O‘zbekiston Respublikasi Vazirlar Mahkmasining 2017-yil 9-oktabrdagi 809-son “O‘zbekiston Respublikasi oliy ta’lim muassasalarining harbiy tayyorgarlik o‘quv bo‘linmalari to‘g‘risidagi Nizomni tasdiqlash to‘g‘risida”gi qaroriga muvofiq O‘zbekiston Respublikasi Mudofaa vazirligi hamda O‘zbekiston Respublikasi Oliy va o‘rta maxsus ta’lim vazirligi qaror qiladi:
1. O‘zbekiston Respublikasi oliy ta’lim muassasalariga “Chaqiriqqacha harbiy ta’lim” yo‘nalishi bo‘yicha qabul qilishda kasbiy (ijodiy) imtihon o‘tkazish tartibi to‘g‘risidagi nizom ilovaga muvofiq tasdiqlansin.
O‘zbekiston Respublikasi Mudofaa vazirligi hamda Oliy va o‘rta-maxsus ta’lim vazirligining 2017-yil 5-dekabrdagi 34, 27-2017-son qaroriga
ILOVA
ILOVA
Mazkur Nizom O‘zbekiston Respublikasining “Umumiy harbiy majburiyat va harbiy xizmat to‘g‘risida”gi qonuni, O‘zbekiston Respublikasi Vazirlar Mahkamasining 2017-yil 9-oktabrdagi 809-son “O‘zbekiston Respublikasi oliy ta’lim muassasalarining harbiy tayyorgarlik o‘quv bo‘linmalari to‘g‘risidagi nizomni tasdiqlash to‘g‘risida”gi qaroriga muvofiq O‘zbekiston Respublikasi oliy ta’lim muassasalariga (bundan buyon matnda OTM deb yuritiladi) “Chaqiriqqacha harbiy ta’lim” yo‘nalishi bo‘yicha qabul qilishda kasbiy (ijodiy) imtihon (bundan buyon matnda imtihon deb yuritiladi) o‘tkazish tartibini belgilaydi.
1. Imtihonning asosiy maqsadi abituriyentlarning tanlangan fan bo‘yicha bilim ko‘nikmalari va darajasini, ularning tanlangan yo‘nalishi bo‘yicha ta’lim olish va kelgusida ishlash imkoniyatini belgilaydigan ijodiy, jismoniy va fiziologik qobiliyatini baholashdan iborat.
2. Imtihon topshirish uchun abituriyentlar O‘zbekiston Respublikasi Vazirlar Mahkamasining 2017-yil 9-oktabrdagi 809-son qarori bilan tasdiqlangan O‘zbekiston Respublikasi oliy ta’lim muassasalarining harbiy tayyorgarlik o‘quv bo‘linmalari to‘g‘risidagi nizomda belgilangan talablarga javob berishi zarur.
3. Abituriyentlardan imtihon qabul qilish uchun OTMda imtihon boshlanishidan bir oy oldin imtihon o‘tkazish bo‘yicha komissiya (bundan buyon matnda komissiya deb yuritiladi) tashkil etiladi va O‘zbekiston Respublikasi Mudofaa vazirligi bilan kelishgan holda OTM rektorining buyrug‘i bilan quyidagi tarkibda uning a’zolari tasdiqlanadi:
“Chaqiriqqacha harbiy ta’lim” yo‘nalishi bo‘yicha mutaxassislar tayyorlashni amalga oshiruvchi harbiy ta’lim fakulteti (bundan buyon matnda fakultet deb yuritiladi) boshlig‘i;
4. Komissiya imtihon o‘tkazish jarayonida kerakli sharoitlar yaratilishi, joylarda imtihonlarni o‘tkazish talablariga qat’iy rioya etgan holda tegishli ravishda tashkil etilishi va adolatli o‘tkazilishi, shuningdek ular natijalarining xolisligi uchun javobgar bo‘ladi.
OTM rektori bilan kelishgan holda imtihon o‘tkazish joyi, kuni va vaqti belgilanadigan reja-jadvalni (bundan buyon matnda reja-jadval deb yuritiladi) tasdiqlaydi;
6. Imtihon davlat test sinovlari o‘tkazilishiga qadar 11-iyuldan 25-iyulgacha chaqiriqqacha boshlang‘ich tayyorgarlik dasturi asosida o‘tkaziladi.
7. Imtihon test majmualarida fanning o‘rniga qarab uning uchun nazarda tutilgan eng ko‘p ballning 0 dan 100 foizigacha bo‘lgan oraliqda yagona ko‘p balli baholash tizimi bo‘yicha amalga oshiriladi.
9. Abituriyentlar imtihonlar o‘tkaziladigan joy, kun va vaqt haqida imtihon o‘tkazilishidan oldin ogohlantiriladi.
10. Imtihon o‘tkazish jarayonlarining shaffofligi va xolisligini ta’minlash maqsadida abituriyentlarning umumjismoniy tayyorgarligini baholash, o‘q otish tayyorgarligi bo‘yicha nazorat normativini bajarishini baholash hamda chaqiriqqacha boshlang‘ich tayyorgarlik dasturi bo‘yicha bilim darajasini baholash jarayonlari uzluksiz ravishda videoyozuvga tushiriladi.
11. Abituriyentlarning umumjismoniy tayyorgarligini baholash komissiya tomonidan reja-jadval asosida O‘zbekiston Respublikasi Mudofaa vazirligi tomonidan belgilanadigan joylarda mazkur Nizomning 1-ilovasida keltirilgan metodikaga muvofiq o‘tkaziladi.
12. Abituriyentlarning o‘q otish tayyorgarligi bo‘yicha nazorat normativini bajarishini baholash komissiya tomonidan reja-jadval asosida mazkur Nizomning 2-ilovasida keltirilgan metodikaga muvofiq o‘tkaziladi.
13. Abituriyentlarning chaqiriqqacha boshlang‘ich tayyorgarlik bo‘yicha bilim darajasini baholash test o‘tkazish usuli yordamida komissiya tomonidan reja-jadval asosida mazkur Nizomning 3-ilovasida keltirilgan metodikaga muvofiq o‘tkaziladi.
14. Abituriyentlarning imtihon natijalari bo‘yicha umumiy bali ularning umumjismoniy tayyorgarligini, o‘q otish tayyorgarligi bo‘yicha nazorat normativini bajarishini hamda chaqiriqqacha boshlang‘ich tayyorgarlik dasturi bo‘yicha bilim darajasini baholash natijasida to‘plagan ballarini qo‘shish natijasida aniqlanadi.
15. OTMga o‘qishga kirishda fanlar blokidagi o‘ringa qarab, imtihonni topshirishda to‘plash mumkin bo‘lgan maksimal ballarning 33,3 foizidan kam ball to‘plagan abituriyentlar davlat test sinovlariga kiritilmaydi.
16. Imtihon yakunlari ballar miqdori sifatida, tanlov tartibida imtihon varaqasiga va imtihon ro‘yxatiga kiritiladi. Mazkur hujjatlarning har biri komissiya raisi va OTMga qabul komissiyasining mas’ul kotibi tomonidan imzolanadi.
Oldingi tahrirga qarang.
17. Imtihon natijalari O‘zbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligiga OTM tomonidan 30-iyulgacha taqdim etiladi.
(17-band O‘zbekiston Respublikasi Mudofaa vazirligining 2023-yil 24-maydagi 12-son hamda O‘zbekiston Respublikasi Oliy ta’lim, fan va innovatsiyalar vazirligining 2023-yil 23-maydagi 4-q/q-sonli qarori (ro‘yxat raqami 2995-2, 31.05.2023-y.) tahririda — Qonunchilik ma’lumotlari milliy bazasi, 01.06.2023-y., 10/23/2995-2/0315-son)
18. Reja-jadval bo‘yicha imtihonlarga kelmagan abituriyentlar uchun qayta imtihon o‘tkazilmaydi va ular davlat test sinovlariga qo‘yilmaydi.
Oldingi tahrirga qarang.
19. Imtihon natijalaridan norozi bo‘lgan abituriyentlar OTM rektorining buyrug‘i bilan tuziladigan apellatsiya komissiyasiga imtihon natijalari e’lon qilingan paytdan boshlab 72 soat ichida apellatsiya berish huquqiga ega.
(19-band O‘zbekiston Respublikasi Mudofaa vazirligining 2021-yil 24-dekabrdagi 46-son hamda Oliy va o‘rta maxsus ta’lim vazirligining 2021-yil 21-dekabrdagi 48-2021-sonli qarori (ro‘yxat raqami 2995-1, 14.01.2022-y.) tahririda — Qonunchilik ma’lumotlari milliy bazasi, 14.01.2022-y., 10/22/2995-1/0027-son)
20. Apellatsiya komissiyasi tarkibiga komissiya faoliyatida ishtirok etmagan, O‘zbekiston Respublikasi Mudofaa vazirligi mas’ul xodimlari hamda OTM xodimlari orasidan tuziladi.
Oldingi tahrirga qarang.
21. Imtihon natijalari bo‘yicha tushgan norozilik (apellatsiya) arizalari apellatsiya komissiyasi tomonidan 48 soat ichida shikoyat qilgan shaxslar ishtirokida ko‘rib chiqiladi.
(21-band O‘zbekiston Respublikasi Mudofaa vazirligining 2021-yil 24-dekabrdagi 46-son hamda Oliy va o‘rta maxsus ta’lim vazirligining 2021-yil 21-dekabrdagi 48-2021-sonli qarori (ro‘yxat raqami 2995-1, 14.01.2022-y.) tahririda — Qonunchilik ma’lumotlari milliy bazasi, 14.01.2022-y., 10/22/2995-1/0027-son)
Oldingi tahrirga qarang.
22. Mazkur Nizom talablari buzilishida aybdor bo‘lgan shaxslar qonunchilik hujjatlarida belgilangan tartibda javobgar bo‘ladi.
(22-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
O‘zbekiston Respublikasi oliy ta’lim muassasalariga “Chaqiriqqacha harbiy ta’lim” yo‘nalishi bo‘yicha qabul qilishda kasbiy (ijodiy) imtihon o‘tkazish tartibi to‘g‘risidagi nizomga
1-ILOVA
1-ILOVA
1. Abituriyentlarning umumjismoniy tayyorgarligi darajasi ularning mazkur Metodikada nazarda tutilgan tegishli mashqlarni bajarishini tekshirish orqali baholanadi.
2. Abituriyentlarga dastlab mashqlarni bajarishga qo‘yiladigan talablar va mezonlar hamda mashqlarni bajarish tartibi imtihon o‘tkazish bo‘yicha komissiya tarkibiga kiritilgan mutaxassislar tomonidan tushuntiriladi.
3. Umumjismoniy tayyorgarlik darajasini baholash tadbirlariga abituriyentlar sport kiyimida hamda shaxsini tasdiqlovchi hujjati bilan kelishlari lozim.
bosh barmoq poya ichkarisidan ushlanadi, tana biroz rostlanadi, tizza bo‘g‘imi to‘g‘irlanadi, oyoq uchlari cho‘ziladi, tovonlar birlashtiriladi;
harakat to‘liq amalga oshirilishi bilan dastlabki holatga qaytiladi (osilish holati 1-2 soniya davom etadi).
Ushbu mashqni bajarishda oyoqlarni kerish, tanani harakatsiz holatda egish hamda oyoqlar bilan siltanma harakatlar qilish taqiqlanadi.
Oldingi tahrirga qarang.
(7-band O‘zbekiston Respublikasi Mudofaa vazirligining 2021-yil 24-dekabrdagi 46-son hamda Oliy va o‘rta maxsus ta’lim vazirligining 2021-yil 21-dekabrdagi 48-2021-sonli qarori (ro‘yxat raqami 2995-1, 14.01.2022-y.) tahririda — Qonunchilik ma’lumotlari milliy bazasi, 14.01.2022-y., 10/22/2995-1/0027-son)
Oldingi tahrirga qarang.
(9-band O‘zbekiston Respublikasi Mudofaa vazirligining 2021-yil 24-dekabrdagi 46-son hamda Oliy va o‘rta maxsus ta’lim vazirligining 2021-yil 21-dekabrdagi 48-2021-sonli qarori (ro‘yxat raqami 2995-1, 14.01.2022-y.) tahririda — Qonunchilik ma’lumotlari milliy bazasi, 14.01.2022-y., 10/22/2995-1/0027-son)
10. 3000 metrga yugurish mashqlari stadionning yugurish yo‘lakchalari yoki tekis joylarida umumiy yoki alohida start berilgan holda o‘tkaziladi. Start va marra chiziqlari bir joyda belgilanishi mumkin.
Oldingi tahrirga qarang.
(11-band O‘zbekiston Respublikasi Mudofaa vazirligining 2021-yil 24-dekabrdagi 46-son hamda Oliy va o‘rta maxsus ta’lim vazirligining 2021-yil 21-dekabrdagi 48-2021-sonli qarori (ro‘yxat raqami 2995-1, 14.01.2022-y.) tahririda — Qonunchilik ma’lumotlari milliy bazasi, 14.01.2022-y., 10/22/2995-1/0027-son)
12. Abituriyentlarning umumjismoniy tayyorgarligi darajasini baholash natijalari ularning uchta normativda to‘plangan ballar yig‘indisidan tashkil topadi.
13. Umumjismoniy tayyorgarlik sinovlaridan o‘tmagan abituriyentlarga mashqlarni takroriy bajarishga ruxsat berilmaydi.
Mazkur qaydnomada abituriyentlar tomonidan bajarilgan mashqlar va ular uchun qo‘yilgan ballar ko‘rsatiladi.
1. Abituriyentlarni o‘q otish tayyorgarligi bo‘yicha nazorat normativi mazkur Metodikada nazarda tutilgan tegishli mashqlarni bajarishini tekshirish orqali baholanadi.
2. Abituriyentlarga dastlab mashqlarni bajarishga qo‘yiladigan talablar va mezonlar, mashqlarni bajarish tartibi hamda o‘q otish paytida xavfsizlik choralariga rioya qilinishi imtihon o‘tkazish bo‘yicha komissiya tarkibiga kiritilgan mutaxassislar tomonidan tushuntiriladi.
3. Abituriyentlarning o‘q otish tayyorgarligi pnevmatik miltig‘idan nishonga aniq otish mashqini bajarishi orqali baholanadi.
4. O‘q otish tayyorgarligi bo‘yicha nazorat normativni bajarish uchun abituriyentlar shaxsini tasdiqlovchi hujjati bilan kelishlari lozim.
6. Abituriyentlar o‘q otish mashqini bajargan nishonni ko‘zdan kechiradi, to‘plangan ochkolari bilan tanishadi hamda uni imzosi bilan tasdiqlaydi.
7. O‘q otish tayyorgarligi bo‘yicha nazorat normativini topshirgan abituriyentlarga qaydnoma rasmiylashtiriladi.
O‘zbekiston Respublikasi oliy ta’lim muassasalariga “Chaqiriqqacha harbiy ta’lim” yo‘nalishi bo‘yicha qabul qilishda kasbiy (ijodiy) imtihon o‘tkazish tartibi to‘g‘risidagi nizomga
3-ILOVA
3-ILOVA
1. Abituriyentlarning chaqiriqqacha boshlang‘ich tayyorgarlik bo‘yicha bilim darajasi test o‘tkazish usuli orqali aniqlanadi.
2. Testni o‘tkazish uchun imtihon o‘tkazish bo‘yicha komissiya tomonidan chaqiruvga qadar boshlang‘ich tayyorgarlik dasturidan test savollari ishlab chiqiladi.
4. Test savollari va ularning javoblari imtihon o‘tkazish bo‘yicha komissiya raisida saqlanadi va u ularning oshkor qilinmasligi uchun mas’ul hisoblanadi.
5. Test imtihon o‘tkazish bo‘yicha komissiya tomonidan belgilangan joyda o‘tkaziladi. Bunda test o‘tkazish uchun oliy ta’lim muassasalari tomonidan alohida auditoriyalar ajratiladi va har bir auditoriyaga oliy ta’lim muassasalari xodimlari orasidan auditoriya rahbari tayinlanadi.
6. Test sinovlari imtihon o‘tkazish bo‘yicha komissiya tomonidan belgilangan joy, kun va vaqtda o‘tkaziladi.
Belgilangan vaqtda test sinovlariga kelmagan abituriyentlar uchun qo‘shimcha test sinovlari o‘tkazilmaydi.
7. Test sinovlari o‘tkazilayotgan auditoriyaga mikrokalkulyator, jadval, kitob, uyali telefon, kompyuter, telekommunikatsiya vositalari va shpargalkalar olib kirish taqiqlanadi.
9. Test savollarini yechish uchun 80 daqiqa vaqt beriladi. Test sinovlarini o‘tkazishni boshlashdan avval auditoriya rahbari talabalarga test sinovlari o‘tkazish hamda javoblar varag‘ini to‘ldirish tartibini tushuntirishi uchun test savollarini yechish uchun berilgan vaqtga kirmaydigan qo‘shimcha 10 daqiqa vaqt beriladi.
10. Abituriyentlarga beriladigan test savollari kitob shaklida bo‘ladi va uning titul varag‘ida test savollari kitobining maxsus kodi qo‘yiladi.
11. Har bir test savolida 4 tadan javob varianti beriladi. Abituriyentlar test savollarini yechishda faqat bitta to‘g‘ri javobni belgilashi lozim.
To‘g‘ri javob javoblar varag‘iga belgilanadi. Bunda test savolida berilgan variantlardan (A, B, C, D) biri havorang pastali sharikli ruchkadan foydalanilgan holda doiraga olish orqali belgilanadi.
Javoblarni belgilashda o‘chirish va tuzatishlarga hamda bir nechta javobni belgilashga yo‘l qo‘yilmaydi.
Javoblar to‘g‘ri belgilanishi uchun abituriyent shaxsan javobgardir. Javoblarni noto‘g‘ri belgilagan abituriyentlarning e’tirozi ko‘rib chiqilmaydi.
Javoblar varag‘iga test sinovlari o‘tkazilgan kun va auditoriya raqami, test savollari kitobining maxsus kodi, auditoriya rahbarining F.I.O., test savollariga berilgan javoblarni tekshirish natijalari va ularni tekshirgan imtihon o‘tkazish bo‘yicha komissiya a’zolarining F.I.O. va imzosi ko‘rsatiladi.
12. Test sinovlari vaqtida abituriyentni auditoriyadan chiqishi taqiqlanadi, abituriyentning sog‘lig‘i yomonlashgan holatlar bundan mustasno.
14. Test sinovlarini o‘tkazish vaqtida test sinovlari o‘tkazilayotgan auditoriyada abituriyentlar, auditoriya rahbari, imtihon o‘tkazish bo‘yicha komissiya a’zolaridan tashqari boshqa shaxslarning bo‘lishi taqiqlanadi.
15. Test topshiriqlarini belgilangan muddatdan oldin bajargan yoki test topshiriqlarini bajarish uchun ajratilgan vaqt tugagach, abituriyentlar test materiallarini auditoriya rahbariga topshiradi.
16. Imtihon o‘tkazish bo‘yicha komissiya a’zolari test o‘tkazilgan kunning o‘zida test savollariga berilgan javoblarni tekshirib, natijalarni (to‘g‘ri va noto‘g‘ri javoblar soni) shu kunning o‘zida tegishlicha, har bir talabaning javoblar varag‘iga yozib qo‘yishi shart.
18. Test sinovlari natijalarni (to‘g‘ri va noto‘g‘ri javoblar soni hamda umumiy bali) imtihon o‘tkazish bo‘yicha komissiya a’zolari tomonidan imzolangan, imtihon o‘tkazish bo‘yicha komissiya raisi tomonidan tasdiqlangan holda shu kunning o‘zida soat 20:00 gacha e’lonlar taxtasiga osib qo‘yiladi.
19. Test sinovi natijalaridan norozi bo‘lgan abituriyent, unga nisbatan qo‘yilgan ballarni asoslantiruvchi ma’lumot bilan tanishish huquqiga ega.