LexUZ sharhi
Mazkur qaror O‘zbekiston Respublikasi adliya vazirining 2019-yil 7-sentabrdagi 390-mh-sonli “Idoraviy normativ-huquqiy hujjatlarni davlat reyestridan chiqarish to‘g‘risida”gi buyrug‘iga (ro‘yxat raqami 2464-2, 07.09.2019-y.) asosan davlat reyestridan chiqarilgan.
O‘zbekiston Respublikasi Prezidentining 2017-yil 18-apreldagi PF-5017-son “Uy-joy kommunal xizmat ko‘rsatish tizimini boshqarishni yanada takomillashtirish chora-tadbirlari to‘g‘risida”gi Farmoniga muvofiq O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi, Qishloq va suv xo‘jaligi vazirligi hamda Davlat arxitektura va qurilish qo‘mitasi qaror qiladi:
1. O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi, Qishloq va suv xo‘jaligi vazirligi hamda Davlat arxitektura va qurilish qo‘mitasining 2013-yil 20-maydagi 10, 6/1 va 2-son qarori (ro‘yxat raqami 2464, 2013-yil 3-iyun) (O‘zbekiston Respublikasi qonun hujjatlari to‘plami, 2013-y., 23-son, 308-modda) bilan tasdiqlangan Qishloq joylarda namunaviy loyihalar bo‘yicha yakka tartibdagi uy-joylar qurish uchun tashqi muhandislik kommunikatsiyalariga ulanish imkoniyati bo‘lgan sug‘orilmaydigan hamda unumdorligi past qishloq xo‘jaligi yer uchastkalarini aniqlash qoidalarining 3-bandi quyidagi tahrirda bayon etilsin:
“3. Ishchi guruh tarkibiga Qoraqalpog‘iston Respublikasi Vazirlar Kengashi, viloyat, tuman (shahar) hokimliklari, O‘zbekiston Respublikasi Qishloq va suv xo‘jaligi vazirligining hududiy boshqarma va uning bo‘limlari, “Yergeodezkadastr” davlat qo‘mitasining hududiy boshqarma va uning bo‘limlari, “Davarxitektqurilish” qo‘mitasining hududiy boshqarma va uning bo‘limlari, Qoraqalpog‘iston Respublikasi Uy-joy kommunal xizmat ko‘rsatish vazirligi hamda viloyatlar uy-joy kommunal xizmat ko‘rsatish boshqarmalari va ularning tashkiliy tuzilmasiga kiruvchi tashkilotlar, “O‘zdaverloyiha” institutining hududiy bo‘limlari, “O‘zbekneftgaz” MXK hududiy bo‘limlari, “O‘zbekenergo” AJning hududiy elektr tarmoqlari korxonalari va “O‘zgidromet” markazining hududiy bo‘linmalarining vakillari kiritiladi.”.
2. Mazkur qaror “O‘zbekenergo” AJ, O‘zbekiston Respublikasi Uy-joy kommunal xizmat ko‘rsatish vazirligi, “O‘zbekneftgaz” MXK, “O‘zdavenergonazorat” inspeksiyasi hamda “O‘zgidromet” markazi bilan kelishilgan.