O‘zbekiston Respublikasi Prezidentining “O‘zbekiston Respublikasida loyiha boshqaruvi tizimini joriy etish chora-tadbirlari to‘g‘risida”gi 2017-yil 24-iyuldagi PF-5120-son Farmoni va O‘zbekiston Respublikasi Prezidentining “Tovarlar (ishlar, xizmatlar)ning davlat va korporativ xaridlarini amalga oshirishning zamonaviy shakl va uslublarini yanada joriy etish chora-tadbirlari to‘g‘risida”gi 2017-yil 23-avgustdagi PQ-3237-son qaroriga muvofiq:
1. O‘zbekiston Respublikasi Prezidentining ayrim hujjatlariga 1-ilovaga muvofiq o‘zgartirish va qo‘shimchalar kiritilsin.
2. O‘zbekiston Respublikasi Prezidentining ayrim hujjatlari 2-ilovaga muvofiq o‘z kuchini yo‘qotgan deb hisoblansin.
3. Ushbu Farmonga 1-ilova 2-bandining “a” kichik bandida nazarda tutilgan o‘zgartirish 2018-yilning 1-yanvaridan amalga kiritiladi.
4. Vazirlik va idoralar o‘zlari qabul qilgan normativ-huquqiy hujjatlarni bir oy muddatda ushbu Farmonga muvofiqlashtirsin.
5. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidenti huzuridagi Loyiha boshqaruvi milliy agentligi direktori Sh.M. Sodiqov zimmasiga yuklansin.
1. O‘zbekiston Respublikasi Prezidentining “Kapital qurilishda iqtisodiy islohotlarni yanada chuqurlashtirishning asosiy yo‘nalishlari to‘g‘risida”gi 2003-yil 6-maydagi PF-3240-son Farmonida:
“Bunda tanlov (tender) savdolarini o‘tkazish majburiyati bitta kontrakt bo‘yicha qiymati 100 ming AQSh dollaridan ortiq ekvivalentda amalga oshiriladigan tovarlar (ishlar, xizmatlar)ni xarid qilishga tatbiq etiladi”;
b) 4-bandning ikkinchi xatboshisidagi “pudrat ishlariga” so‘zlaridan keyin “bitta kontrakt bo‘yicha qiymati 100 ming AQSh dollaridan ortiq ekvivalentda” so‘zlari qo‘shilsin.
Keyingi tahrirga qarang.
2. O‘zbekiston Respublikasi Prezidentining “Davlat budjetining g‘azna ijrosi tizimini yanada rivojlantirish chora-tadbirlari to‘g‘risida”gi 2007-yil 28-fevraldagi PQ-594-son qarorining 2-bandida:
“G‘aznachilikning, budjet mablag‘lari hisobiga to‘lash uchun qabul qilingan, Davlat xaridlari yagona axborot portalida ro‘yxatdan o‘tkazilgan shartnomalar bo‘yicha axborot bazasini tashkil etish va muntazam yangilab borish;
budjet tashkilotlari va budjetdan mablag‘lar oluvchilarning shartnomalar tuzishi doirasida tovarlar (ishlar, xizmatlar) uchun shakllanayotgan narxlar monitoringi bo‘yicha O‘zbekiston Respublikasi Prezidenti huzuridagi Loyiha boshqaruvi milliy agentligi bilan hamkorlik qilish”;
“davlat xaridlari va mahalliy kichik tadbirkorlik subyektlariga ajratilayotgan kvotalarning bajarilishi jarayoni ustidan monitoring olib borish”;
“xo‘jalik subyektlarini noinsof yetkazib beruvchilar reyestriga kiritishga doir takliflar ishlab chiqish”.
3. O‘zbekiston Respublikasi Prezidentining “Davlat xaridlari tizimini maqbullashtirish va ularga kichik biznes subyektlarini jalb etishni kengaytirish to‘g‘risida”gi 2011-yil 7-fevraldagi PQ-1475-son qarori rus tilidagi matnida:
oltinchi xatboshidagi “na spetsialnom informatsionnom portale” so‘zlari “v sredstvax massovoy informatsii, v tom chisle na spetsialnom veb-sayte zakazchika ili viщestoyashey organizatsii” so‘zlari bilan almashtirilsin;
4. O‘zbekiston Respublikasi Prezidentining “O‘zbekiston Respublikasi Prezidenti devonining reglamentini tasdiqlash to‘g‘risida”gi 2017-yil 28-iyuldagi PQ-3161-son qarori bilan tasdiqlangan O‘zbekiston Respublikasi Prezidenti devonining reglamentida:
“O‘zbekiston Respublikasi Prezidenti huzuridagi Loyiha boshqaruvi milliy agentligi tomonidan — loyiha boshqaruvi, davlat organlari va boshqa tashkilotlarda zamonaviy texnologiyalarni joriy etish konsepsiyasini ishlab chiqish hamda tahlil qilish, shuningdek davlat xaridlarini amalga oshirish masalalari bo‘yicha”;
b) 125-banddagi “Vazirlar Mahkamasining 2014-yil 30-oktabrdagi 299-sonli “Mansabdor shaxslarning xorijiy mamlakatlarga xizmat safarlarini tashkil etish qoidalarini tasdiqlash to‘g‘risida”gi qaroriga” so‘zlari “O‘zbekiston Respublikasi Prezidentining 2017-yil 3-avgustdagi PQ-3170-son qarori bilan tasdiqlangan Mansabdor shaxslarning xorijiy mamlakatlarga xizmat safarlarini tashkil etish tartibi to‘g‘risidagi nizomga” so‘zlari bilan almashtirilsin;
v) 4-ilovaning “Ijrochilar” ustunidagi “Hisob palatasi” so‘zlari “Hisob palatasi, O‘zbekiston Respublikasi Prezidenti huzuridagi Loyiha boshqaruvi milliy agentligi” so‘zlari bilan almashtirilsin.
Keyingi tahrirga qarang.
5. O‘zbekiston Respublikasi Prezidentining “Tovarlar (ishlar, xizmatlar)ning davlat va korporativ xaridlarini amalga oshirishning zamonaviy shakl va uslublarini yanada joriy etish chora-tadbirlari to‘g‘risida”gi 2017-yil 23-avgustdagi PQ-3237-son qarorida:
“3. Shunday tartib o‘rnatilsinki, unga ko‘ra 2018-yil 1-yanvarga qadar tovarlar (ishlar, xizmatlar)ning davlat va korporativ xaridlari quyidagi ekvivalentlarga muvofiq, ya’ni:
1 ming AQSh dollaridan kam bo‘lgan bitta kontrakt bo‘yicha — narxi, sifati va tovarlar (ishlar, xizmatlar)ni yetkazib berish muddatlari bo‘yicha eng maqbul keladigan shartlarni taklif qilgan yetkazib beruvchilar bilan to‘g‘ridan to‘g‘ri shartnomalar tuzish orqali. Bitta kontrakt bo‘yicha mablag‘ miqdori O‘zbekiston Respublikasi Markaziy bankining shartnoma tuzilgan sanadagi rasmiy kursi bo‘yicha hisoblanadi;
1 mingdan 100 ming AQSh dollarigacha bo‘lgan bitta kontrakt bo‘yicha — buyurtmachi tuzadigan idoraviy tanlov komissiyalari tomonidan baholanadigan eng maqbul takliflarni tanlab olish orqali. Bitta kontrakt bo‘yicha mablag‘ miqdori O‘zbekiston Respublikasi Markaziy bankining eng yaxshi taklif kelib tushgan sanadagi rasmiy kursi bo‘yicha hisoblanadi;
100 ming AQSh dollaridan ortiq miqdordagi bitta kontrakt bo‘yicha — buyurtmachi tomonidan O‘zbekiston Respublikasi Investitsiyalar bo‘yicha davlat qo‘mitasi, O‘zbekiston Respublikasi Vazirlar Mahkamasi huzuridagi “O‘zInjiniring” Respublika loyiha instituti, shuningdek buyurtmachining tarmoq ilmiy-texnik kengashlarining vakillarini albatta jalb etgan holda tuziladigan idoralararo tanlov (tender) komissiyalari tashkil etadigan tanlov (tender) savdolarini o‘tkazish orqali amalga oshiriladi. Mazkur xaridlar bo‘yicha texnik shartlar O‘zbekiston Respublikasi Prezidenti huzuridagi Loyiha boshqaruvi milliy agentligi bilan kelishilgan bo‘lishi shart. Bitta kontrakt bo‘yicha mablag‘ miqdori O‘zbekiston Respublikasi Markaziy bankining texnik shartlar tasdiqlangan sanadagi rasmiy kursi bo‘yicha hisoblanadi.
Davlat organlari va boshqa tashkilotlar tanlov (tender) komissiyalari tarkiblari va tegishli tartib-taomillar ushbu qaror talablariga muvofiqlashtirilishini ta’minlasin.
Buyurtmachilarning rahbarlari davlat va korporativ xaridlarini amalga oshirish tartibiga, shu jumladan xarid qilishning maqsadga muvofiqligiga rioya qilmaganligi uchun jinoiy javobgarlikka tortishgacha qadar shaxsiy javobgar hisoblanadi”;
b) 5-bandning ikkinchi xatboshisidagi “Resurslar” so‘zidan oldin “O‘zbekiston respublika Tovar-xomashyo birjasi bilan birgalikda” so‘zlari bilan to‘ldirilsin.
1. O‘zbekiston Respublikasi Prezidentining “O‘zbekiston Respublikasi milliy valyutasining ichki erkin almashtirilishini yanada kengaytirish chora- tadbirlari to‘g‘risida”gi 1995-yil 27-iyundagi PF-1193-son Farmonining 6-bandi.
Keyingi tahrirga qarang.
2. O‘zbekiston Respublikasi Prezidentining “Xorijiy sarmoyalar ishtirokidagi korxonalarni rivojlantirishni va ularning sarmoya bilan bog‘liq faoliyatini rag‘batlantirishning qo‘shimcha chora-tadbirlari to‘g‘risida”gi 1996-yil 13-dekabrdagi PF-1659-son Farmonining 1-bandi.
Keyingi tahrirga qarang.
3. O‘zbekiston Respublikasi Prezidentining “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida” 2017-yil 6-iyuldagi PF-5111-son Farmoniga 1-ilovaning 10-bandi.
4. O‘zbekiston Respublikasi Prezidentining “Elektron xaridlar tizimini maqbullashtirish va ulardan tadbirkorlik subyektlarining foydalanishini kengaytirish to‘g‘risida”gi 2013-yil 5-apreldagi PQ-1948-son qarori.