LexUZ sharhi
Mazkur qaror Xalq deputatlari Surxondaryo viloyati Kengashining 2021-yil 6-iyuldagi VI-29-26-8-0-K/21-sonli “Surxondaryo viloyati mahalliy davlat hokimiyati organlarining eskirgan va o‘z ahamiyatini yo‘qotgan normativ-huquqiy hujjatlarini bekor qilish to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Qishloq va suv xo‘jaligi vazirining 2013-yil 2-apreldagi 58-son buyrug‘i bilan tasdiqlangan “Qishloq xo‘jaligi va meliorativ texnikani, shuningdek mashina-traktor parklari, ustaxonalar va servis punktlarining asbob-uskunalarini texnik ko‘rikdan o‘tkazish tartibi to‘g‘risida”gi nizom (ro‘yxat raqami 2452, 25.04.2013-yil) ga asosan 2018-yilda yuridik va jismoniy shaxslarga tegishli bo‘lgan barcha qishloq xo‘jaligi va meliorativ texnikalar, mashina-traktor parklari, ustaxonalar va servis punktlarining asbob-uskunalarini (keyingi o‘rinlarda Texnikalar deb yuritiladi) majburiy texnik ko‘rikdan o‘tkazishni tashkil qilish maqsadida qaror qilaman:
1. Barcha yuridik va jismoniy shaxslarga tegishli bo‘lgan va belgilangan tartibda mashina va asbob-uskunalarning texnik holatini nazorat qilish qishloq xo‘jaligi texnikasi bo‘yicha Jarqo‘rg‘on tuman davlat inspektori tomonidan ro‘yxatdan o‘tkazilgan barcha texnikalarning 2018-yilda majburiy texnik ko‘rikdan o‘tkazilishi ta’minlansin.
2. Tumandagi barcha texnikalarning ro‘yxatini shakllantirish hamda texnik ko‘rikdan o‘tkazish qishloq xo‘jaligi texnikasi bo‘yicha Jarqo‘rg‘on tuman davlat inspektori (A. Butayarov) zimmasiga yuklatilsin.
barcha texnikalarning texnik holati va jihozlari standart talablariga, yo‘l harakati va texnika xavfsizligi qoidalari hamda normalariga mos kelishi;
texnik ko‘rik boshlangunga qadar barcha diagnostika apparatlari tekshirilishi, maxsus texnikalar, harakatlanuvchi ta’mirlash va tuzatish ustaxonalarining jihozlanganligiga alohida e’tibor qaratilsin.
4. 2018-yilda texnik ko‘rikni uyushqoqlik bilan sifatli o‘tkazish, texnikalarning texnik holati, ulardan foydalanish qoidalariga rioya etilishi ustidan samarali nazoratni tashkil etish maqsadida, texnik ko‘rikdan o‘tkazish bo‘yicha komissiyaning tarkibi 1-ilovaga* muvofiq tasdiqlansin.
5. Qishloq xo‘jaligi texnikasi bo‘yicha Jarqo‘rg‘on tuman davlat inspektori (A. Butayarov)ga 2-ilovaga* asosan tasdiqlangan texnik ko‘rikdan o‘tkazish ish rejasini har bir texnikaga mulk huquqi asosida ega shaxslarga (bundan buyon matnda mulkdor deb yuritiladi) yetkazish hamda o‘z vaqtida bajarilishini ta’minlash yuklatilsin.
6. 2018-yil davomida texnikalarning texnik ko‘rikdan o‘tkazilganligi uchun davlat inspektori tomonidan undiriladigan yig‘imlarning stavkalari 3-ilovaga* muvofiq tasdiqlansin.
7. Tumandagi har bir mulkdor texnik ko‘rikdan o‘tkaziladigan texnikalar to‘g‘risidagi dalolatnomalarni to‘ldirish va texnik ko‘rikdan o‘tkazish uchun yig‘im to‘langanligini tasdiqlovchi hujjatlarni texnika doimiy ro‘yxatdan o‘tgan joydagi davlat inspektoriga taqdim etishda belgilangan muddatlarga qat’iy rioya qilsin.
8. Sug‘urta tashkilotlariga tumandagi barcha traktorlar, o‘zi yurar shassilar, meliorativ yo‘l-qurilish texnikalaridan tushadigan majburiy sug‘urta badalini undirish tavsiya qilinsin.
10. Mazkur qarorning ijrosini nazorat qilish tuman hokimining Qishloq va suv xo‘jaligi bo‘yicha o‘rinbosari A. Xushnazarov zimmasiga yuklatilsin.