Keyingi tahrirga qarang.
O‘zbekiston Respublikasi Prezidentining “Aholiga davlat xizmatlari ko‘rsatishning milliy tizimini tubdan isloh qilish chora-tadbirlari to‘g‘risida” 2017-yil 12-dekabrdagi PF-5278-son Farmoniga va “Davlat xizmatlari ko‘rsatish tizimini jadal rivojlantirish bo‘yicha qo‘shimcha chora-tadbirlar to‘g‘risida” 2018-yil 11-apreldagi PQ-3662-son qaroriga muvofiq hamda jismoniy va yuridik shaxslarga davlat va xo‘jalik boshqaruvi organlari, mahalliy davlat hokimiyati organlari, tijorat banklari tomonidan ko‘rsatiladigan barcha turdagi xizmatlardan erkin foydalanishni ta’minlaydigan elektron raqamli imzo kalitining sertifikatini berish bo‘yicha davlat xizmatlari ko‘rsatish tartibotini yanada takomillashtirish maqsadida Vazirlar Mahkamasi qaror qiladi:
1. Davlat xizmatlari markazlari orqali davlat va xo‘jalik boshqaruvi organlari, mahalliy davlat hokimiyati organlari hamda tijorat banklari tomonidan ko‘rsatiladigan barcha turdagi xizmatlardan erkin foydalanishni ta’minlaydigan elektron raqamli imzo kalitining sertifikatini berish bo‘yicha davlat xizmatlari ko‘rsatishning ma’muriy reglamenti ilovaga muvofiq tasdiqlansin.
Keyingi tahrirga qarang.
2. O‘zbekiston Respublikasi Adliya vazirligi huzuridagi Davlat xizmatlari agentligi va Davlat soliq qo‘mitasi Savdo-sanoat palatasi bilan birgalikda o‘z xodimlarini ushbu qaror bilan tasdiqlangan Ma’muriy reglament tartibotlariga tizimli ravishda o‘qitishni ta’minlasinlar.
Keyingi tahrirga qarang.
3. Vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — Moliya vaziri J.A. Qo‘chqorov, Adliya vaziri R.Q. Davletov hamda Davlat soliq qo‘mitasi raisi B.R. Parpiyev zimmasiga yuklansin.
Keyingi tahrirga qarang.
1. Ushbu Ma’muriy reglament Davlat xizmatlari markazlari orqali davlat va xo‘jalik boshqaruvi organlari, mahalliy davlat hokimiyati organlari hamda tijorat banklari tomonidan ko‘rsatiladigan barcha turdagi xizmatlardan erkin foydalanishni ta’minlaydigan elektron raqamli imzo (keyingi o‘rinlarda ERI deb ataladi) kalitining sertifikatini berish bo‘yicha davlat xizmatlari ko‘rsatish tartibini belgilaydi.
Keyingi tahrirga qarang.
2. Davlat xizmatlari markazlari orqali ERI kalitlarini ro‘yxatga olish va ERI kalitlari sertifikatlarini berish “Davlat va xo‘jalik boshqaruvi organlari, mahalliy davlat hokimiyati organlari hamda tijorat banklari tomonidan ko‘rsatiladigan barcha turdagi xizmatlardan erkin foydalanishni ta’minlaydigan ERI kalitlarini ro‘yxatga olish va ERI kalitlari sertifikatlarini berish” davlat xizmatlari sifatida ko‘rsatiladi.
Ushbu davlat xizmatlari O‘zbekiston Respublikasi Davlat soliq qo‘mitasi huzuridagi Yangi texnologiyalar ilmiy-axborot markazi (keyingi o‘rinlarda vakolatli organ deb ataladi) tomonidan Davlat xizmatlari markazlari orqali amalga oshiriladi.
Keyingi tahrirga qarang.
ERI — elektron hujjatdagi mazkur elektron hujjat axborotini ERIning yopiq kalitidan foydalangan holda maxsus o‘zgartirish natijasida hosil qilingan hamda ERI ochiq kaliti yordamida elektron hujjatdagi axborotda xatolik yo‘qligini aniqlash va ERI yopiq kalitining egasini identifikatsiya qilish imkoniyatini beradigan imzo;
ERIning yopiq kaliti — ERI vositalaridan foydalangan holda hosil qilingan, faqat imzo qo‘yuvchi shaxsning o‘ziga ma’lum bo‘lgan va elektron hujjatda ERI yaratish uchun mo‘ljallangan belgilar ketma-ketligi;
ERIning ochiq kaliti — ERI vositalaridan foydalangan holda hosil qilingan, ERI yopiq kalitiga mos keluvchi, axborot tizimining har qanday foydalanuvchisi foydalana oladigan va elektron hujjatdagi ERI haqiqiyligini tasdiqlash uchun mo‘ljallangan belgilar ketma-ketligi;
ERI kalitining sertifikati — ERIning ochiq kaliti ERIning yopiq kalitiga mosligini tasdiqlaydigan va ERI yopiq kalitining egasiga vakolatli organ tomonidan berilgan elektron yoki qog‘oz shaklidagi hujjat;
Keyingi tahrirga qarang.
ERI yopiq kalitining paroli — ERIning yopiq kalitidan ruxsatsiz tarzda foydalanishdan himoya qilish uchun mo‘ljallangan shartli belgilar ketma-ketligi;
ERIning yopiq kaliti egasi — ERIni yaratgan (elektron hujjatga imzo qo‘ygan) va vakolatli organ tomonidan uning nomiga ERI kaliti sertifikati berilgan jismoniy shaxs;
ERI kalitining sertifikatini boshqarish — ERI kalitining sertifikati amal qilishini to‘xtatib turish yoki qayta tiklash yoxud uni bekor qilish;
Keyingi tahrirga qarang.
4. Davlat xizmatlari markazlari hamda vakolatli organ o‘rtasidagi harakatlar ERIdan foydalanilgan holda idoralararo elektron tarzda hamkorlik qilish tizimi orqali amalga oshiriladi.
Oldingi tahrirga qarang.
5. ERI kalitlarining sertifikatlarini berish uchun yuridik shaxslardan va yuridik shaxs tashkil etmagan tadbirkorlik subyektlaridan eng kam oylik ish haqining 10 foizi, jismoniy shaxslardan esa 7 foizi miqdorida yig‘im undiriladi, qonun hujjatlarida ERI kalitlarining sertifikatlarini bepul olish nazarda tutilgan hollar bundan mustasno.
(5-band O‘zbekiston Respublikasi Vazirlar Mahkamasining 2018-yil 17-dekabrdagi 1025-sonli qarori tahririda — Qonun hujjatlari ma’lumotlari milliy bazasi, 18.12.2018-y., 09/18/1025/2338-son)
Keyingi tahrirga qarang.
20 foizi O‘zbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamg‘armasi shaxsiy hisob raqamiga o‘tkaziladi;
Keyingi tahrirga qarang.
7. ERI kaliti sertifikatining amal qilish muddati ERI ro‘yxatga olingan vaqtdan boshlab 24 oydan oshmasligi kerak.
Keyingi tahrirga qarang.
8. ERI kalitlarini ro‘yxatdan o‘tkazish va ERI kalitlarining sertifikatlarini olish uchun jismoniy shaxslar va yuridik shaxslarning vakillari (keyingi o‘rinlarda murojaat etuvchilar deb ataladi) Davlat xizmatlari markazlariga bevosita yoki O‘zbekiston Respublikasi Yagona interaktiv davlat xizmatlari portali (keyingi o‘rinlarda Yagona portal deb ataladi) orqali elektron tarzda murojaat qiladilar.
ERI kalitining sertifikatini berish ushbu Ma’muriy reglamentga 1-ilovaga muvofiq sxema bo‘yicha amalga oshiriladi.
Keyingi tahrirga qarang.
9. Bevosita murojaat qilinganda Davlat xizmatlari markazi xodimi murojaat etuvchining nomidan, Yagona portal orqali murojaat qilingan hollarda esa murojaat etuvchi mustaqil ravishda ushbu Ma’muriy reglamentga 2-ilovaga muvofiq elektron shaklda davlat xizmatlaridan foydalanish to‘g‘risidagi so‘rovnomani to‘ldiradi.
Keyingi tahrirga qarang.
Keyingi tahrirga qarang.
Keyingi tahrirga qarang.
Murojaat etuvchi ERI kalitining sertifikatini olish uchun yig‘im to‘laydi. Kasb-hunar kollejlari va akademik litseylarning o‘quvchilariga ERI kalitlari sertifikatlari bepul beriladi.
Keyingi tahrirga qarang.
ERI kalitining sertifikatini olish uchun yig‘im to‘langanligini tasdiqlash axborot-kommunikatsiya tizimlari orqali amalga oshiriladi.
Agar ERI yopiq kaliti egasi yuridik shaxsning vakili (yuridik shaxsning rahbari bundan mustasno) bo‘lsa, so‘rovnomaga ERI yopiq kaliti egasining familiyasi, ismi, otasining ismi va lavozimi ko‘rsatilgan hamda ushbu ERI yopiq kaliti egasiga ERI kalitlarini va ERI kalitining sertifikatini berish to‘g‘risida yuridik shaxsning xati (ishonchnoma) ilova qilinadi.
Murojaat etuvchilardan ushbu bandda ko‘rsatilmagan ma’lumotlarni, shuningdek, boshqa hujjatlarni talab qilish qat’iyan taqiqlanadi.
10. Davlat xizmatlari markazi ERI kalitining sertifikatini berish to‘g‘risidagi so‘rovnomani qabul qilganidan so‘ng yigirma daqiqa vaqt ichida undagi ma’lumotlarni Davlat xizmatlari markazi xodimining ERI bilan tasdiqlangan holda vakolatli organning axborot tizimiga idoralararo elektron o‘zaro bog‘lanish yo‘li bilan yuboradi.
Keyingi tahrirga qarang.
11. Vakolatli organning axborot tizimida Davlat xizmatlari markazi tomonidan yuborilgan ma’lumotlar ko‘rib chiqilib, real vaqt rejimida ERI kalitining sertifikati rasmiylashtiriladi yoki ERI kalitining sertifikatini berish asosli ravishda rad etiladi.
12. Vakolatli organning axborot tizimida so‘rovnomani ko‘rib chiqishning natijalariga asosan rasmiylashtirilgan ERI kaliti sertifikati elektron hujjat shaklida Davlat xizmatlari markaziga idoralararo elektron o‘zaro bog‘lanish yo‘li orqali yuboriladi.
Keyingi tahrirga qarang.
13. ERI yopiq kalitining paroli vakolatli organ tomonidan so‘rovnomada ko‘rsatilgan mobil telefon raqamiga sms-xabar shaklida yuboriladi. ERI yopiq kaliti egasining Davlat xizmatlari markaziga bevosita qilgan murojaatiga asosan so‘rovnomada ko‘rsatilgan mobil telefon raqami o‘zgartirilishi yoki ERI yopiq kalitining paroli qayta yuborilishi mumkin.
14. ERI kalitining sertifikatini olish uchun ERI yopiq kalitining egasi Davlat xizmatlari markazi xodimiga ERI kalitlarini va ERI kalitining sertifikatini elektron hujjat shaklida yozib qo‘yish va saqlash uchun o‘zga ma’lumotlar manbaini taqdim etadi.
Keyingi tahrirga qarang.
15. Davlat xizmatlari markazi xodimi ERI kalitini va ERI kalitining sertifikatini ERI yopiq kaliti egasiga berish vaqtida quyidagilarni amalga oshiradi:
ERI yopiq kaliti egasining shaxsini tasdiqlovchi hujjati (pasport, harbiy bilet, haydovchilik guvohnomasi yoki shaxsini tasdiqlovchi boshqa hujjat) asosida uning shaxsini aniqlaydi;
tarkibida ro‘yxatga olingan ERI kalitlari va elektron hujjat shaklidagi ERI kalitining sertifikati bo‘lgan faylni murojaat etuvchi tomonidan taqdim etilgan o‘zga ma’lumotlar manbaiga yozib qo‘yadi va faylning yozilganligini tekshiradi;
ERI kalitining sertifikatini qog‘oz hujjat shaklida talab etilgan taqdirda ikki nusxada chop etiladi va har bir nusxasi Davlat xizmatlari markazi xodimi tomonidan imzolanib bir nusxasi ERI yopiq kaliti egasiga beriladi.
16. Davlat xizmatlari markazi xodimi ERI kaliti sertifikatini ERI yopiq kaliti egasiga berish jarayonida murojaat etuvchi tomonidan taqdim etilgan o‘zga ma’lumotlar manbaidagi ma’lumotlarga o‘zgartirish kiritishi, ulardan nusxa olishi va o‘chirishi, o‘zida saqlash hamda ERI yopiq kaliti egasidan ERI yopiq kaliti parolini so‘rab olishi taqiqlanadi.
17. Vakolatli organ tomonidan ERI kalitining sertifikatini berishni rad etishga quyidagilar asos bo‘lishi mumkin:
murojaat etuvchi taqdim etgan so‘rovnomada noto‘g‘ri yoki buzib ko‘rsatilgan ma’lumotlarning mavjudligi;
ERI kalitining sertifikatini berish uchun to‘lov amalga oshirilmaganligi, qonun hujjatlarida ERI kalitlarining sertifikatlarini bepul olish nazarda tutilgan hollar bundan mustasno;
Boshqa asoslarga ko‘ra, shu jumladan, ERI kalitining sertifikatini berish maqsadga muvofiq emas degan sabablar bilan rad etishga yo‘l qo‘yilmaydi.
Keyingi tahrirga qarang.
18. Vakolatli organ ERI kalitining sertifikatini berishni rad etish to‘g‘risidagi xabarnomani uning aniq asoslarini ko‘rsatgan holda Davlat xizmatlari markaziga yuboradi. Agarda murojaat etuvchining so‘rovnomasi vakolatli organga to‘g‘ridan to‘g‘ri Yagona portal orqali kelib tushgan bo‘lsa, ERI kalitining sertifikatini berishni rad etish to‘g‘risidagi xabarnoma murojaat etuvchining o‘ziga Yagona portal orqali avtomatik ravishda yuboriladi.
Keyingi tahrirga qarang.
19. Davlat xizmatlari markazi vakolatli organdan ERI kalitining sertifikatini berishni rad etish to‘g‘risidagi xabarnoma olingan vaqtdan boshlab yigirma daqiqa ichida murojaat etuvchini xabardor qiladi.
20. ERI kalitining sertifikatini berishning rad etilishiga asos bo‘lgan sabablar murojaat etuvchi tomonidan bartaraf etilgan taqdirda, so‘rovnomani qayta ko‘rib chiqish murojaat etuvchi tomonidan Davlat xizmatlari markaziga yoki Yagona portal orqali vakolatli organga rad etilishiga asos bo‘lgan sabablarni bartaraf etgan holda taqdim etilgan so‘rovnoma olingan vaqtdan boshlab ushbu Ma’muriy reglamentning 10 — 15-bandlarida ko‘rsatilgan tartibda amalga oshiriladi.
Keyingi tahrirga qarang.
So‘rovnomani qayta ko‘rib chiqishda vakolatli organ tomonidan ERI kalitining sertifikatini berish ilgari ko‘rsatilmagan yangi asoslar bo‘yicha rad etilishiga yo‘l qo‘yilmaydi. Takroriy murojaat ko‘rib chiqilganligi uchun yig‘im undirilmaydi.
Keyingi tahrirga qarang.
21. Murojaat etuvchi vakolatli organning ERI kaliti sertifikatini berishni rad etish to‘g‘risidagi xabarnomasi, shuningdek vakolatli organ mansabdor shaxsining harakati (harakatsizligi) yuzasidan qonun hujjatlarida belgilangan tartibda shikoyat qilishga haqli.
22. ERI kalitining sertifikatini boshqarish uchun ushbu Ma’muriy reglamentga 2-ilovaga muvofiq elektron shaklda davlat xizmatlaridan foydalanish to‘g‘risidagi so‘rovnoma Davlat xizmatlari markaziga bevosita murojaat qilgan holda to‘ldiriladi.
23. Agar ERI yopiq kalitining egasi yuridik shaxsning vakili bo‘lsa ERI kalitining sertifikatini boshqarish to‘g‘risidagi so‘rovnoma bilan birga ERI yopiq kaliti egasining familiyasi, ismi, otasining ismi va lavozimi ko‘rsatilgan ERI kalitining sertifikatini boshqarish to‘g‘risida yuridik shaxsning xati (ishonchnoma) taqdim etiladi.
Bunda, murojaat etuvchi ERI yopiq kalitining egasi bo‘lsa, ERI kalitining sertifikatini boshqarish uchun yuridik shaxsning xati (ishonchnoma) talab etilmaydi.
24. ERI kalitining sertifikatini boshqarish to‘g‘risidagi so‘rovnomani qabul qilish vaqtida Davlat xizmatlari markazining xodimi ERI yopiq kaliti egasining shaxsini tasdiqlovchi hujjat (pasport, harbiy bilet, haydovchilik guvohnomasi yoki shaxsini tasdiqlovchi boshqa hujjat) asosida uning shaxsini aniqlaydi.
Bunda, ERI kalitining sertifikatini boshqarish uchun yuridik shaxsning xati (ishonchnoma) taqdim etilganda, ERI yopiq kaliti egasining shaxsini aniqlash talab etilmaydi.
25. Davlat xizmatlari markazi ERI kalitining sertifikatini boshqarish to‘g‘risidagi so‘rovnomani qabul qilganidan so‘ng uni yigirma daqiqa ichida vakolatli organga yuboradi.
26. Vakolatli organ ERI kalitining sertifikatini boshqarish to‘g‘risidagi so‘rovnomani real vaqt rejimida ko‘rib chiqadi va so‘rovnomada ko‘rsatilgan ERI kalitining sertifikati bilan zarur bo‘lgan harakatlarni amalga oshiradi.
27. ERI kalitining sertifikatini boshqarish to‘g‘risidagi so‘rovnomani ko‘rib chiqish natijalari va ERI kalitining sertifikati bilan amalga oshirilgan harakatlar haqidagi ma’lumotlar vakolatli organ tomonidan Davlat xizmatlari markaziga elektron hujjat shaklida yuboriladi.
28. Davlat xizmatlari markazi ERI kalitining sertifikati bilan amalga oshirilgan harakatlar haqidagi ma’lumotlar olingan vaqtdan boshlab yigirma daqiqa ichida bu haqida murojaat etuvchini xabardor qiladi.
29. Vakolatli organ O‘zbekiston Respublikasi Adliya vazirligi huzuridagi Davlat xizmatlari agentligining hududiy boshqarmalari xatlari asosida bepul ravishda boshqarma xodimlarining ERI kalitlarini ro‘yxatdan o‘tkazadi, sertifikatlarni beradi va berilgan sertifikatlarni boshqaradi.
Keyingi tahrirga qarang.
30. O‘zbekiston Respublikasi Adliya vazirligi huzuridagi Davlat xizmatlari agentligining hududiy boshqarmalari vakolatli organda ro‘yxatdan o‘tkazilgan ERI kalitlari yordamida Davlat xizmatlari markazlarining xodimlariga ushbu Ma’muriy reglamentda nazarda tutilgan harakatlarni amalga oshirish uchun ERI kalitlarini ro‘yxatdan o‘tkazadi, sertifikatlarni beradi va berilgan sertifikatlarni boshqaradi.
Keyingi tahrirga qarang.
31. ERI kalitlarining sertifikatlari qog‘oz hujjat shaklida berilgan taqdirda vakolatli organ ularni saqlash uchun Davlat xizmatlari markazlaridan ushbu Ma’muriy reglamentga 3-ilovaga muvofiq ERI kalitining sertifikatlari reyestri bo‘yicha har chorakda keyingi oyning 25-kunigacha elektron shaklda qabul qilib oladi.
32. Ushbu Ma’muriy reglament talablari buzilishida aybdor bo‘lgan shaxslar qonun hujjatlarida belgilangan tartibda javob beradilar.
Davlat xizmatlari markazlari orqali davlat va xo‘jalik boshqaruvi organlari, mahalliy davlat hokimiyati organlari hamda tijorat banklari tomonidan ko‘rsatiladigan barcha turdagi xizmatlardan erkin foydalanishni ta’minlaydigan elektron raqamli imzo kalitining sertifikatini berish bo‘yicha davlat xizmatlari ko‘rsatishning ma’muriy reglamentiga
1-ILOVA
1-ILOVA
Keyingi tahrirga qarang.
Keyingi tahrirga qarang.
Davlat xizmatlari markazlari orqali davlat va xo‘jalik boshqaruvi organlari, mahalliy davlat hokimiyati organlari hamda tijorat banklari tomonidan ko‘rsatiladigan barcha turdagi xizmatlardan erkin foydalanishni ta’minlaydigan elektron raqamli imzo kalitining sertifikatini berish bo‘yicha davlat xizmatini ko‘rsatishning ma’muriy reglamentiga
2-ILOVA
2-ILOVA
Keyingi tahrirga qarang.
Davlat xizmatlari markazlari orqali davlat va xo‘jalik boshqaruvi organlari, mahalliy davlat hokimiyati organlari hamda tijorat banklari tomonidan ko‘rsatiladigan barcha turdagi xizmatlardan erkin foydalanishni ta’minlaydigan elektron raqamli imzo kalitining sertifikatini berish bo‘yicha davlat xizmatini ko‘rsatishning ma’muriy reglamentiga
3-ILOVA
3-ILOVA
__________ tuman (shahar) Davlat xizmatlari markazi orqali 20__ yil ___ chorakda berilgan elektron raqamli imzo kalitlarining sertifikatlari | ||||||||||||||
T/r | ERI yopiq kaliti egasining F.I.O. | Berilgan sana | ERI kaliti sertifikatning raqami | ERI kaliti sertifikatining amal qilish muddati | Izoh | |||||||||
Vakolatli organga _______ta qog‘oz hujjat shaklidagi imzolangan ERI kalitlarining sertifikatlari topshirildi. | ||||||||||||||
Topshirdi | Qabul qildi | |||||||||||||
_________ | ________________ | _________ | ____________________ | |||||||||||
(imzo) | (Davlat xizmatlari markazi xodimining F.I.O.) | (imzo) | (vakolatli organ xodimining F.I.O.) | |||||||||||
“___” _____________ 20__ y. | “___” _____________ 20__ y. |