mutaxassislarni, shu jumladan pedagoglar va ilmiy kadrlarni tanlab olish hamda tayyorlashni tashkil etish;
(3-bandning yettinchi xatboshisi O‘zbekiston Respublikasi Prezidentining 2021-yil 11-fevraldagi PF-6168-sonli Farmoni tahririda — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
nufuzli xorijiy ta’lim va ilmiy muassasalarda istiqbolli mutaxassislarni o‘qishini monitoring qilish, ularning O‘zbekistonda munosib ishga joylashishiga ko‘maklashish, ushbu mutaxassislarning mehnat faoliyatini monitoring qilish, ularning kasbiy jihatdan o‘sishiga va mansab pillapoyalarida ko‘tarilishiga ko‘maklashish;
mamlakatimizdagi hamda xorijiy ekspertlarning, shu jumladan vatanadoshlarimizning O‘zbekistondagi ijtimoiy-siyosiy va sotsial-iqtisodiy islohotlarning borishiga oid tahliliy materiallari chop etiladigan jurnallar, ilmiy to‘plamlarni tayyorlash va keng tarqatish;
davlat organlari va boshqa tashkilotlarda kadrlarni xorijda tayyorlash va xorijiy mutaxassislarni jalb etish borasidagi ishlar holatini monitoring qilish hamda ushbu tizimni takomillashtirish bo‘yicha takliflar ishlab chiqish;
ta’lim, sog‘liqni saqlash, iqtisodiyot va davlat boshqaruvi sohalarida xalqaro tashkilotlar, xorijiy mamlakatlarning davlat tuzilmalari va nodavlat tashkilotlari bilan aloqalarni yo‘lga qo‘yish, ularni hamkorlik va rivojlanish bo‘yicha loyihalarni amalga oshirishga jalb etish.
Oldingi tahrirga qarang.
(4-band O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
Oldingi tahrirga qarang.
(5-band O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
Jamg‘arma tuzilmasiga, zarur hollarda, xodimlarning belgilangan soni va mehnatga haq to‘lash fondi doirasida o‘zgartirish kiritish;
Jamg‘armaga yuklatilgan vazifalarni bajarishga davlat va xo‘jalik boshqaruvi organlari, nodavlat notijorat tashkilotlar, ilmiy-tadqiqot va ta’lim muassasalari, shuningdek, xorijiy va xalqaro tashkilotlarning malakali ishchi va mutaxassislarini shartnoma asosida jalb etish huquqi berilsin.
Oldingi tahrirga qarang.
(7-band O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
Oldingi tahrirga qarang.
8. O‘zbekiston Respublikasi Vazirlar Mahkamasi huzuridagi Davlat test markazi xorijda ta’lim olish uchun nomzodlarni tanlov asosida tanlab olishni tashkil etishda Jamg‘armaga har tomonlama uslubiy yordam ko‘rsatsin.
(8-band O‘zbekiston Respublikasi Prezidentining 2021-yil 11-fevraldagi PF-6168-sonli Farmoni tahririda — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
9. Ta’lim sifatini nazorat qilish davlat inspeksiyasi va O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Jamg‘arma orqali xorijiy mamlakatlarda ta’lim olgan stipendiatlarning ta’lim olganlik to‘g‘risidagi hujjatlarini, shu jumladan fan doktori ilmiy darajasini, maxsus sinovlarsiz nostrifikatsiyadan o‘tkazishni (ekvivalentligini belgilashni) ta’minlasin.
Oldingi tahrirga qarang.
a) Jamg‘arma stipendiatlarini xorijda bakalavriat, magistratura va doktoranturada o‘qitishni tashkil etish, xorijiy olim va mutaxassislarni, shu jumladan vatandoshlarimizni respublikada mehnat faoliyatini amalga oshirishga jalb etish, shuningdek, Jamg‘arma ta’lim dasturlarining samaradorligini ta’minlash hamda davlat xizmatchilari salohiyatini oshirishga ko‘maklashish maqsadida boshqa tadbirlarni amalga oshirish bo‘yicha:
(10-band “a” kichik bandining birinchi xatboshisi O‘zbekiston Respublikasi Prezidentining 2021-yil 11-fevraldagi PF-6168-sonli Farmoni tahririda — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
2018-yilda — O‘zbekiston Respublikasi Moliya vazirligi huzuridagi Ta’lim va tibbiyot muassasalarining moddiy-texnik bazasini rivojlantirish jamg‘armasidan oliy ta’lim muassasalari obyektlarini qurish, rekonstruksiya qilish, kapital ta’mirlash va jihozlash uchun ko‘zda tutilgan hajmning 10 foizigacha miqdorida Jamg‘armaning asoslangan hisob-kitoblari bo‘yicha ajratiladigan mablag‘lar;
Oldingi tahrirga qarang.
2019-yildan boshlab — keyinchalik Jamg‘armaning xorijiy olim va ekspertlarni, shu jumladan vatandoshlarimizni jalb qilish bilan bog‘liq ta’lim dasturlari, tadbirlari, shuningdek, Jamg‘arma ta’lim dasturlari samaradorligini ta’minlash hamda davlat xizmatchilari salohiyatini oshirishga ko‘maklashish maqsadida boshqa tadbirlarni amalga oshirish uchun moliyaviy resurslarga bo‘lgan real ehtiyoji prognozini hisobga olgan holda har yili O‘zbekiston Respublikasi Davlat budjetidan ajratiladigan 45 milliard so‘m miqdoridagi mablag‘lar;
(10-band “a” kichik bandining uchinchi xatboshisi O‘zbekiston Respublikasi Prezidentining 2021-yil 11-fevraldagi PF-6168-sonli Farmoni tahririda — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
Oldingi tahrirga qarang.
(10-band “a” kichik bandining to‘rtinchi xatboshisi O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan chiqarilgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
xalqaro moliya institutlari va xorijiy tashkilotlarning grantlari, shuningdek, qonun hujjatlari bilan taqiqlanmagan boshqa manbalar;
b) Jamg‘armaning joriy ta’minoti, shu jumladan xodimlar mehnatiga haq to‘lash va Jamg‘armaga yuklatilgan vazifalarni bajarish bo‘yicha:
2018-yilda — O‘zbekiston Respublikasi Oliy va o‘rta maxsus ta’lim vazirligi bilan kelishilgan holda Jamg‘armaning Vasiylik kengashi tomonidan belgilanadigan miqdorda respublika oliy ta’lim muassasalarining budjetdan tashqari (to‘lov-shartnoma asosida o‘qitishdan tushadigan) mablag‘laridan ajratmalar;
jismoniy va yuridik shaxslarning xayriya mablag‘lari, shuningdek, qonun hujjatlari bilan taqiqlanmagan boshqa manbalar.
Oldingi tahrirga qarang.
(10-band “b” kichik bandining oltinchi xatboshisi O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan chiqarilgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
Oldingi tahrirga qarang.
(11-band O‘zbekiston Respublikasi Prezidentining 2021-yil 30-apreldagi PF-6218-sonli Farmoni tahririda — Qonunchilik ma’lumotlari milliy bazasi, 30.04.2021-y., 06/21/6218/0398-son)
12. Jamg‘armaga to‘rtta yengil avtotransport vositasi, shu jumladan uchta shaxsiy va bitta navbatchi avtomobil saqlash uchun limit ajratilsin.
13. “O‘zavtosanoat” AJ va Jamg‘armaning Jamg‘armani “O‘zavtosanoat” AJning Toshkent shahri, Mirobod tumani, Amir Temur shoh ko‘chasi, 13-uy (3-qavat) manzilida joylashgan binosida beg‘araz foydalanish huquqi asosida joylashtirish to‘g‘risidagi taklifiga rozilik berilsin.
O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasining Toshkent shahri, Furqat ko‘chasi, 171-uy manzilida joylashgan Xorijda stipendiantlarning malaka oshirishi, stajirovkasi va o‘qishini tashkil etish bo‘yicha O‘zbekiston Respublikasi Prezidentining “Iste’dod” jamg‘armasining bo‘shayotgan bino va inshootlarini tutash hududlari bilan birgalikda O‘zbekiston Respublikasi Turizmni rivojlantirish davlat qo‘mitasiga operativ boshqaruv huquqi asosida beg‘araz berish to‘g‘risidagi taklifiga rozilik berilsin.
O‘zbekiston Respublikasi Turizmni rivojlantirish davlat qo‘mitasiga loyiha-tadqiqot ishlarini amalga oshirish, loyiha-smeta hujjatlarini ishlab chiqish, shuningdek, berilayotgan bino va inshootlarni kapital ta’mirlash va rekonstruksiya qilishni amalga oshirish uchun Turizmi rivojlantirish davlat qo‘mitasi huzuridagi Turizm sohasini qo‘llab-quvvatlash budjetdan tashqari jamg‘armasining mablag‘laridan foydalanishga ruxsat berilsin.
14. O‘zbekiston Respublikasi Tashqi ishlar vazirligi, Adliya vazirligi va Ichki ishlar vazirligi Jamg‘armaga:
Oldingi tahrirga qarang.
stipendiatlar xorijiy mamlakatlarga viza olishida, konsullik hisobiga qo‘yilishida, notarial va boshqa xizmatlar ko‘rsatilishida, borgan davlatida stipendiatlarning o‘qishini monitoring qilishda;
(14-bandning uchinchi xatboshisi O‘zbekiston Respublikasi Prezidentining 2021-yil 11-fevraldagi PF-6168-sonli Farmoni tahririda — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
xorijdagi vatandoshlarning tashkilotlari, xorijiy davlatlarda faoliyat yuritayotgan o‘zbek madaniy markazlari va jamiyatlari to‘g‘risidagi axborotlarni to‘plashda, shuningdek, xalqaro tashkilotlar, xorijiy ilmiy-tadqiqot va ta’lim muassasalari hamda boshqa tashkilotlar bilan hamkorlikni yo‘lga qo‘yish va rivojlantirishda amaliy yordam ko‘rsatsin.
15. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi belgilangan tartibda:
Jamg‘armani kerakli aloqa, shu jumladan hukumat aloqasi bilan, uning internet jahon axborot tarmog‘iga keng polosali kirish bilan ta’minlasin;
vatandoshlarning elektron reyestri (ma’lumotlar bazasi)ni yaratish va yuritish, shuningdek, xorijiy ekspertlarni jalb qilgan holda videokonferensiyalar, internet-forumlar va teleko‘priklar o‘tkazishda zarur texnik yordam ko‘rsatsin.
16. O‘zbekiston Milliy teleradiokompaniyasi, O‘zbekiston milliy axborot agentligi va “Dunyo” axborot agentligi Jamg‘arma faoliyati doirasida amalga oshirilayotgan ishlarning ommaviy axborot vositalarida keng yoritilishini tashkil etsin.
17. Jamg‘arma ikki hafta muddatda xorijdagi vatandoshlar bilan ishlashni tashkil etish hamda xorijiy mutaxassislar, shu jumladan vatandoshlarimizni O‘zbekiston Respublikasiga jalb etish tartibini ishlab chiqsin va Jamg‘armaning Vasiylik kengashiga ko‘rib chiqish uchun kiritsin.
Oldingi tahrirga qarang.
(18-band O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
19. Adliya vazirligi boshqa manfaatdor vazirlik va idoralar bilan birgalikda bir oy muddatda qonun hujjatlariga mazkur Farmondan kelib chiqadigan o‘zgartish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
20. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidenti Administratsiyasi rahbari Z.Sh. Nizomiddinov, O‘zbekiston Respublikasi Prezidentining maslahatchisi A.A. Abduvoxitov va O‘zbekiston Respublikasi Prezidenti maslahatchisining birinchi o‘rinbosari B.M. Mavlonov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
Oldingi tahrirga qarang.
(2-ilova O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
Oldingi tahrirga qarang.
(3-ilova O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)
Oldingi tahrirga qarang.
(4-ilova O‘zbekiston Respublikasi Prezidentining 2021-yil 11-fevraldagi PF-6168-sonli Farmoniga asosan o‘z kuchini yo‘qotgan — Qonun hujjatlari ma’lumotlari milliy bazasi, 12.02.2021-y., 06/21/6168/0111-son)