“O‘zbekneftgaz” AJ tashkilotlarining moliyaviy-iqtisodiy holatini mustahkamlash va yaxshilash, neft-gaz tarmog‘i tashkilotlarining ixtisosli bo‘lmagan va foydalanilmayotgan aktivlaridan maqsadli foydalanish maqsadida Vazirlar Mahkamasi qaror qiladi:
1. “O‘zbekneftgaz” AJ va uning tarkibiga kiruvchi tashkilotlar (keyingi o‘rinlarda neft-gaz tarmog‘i tashkilotlari deb ataladi), O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi, Qoraqalpog‘iston Respublikasi Vazirlar Kengashi va viloyatlar hokimliklarining:
neft-gaz tarmog‘i tashkilotlarining 1-ilovaga* muvofiq ro‘yxat bo‘yicha foydalanilmayotgan va ixtisosli bo‘lmagan aktivlarini ommaviy savdolarda xususiy mulkka sotish;
ushbu qarorga 1-ilovada nazarda tutilgan aktivlarni, shuningdek, O‘zbekiston Respublikasi Vazirlar Mahkamasining ilgari qabul qilingan qarorlariga muvofiq sotilishi kerak bo‘lgan aktivlarni, ular ommaviy savdolarga qo‘yilgan kundan boshlab uch oy mobaynida sotilmagan taqdirda, tadbirkorlik subyektlariga, shu jumladan, kichik sanoat zonalarida yangidan tashkil etiladigan tadbirkorlik subyektlariga to‘lovlarni o‘n yilgacha muddatga bo‘lib-bo‘lib to‘lash imkoniyati bilan bozor qiymati bo‘yicha sotish;
neft-gaz tarmog‘i tashkilotlarining 2-ilovaga* muvofiq ro‘yxat bo‘yicha aktivlarini qoldiq (balans) qiymati bo‘yicha ulardan keyinchalik samarali foydalanish uchun davlat mulki sifatida mahalliy ijro etuvchi hokimiyat organlariga va boshqa tashkilotlarga operativ boshqaruvga berish to‘g‘risidagi takliflariga rozilik berilsin.
* 1-2-ilovalar rus tilidagi matnida berilgan.
ushbu qarorga 1-ilovada nazarda tutilgan aktivlar ushbu qaror qabul qilingunga qadar ijara shartnomalari asosida foydalanishga berilgan taqdirda, ijaraga oluvchi ijaraga olinadigan aktivni sotib olishda ustunlik huquqiga ega bo‘ladi;
aktivlar tadbirkorlik subyektlariga aktivlar bozor qiymatining kamida o‘n besh foizini oldindan to‘lash va to‘lovlarning qolgan qismini har yili teng ulushlarda bo‘lib-bo‘lib to‘lash sharti bilan sotiladi;
Oldingi tahrirga qarang.
mahalliy ijro etuvchi hokimiyat organlariga berilayotgan ushbu qarorga 2-ilovaga muvofiq aktivlardan foydalanish va ularni saqlash bo‘yicha xarajatlar mahalliy budjetlar mablag‘lari va qonunchilikda taqiqlanmagan boshqa manbalar hisobiga amalga oshiriladi.
(2-bandning to‘rtinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi bilan birgalikda ikki hafta muddatda ushbu qarorga 1-ilovada nazarda tutilgan aktivlarni baholash va ommaviy savdolarga qo‘yish jadvallarini tasdiqlasin;
Qoraqalpog‘iston Respublikasi Vazirlar Kengashi va viloyatlar hokimliklari bilan birgalikda uch oy muddatda ushbu qarorga 2-ilovada nazarda tutilgan aktivlar keyinchalik “O‘zbekneftgaz” AJning ustav kapitalidagi (fondidagi) davlat ulushi, shuningdek, neft-gaz tarmog‘i tashkilotlarining ustav kapitallaridagi (fondlaridagi) davlat ulushi va “O‘zbekneftgaz” AJ va uning aksiyadorlik jamiyatlari ulushi berilayotgan aktivlarning qoldiq (balans) qiymatiga kamaytirilgan holda tegishli mahalliy ijro etuvchi hokimiyat organlariga va boshqa tashkilotlarga berilishini ta’minlasinlar.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — “O‘zbekneftgaz” AJ boshqaruvi raisi A.S. Sultanov zimmasiga yuklansin.