Mamlakatimiz aholisi va xorijiy mehmonlarga xalqimizning madaniy va tarixiy ahamiyatga ega bo‘lgan merosini keng targ‘ib qilish hamda ziyoratchi va sayyohlarga qulay shart-sharoitlar yaratish ichki va tashqi turizmni yanada rivojlantirishda muhim omil hisoblanadi.
Bu, o‘z navbatida, O‘zbekistondagi islom sivilizatsiyasi markazi, Imom Buxoriy xalqaro ilmiy-tadqiqot markazi, Hadisshunoslik maktabi, Imom Buxoriy majmuasi, Buxoro shahrining “eski shahar” qismi, xususan, “Ark qo‘rg‘oni” va “Qushbegi saroyi majmualari”, “Masjidi kalon”, “Minorai kalon”, “Mir-arab”, “Saidolimxon”, “Abdulazizxon”, “Ulug‘bek” madrasalarini (keyingi o‘rinlarda obyektlar deb ataladi) qurish, restavratsiya, rekonstruksiya qilish va mukammal ta’mirlash ishlarining sifatli va qisqa muddatlarda yakunlanishini talab qilmoqda.
Alohida muhim ijtimoiy, madaniy va tarixiy ahamiyatga ega bo‘lgan obyektlarni xalqaro mezonlar hamda “Madaniy meros obyektlarini muhofaza qilish va ulardan foydalanish to‘g‘risida”gi O‘zbekiston Respublikasi Qonuni talablari asosida o‘ziga xos xususiyatlarini o‘zgartirmagan va tarixiy, estetik-ahamiyatini saqlab qolgan holda qisqa muddatlarda bajarish, shuningdek, ushbu maqsadlarga yo‘naltirilayotgan mablag‘lardan samarali foydalanilishini ta’minlash maqsadida:
O‘zbekiston Respublikasi Qurilish vazirligi, Madaniyat vazirligi, Moliya vazirligi, Iqtisodiyot vazirligi, Samarqand viloyati hokimligi, Buxoro viloyati hokimligi hamda Toshkent shahar hokimligining O‘zbekiston Respublikasi Vazirlar Mahkamasi huzuridagi Alohida muhim ijtimoiy, madaniy va tarixiy ahamiyatga ega bo‘lgan obyektlarni qurish, rekonstruksiya, restavratsiya qilish va mukammal ta’mirlash direksiyasi (keyingi o‘rinlarda Direksiya deb ataladi) mablag‘lari hisobidan qurilayotgan, restavratsiya, rekonstruksiya qilinayotgan va mukammal ta’mirlanayotgan obyektlarning 2019-yilda to‘liq foydalanishga topshirilishi to‘g‘risidagi axboroti;
obyektlar bo‘yicha tegishli ravishda Toshkent shahar, Samarqand va Buxoro viloyati hokimligi huzuridagi Yagona buyurtmachi xizmati injiniring kompaniyalari buyurtmachi (keyingi o‘rinlarda buyurtmachilar deb ataladi) etib belgilanganligi;
O‘zbekistondagi islom sivilizatsiyasi markazi qurilishida loyiha hujjatlarini ishlab chiqish bo‘yicha — “O‘zog‘irsanoatloyiha” AJ, Imom Buxoriy xalqaro ilmiy-tadqiqot markazi, Hadisshunoslik maktabi va Imom Buxoriy majmuasi bo‘yicha — “ToshuyjoyLITI” AJ hamda Buxoro viloyatidagi obyektlar bo‘yicha — “Madaniy meros LITI” MChJ bosh loyiha tashkiloti etib belgilanganligi;
O‘zbekistondagi islom sivilizatsiyasi markazi qurilishida tarixiy majmualarni loyihalashtirish bo‘yicha ilg‘or tajribaga ega bo‘lgan “Wilmotte & Associes Architectes” kompaniyasi (Fransiya) subloyiha tashkiloti etib belgilanganligi ma’lumot uchun qabul qilinsin.
Oldingi tahrirga qarang.
(2-band O‘zbekiston Respublikasi Prezidentining 2021-yil 28-apreldagi PQ-5095-sonli qaroriga asosan o‘z kuchini yo‘qotgan)
3. Obyektlar bo‘yicha buyurtmachilar, loyiha, subloyiha, pudrat va subpudrat tashkilotlari, homiy yuridik va jismoniy shaxslar obyektlarni qurish, rekonstruksiya, restavratsiya qilish va mukammal ta’mirlash ishlarini amalga oshirish doirasida o‘rnatilgan tartibda shakllantiriladigan ro‘yxat bo‘yicha chet eldan olib kelinadigan qurilish materiallari, qurilish texnikasi, shuningdek, ularga ehtiyot qismlar, mebellar, inventar va jihozlar 2021-yil 1-yanvarga qadar bojxona to‘lovlari to‘lashdan (bojxona yig‘imlaridan tashqari) ozod etilsin.
4. O‘zbekistondagi islom sivilizatsiyasi markazi qurilishi doirasida zarur yuklarni mazkur markaz quriladigan davr mobaynida va hududda bojxona ombori bojxona rejimida joylashtirishga istisno tariqasida ruxsat etilsin.
buyurtmachilar chet el va O‘zbekiston Respublikasi valyutasida pul shaklidagi xayriya mablag‘larini, shuningdek, tovarlar, ishlar va xizmatlarni olish huquqiga ega bo‘ladilar;
yuridik va jismoniy shaxslarning loyihani amalga oshirish doirasida yo‘naltiriladigan xayriya mablag‘lari, shuningdek, tovarlar, ishlar va xizmatlari foyda solig‘i yoki yagona soliq to‘lovini hisoblashda soliqqa tortiladigan bazadan to‘liq chegiriladi.
6. O‘zbekiston Respublikasi Tashqi ishlar vazirligi Direksiyaning viza talabnomalariga ko‘ra, obyektlarda ishlar va xizmatlarni amalga oshirishda ishtirok etadigan xorijiy mutaxassislarga kirish vizalarini konsullik va boshqa yig‘imlar undirilmasdan belgilangan tartibda rasmiylashtirishni ta’minlasin.
7. O‘zbekiston Respublikasi Ichki ishlar vazirligi Direksiyaning talabnomalariga ko‘ra, obyektlarda ishlar va xizmatlarni amalga oshirishda ishtirok etadigan xorijiy mutaxassislarga davlat boji undirilmasdan, ko‘p martalik kirish vizalari berilishini va ularning muddati uzaytirilishini, shuningdek, ularning yashash joyida vaqtinchalik ro‘yxatdan o‘tkazilishini va vaqtinchalik ro‘yxatdan o‘tkazish muddati uzaytirilishini belgilangan tartibda ta’minlasin.
8. O‘zbekiston Respublikasi Bandlik va mehnat munosabatlari vazirligi o‘rnatilgan tartibda Direksiyaning talabnomalariga ko‘ra, obyektlarda ishlar va xizmatlarni amalga oshirishda ishtirok etadigan xorijiy mutaxassislarni O‘zbekiston Respublikasiga jalb etishga ruxsatnomalar berishni (muddatini uzaytirishni), shuningdek, ularga O‘zbekiston Respublikasi hududida mehnat faoliyatini amalga oshirish huquqini beradigan tasdiqnomalar berilishini (muddati uzaytirilishini) ta’minlasin.
9. Mazkur farmoyishning bajarilishini nazorat qilish O‘zbekiston Respublikasining Bosh vaziri A.N. Aripov, Toshkent shahar hokimi vazifasini bajaruvchi J.A. Artikxodjayev, Samarqand viloyati hokimi vazifasini bajaruvchi E.O. Turdimov va Buxoro viloyati hokimi U.I. Barnoyev zimmasiga yuklansin.