Vazirlik, idora va tashkilot nomi | |
Harbiy formali kiyim | |
1. | Mudofaa vazirligi |
2. | Ichki ishlar vazirligi |
3. | Favqulodda vaziyatlar vazirligi |
4. | Davlat xavfsizlik xizmati |
5. | DXX chegara qo‘shinlari |
6. | Davlat bojxona qo‘mitasi |
7. | Harbiy prokuratura |
8. | Axborot texnologiyalari va kommunikatsiyalarini rivojlantirish vazirligining Davlat feldyegerlik xizmati va Maxsus avariya-tiklash boshqarmasi |
9. | Elektron texnologiyalarini rivojlantirish markazi |
Idoraviy formali kiyim | |
2. | Tabiatni muhofaza qilish davlat qo‘mitasi |
3. | Prokuratura organlari |
4. | O‘zbekiston Republikasi Bosh prokuraturasi huzuridagi Majburiy ijro byurosi |
5. | Axborot texnologiyalari va kommunikatsiyalarini rivojlantirish vazirligining “Respublika maxsus aloqa uzeli” DUK |
6. | O‘zbekiston avtomobil transporti agentligi |
7. | O‘zbekiston Respublikasi Qishloq xo‘jaligi vazirligi huzuridagi O‘simliklar karantini va himoyasi agentligi |
8. | O‘zbekiston Respublikasi Uy-joy kommunal xizmat ko‘rsatish vazirligi huzuridagi Ichimlik suvidan foydalanishni nazorat qilish inspeksiyasi |
9. | O‘zbekiston Respublikasi Uy-joy kommunal xizmat ko‘rsatish vazirligi huzuridagi Ko‘p xonadonli uy-joy fondidan foydalanishni nazorat qilish inspeksiyasi |
10. | O‘zbekiston Respublikasi Qishloq xo‘jaligi vazirligi huzuridagi Agrosanoat majmui ustidan nazorat qilish inspeksiyasi |
Maxsus formali kiyim | |
1. | “O‘zbekiston havo yo‘llari” MAK |
2. | “O‘zbekiston temir yo‘llari” AJ |
3. | Idoraviy va idoraga qarashli bo‘lmagan qo‘riqlash bo‘linmalari |
O‘zbekiston Respublikasi Prezidentining Qarori, 27.02.2017 yildagi PQ-2800-son
Кучга кириш санаси
27.02.2017
Рус
Ўзб
O’zb
O‘zb|Рус
Zamonaviy talablar va iqlim xususiyatlariga javob beradigan formali kiyim va farqlovchi belgilarni ishlab chiqish, standartlashtirish, tasdiqlash hamda tayyorlashni yanada tartibga solish va qat’iy belgilash, harbiy xizmatchilar va davlat tuzilmalari xodimlarini qulay formali kiyim bilan ta’minlash maqsadida:
1. Belgilansinki, formali kiyim davlat tuzilmalari (vazirliklar, idoralar va tashkilotlar) vakilining uslubi bo‘yicha bir xil ko‘rinishdagi yagona qiyofasini yaratishga mo‘ljallangan. Formali kiyim harbiy, idoraviy va maxsus kiyimlarga bo‘linadi.
Formali kiyim yagona namuna-etalonlar, materiallar, bichimlar, rang va farqlovchi belgilar bo‘yicha tayyorlanadi hamda himoya va ma’lumot berish vazifasini bajaradi.
Harbiy formali kiyim — harbiy atributikaning to‘liq to‘plamidan foydalangan holda harbiylashtirilgan vazirliklar va idoralar harbiy xizmatchilari va xodimlariga mo‘ljallangan harbiy kiyim-kechak buyumlari to‘plami. Harbiy formali kiyimning namuna-etalonlari mazkur vazirlik va idoralar rahbarlarining taqdimnomasiga binoan O‘zbekiston Respublikasi Prezidenti tomonidan tasdiqlanadi.
Idoraviy formali kiyim — harbiylashtirilgan vazirlik va idoralarga daxldor bo‘lmagan, qisman harbiylar belgisi mavjud yoki undan foydalanmagan holda davlat muassasasi qiyofasini (imidjini) yaratishga mo‘ljallangan. Idoraviy formali kiyimning namuna-etalonlari tegishli davlat muassasalari rahbarlarining taqdimnomasiga binoan O‘zbekiston Respublikasi Vazirlar Mahkamasi tomonidan tasdiqlanadi.
Maxsus formali kiyim — idora va tashkilot imidjini yaratish, harbiylar belgisidan foydalanmagan holda ularning xodimlari kiyishi uchun mo‘ljallangan. Maxsus formali kiyimning namuna-etalonlari tegishli idora va tashkilotlarning rahbarlari tomonidan tasdiqlanadi.
2. Formali kiyim kiyilishi nazarda tutiladigan vazirliklar, idoralar va tashkilotlar ro‘yxati 1-ilovaga muvofiq tasdiqlansin.
eskizlar va namuna-etalonlarni kelishib olish tegishli vazirliklar va idoralar rahbarlari zimmasiga yuklanadi;
formali kiyimlar ro‘yxatini (garderob tarkibini), uni kiyish qoidalari, kiyim-kechak buyumlari bilan ta’minlash normalari, undan foydalanish muddatlarini tasdiqlash vazirliklar, idoralar va tashkilotlar rahbarlari tomonidan amalga oshiriladi.
harbiy xizmatchi yoki tegishli vazirliklar, idoralar va muassasalarning xodimlari bo‘lmagan shaxslarning tasdiqlangan harbiy va idoraviy formali kiyimni kiyishi qat’iyan man etiladi;
harbiy va idoraviy formali kiyimni kiyish qonuniyligiga rioya qilinishini nazorat qilish garnizonlar boshliqlari va ichki ishlar organlari zimmasiga yuklanadi;
Oldingi tahrirga qarang.
tasdiqlangan namunadagi formali kiyimlarni tegishli litsenziya va sertifikatga ega bo‘lgan Mudofaa vazirligiga qarashli harbiy savdo tarmoqlarining maxsus savdo korxonalari va boshqa vakolatli tadbirkorlik faoliyati subyektlaridan tashqari bozorlarda va do‘konlarda erkin savdo qilish taqiqlanadi. O‘zbekiston Respublikasi Mudofaa vazirligi harbiy savdo tarmoqlariga qarashli maxsus savdo tashkilotlari va O‘zbekiston Respublikasi Mudofaa vazirligi harbiy xizmatchilari va ularning oila a’zolariga savdo-maishiy xizmat ko‘rsatish bo‘yicha harbiy qism bilan tuzilgan shartnoma asosida faoliyat yurituvchi boshqa vakolatli tadbirkorlik subyektlari yopiq turdagi harbiy shaharchalar hududida harbiy formali kiyim-boshlar, furnitura va boshka kiyim-kechak buyumlari savdosini tegishli litsenziyalarsiz amalga oshiradi.
(3-bandning oltinchi xatboshisi O‘zbekiston Respublikasi Prezidentining 2018-yil 12-oktabrdagi PQ-3967-sonli qarori tahririda — Qonun hujjatlari ma’lumotlari milliy bazasi, 12.10.2018-y., 07/20/3967/0895-son)
formali kiyimni tayyorlashga davlat buyurtmalarini shakllantirish sohasida yagona davlat siyosati o‘tkazilishini ta’minlasin;
mahalliy korxonalarda kiyim-kechak buyumlarini tayyorlash tizimini takomillashtirish, zarur xomashyo va materiallar, zamonaviy talab va standartlarga javob beradigan, harbiy xizmatchilarning har birini alohida himoya qilish vositalari va kiyim-bosh ishlab chiqarishni mahalliylashtirish va yo‘lga qo‘yish hamda ular bilan Qurolli Kuchlarni ta’minlash bo‘yicha chora-tadbirlar kompleksini tashkillashtirsin.
Toshkent to‘qimachilik va yengil sanoat instituti huzurida formali kiyimlarni loyihalashtirish bo‘yicha ilmiy laboratoriyani 2-ilovaga muvofiq tashkil etsin;
Toshkent to‘qimachilik va yengil sanoat institutining tashkiliy tuzilmasiga tegishli o‘zgartirishlar kiritsin;
laboratoriyaning joriy ta’minoti, uni asbob-uskunalar, tashkiliy texnika bilan jihozlash vazirlikka har yili ajratiladigan budjet mablag‘lari, budjetdan tashqari va qonunchilikda taqiqlanmagan boshqa moliyalashtirish manbalari hisobidan amalga oshirsin. Formali kiyim va farqlovchi belgilar namunalarini loyihalash ishlarini moliyalashtirish, uni tayyorlash bo‘yicha normativ-texnik hujjatlarni tuzish bilan birga vazirliklar, idoralar va tashkilotlarning buyurtmanomalariga muvofiq buyurtmachi mablag‘lari hisobidan amalga oshiriladi.
ko‘rkamlik, gigiyenaga, ergonomika qoidalariga moslik, eskirish, yirtilish, cho‘zilishga chidamli, yuqori va past haroratlarga hamda boshqa sifat mezonlariga muvofiq bo‘lgan turli ahamiyatdagi qulay formali kiyimlar dizayni va zamonaviy ilmiy asoslangan standartining yagona konsepsiyasini ishlab chiqish, shuningdek, tayyor mahsulot namunalarini laboratoriya va dala sharoitida sinovdan o‘tkazish;
vazirliklar va idoralarning buyurtmanomalari bo‘yicha formali kiyim va farqlovchi belgilar namunalarini loyihalash va ularni tayyorlash yuzasidan normativ-texnik hujjatlarni tuzish;
to‘qimachilik va poyabzal sanoati sohasida ilmiy ishlanmalarni tashkil etish va olib borish, ilg‘or xorijiy tajribani hisobga olgan holda maxsus ma’lumotlar bazasini yaratish va jamlash;
zamonaviy texnologiyalardan foydalangan holda yangi matolar, bo‘yoqlar, ko‘rkamlashtiradigan singdiriluvchi moddalar, formali kiyimlar, bosh kiyimlar, poyabzal, atributlarning yangi namunalarini ishlab chiqish;
vazirliklar, idoralar va tashkilotlar bilan birgalikda ilmiy-tadqiqot va antropologik tadqiqotlar asosida kiyim standartlarini harbiy xizmatchilar, xodimlar va ishchilarning formali kiyimlari o‘lchamlari maksimal darajada mos kelishini ta’minlash, shuningdek, xomashyo va materiallardan oqilona foydalanish.
6. “O‘zbekyengilsanoat” aksiyadorlik jamiyati (I. Haydarov) va “O‘zbekcharmpoyabzali” uyushmasi (M. Mansurov) tegishli ravishda “O‘zbekyengilsanoat” AJ va “O‘zbekcharmpoyabzali” uyushmasi huzurida eng yangi uskunalar va moslamalar bilan jihozlangan matolar ishlab chiqarish va pardozlashga ixtisoslashtirilgan korxona, formali kiyimlar, poyabzal va atributlar tayyorlash bo‘yicha alohida fabrikalar ishlashini tashkil etishni nazarda tutsin.
7. O‘zbekiston Respublikasi Adliya vazirligi (M. Ikromov) Mudofaa vazirligi (Q. Berdiyev) hamda boshqa manfaatdor vazirliklar, idoralar va tashkilotlar bilan birgalikda ikki oy muddatda amaldagi qonunchilikka mazkur Qarordan kelib chiqadigan hamda formali kiyim kiyish huquqi bo‘lmagan shaxslarga nisbatan bunday kiyimlarni noqonuniy kiyib yurgani uchun jarima choralari, ma’muriy va boshqa choralarni nazarda tutuvchi o‘zgartish va qo‘shimchalarni belgilangan tartibda kiritsin.
8. Mazkur Qarorning ijrosini nazorat qilish O‘zbekiston Respublikasining Bosh vaziri A. Aripov va O‘zbekiston Respublikasi Prezidenti huzuridagi Xavfsizlik kengashi kotibi V. Maxmudov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Prezidentining 2024-yil 16-fevraldagi PF-36-sonli Farmoni tahririda — Qonunchilik ma’lumotlari milliy bazasi, 16.02.2024-y., 06/24/36/0130-son)