Demografiya muammolari, aholi daromadlari shakllanishi manbalari va iste’mol darajasi, iste’mol talabi rivojlanishi tendensiyalari, ichki iste’mol bozori dinamikasi va uni raqobatbardosh tovarlar bilan to‘ldirish kompleks tadqiq etilishini ta’minlash, ijtimoiy rivojlantirishning ustuvor vazifalarini hal etish uchun normativ baza barpo etish va odamlarning farovonligini oshirish maqsadida Vazirlar Mahkamasi qaror qiladi:
1. O‘zbekiston Respublikasi Mehnat va aholini ijtimoiy muhofaza qilish vazirligi, Makroiqtisodiyot va statistika vazirligi, Moliya vazirligi, respublika “Mahalla” jamg‘armasi, “Sog‘lom avlod uchun” xalqaro xayriya jamg‘armasi, boshqa jamoat tashkilotlari hamda hukumatga qarashli bo‘lmagan tashkilotlarning Demografiya va iste’mol bozorini o‘rganish markazini (keyingi o‘rinlarda matnda “Markaz” deb yuritiladi) tashkil etish to‘g‘risidagi taklifi qabul qilinsin.
respublikada demografiya jarayonlari rivojlanishi omillari va tendensiyalarini tahlil etish, demografik o‘sishning mintaqaviy xususiyatlarini o‘rganish va shu asosda demografik o‘sish va demografik tarkib o‘zgarishi, mehnatga layoqatli aholini ish bilan ta’minlash prognozlarini asoslash;
aholi migratsiyasi, urbanizatsiya jarayonlari, mehnat resurslarining hududlar bo‘yicha joylashtirilishi monitoringini amalga oshirish, ularni maqbullashtirish yuzasidan takliflar tayyorlash;
eng kam “iste’mol savati”ni asoslash, inflyatsiya darajasi dinamikasiga va boshqa omillarga bog‘liq ravishda uning o‘zgarishi dinamikasini tahlil qilish, iste’mol tovarlari va xizmatlarning asosiy guruhlari bo‘yicha aholining hisobot beriladigan va prognoz qilinadigan iste’mol budjetlari tizimini shakllantirish, mintaqalar, shaharlar va qishloqlar bo‘yicha iste’mol budjetlari hajmi va tarkibi o‘zgarishi ustidan monitoringni amalga oshirish;
oilalarning daromadlari darajasiga ko‘ra aholi iste’moli tarkibini mintaqalar, shaharlar va qishloqlarda yashovchilar bo‘yicha chuqur o‘rganish, aholining iste’mol talabi shakllanishiga ta’sir ko‘rsatuvchi omillarni tadqiq etish va aholining o‘sib borayotgan to‘lovga qodirligi talabini ta’minlash hamda iste’molni maqbullashtirish, aholida iste’mol madaniyatini shakllantirishga doir tavsiyalarni ishlab chiqish;
respublikada va mintaqalarda iste’mol bozorining holatini va rivojlanishi tendensiyalarini tanqidiy o‘rganish, tovar oqimlarini va tovar ta’minoti manbalarini tahlil etish, ichki bozorni mamlakatimizda ishlab chiqarilgan tovarlar hisobiga to‘ldirish darajasini aniqlash hamda iste’mol bozori barqaror faoliyat ko‘rsatishini ta’minlash va uning tarkibini takomillashtirish, aholiga savdo xizmati ko‘rsatish tizimini yaxshilash yuzasidan takliflar tayyorlash;
aholining, ayrim ijtimoiy guruhlarning, shaharda va qishloqda yashrovchilarning yalpi daromadlari hajmi va tarkibi o‘zgarishini tahlil qilish, daromadlar shakllanishi manbalarini o‘rganish, ularning miqdori va dinamikasiga ta’sir etuvchi omillarni baholash, mehnatga haq to‘lashni va aholi daromadlarini oshirishni takomillashtirishga doir tavsiyalarni ishlab chiqish;
aholining ayrim ijtimoiy nochor qatlamlarining moddiy ahvolini kompleks tadqiq etish hamda ularni ijtimoiy muhofaza qilish tizimini takomillashtirish va farovonlik darajasini o‘stirish yuzasidan takliflar tayyorlash;
demografiya va ijtimoiy rivojlantirish sohasida xalqaro tashkilotlar va institutlar, xorijiy tadqiqot va tahlil markazlari bilan hamkorlikni kengaytirish.
3. Markazni tashkil etish va uning faoliyatiga ko‘maklashish uchun 1-ilovaga* muvofiq tarkibda Homiylik kengashi tashkil etilsin.
4. Markazning tuzilmasi 2-ilovaga muvofiq tasdiqlansin, uning xodimlarining cheklangan soni 33 nafardan iborat etib belgilansin (yordamchi va xizmat ko‘rsatuvchi xodimlardan tashqari).
Markaz direktoriga, zarurat bo‘lganda, Markazning tasdiqlangan tuzilmasiga xodimlarning belgilangan soni doirasida o‘zgartirishlar kiritish huquqi berilsin.
bir oy muddatda Markaz to‘g‘risidagi nizomni ishlab chiqsin va tasdiqlasin, Markazni ta’sis etishga doir tashkiliy chora-tadbirlarni amalga oshirsin va belgilangan tartibda uni ro‘yxatdan o‘tkazsin;
Markaz yuqori malakali, respublikada amalga oshirilayotgan iqtisodiy islohotlarning mohiyatini chuqur tushunuvchi tajribali mutaxassislar bilan butlanishini ta’minlasin, chet elda o‘qigan va stajirovkadan o‘tgan yoshlar jalb etilishiga alohida e’tibor qaratilsin;
Markazni o‘ziga yuklangan vazifalarni bajarishi uchun zarur bo‘lgan asbob-uskunalar, kompyuter va ko‘paytirish texnikasi bilan jihozlashda, transport bilan ta’minlashda ko‘maklashsin;
xalqaro moliyaviy tashkilotlar, xorijiy jamg‘armalar va boshqa manbalarning grantlari jalb etilishida Markazga yordam ko‘rsatsin.
tadqiqotlar o‘tkazishga davlat boshqaruvi organlari, ilmiy-tadqiqot institutlari va markazlarning xodimlari, shuningdek chet ellik olimlar va mutaxassislarni kontrakt asosida jalb etish;
xalqaro tashkilotlar, jamg‘armalar, universitetlar, ilmiy-tadqiqot va tahlil markazlari bilan tadqiqotlar o‘tkazishga va birgalikda ish olib borishga shartnomalar tuzish;
Markaz xodimlarini va tadqiqotlar o‘tkazish uchun jalb etiladigan mutaxassislar va ekspertlarni stajirovkadan o‘tish va o‘qitish uchun xorijiy tadqiqot markazlari va universitetlarga yo‘llash;
noshirlik faoliyatini amalga oshirish, demografiya va ijtimoiy rivojlantirish sohasida axborot-tahliliy sharhlar, ma’ruzalar va byulletenlar chiqarish;
Markazga yuklangan vazifalar doirasida markaziy iqtisodiy organlardan, vazirliklar, idoralar va boshqa tashkilotlardan zarur normativ, statistika va tahliliy axborotni so‘rash va olish huquqi berilsin.
Oldingi tahrirga qarang.
7. Markaz O‘zbekiston Respublikasi Makroiqtisodiyot va statistika vazirligi, Mehnat va aholini ijtimoiy muhofaza qilish vazirligi, Moliya vazirligi, Davlat mulki qo‘mitasi, Davlat bojxona qo‘mitasi, Tashqi iqtisodiy aloqalar, investitsiyalar va savdo vazirligi, boshqa vazirliklar va idoralarning byulletenlari, statistika axborotlari majburiy tartibda yuboriladigan reyestrga kiritilsin.
(7-band O‘zbekiston Respublikasi Vazirlar Mahkamasining 2005-yil 8-sentabrdagi 206-son qarori tahririda — O‘zbekiston Respublikasi Qonun hujjatlari to‘plami, 2005-y., 34-36-son, 264-modda)
Oldingi tahrirga qarang.
8. Markaziy iqtisodiy organlar, vazirliklar, idoralar, xo‘jalik birlashmalarining buyurtmalari, budjetdan tashqari jamg‘armalarning mablag‘lari, Markazning ilmiy-texnik dasturlarini amalga oshirish uchun davlat budjetidan ajratiladigan mablag‘lar, xalqaro jamg‘armalar va tashkilotlarning grantlari hamda Markazning o‘z faoliyatidan oladigan daromadlari Markazni mablag‘ bilan ta’minlash manbalari etib belgilansin.
(8-band O‘zbekiston Respublikasi Vazirlar Mahkamasining 2006-yil 2-oktabrdagi 207-son qarori tahririda — O‘zbekiston Respublikasi Qonun hujjatlari to‘plami, 2006-y., 40-son, 396-modda)
9. Markaz Toshkent shahar, Usmon Yusupov ko‘chasidagi 1-uyga, “O‘zgiprosuvxo‘jalik” instituti binosiga joylashtirilsin.
10. O‘zbekiston aloqa va axborotlashtirish agentligi Markazni telefon va telekommunikatsiya aloqasining zarur turlari, shu jumladan Hukumat aloqasi bilan ta’minlasin.
11. Mazkur qarorning bajarilishini nazorat qilish O‘zbekiston Respublikasi Prezidentining Davlat maslahatchisi V.A. Golishev va O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.