LexUZ sharhi
Mazkur qaror Xalq deputatlari Sirdaryo viloyati Kengashining 2021-yil 28-maydagi 150/22-6-sonli “Sirdaryo viloyati mahalliy davlat hokimiyati organlarining eskirgan va o‘z ahamiyatini yo‘qotgan normativ tusdagi qarorlarini bekor qilish to‘g‘risida”gi qaroriga asosan 2021-yil 12-iyundan o‘z kuchini yo‘qotadi.
O‘zbekiston Respublikasi Vazirlar Maxkamasining 2012-yil 6-dekabrdagi 345-sonli Qarori bilan tasdiqlangan “O‘zbekiston Respublikasi Qishloq va suv xo‘jaligi vazirligining Mashina va asbob-uskunalarning texnik holatini nazorat qilish davlat bosh inspeksiyasi to‘g‘risida”gi Nizomiga (O‘zbekiston Respublikasi qonun xujjatlari to‘plami, 2012-y, 50-son, 559-modda), O‘zbekiston Respublikasi Qishloq va suv xo‘jaligi vazirligining 2013-yil 2-apreldagi 58-sonli buyrug‘i bilan tasdiqlangan “Qishloq xo‘jaligi va meliorativ texnikani, shuningdek mashina-traktor parklari, ustaxonalar va servis punktlarining asbob uskunalarini texnik ko‘rikdan o‘tkazish tartibi to‘g‘risida”gi Nizom (25.04.2013-yilda ro‘yxatdan o‘tkazilgan, raqami 2452, O‘zbekiston Respublikasi qonun xujjatlari to‘plami, 2013-y, 17-son, 229-modda)ga muvofiq tumanda 2018-yil qishloq xo‘jaligi va meliorativ texnika, mashina-traktor parklari, ustaxonalar va servis punktlarining asbob-uskunalarini har yillik texnik ko‘rikdan o‘tkazish maqsadida O‘zbekiston Respublikasi “Mahalliy davlat hokimiyati to‘g‘risida”gi Qonunining 6-moddasiga (O‘zbekiston Respublikasi Oliy Kengashining Axborotnomasi, 1993-y., 9-son, 320-modda) asosan qaror qilaman:
1. Tumandagi qishloq xo‘jaligi va meliorativ texnika, mashina-traktor parklari, ustaxonalar va servis punktlarining asbob-uskunalarini har yillik texnik ko‘rikdan o‘tkazish ish rejasi 1-ilovaga* muvofiq, qishloq xo‘jaligi va meliorativ texnika, mashina-traktor parklari, ustaxonalar va servis punktlarining asbob-uskunalarini har yillik texnik ko‘rikdan o‘tkazish bo‘yicha komissiya tarkibi 2-ilovaga* muvofiq tasdiqlansin.
2. Sirdaryo viloyati “Davtexnazorat” inspeksiyasining qishloq xo‘jaligi texnikalari bo‘yicha Sardoba tuman davlat inspektori (I. Boyqulov)ga;
texnikalarni texnik ko‘rikdan o‘tkazish ishlarini O‘zbekiston Respublikasi Qishloq va suv xo‘jaligi vazirligining 2013-yil 2-apreldagi 58-sonli buyrug‘i bilan tasdiqlangan “Qishloq xo‘jaligi va meliorativ texnikani, shuningdek mashina-traktor parklari, ustaxonalar va servis punktlarining asbob uskunalarini texnik ko‘rikdan o‘tkazish tartibi to‘g‘risida”gi Nizomga muvofiq tashkil etish;
texnikaga mulk huquqi asosida ega shaxslarga texnikalarni texnik ko‘rikdan o‘tkazish to‘g‘risidagi bildirishnomani texnik ko‘rikdan o‘tkazish kunidan kamida o‘ttiz kun oldin yuborish;
mulkchilik shaklidan qat’i nazar barcha rusumli qishloq xo‘jalik va meliorativ yo‘l-qurilish texnika vositalarini yillik texnik ko‘rikdan o‘tkazish maydonchalriga yig‘ish;
texnik ko‘rikdan o‘tgan texnikalarni dalolatnomalar asosida ishlashga ruxsat berishni tashkil qilish vazifasi topshirilsin.
hisobida mavjud bo‘lgan qishloq xo‘jaligi va meliorativ, yo‘l qurilish texnikalarini, mashina va asbob uskunalarni texnik ko‘rikdan o‘tkazish uchun tayyorlab, belgilangan maydonchalarga yig‘ish va texnik ko‘rikga taalluqli to‘lovlarni yuqorida qayd etilgan Nizomda belgilangan miqdorlarda to‘lanishini ta’minlash topshirilsin.
4. Tuman hokimining iqtisodiyot va tadbirkorlik masalalari bo‘yicha birinchi o‘rinbosari A. Ergashevga:
O‘zbekiston Respublikasi Qishloq va suv xo‘jaligi vazirligining 2013-yil 2-apreldagi 58-sonli buyrug‘i bilan tasdiqlangan “Qishloq xo‘jaligi va meliorativ texnikani, shuningdek mashina-traktor parklari, ustaxonalar va servis punktlarining asbob uskunalarini texnik ko‘rikdan o‘tkazish tartibi to‘g‘risida”gi Nizomda belgilangan texnik ko‘rikdan o‘tkazish bilan bog‘liq yig‘imlarni undirilishida amaliy yordam berish topshirilsin.
5. Mazkur qaror qabul qilinishi munosabati bilan tuman hokimining 2017-yil 20-yanvardagi “Qishloq xujaligi va meliorativ texnika hamda mashina-traktor parklari, ustaxonalar va servis punktlarining asbob uskunalarini texnik ko‘rikdan o‘tkazish ish rejasi va komissiya tarkibini tasdiqlash haqida”gi 115-sonli qarori o‘z kuchini yo‘qotgan deb hisoblansin.