O‘zbekiston Respublikasi Prezidentining “Fermer, dehqon xo‘jaliklari va tomorqa yer egalari faoliyatini takomillashtirish bo‘yicha qo‘shimcha chora-tadbirlar to‘g‘risida” 2018-yil 26-apreldagi PQ-3680-son qaroriga muvofiq Vazirlar Mahkamasi qaror qiladi:
1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
2. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari Z.T. Mirzayev zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining 2000-yil 23-dekabrdagi 496-son qarori (O‘zbekiston Respublikasi QT, 2000-y., 12-son, 79-modda) bilan tasdiqlangan O‘zbekiston Respublikasida Yer monitoringi to‘g‘risidagi nizomning 9-bandida:
“Fermer, dehqon xo‘jaliklari va tomorqa yer egalari kengashlari uyma-uy aylanib chiqish yo‘li bilan dehqon xo‘jaliklari yer uchastkalaridan va tomorqa yerlaridan maqsadli va samarali foydalanishning, shu jumladan, yerga ishlov berish, urug‘lik, ko‘chatlar va daraxtlar o‘tqazish, issiqxonalar qurish, mol va parrandalar boqish holatining muntazam monitoringini olib borish huquqiga egadir”;
2. Vazirlar Mahkamasining 2003-yil 4-sentabrdagi 383-son qarori (O‘zbekiston Respublikasi QT, 2003-y., 9-son, 81-modda) bilan tasdiqlangan Qishloq xo‘jaligi mahsulotlari yetishtiruvchilar bilan tayyorlov, xizmat ko‘rsatish tashkilotlari o‘rtasida shartnomalar tuzish, ularni ro‘yxatdan o‘tkazish, bajarish, shuningdek ularning bajarilishi monitoringini olib borish tartibi to‘g‘risidagi nizomda:
a) 83-bandning uchinchi xatboshiga “shuningdek, fermer, dehqon xo‘jaliklari va tomorqa yer egalari kengashlariga” so‘zlari qo‘shilsin;
“Qishloq va suv xo‘jaligi, adliya organlari, shuningdek, fermer, dehqon xo‘jaliklari va tomorqa yer egalari kengashlari o‘z vakolatlari doirasida tayyorlov va xizmat ko‘rsatuvchi tashkilotlar tomonidan shartnoma majburiyatlari bajarilishi ustidan nazorat qiladilar va monitoring olib boradilar”;
v) 86-bandning ikkinchi xatboshiga “Suv iste’molchilari uyushmasi” so‘zlaridan keyin “fermer, dehqon xo‘jaliklari va tomorqa yer egalari kengashlari” so‘zlari qo‘shilsin.
3. Vazirlar Mahkamasining 2003-yil 30-oktabrdagi 476-son qarori (O‘zbekiston Respublikasi QT, 2003-y., 10-son, 105-modda) bilan tasdiqlangan Fermer xo‘jaligining Namunaviy ustavining 36-bandiga quyidagi mazmundagi xatboshi qo‘shilsin:
“Fermer xo‘jaligining O‘zbekiston fermer, dehqon xo‘jaliklari va tomorqa yer egalari kengashiga a’zoligi majburiy hisoblanadi”.
4. Vazirlar Mahkamasining 2006-yil 21-apreldagi 67-son qarori (O‘zbekiston Respublikasi QT, 2006-y., 4-son, 27-modda) bilan tasdiqlangan Shaxsiy yordamchi va dehqon xo‘jaliklarida qoramol boqayotgan va yetishtirilgan chorvachilik mahsulotlarini sotayotgan fuqarolarning bandligi to‘g‘risida nizomning 2-bandiga quyidagi mazmundagi xatboshi qo‘shilsin:
“Bunda, dehqon xo‘jaligida, kamida 4 sotix maydondagi tomorqa yerda band bo‘lgan yoki ushbu uchastkada qoramol yoxud kamida 50 bosh uy parrandasi boqish bilan shug‘ullanuvchi jismoniy shaxs tomonidan O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasiga bir yilda bir eng kam ish haqi miqdorida sug‘urta badallari to‘langanida uning uchun sug‘urta badallari to‘langan muayyan yil mehnat stajiga kiritiladi”.
5. Vazirlar Mahkamasining 2017-yil 10-iyuldagi 482-son qarori (O‘zbekiston Respublikasi QHT, 2017-y., 28-son, 657-modda) bilan tasdiqlangan O‘zbekiston Respublikasining Bandlikka ko‘maklashish davlat jamg‘armasi mablag‘larini shakllantirish va ulardan foydalanish tartibi to‘g‘risida nizomning 7-bandida:
“Tomorqa xizmati” mas’uliyati cheklangan jamiyat, aholi bandligiga ko‘maklashish markazlari va tomorqa yer egalari o‘rtasida tuzilgan uch tomonlama shartnomalar asosida yengil konstruksiyali issiqxonalar qurish, urug‘lik, ko‘chat va sug‘orish vositalari sotib olishga eng kam oylik ish haqining 3 baravaridan 10 baravarigacha miqdorda subsidiyalar berish;
agrotexnologiya, bog‘dorchilik, sabzavotchilik, chorvachilik, parrandachilik, baliqchilik va asalarichilik sohasidagi fermer va dehqon xo‘jaliklarining rahbarlari va xodimlarini, tomorqa yer egalarini kasbga o‘qitish markazlari, kollejlar va oliy ta’lim muassasalarida kasbiy tayyorlashga, qayta tayyorlash va ularning malakasini oshirishga grantlar ajratish”;
Keyingi tahrirga qarang.
a) “Toshkent” xalqaro aeroportining alohida yo‘lovchilarga xizmat ko‘rsatish zali to‘g‘risidagi nizomga 2-ro‘yxatning “4. Markaziy muassasalar va boshqa tashkilotlar” bo‘limiga quyidagi mazmundagi 4.6.5-kichik band qo‘shilsin:
“4.6.5. O‘zbekiston fermer, dehqon xo‘jaliklari va tomorqa yer egalari kengashi raisi va uning o‘rinbosarlari”;
b) O‘zbekiston Respublikasi aeroportlarida rasmiy delegatsiyalarga xizmat ko‘rsatish zali to‘g‘risidagi nizomga 1-ro‘yxatning “5. Markaziy muassasalar va boshqa tashkilotlar” bo‘limiga quyidagi mazmundagi 5.16-kichik band qo‘shilsin:
“5.16. O‘zbekiston fermer, dehqon xo‘jaliklari va tomorqa yer egalari kengashi raisi va uning o‘rinbosarlari”.