LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 12-oktabrdagi 640-sonli “Mirzo Ulug‘bek nomidagi O‘zbekiston Milliy universitetining Nanotexnologiyalarni rivojlantirish markazi faoliyatini takomillashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Ilmiy-tadqiqot muassasalarining infratuzilmasini yanada mustahkamlash va innovatsion faoliyatini rivojlantirish chora-tadbirlari to‘g‘risida” 2017-yil 1-noyabrdagi PQ-3365-son qarori ijrosini ta’minlash, shuningdek, nanotexnologiya sohasidagi ilmiy tadqiqotlarni yanada takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Oliy va o‘rta maxsus ta’lim vazirligi, Innovatsion rivojlanish vazirligi, Iqtisodiyot vazirligi va O‘zbekiston Respublikasi Fanlar akademiyasining yuridik shaxs tashkil etmasdan Mirzo Ulug‘bek nomidagi O‘zbekiston Milliy universiteti Nanotexnologiyalarni rivojlantirish markazini (keyingi o‘rinlarda Markaz deb ataladi) tashkil qilish haqidagi taklifiga rozilik berilsin.
fundamental va amaliy ilmiy tadqiqotlarni, shuningdek, nanotizimlar, nanomateriallar va nanotexnologiyalar sohasida innovatsion loyihalarni amalga oshirishda ishtirok etish, nanotexnologiyalarni rivojlantirishning ustuvor yo‘nalishlarini belgilash va amalga oshirishda qatnashish, nanotexnologiyalar rivojlanishining zamonaviy xalqaro tendensiyalarini tahlil qilish;
jamoaviy foydalaniladigan laboratoriya faoliyatini tashkil etish va ta’minlash, oliy ta’lim muassasalarida Markazning moddiy-texnika bazasini nanotexnologiya sohasidagi ilmiy tadqiqotlar va innovatsion loyihalarni amalga oshirish uchun zarur bo‘lgan zamonaviy ilmiy uskunalar bilan mustahkamlash;
nanotexnologiyalar sohasida innovatsiyalarni amalga oshirish maqsadida oliy ta’lim muassasalari, ilmiy-tadqiqot muassasalari, xo‘jalik boshqaruvi organlari, boshqa manfaatdor tashkilotlar va xususiy sektor bilan hamkorlik qilish;
fundamental va amaliy ilm-fanni o‘quv-tadqiqot, bakalavriat va magistratura talabalarining laboratoriya va kurs ishlarini, ishlab chiqarish va malakaviy amaliyotlarni bajarish uchun laboratoriya bazasidan foydalanishni nazarda tutgan holda, o‘quv-metodik ishlar darajasini yangi o‘quv dasturlari, darsliklar, o‘quv qo‘llanmalari yaratishda ishtirok etish orqali ta’lim jarayonining barcha bosqichlari bilan hamkorligini ta’minlash;
xalqaro aloqalarni o‘rnatish, nanotexnologiyalar sohasida hamkorlikda xalqaro loyihalarni ishlab chiqish va bajarish, xalqaro ilmiy anjumanlar va simpoziumlarni tashkil etish va o‘tkazishda ishtirok etish;
3. Mirzo Ulug‘bek nomidagi O‘zbekiston Milliy universiteti Nanotexnologiyalarni rivojlantirish markazining tuzilmasi ilovaga muvofiq tasdiqlansin.
Mirzo Ulug‘bek nomidagi O‘zbekiston Milliy universiteti rektoriga, zarurat bo‘lganda, Markaz tuzilmasiga xodimlarning tasdiqlangan cheklangan umumiy soni doirasida o‘zgartirishlar kiritish huquqi berilsin.
Mirzo Ulug‘bek nomidagi O‘zbekiston Milliy universitetning budjetdan tashqari mablag‘lari (to‘lov-shartnoma asosidagi ta’limdan tushadigan mablag‘lar bundan mustasno), O‘zbekiston Respublikasi Innovatsion rivojlanish vazirligi tomonidan o‘tkaziladigan tanlov natijalari bo‘yicha ajratiladigan grantlar, xalqaro moliya va boshqa institutlar, xorijiy hukumat tashkilotlari grantlari, shuningdek, qonunchilikda taqiqlanmagan boshqa manbalar Markazni moliyalashtirish manbalari hisoblanadi;
Markaz xodimlariga respublika ilmiy-tadqiqot muassasalarining tegishli lavozimlari uchun nazarda tutilgan mehnatga haq to‘lash va moddiy rag‘batlantirish shartlari tatbiq etiladi.
5. Markaz Mirzo Ulug‘bek nomidagi O‘zbekiston Milliy universitetining Toshkent shahar, Olmazor tumani, Universitet ko‘chasi, 4-uy manzilidagi Fizika fakulteti binosiga joylashtirilsin.
Markazni zamonaviy ilmiy jihozlar bilan ta’minlash uchun xalqaro moliya institutlari va chet el hukumatlari moliyaviy tashkilotlari kreditlarini jalb etish choralarini ko‘rsin;
Mirzo Ulug‘bek nomidagi O‘zbekiston Milliy universitetining budjetdan tashqari mablag‘lari hisobidan Markazni zarur jihozlar, kompyuter texnikasi, asbob-uskunalar va boshqa moddiy vositalar bilan ta’minlasin;
bir oy muddatda Markazni yuqori malakali ilmiy kadrlar bilan ta’minlash uchun zarur choralar ko‘rsin;
Markaz faoliyatini tashkil qilish va rivojlantirish, uni zamonaviy ilmiy uskunalar bilan jihozlash, ilmiy faoliyatini o‘quv jarayoni bilan integratsiyalash bo‘yicha birinchi navbatdagi choralar rejasini uch oy muddatda ishlab chiqsin va tasdiqlasin.
7. O‘zbekiston Respublikasi Oliy va o‘rta maxsus ta’lim vazirligi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
8. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari K.V. Akmalov, O‘zbekiston Respublikasi Bosh vazirining o‘rinbosari –O‘zbekiston Respublikasi Investitsiyalar bo‘yicha davlat qo‘mitasi raisi S.R. Xolmuradov hamda O‘zbekiston Respublikasi Oliy va o‘rta maxsus ta’lim vaziri I.U. Madjidov zimmasiga yuklansin.