O‘zbekiston Respublikasi Prezidentining 2017-yil 12-dekabrdagi “Aholiga davlat xizmatlari ko‘rsatishning milliy tizimini tubdan isloh qilish chora-tadbirlari to‘g‘risida”gi PF-5278-son Farmoni bilan O‘zbekiston Respublikasi Adliya vazirligi huzurida Davlat xizmatlari agentligi (keyingi o‘rinlarda Agentlik deb yuritiladi) tashkil etildi, bu bilan tadbirkorlik subyektlariga ham, aholining keng qatlamlariga ham davlat xizmatlarini ko‘rsatishning yangi tizimini yaratish uchun mustahkam huquqiy poydevor qo‘yildi.
Ushbu tizimning prinsipial jihatdan yangiligi barcha darajalardagi O‘zbekiston Respublikasi Prezidenti Xalq qabulxonalari va Davlat xizmatlari markazlari “Xalq qabulxonasi” (keyingi o‘rinlarda — Xalq qabulxonasi) yagona brendi ostida birgalikda faoliyat olib borishi, jumladan fuqarolarga qulaylik yaratish uchun ularning bir binoga joylashtirilishi hisoblanadi.
Xalq qabulxonalarini joylashtirish maqsadida quriladigan yangi binolar zamonaviy arxitektura-qurilish yechimlari, yuqori energiya samaradorligi, eng asosiysi, tashrif buyuruvchilarga sifatli va tezkorlik bilan xizmat ko‘rsatish uchun eng qulay shart-sharoitlarni ko‘zda tutishi lozim.
Tadbirkorlik subyektlari va aholiga kompleks davlat xizmatlarini ko‘rsatuvchi yaxlit infratuzilmaning jadallik bilan yaratilishini, shuningdek, tuman (shahar)larda Xalq qabulxonalari binolari qurilishida investorlarning keng ishtirokini ta’minlash maqsadida:
1. O‘zbekiston Respublikasi Adliya vazirligi, Iqtisodiyot vazirligi, Moliya vazirligi, Savdo-sanoat palatasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining tuman (shahar)larda tadbirkorlik subyektlari — yuridik shaxslarni (keyingi o‘rinlarda — investorlar) faol jalb qilish hisobiga Xalq qabulxonalari binolarini davlat-xususiy sheriklik shartlari asosida qurish to‘g‘risidagi taklifi ma’qullansin.
2. Quyidagilar Xalq qabulxonalarining binolarini qurish uchun davlat-xususiy sheriklikning asosiy shartlari etib belgilansin:
Oldingi tahrirga qarang.
Oldingi tahrirga qarang.
Xalq qabulxonalari binolarining qurilishi uchun ma’qullangan namunaviy loyihalarga muvofiq Xalq qabulxonalarini barpo etish, shuningdek, tegishli infratuzilma (transport bog‘lamalari, avtostansiyalar, avtomobillar to‘xtab turish joylari mavjudligi va h.k) qurish uchun zarur yer uchastkalari Adliya vazirligining hududiy boshqarmalariga doimiy foydalanish uchun ajratiladi hamda ular tomonidan investorga to‘g‘ridan to‘g‘ri shartnomalar asosida haq undirilmasdan ijaraga beriladi;
(2-bandning ikkinchi xatboshisi O‘zbekiston Respublikasi Prezidentining 2022-yil 20-apreldagi PF-113-sonli Farmoni tahririda — Qonunchilik ma’lumotlari milliy bazasi, 21.04.2022-y., 06/22/113/0330-son)
Oldingi tahrirga qarang.
Xalq qabulxonalari binolarini qurish uchun yer uchastkalarini tanlab olish mahalliy ijro etuvchi hokimiyat organlari tomonidan Adliya vazirligi bilan kelishilgan xolda amalga oshiriladi;
(2-bandning uchinchi xatboshisi O‘zbekiston Respublikasi Prezidentining 2022-yil 20-apreldagi PF-113-sonli Farmoni tahririda — Qonunchilik ma’lumotlari milliy bazasi, 21.04.2022-y., 06/22/113/0330-son)
investorlarga tadbirkorlik faoliyatini amalga oshirish uchun (kelishuv bo‘yicha yoki Xalq qabulxonalari bilan bir binoda yoxud boshqa joyda) joyning tashqi me’moriy qiyofasiga mos keladigan, qurilish uchun ajratilgan Xalq qabulxonalari binolaridan kichik bo‘lmagan maydonga ega bo‘lgan Xalq qabulxonalari binolariga tutash qo‘shimcha shunga o‘xshash obyektlar ham ajratiladi. Bunda mazkur obyektlarning faoliyat ko‘rsatishi Xalq qabulxonalarining ishi uchun noqulayliklar yaratmasligi yoki davlat xizmatlarining sifatli va tezkorlik bilan ko‘rsatilishiga biror-bir shaklda to‘sqinlik qilmasligi kerak;
investorning huquq va majburiyatlari, Xalq qabulxonalari binolariga tutash obyektlarda amalga oshirilishi mumkin bo‘lgan faoliyat turlari va yo‘nalishlari, shuningdek, Xalq qabulxonalari binolarining qurilishi bo‘yicha davlat-xususiy sheriklikning boshqa shartlari O‘zbekiston Respublikasi Adliya vazirligi tomonidan ishlab chiqiladigan namunaviy shakllar bo‘yicha investor va Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari o‘rtasida tuziladigan kelishuvlarda (keyingi o‘rinlarda — namunaviy kelishuv) aks ettiriladi;
Xalq qabulxonalari binolari davlat-xususiy sheriklik to‘g‘risidagi kelishuvda qat’iy belgilangan muddatlarda va belgilangan tartibda ma’qullangan loyihalar asosida, tutash hudud obod qilinishi, jumladan avtomototransport vositalarining zamonaviy bepul to‘xtab turish joyining barpo etilishini nazarda tutgan holda quriladi;
qurilishi tugallangan Xalq qabulxonalari binolaridan keyinchalik foydalanish tartibi davlat-xususiy sheriklik to‘g‘risidagi kelishuv bilan belgilanadi;
Oldingi tahrirga qarang.
(2-bandning sakkizinchi xatboshisi O‘zbekiston Respublikasi Prezidentining 2022-yil 8-apreldagi PF-101-sonli Farmoniga asosan 2022-yil 1-iyuldan chiqariladi — Qonunchilik ma’lumotlari milliy bazasi, 09.04.2022-y., 06/22/101/0288-son)
investorlarga Xalq qabulxonalari binolari foydalanishga topshirilgan sanadan boshlab 3 yil davomida mazkur binolarda foydalanilmayotgan xonalarni ijaraga berishdan tushadigan mablag‘lar yo‘naltiriladi.
Oldingi tahrirga qarang.
Adliya vazirligiga Xalq qabulxonalari binolaridagi foydalanilmayotgan xonalarni ijaraga berish to‘g‘risida ikki tomonlama shartnomalarni mustaqil ravishda kelib tushayotgan mablag‘larni keyinchalik Davlat xizmatlarini rivojlantirish jamg‘armasi hisobvarag‘iga o‘tkazgan holda tuzish huquqi berilsin.
(2-bandning o‘ninchi xatboshisi O‘zbekiston Respublikasi Prezidentining 2022-yil 20-apreldagi PF-113-sonli Farmoni tahririda — Qonunchilik ma’lumotlari milliy bazasi, 21.04.2022-y., 06/22/113/0330-son)
Oldingi tahrirga qarang.
3. Tijorat banklariga investorlarga Xalq qabulxonalari binolari va ajratilgan yer uchastkasi doirasida tadbirkorlik faoliyatini amalga oshirish maqsadida qo‘shimcha obyektlar qurish uchun 10 yil muddatga, jumladan 5 yillik imtiyozli davr bilan tijorat banklari tomonidan bozor tamoyillari asosida mustaqil ravishda o‘rnatiladigan stavkalarda kreditlar berish tavsiya etilsin.
(3-band O‘zbekiston Respublikasi Prezidentining 2019-yil 12-dekabrdagi PF-5893-sonli Farmoni tahririda — Qonun hujjatlari ma’lumotlari milliy bazasi, 13.12.2019-y., 06/19/5893/4150-son)
Oldingi tahrirga qarang.
Adliya vazirligi tomonidan taqdim etiladigan texnik topshiriqlar asosida Xalq qabulxonalari binolari loyihalari va loyiha-smeta hujjatlarining tezkorlik bilan tasdiqlanishini;
(4-bandning ikkinchi xatboshisi O‘zbekiston Respublikasi Prezidentining 2022-yil 20-apreldagi PF-113-sonli Farmoni tahririda — Qonunchilik ma’lumotlari milliy bazasi, 21.04.2022-y., 06/22/113/0330-son)
qurilish-montaj ishlari sifatiga rioya etilishi ustidan ta’sirchan nazoratning amalga oshirilishini ta’minlasin.
investorlarni tanlab olishning asosiy mezonlari Xalq qabulxonalari binolarini qurish muddati, shuningdek, taklif etiladigan kapital qo‘yilmalar va investitsiyalar hisoblanadi;
investorning tashabbusi bo‘yicha kelishuv bekor qilinganda, uning Xalq qabulxonalari binolari qurilishiga sarflagan xarajatlari qoplanmaydi, qurilishi tugallanmagan obyekt davlat mulkiga o‘tkaziladi va ushbu qarorga muvofiq investorlarni qidirib topish qaytadan o‘tkaziladi;
Oldingi tahrirga qarang.
qurilayotgan Xalq qabulxonalari binolarining zarur tashqi muhandislik-transport kommunikatsiyalarini olib kelish Xalq qabulxonalari binolari qurilishi uchun davlat-xususiy sheriklik to‘g‘risidagi kelishuvda belgilangan muddatlarni hisobga olgan holda elektr ta’minoti, gaz ta’minoti va aloqa qismi bo‘yicha “O‘zbekenergo” AJ, “O‘ztransgaz” AJ va “O‘zbektelekom” AK mablag‘lari hisobidan, avtomobil yo‘llari qurish qismi bo‘yicha O‘zbekiston Respublikasi Davlat budjeti mablag‘lari hisobidan, shuningdek, suv ta’minoti, kanalizatsiya va avtostansiyalar Qoraqalpog‘iston Respublikasi budjeti, viloyatlar va Toshkent shahar mahalliy budjetlari mablag‘lari hisobidan amalga oshiriladi;
(2-bandning to‘rtinchi xatboshisi O‘zbekiston Respublikasi Prezidentining 2021-yil 30-apreldagi PF-6218-sonli Farmoni tahririda — Qonunchilik ma’lumotlari milliy bazasi, 30.04.2021-y., 06/21/6218/0398-son)
Xalq qabulxonalari binolari foydalanishga topshirilganidan keyin mahalliy ijro etuvchi hokimiyat organlari qulay transport yo‘nalishlari va jamoat transportining bir maromda ishlashini tashkil etadi;
Oldingi tahrirga qarang.
Xalq qabulxonalari binolarini mebel, texnika, boshqa uskuna va inventar bilan jihozlash O‘zbekiston Respublikasi Adliya vazirligining budjet va budjetdan tashqari mablag‘lari, grantlar, kreditlar, mahalliy budjetlar mablag‘lari va qonun hujjatlari bilan taqiqlanmagan boshqa mablag‘lar, shuningdek, investorlar rozi bo‘lgan taqdirda, ularning o‘z qo‘yilmalari hisobidan amalga oshiriladi.
(5-bandning oltinchi xatboshisi O‘zbekiston Respublikasi Prezidentining 2022-yil 20-apreldagi PF-113-sonli Farmoni tahririda — Qonunchilik ma’lumotlari milliy bazasi, 21.04.2022-y., 06/22/113/0330-son)
6. O‘zbekiston Respublikasi Adliya vazirligi, Qurilish vazirligi va Toshkent shahar hokimligining Toshkent shahrida 5 ta zamonaviy Xalq qabulxonalari binolarini davlat-xususiy sheriklik shartlari asosida “Tashgiprogor” AJ tomonidan ishlab chiqiladigan maxsus loyiha bo‘yicha qurish, talab oshganda, ularning sonini Qoraqalpog‘iston Respublikasi, respublika hududlarida har bir tuman (shahar)da bittadan bosqichma-bosqich ko‘paytirish to‘g‘risidagi taklifi qabul qilinsin.
Toshkent shahar hokimligi O‘zbekiston Respublikasi Adliya vazirligi va Qurilish vazirligi bilan birgalikda ikki hafta muddatda Xalq qabulxonalarining 5 ta zamonaviy binolarini davlat-xususiy sheriklik shartlari asosida maxsus loyiha bo‘yicha mazkur binolarning 2018-yil 3 va 4-choraklarida foydalanishga topshirilishini ta’minlagan holda qurish uchun joylarni va investorlarni aniqlasin.
ikki oy muddatda potensial investorlarni tanlab olishni hamda ular bilan Xalq qabulxonalari binolarini ushbu qarorda va namunaviy kelishuvda belgilangan davlat-xususiy sheriklik shartlari asosida qurish to‘g‘risidagi kelishuvlarni tuzishni ta’minlasin;
investorlar bo‘lmagan taqdirda, har bir tuman (shahar)da Xalq qabulxonalari binolari qurilishini Qoraqalpog‘iston Respublikasi budjeti, viloyatlar va Toshkent shahar, tumanlar va shaharlar mahalliy budjetlari hisobidan tashkil etsin.
bir oy muddatda Xalq qabulxonalari binolarining davlat-xususiy sheriklik shartlari asosida qurilishi to‘g‘risidagi namunaviy kelishuv loyihasi ishlab chiqilishini;
Oldingi tahrirga qarang.
O‘zbekiston Milliy teleradiokompaniyasi, O‘zbekiston Milliy axborot agentligi, O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi hamda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda mazkur qarorning mazmun-mohiyati keng yoritilishini hamda aholi va tadbirkorlik subyektlariga yetkazilishini ta’minlasin.
(8-bandning uchinchi xatboshisi O‘zbekiston Respublikasi Prezidentining 2019-yil 10-dekabrdagi PF-5892-sonli Farmoni tahririda — Qonun hujjatlari ma’lumotlari milliy bazasi, 11.12.2019-y., 06/19/5892/4134-son)
O‘zbekiston Respublikasi Adliya vazirligiga davlat-xususiy sheriklik asosida adliya organlari va muassasalarining boshqa binolarini qurishda ushbu qaror va namunaviy kelishuv shartlarini qo‘llashga ruxsat etilsin.
9. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidentining davlat maslahatchilari T.A. Xudaybergenov, R.R. Inoyatov va O‘zbekiston Respublikasi adliya vaziri R.K. Davletov zimmasiga yuklansin.