O‘zbekiston Respublikasi Prezidentining “O‘zbekiston Respublikasi Vazirlar Mahkamasi huzuridagi Milliy antidoping agentligi faoliyatini tashkil etish chora-tadbirlari to‘g‘risida” 2018-yil 3-yanvardagi PQ-3457-son qarorini bajarish yuzasidan Vazirlar Mahkamasi qaror qiladi:
1. O‘zbekiston Respublikasi Vazirlar Mahkamasi huzuridagi Milliy antidoping agentligi to‘g‘risidagi nizom 1-ilovaga muvofiq tasdiqlansin.
2. Vazirlar Mahkamasining “O‘zbekiston Respublikasi Milliy olimpiya qo‘mitasi huzuridagi Respublika sport tibbiyoti ilmiy-amaliy markazi faoliyatini tashkil etish to‘g‘risida” 2013-yil 15-avgustdagi 226-son qaroriga (O‘zbekiston Respublikasi QT, 2013-y., 8-son, 56-modda) 2-ilovaga muvofiq o‘zgartirishlar kiritilsin.
3. O‘zbekiston Respublikasi Vazirlar Mahkamasi huzuridagi Milliy antidoping agentligiga bepul foydalanish huquqi bilan, kommunal xizmatlar va foydalanish xarajatlarini egallab turgan maydonlariga proporsional miqdorda yoki iste’mol qilingan xizmatlar miqdorida to‘lagan holda joylashtirish uchun berilgan xonalar O‘zbekiston Milliy olimpiya qo‘mitasi uchun tadbirkorlik faoliyati sifatida qaralmaydi hamda daromad bo‘lmaganligi uchun soliq solinmaydi.
4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari Q.V. Akmalov zimmasiga yuklansin.
1. Ushbu Nizom O‘zbekiston Respublikasi Vazirlar Mahkamasi huzuridagi Milliy antidoping agentligining (keyingi o‘rinlarda Agentlik deb ataladi) maqomi, asosiy vazifalari, funksiyalari, huquqlari, mas’uliyati, faoliyatini tashkil etish va hisobot berish tartibi, shuningdek, Agentlik rahbarlarining funksional vazifalari va mas’uliyatini belgilaydi.
2. Agentlik davlat organi hisoblanadi va sportda doping qo‘llanishining oldini olish hamda dopingga qarshi kurashish sohasida yagona davlat siyosatini ta’minlash va amalga oshirishda ishtirok etadi.
3. Agentlik O‘zbekiston Respublikasi Vazirlar Mahkamasiga (keyingi o‘rinlarda Vazirlar Mahkamasi deb ataladi) bo‘ysunadi.
4. Agentlik o‘z faoliyatini O‘zbekiston Respublikasi Prezidentining “O‘zbekiston Respublikasi Vazirlar Mahkamasi huzuridagi Milliy antidoping agentligi faoliyatini tashkil etish chora-tadbirlari to‘g‘risida” 2018-yil 3-yanvardagi PQ-3457-son qaroriga muvofiq amalga oshiradi.
5. Agentlik o‘z faoliyatida O‘zbekiston Respublikasi Konstitutsiyasi va qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, shuningdek, ushbu Nizomga va boshqa qonun hujjatlariga amal qiladi.
YUNESKOning Sportda dopingga qarshi kurashish to‘g‘risidagi xalqaro konvensiyasi, Butunjahon antidoping kodeksi, Butunjahon dopingga qarshi agentligining Xalqaro standartlari va boshqa hujjatlari Agentlik faoliyatida bajarilishi majburiy va tartibga soluvchi hujjatlar hisoblanadi.
6. Agentlik sportda dopingga qarshi kurashish sohasida Butunjahon dopingga qarshi agentligi hamda boshqa xalqaro va mintaqaviy tashkilotlarda O‘zbekiston Respublikasini ifoda etadi.
7. Agentlikning o‘z vakolatlari doirasida qabul qilingan qarorlari davlat va xo‘jalik boshqaruvi organlari,mahalliy ijro etuvchi hokimiyat organlari, boshqa tashkilotlar va ularning mansabdor shaxslari tomonidan bajarilishi majburiy hisoblanadi.
8. Agentlik yuridik shaxs hisoblanadi, o‘z mustaqil balansiga, O‘zbekiston Respublikasi Davlat gerbi tasviri tushirilgan va o‘z nomi davlat tilida yozilgan muhrga, boshqa zarur muhr va shtamplarga, O‘zbekiston Respublikasi Moliya vazirligining G‘aznachiligida g‘aznachilik hisob raqamlari, bank hisob raqamlari, shu jumladan xorijiy valyutadagi hisob raqamlarga ega bo‘ladi.
to‘liq — O‘zbekiston Respublikasi Vazirlar Mahkamasi huzuridagi Milliy antidoping agentligi, qisqartmasi — MADA;
to‘liq — The National antidoping agency under the Cabinet of Ministers of the Republic of Uzbekistan, qisqartmasi — NADA;
to‘liq — Natsionalnoye antidopingovoye agentstvo pri Kabinete Ministrov Respubliki Uzbekistan, qisqartmasi — NADA.
Keyingi tahrirga qarang.
1) sportda doping qo‘llanishining oldini olish va dopingga qarshi kurashish sohasida yagona davlat siyosatini amalga oshirishda ishtirok etish, Butunjahon antidoping kodeksi, xalqaro antidoping standartlariga asoslangan milliy antidoping qoidalari hamda normativ-huquqiy hujjatlarni ishlab chiqish va joriy qilish, shuningdek, ularga rioya etilishini ta’minlash;
2) antidoping nazoratining samarali tizimini, sportda farmakologik ta’sir ko‘rsatuvchi dori vositalari va boshqa moddalar qo‘llanishini nazorat qilish dasturlari va uslublari, shuningdek, sportchilar va sport tashkilotlari uchun intizomiy reglamentni ishlab chiqish va joriy etish;
3) tadqiqotlar (doping-testlar) va doping nazoratining boshqa elementlarini tashkil etish, O‘zbekiston Respublikasida Butunjahon dopingga qarshi agentligining respublika sportchilari haqida ma’lumotlarni to‘plash va saqlash uchun mo‘ljallangan antidoping ma’muriyatchiligi va menejmenti (ADAMS tizimi) bo‘yicha onlayn tizimini qo‘llash;
4) antidoping nazorati sohasidagi ilg‘or uslublar va texnologiyalar bilan almashish hamda ularni mamlakatimizda joriy qilish uchun yetakchi xorijiy tashkilotlar bilan xalqaro hamkorlikni kengaytirish va mustahkamlash;
5) sport federatsiyalari, klublari va jamoalari tibbiyot xodimlarining malakasini oshirishga ko‘maklashish, ularga sportda doping qo‘llanishining oldini olish va antidoping nazoratini amalga oshirish borasida uslubiy yordam ko‘rsatish, ta’lim dasturlarini amalga oshirish, sog‘lom va halol sportni targ‘ib qilish;
6) davlat hokimiyati organlari, jismoniy tarbiya-sport tashkilotlari hamda boshqa tashkilotlarning antidoping nazorati sohasidagi o‘zaro hamkorligini muvofiqlashtirish.
sportda doping qo‘llanishining oldini olish hamda dopingga qarshi kurashish sohasida davlat siyosatini va qonunchilikni takomillashtirish masalalari bo‘yicha takliflar ishlab chiqadi;
Butunjahon antidoping kodeksi, xalqaro va mintaqaviy antidoping standartlari va talablariga asoslangan milliy antidoping qoidalari va boshqa normativ-huquqiy hujjatlarni ishlab chiqadi va joriy etadi;
Butunjahon dopingga qarshi agentligining talablari va yangi qoidalarini doimiy monitoringini olib boradi hamda tezkor joriy etadi;
YUNESKOning Sportda dopingga qarshi kurashish to‘g‘risidagi xalqaro konvensiyasi, Butunjahon antidoping kodeksidan kelib chiqadigan majburiyatlar bajarilishini ta’minlaydi;
O‘zbekiston Respublikasida Butunjahon dopingga qarshi agentligining respublika sportchilari haqida ma’lumotlarni to‘plash va saqlash uchun mo‘ljallangan antidoping ma’muriyatchiligi va menejmenti (ADAMS tizimi) bo‘yicha onlayn tizimini qo‘llaydi, shuningdek, keyinchalik ushbu tizimning doimiy boshqaruvini ta’minlaydi;
Farmakologik ta’sirga ega taqiqlangan dori preparatlari va boshqa moddalar to‘g‘risidagi ma’lumotlar bazasining doimiy yangilanib borilishini ta’minlaydi;
o‘z vakolatlari doirasida O‘zbekiston sportchilari, murabbiylari va boshqa mutaxassislarining huquq va manfaatlarini ifoda etish va himoya qilish choralarini ko‘radi;
sportda doping qo‘llanishining oldini olish va dopingga qarshi kurashish borasida xalqaro kooperatsiyani va hamkorlikni amalga oshiradi;
tashkiliy-huquqiy shaklidan qat’i nazar, jismoniy tarbiya-sport tashkilotlarida taqiqlangan moddalar va uslublar qo‘llanishining oldini olish bo‘yicha axborot va ta’lim dasturlarini amalga oshirish choralarini ko‘radi;
Agentlikning byulleten va boshqa rasmiy nashrlari, shuningdek, o‘z faoliyatiga taalluqli boshqa ma’lumot va materiallarning chop etilishini ta’minlaydi;
sportda doping qo‘llanishining oldini olish masalalariga bag‘ishlangan milliy va xalqaro ilmiy forumlar, simpoziumlar, anjumanlar, seminarlar hamda boshqa tadbirlarni tashkil qiladi va ularda ishtirok etadi;
tegishli xalqaro, mintaqaviy va xorijiy tashkilotlar bilan muzokaralar olib boradi, sportda doping qo‘llanishining oldini olish va dopingga qarshi kurashish masalalari bo‘yicha belgilangan tartibda idoralararo shartnomalar tuzadi;
Butunjahon dopingga qarshi agentligi (WADA) hamda antidoping nazorati bo‘yicha boshqa xalqaro tashkilotlarga O‘zbekiston Respublikasining a’zolik badallarini to‘laydi;
tegishli tadqiqotlar (doping-test) va doping nazoratining boshqa elementlarini tashkil etish, shu jumladan namunalar va biomateriallarni topshirish tartib-taomili to‘g‘risida sportchilar va shifokorlarga axborot-maslahat berishni ta’minlaydi;
sportda doping qo‘llanishining oldini olish va dopingga qarshi kurashish bo‘yicha uslubiy tavsiyalar ishlab chiqadi;
doping nazorati natijalarini boshqarish tartib-taomillarini amalga oshiradi, shu jumladan Agentlik tarkibida taalluqli komissiyalar faoliyatini tashkil etish orqali tegishli intizomiy choralar ko‘radi;
Sportda doping qo‘llanishini aniqlash va oldini olish borasida O‘zbekiston Respublikasi Sog‘liqni saqlash vazirligi, O‘zbekiston Milliy olimpiya qo‘mitasi, sport federatsiyalari (assotsiatsiyalari) va davlat boshqa organlari bilan hamkorlik qiladi;
sport federatsiyalari (assotsiatsiyalari), klublari, jamoalari va boshqa manfaatdor tashkilotlar uchun antidoping bo‘yicha mutaxassislarni qayta tayyorlash va ularning malakasini oshirishni tashkil etadi;
salomatlikni muhofaza qilish va sportda farmakologik ta’sirga ega dori preparatlari va boshqa moddalardan qonuniy foydalanish borasida sportchilar, murabbiylar, tibbiyot va boshqa mutaxassislarning huquqiy madaniyati va savodxonligini oshirish tadbirlarini o‘tkazadi;
sportda doping qo‘llanishining oldini olish ahamiyati va maqsadlarini keng tushuntirib borish tadbirlarini o‘tkazadi;
davlat organlari, jismoniy tarbiya-sport tashkilotlari hamda boshqa tashkilotlarning antidoping nazorati sohasida qo‘shma tadbirlar tashkil etish va tajriba almashish orqali o‘zaro samarali hamkorligini ta’minlaydi.
jismoniy tarbiya-sport tashkilotlari, jumladan, sport federatsiyalari (assotsiatsiyalari), klublari va boshqa tashkilotlardan, shuningdek, sportchilar va mansabdor shaxslardan uslublarni, farmakologik ta’sirga ega dori preparatlari va boshqa moddalarni qo‘llashga oid zarur ma’lumotlar, hujjatlar va materiallarni belgilangan tartibda so‘rab olish;
xalqaro me’yoriy hujjatlar talablarini bajarish doirasida xalqaro, mintaqaviy antidoping, jismoniy tarbiya-sport tashkilotlariga sportchilar (sportchilar guruhi, jamoa) tomonidan uslublarni, farmakologik ta’sirga ega dori preparatlari va boshqa moddalar qo‘llashga taalluqli ma’lumotlar, hujjatlar va materiallarni, shuningdek, tadqiqotlar (doping-test) va doping nazoratining boshqa elementlari natijalarini taqdim etish;
o‘z vakolatlari doirasida O‘zbekiston sportchilari, murabbiylari va boshqa mutaxassislarining manfaatlarini ifoda etish va himoya qilish;
o‘z faoliyatini ushbu Nizomda va boshqa normativ-huquqiy hujjatlarda nazarda tutilgan vazifalar doirasida rejalashtirish va amalga oshirish;
O‘zbekiston Respublikasi qonunchiligiga muvofiq asosiy vositalarni ijaraga olish yoki ijaraga berish, grant mablag‘lari va boshqa moliyaviy yordamni jalb etish;
ilmiy grantlarni, jumladan, O‘zbekiston Respublikasi Davlat budjeti hisobidan olish bo‘yicha tanlovlarda ishtirok etish;
o‘z faoliyatini amalga oshirish jarayonida intellektual mulk obyektlari uchun mualliflik huquqlarini olish va ulardan foydalanish;
O‘zbekiston Respublikasi qonunchiligi va xalqaro shartnomalariga muvofiq xorijiy yuridik shaxslar bilan hamkorlik qilish va tashqi iqtisodiy faoliyatni amalga oshirish;
o‘z faoliyati sohasida ilmiy-uslubiy va axborot materiallari, davriy nashrlar va boshqa bosma mahsulotlarni belgilangan tartibda chop etish va tarqatish;
Agentlikning samarali faoliyatini tashkil etish, antidoping nazorati tizimi, shuningdek, sportda farmakologik ta’sirga ega dori preparatlari va boshqa moddalarning qo‘llanishini nazorat qilishga qaratilgan turli dasturlar va usullarni ishlab chiqish va joriy etish bilan bog‘liq masalalarni hal qilish maqsadida shartnomalar asosida mahalliy va xorijiy mutaxassislarni budjetdan tashqari mablag‘lar hisobiga jalb qilish;
qonunchilikka, Agentlik maqsadlari va vazifalariga zid bo‘lmagan boshqa turdagi faoliyat bilan shug‘ullanish;
o‘z vakolatlari doirasida vazirliklar, davlat qo‘mitalari, idoralari, mahalliy ijro etuvchi hokimiyat organlari, milliy sport federatsiyalari va assotsiatsiyalari, shuningdek, boshqa tashkilotlar, sportchilar, murabbiylar, mutaxassislar, mansabdor shaxslar bajarishi majburiy bo‘lgan normativ-huquqiy hujjatlarni qabul qilish.
xalqaro standartlar va qoidalarga muvofiq, sportchilarning (sportchilar guruhi, jamoaning) mashg‘ulot, musobaqa, tibbiy-biologik va tiklanish jarayoniga oid ma’lumotlarning, shuningdek, tadqiqotlar (doping-test) va doping nazoratining boshqa elementlari natijalarining maxfiyligini ta’minlash;
milliy antidoping qoidalari va sportda dopingga qarshi kurashish sohasidagi boshqa normativ-huquqiy hujjatlarga rioya etilishini ta’minlash;
sog‘lom va halol sportni targ‘ib qilishga doir axborot-ta’lim dasturlari va tadbirlarini amalga oshirish;
O‘zbekiston Respublikasida Butunjahon dopingga qarshi agentligining antidoping ma’muriyatchiligi va menejmenti (ADAMS) bo‘yicha onlayn tizimini qo‘llash;
antidoping qoidalarini buzgan sportchi, murabbiy va boshqa mutaxassislarga nisbatan sanksiyalar qo‘llash;
xodimlarni yetakchi xorijiy muassasalarda tizimli ravishda maxsus qayta tayyorlash va ularning malakasini oshirish;
O‘zbekiston Respublikasi Konstitutsiyasi va qonunlariga, shuningdek, boshqa normativ-huquqiy hujjatlarga rioya qilish;
Agentlik faoliyatiga umumiy rahbarlik qilish, Agentlikka O‘zbekiston Respublikasi Prezidentining “O‘zbekiston Respublikasi Vazirlar Mahkamasi huzuridagi Milliy antidoping agentligi faoliyatini tashkil etish chora-tadbirlari to‘g‘risida” 2018-yil 3-yanvardagi PQ-3457-son qarorida yuklangan vazifa va funksiyalarning bajarilishini tashkil etish;
Agentlik faoliyatini yanada takomillashtirish borasida O‘zbekiston Respublikasi Prezidentining hujjatlari va Vazirlar Mahkamasining qarorlari bilan tasdiqlangan konsepsiyalar, kompleks dasturlar va tadbirlarning bajarilishini chuqur va tanqidiy tahlil qilish;
Agentlik va uning tarkibiy bo‘linmalarining faoliyati bilan bog‘liq prognoz ko‘rsatkichlarga erishishni so‘zsiz ta’minlash bo‘yicha amaliy choralar ishlab chiqish va qabul qilish;
Agentlik faoliyatiga taalluqli masalalar bo‘yicha O‘zbekiston Respublikasi Prezidenti Devoni xizmatlari va Vazirlar Mahkamasi komplekslari, shuningdek, tegishli vazirliklar va idoralar bilan hamkorlik qilish, Vazirlar Mahkamasi va uning Rayosati majlislarida masalalarni ko‘rib chiqishda ishtirok etish;
Keyingi tahrirga qarang.
O‘zbekiston Respublikasi Prezidenti, O‘zbekiston Respublikasi Bosh vaziri va uning o‘rinbosarlarining topshiriqlarini bajarish;
Agentlik mansabdor shaxslarining vakolatlari, Agentlik faoliyatining alohida yo‘nalishlariga rahbarlik uchun mansabdor shaxslarning shaxsiy javobgarlik darajasini belgilash;
Milliy antidoping qoidalari va boshqa normativ hujjatlarni ishlab chiqish va joriy etish choralarini ko‘rish;
Butunjahon dopingga qarshi agentligi bilan Milliy antidoping qoidalari va boshqa normativ-huquqiy hujjatlarni belgilangan tartibda kelishish;
O‘zbekiston Respublikasida Butunjahon dopingga qarshi agentligining antidoping ma’muriyatchiligi va menejmenti (ADAMS) bo‘yicha onlayn tizimi qo‘llanishini nazorat qilish;
namunalar olish, ularni saqlash va Butunjahon dopingga qarshi agentligi tomonidan akkreditatsiya qilingan laboratoriyaga yetkazish jarayonini muvofiqlashtirish;
sog‘lom va halol sportni targ‘ib qilish masalalariga doir axborot-ta’lim dasturlari va tadbirlarini ishlab chiqish va o‘tkazish;
Butunjahon antidoping kodeksiga, Milliy antidoping qoidalari va dopingga qarshi kurashish bo‘yicha boshqa qonun hujjatlari talablariga rioya etish tadbirlarini tashkil qilish va amalga oshirish;
Dori preparatlaridan terapevtik foydalanish komissiyasi hamda Ijobiy doping natijalarini hisobga olish va ko‘rib chiqish komissiyasi faoliyatini muvofiqlashtirish;
Keyingi tahrirga qarang.
Agentlik faoliyatini rejalashtirishni tashkil etish, Agentlik va mansabdor shaxslarning har choraklik ish rejalarini va ularning bajarilishi nazoratini ta’minlash;
O‘zbekiston Respublikasi Prezidentining va Vazirlar Mahkamasining hujjatlari hamda topshiriqlari bajarilishini tashkil qilish hamda monitoringini olib borish tizimini ishlab chiqish, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq Agentlik faoliyatida ijro intizomini mustahkamlashga doir kompleks amaliy chora-tadbirlarni amalga oshirish;
Keyingi tahrirga qarang.
Agentlikda kadrlarni tanlash va joy-joyiga qo‘yish, ularga samarali faoliyat yuritishi uchun zarur sharoitlar yaratish, Agentlik kadrlar zaxirasini shakllantirish;
O‘zbekiston Respublikasining “Normativ-huquqiy hujjatlar to‘g‘risida”, “Qonunlar loyihalarini tayyorlash va O‘zbekiston Respublikasi Oliy Majlisining Qonunchilik palatasiga kiritish tartibi to‘g‘risida”gi qonunlari, O‘zbekiston Respublikasi Vazirlar Mahkamasining 2005-yil 14-fevraldagi 62-son qarori bilan tasdiqlangan O‘zbekiston Respublikasi Vazirlar Mahkamasining Reglamenti (keyingi o‘rinlarda Vazirlar Mahkamasi Reglamenti deb ataladi) va O‘zbekiston Respublikasi Prezidentining 2017-yil 28-iyuldagi PQ-3161-son qarori bilan tasdiqlangan O‘zbekiston Respublikasi Prezidenti Devonining Reglamenti (keyingi o‘rinlarda Respublikasi Prezidenti Devonining Reglamenti deb ataladi) talablariga qat’iy muvofiq ravishda faoliyat masalalari bo‘yicha normativ-huquqiy hujjatlar loyihalarining sifatli ishlab chiqilishi hamda Vazirlar Mahkamasiga o‘z vaqtida kiritilishini tashkil qilish, Vazirlar Mahkamasi Apparatida ularni mukammal ishlab chiqish, Vazirlar Mahkamasi rahbariyati huzurida himoya qilish hamda O‘zbekiston Respublikasi Prezidenti Devonida ko‘rib chiqishda ishtirok etish;
Keyingi tahrirga qarang.
O‘zbekiston Respublikasining “Normativ-huquqiy hujjatlar to‘g‘risida”, “Qonunlar loyihalarini tayyorlash va O‘zbekiston Respublikasi Oliy Majlisining Qonunchilik palatasiga kiritish tartibi to‘g‘risida”gi qonunlariga muvofiq Agentlikning qonun loyihalariga doir faoliyatini tashkil etish;
Agentlikka taqdim etilgan takliflar va normativ-huquqiy hujjatlar loyihalarining to‘liq hamda har tomonlama ko‘rib chiqilishini ta’minlash, ularni huquqiy, moliyaviy, iqtisodiy va boshqa ekspertizadan puxta o‘tkazish, shuningdek, O‘zbekiston Respublikasi Vazirlar Mahkamasining Reglamenti va O‘zbekiston Respublikasi Prezidenti Devonining Reglamentiga muvofiq belgilangan muddatlarda kelishish (viza qo‘yish);
Keyingi tahrirga qarang.
O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari to‘g‘risida” 2014-yil 5-martdagi PQ-2142-son qarori va “Xorijiy xizmat safarlarida bo‘lish samaradorligi va xorijiy delegatsiyalarning O‘zbekiston Respublikasiga tashriflarini tashkil etish uchun mansabdor shaxslarning shaxsiy mas’uliyatini yanada oshirish chora-tadbirlari to‘g‘risida” 2017-yil 3-avgustdagi PQ-3170-son qarori talablariga qat’iy muvofiq ravishda Agentlik rahbarlari va xodimlarining xizmat safarlarida bo‘lishini tashkil etish, xizmat safarlarining asosliligi, samaradorligi va natijadorligini hamda xizmat safarlari uchun ajratiladigan mablag‘lardan maqsadli hamda oqilona foydalanishni ta’minlash;
Keyingi tahrirga qarang.
Agentlik xodimlarini rag‘batlantirish va intizomiy javobgarlikka tortish masalasini hal qilish, shu jumladan ularning egallab turgan lavozimda qolishi yoki qolmasligi maqsadga muvofiqligi haqidagi masalani ko‘rib chiqish, ularning shaxsiy mas’uliyatini oshirishga doir tizimli chora-tadbirlarni amalga oshirish;
Agentlik xodimlari tomonidan Agentlik xodimlarining odob-axloq qoidalari talablariga rioya etilishini ta’minlash;
O‘zbekiston Respublikasining “Korrupsiyaga qarshi kurashish to‘g‘risida”gi Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini ko‘rish, huquqni qo‘llash amaliyoti va qonunchilikni takomillashtirish chora-tadbirlarini ishlab chiqish hamda amalga oshirish orqali ularning sodir etilishiga ko‘maklashadigan sabablar va sharoitlarni aniqlash, tahlil qilish, bartaraf etish;
jismoniy va yuridik shaxslar murojaatlarini ko‘rib chiqish bo‘yicha samarali ishlarni tashkil qilish, aholi bilan bevosita va ochiq muloqotni yo‘lga qo‘yish, “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatlar va tartibda jismoniy shaxslarni hamda yuridik shaxslar vakillarini muntazam shaxsan qabul qilish, shu jumladan sayyor qabul qilish;
O‘zbekiston Respublikasi Prezidentining Xalq qabulxonalari bilan samarali hamkorlik qilish, Agentlik xodimlari va rahbariyatining qabulxonalar faoliyatida faol ishtirok etishini tashkil etish, jismoniy va yuridik shaxslardan O‘zbekiston Respublikasi Prezidentining Virtual qabulxonasiga kelib tushadigan murojaatlar o‘z vaqtida hamda to‘liq ko‘rib chiqilishini ta’minlash;
davlat sirlariga kiritilgan axborot va maxfiy axborot bilan ishlashda qonun hujjatlari talablariga rioya etish;
zarurat bo‘lganda, Agentlik tuzilmasiga boshqaruv xodimlarining belgilangan umumiy soni doirasida o‘zgartirishlar kiritish;
Agentlikning shtat jadvalini, shuningdek, O‘zbekiston Respublikasi Moliya vazirligi bilan kelishgan holda Agentlikning xarajatlar smetasini tasdiqlash;
Agentlik xodimlarini ko‘krak nishonlari va faxriy yorliqlar bilan belgilangan tartibda mukofotlash to‘g‘risidagi masalani hal etish, Agentlikning alohida o‘rnak ko‘rsatgan xodimlarini faxriy unvonlarga hamda O‘zbekiston Respublikasi davlat mukofotlariga taqdim etish;
Agentlik vakolatiga kiradigan masalalar yuzasidan O‘zbekiston Respublikasining xalqaro shartnomalarini belgilangan tartibda imzolash.
15. Quyidagilar Agentlik tarkibiy bo‘linmalari rahbarlarining asosiy funksional vazifalari hisoblanadi:
O‘zbekiston Respublikasi Konstitutsiya va qonunlari, shuningdek, boshqa normativ-huquqiy hujjatlar talablariga rioya etish;
tarkibiy bo‘linmalar faoliyatiga bevosita rahbarlik qilish, ushbu bo‘linmalarga yuklangan vazifa va funksiyalarning bajarilishini tashkil etish;
O‘zbekiston Respublikasi Prezidentining va Vazirlar Mahkamasining hujjatlari hamda topshiriqlari bajarilishini ta’minlash, Agentlik tarkibiy bo‘linmalarida ijro intizomini mustahkamlashga doir kompleks amaliy chora-tadbirlarni amalga oshirish, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarori va Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq topshiriqlarning o‘z vaqtida hamda sifatli bajarilishi uchun tarkibiy bo‘linmalar xodimlarining shaxsiy mas’uliyatini oshirish choralarini ko‘rish;
Agentlik qarorlari, bosh direktorning buyruqlari va topshiriqlari o‘z vaqtida va sifatli bajarilishini ta’minlash;
tarkibiy bo‘linmalarning har choraklik ish rejalari ishlab chiqilishini ta’minlash, ularni tasdiqlash uchun kiritish, ish rejalarida ko‘rsatilgan vazifa va tadbirlarning o‘z vaqtida va sifatli bajarilishini ta’minlash;
Milliy antidoping qoidalari va boshqa normativ-huquqiy hujjatlarni ishlab chiqish va joriy etish bo‘yicha takliflar tayyorlash;
O‘zbekiston Respublikasida Butunjahon dopingga qarshi agentligining antidoping ma’muriyatchiligi va menejmenti (ADAMS) bo‘yicha onlayn tizimini qo‘llash;
sog‘lom va halol sportni targ‘ib qilish masalalariga doir axborot-ta’lim dasturlari va tadbirlarini ishlab chiqish va amalga oshirish;
Butunjahon antidoping kodeksiga, Milliy antidoping qoidalari va dopingga qarshi kurashish bo‘yicha boshqa qonun hujjatlari talablariga rioya qilish tadbirlarini o‘tkazish;
Dori preparatlaridan terapevtik foydalanish komissiyasi hamda Ijobiy doping natijalarini hisobga olish va ko‘rib chiqish komissiyasi faoliyatini muvofiqlashtirish;
Keyingi tahrirga qarang.
antidoping qoidalarining buzish holatlarini aniqlash maqsadida turli ochiq manbalardan dopingga qarshi kurashishga taalluqli maxsus ma’lumotlarni to‘plash, baholash va ularga ishlov berish;
sportda doping qo‘llanishining oldini olish va dopingga qarshi kurashish sohasiga oid hujjatlarning sifatli huquqiy ekspertizasini ta’minlash;
tarkibiy bo‘linmalar faoliyatiga oid masalalar bo‘yicha qonunchilikni takomillashtirishga doir takliflar ishlab chiqish va ularni Agentlik rahbariyatiga ko‘rib chiqish uchun kiritish;
Agentlik tarkibiy bo‘linmalarida kadrlarni tanlash va joy-joyiga qo‘yishda bosh direktorga takliflar kiritish, ularning professional darajasi, chuqur bilimga, amaliy tajribaga egaligi, ishchanlik va ma’naviy-axloqiy fazilatlarining yuqoriligi kafolatlanganini ta’minlash, ularning kasb malakasini oshirish choralarini ko‘rish, tarkibiy bo‘linmalarda kadrlar zaxirasini shakllantirish;
tarkibiy bo‘linmalarning normativ-huquqiy hujjatlar loyihalarini sifatli tayyorlashini ta’minlash, Agentlik tarkibiy bo‘linmalarida tayyorlangan hujjatlar loyihalarini keyinchalik muhokama etish uchun ko‘rib chiqish hamda viza qo‘yish, Agentlik rahbari tomonidan imzolash (viza qo‘yish), O‘zbekiston Respublikasi Vazirlar Mahkamasining Reglamenti va O‘zbekiston Respublikasi Prezidenti Devonining Reglamenti talablariga muvofiq ularning Vazirlar Mahkamasiga o‘z vaqtida kiritilishini ta’minlash;
Keyingi tahrirga qarang.
Agentlikka taqdim etilgan takliflar va normativ-huquqiy hujjatlar loyihalarini to‘liq hamda har tomonlama ko‘rib chiqish, ularni huquqiy, moliyaviy, iqtisodiy va boshqa ekspertizadan puxta o‘tkazish;
O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari to‘g‘risida” 2014-yil 5-martdagi PQ-2142-son qarori va “Xorijiy xizmat safarlarida bo‘lish samaradorligi va xorijiy delegatsiyalarning O‘zbekiston Respublikasiga tashriflarini tashkil etish uchun mansabdor shaxslarning shaxsiy mas’uliyatini yanada oshirish chora-tadbirlari to‘g‘risida” 2017-yil 3-avgustdagi PQ-3170-son qarori talablariga to‘liq muvofiq ravishda xizmat safarlarida bo‘lish, xizmat safarlarining asosliligi, samaradorligi va natijadorligini hamda xizmat safarlari uchun ajratiladigan mablag‘lardan maqsadli hamda oqilona foydalanishni ta’minlash;
tarkibiy bo‘linmalar xodimlarining faoliyati samaradorligi hamda natijadorligini tizimli ravishda tanqidiy tahlil qilish, hay’at majlislarida ularning shaxsiy hisobotlarini eshitish va yakunlari bo‘yicha zarur choralar ko‘rish;
“Korrupsiyaga qarshi kurash to‘g‘risida”gi O‘zbekiston Respublikasi Qonuni talablariga muvofiq Agentlik tarkibiy bo‘linmalarida korrupsiya va boshqa huquqbuzarliklarning oldini olish choralarini ko‘rish, shuningdek, huquqni qo‘llash amaliyoti va qonunchilikni takomillashtirish chora-tadbirlarini ishlab chiqish hamda amalga oshirish orqali ularning sodir etilishiga ko‘maklashadigan sabablar va sharoitlarni aniqlash, tahlil qilish, bartaraf etish;
Agentlik bosh direktoriga davlat xizmatlarini ko‘rsatish va ulardan foydalanish samaradorligi hamda sifatini oshirishga doir takliflar kiritish;
jismoniy va yuridik shaxslar murojaatlarini ko‘rib chiqish, aholi bilan bevosita va ochiq muloqotni yo‘lga qo‘yish, “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatlar va tartibda jismoniy shaxslarni hamda yuridik shaxslar vakillarini muntazam shaxsan qabul qilish, shu jumladan sayyor qabul qilish;
O‘zbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslardan O‘zbekiston Respublikasi Prezidentining Virtual qabulxonasiga kelib tushadigan murojaatlar o‘z vaqtida hamda to‘liq ko‘rib chiqilishini ta’minlash;
davlat sirlariga kiritilgan axborot va maxfiy axborot bilan ishlashda qonun hujjatlari talablariga rioya etish.
18. Agentlikka Vazirlar Mahkamasi tomonidan lavozimga tayinlanadigan va lavozimidan ozod etiladigan bosh direktor rahbarlik qiladi.
Keyingi tahrirga qarang.
Agentlik faoliyatiga umumiy rahbarlik qiladi va Agentlikka yuklangan vazifa va funksiyalarning bajarilishi uchun shaxsan javob beradi;
o‘z vakolati doirasida Agentlik xodimlari bajarishi shart bo‘lgan buyruqlar va farmoyishlar chiqaradi, ko‘rsatmalar beradi.
20. Agentlik bosh direktori bo‘lmagan vaqtlarda uning vakolatlarini tarkibiy bo‘linmalar rahbarlaridan biri bajaradi.
21. Agentlik o‘z vazifalari va funksiyalarini amalga oshirishda davlat va xo‘jalik boshqaruvi organlari, mahalliy davlat hokimiyati organlari hamda boshqa tashkilotlar bilan o‘zaro hamkorlik qiladi.
Oldingi tahrirga qarang.
22. Agentlik faoliyatiga Vazirlar Mahkamasining Ta’lim, sog‘liqni saqlash, jismoniy tarbiya, sport va turizm masalalari kompleksi rahbari hamda Vazirlar Mahkamasining Ta’lim, sog‘liqni saqlash, jismoniy tarbiya, sport va turizm masalalari axborot-tahlil departamenti tomonidan mutasaddilik qilinadi.
(22-band O‘zbekiston Respublikasi Vazirlar Mahkamasining 2018-yil 22-avgustdagi 680-sonli qarori tahririda — Qonun hujjatlari ma’lumotlari milliy bazasi, 25.08.2018-y., 09/18/680/1791-son)
Keyingi tahrirga qarang.
sportchilarning taqiqlangan dori-darmonlar va substansiyalardan rasmiy foydalanishga ruxsat etish bilan shug‘ullanadigan Dori preparatlaridan terapevtik foydalanish komissiyasi;
ijobiy doping namunalarini tekshirish va mas’ul shaxslarga nisbatan sanksiyalar qo‘llash bilan shug‘ullanadigan Ijobiy doping natijalarini hisobga olish va ko‘rib chiqish komissiyasi.
Keyingi tahrirga qarang.
24. Komissiyalar mutaxassislari, shuningdek, doping nazorati inspektorlari zarurat bo‘lganda, biroq har chorakda kamida bir marta jalb etiladi.
Keyingi tahrirga qarang.
25. Komissiyalar va doping nazorati inspektorlarining faoliyati tartibi Agentlik tomonidan tasdiqlangan tegishli reglamentlarga muvofiq belgilanadi.
27. Agentlik faoliyatining samaradorligi va natijadorligi Vazirlar Mahkamasining mutasaddi kompleksi rahbari tomonidan tasdiqlanadigan Agentlik faoliyatining samaradorligi va natijadorligini baholash mezonlari va ishchi indikatorlari asosida baholanadi.
28. Agentlik faoliyatining samaradorligi va natijadorligini baholash yakunlari bo‘yicha quyidagi choralar ko‘riladi:
Agentlik rahbarlari va xodimlariga nisbatan rag‘batlantirish (mukofotlash) yoki tegishli intizomiy javobgarlik choralari;
29. Agentlik faoliyatining samaradorligi va natijadorligini baholash tartibi va uslubi qonun hujjatlari bilan belgilanadi.
30. Agentlik faoliyati O‘zbekiston Respublikasining Davlat budjeti mablag‘lari, homiylar — yuridik va jismoniy shaxslar mablag‘lari, xalqaro moliyaviy institutlar grantlari, shuningdek, qonun hujjatlarida taqiqlanmagan boshqa manbalar hisobidan moliyalashtiriladi va moddiy-texnik ta’minlanadi.
31. Agentlik xodimlariga budjet muassasalari va tashkilotlari uchun qonun hujjatlarida nazarda tutilgan ish haqi to‘lash, mukofotlash va moddiy yordam ko‘rsatish, moddiy rag‘batlantirish va mehnatni rag‘batlantirish tartibi joriy etiladi.
32. Agentlik komissiyalarida ishlash uchun jalb etiladigan mutaxassislar va doping nazorati inspektorlarining ish haqi har oyda eng kam oylik ish haqining o‘n barobarigacha miqdorda belgilanadi va Agentlikning budjetdan tashqari mablag‘lari hisobidan hamda amalda ishlangan kunlarga mutanosib ravishda, ammo bir oyda eng kam oylik ish haqining bir barobaridan kam bo‘lmagan miqdorda to‘lanadi.
Keyingi tahrirga qarang.
33. Agentlik o‘z faoliyati natijalarining hisobini qonun hujjatlarida belgilangan tartibda yuritadi va Vazirlar Mahkamasi, davlat soliq xizmati organlari, statistika va boshqa vakolatli organlarga hisobotlar taqdim etadi, hujjatlarning saqlanishi hamda davlat arxiv tashkilotlarida saqlash uchun o‘z vaqtida topshirilishi bo‘yicha javobgar hisoblanadi.
Keyingi tahrirga qarang.
34. Agentlik bosh direktori o‘z faoliyati natijalari to‘g‘risida O‘zbekiston Respublikasi Vazirlar Mahkamasiga muntazam hisobot beradi.
35. Vazirlar Mahkamasining mutasaddi kompleksi rahbari Agentlik bosh direktorining zimmasiga yuklangan vazifalarni samarali bajarishi bo‘yicha faoliyatining doimiy monitoringini olib boradi, Agentlik faoliyatining samaradorligini xolis baholaydi.
Keyingi tahrirga qarang.
36. Monitoring va baholash yakunlari bo‘yicha Agentlikning alohida o‘rnak ko‘rsatgan xodimlari rag‘batlantiriladi yoki yo‘l qo‘yilgan jiddiy kamchiliklar uchun egallab turgan lavozimidan ozod etishgacha bo‘lgan intizomiy jazoga tortiladi.
37. Agentlikni qayta tashkil etish va tugatish qonun hujjatlarida belgilangan tartibda amalga oshiriladi.
1. O‘zbekiston Respublikasi Milliy olimpiya qo‘mitasi huzuridagi Respublika sport tibbiyoti ilmiy-amaliy markazi to‘g‘risidagi nizomda:
a) 1-bandning ikkinchi xatboshidagi “shuningdek milliy antidoping xizmati funksiyasini bajaruvchi” so‘zlari chiqarib tashlansin;
beshinchi — o‘n birinchi xatboshilar tegishli ravishda to‘rtinchi — o‘ninchi xatboshilar deb hisoblansin;
2. O‘zbekiston Respublikasi Milliy olimpiya qo‘mitasi huzuridagi Respublika sport tibbiyoti ilmiy-amaliy markazi faoliyatini tashkil etishga doir chora-tadbirlar kompleksining VI bo‘limi o‘z kuchini yo‘qotgan deb hisoblansin.