LexUZ sharhi
Mazkur qaror O‘zbekiston Respublikasi Mudofaa vazirligining 2023-yil 6-iyundagi 16-son, O‘zbekiston Respublikasi Kambag‘allikni qisqartirish va bandlik vazirligining 2023-yil 31-maydagi 8-2023/qq-son, O‘zbekiston Respublikasi Iqtisodiyot va moliya vazirligining 2023-yil 1-iyundagi 24-sonli “Harbiy xizmatchilar orasidan pensionerlarni oliy harbiy ta’lim muassasalarining ilmiy xodimlari va o‘qituvchilari lavozimlariga ishga qabul qilish tartibi to‘g‘risidagi nizomni tasdiqlash haqida”gi qaror, shuningdek unga o‘zgartirishni o‘z kuchini yo‘qotgan deb topish to‘g‘risida”gi qaroriga (ro‘yxat raqami 2901-2, 20.06.2023-y.) asosan o‘z kuchini yo‘qotgan.
O‘zbekiston Respublikasi Prezidentining 2017-yil 17-fevraldagi PF-4960-son “O‘zbekiston Respublikasi Qurolli Kuchlari pensionerlarini ijtimoiy himoya qilishni yanada takomillashtirish chora-tadbirlari to‘g‘risida”gi Farmoniga muvofiq O‘zbekiston Respublikasi Mudofaa vazirligi, Bandlik va mehnat munosabatlari vazirligi va Moliya vazirligi qaror qiladi:
1. Harbiy xizmatchilar orasidan pensionerlarni oliy harbiy ta’lim muassasalarining ilmiy xodimlari va o‘qituvchilari lavozimlariga ishga qabul qilish tartibi to‘g‘risidagi nizom ilovaga muvofiq tasdiqlansin.
O‘zbekiston Respublikasi Mudofaa vazirligi, Bandlik va mehnat munosabatlari vazirligi hamda Moliya vazirligining 2017-yil 23-iyundagi 19, 17-Q/Q va 90-son qaroriga
ILOVA
ILOVA
Mazkur Nizom O‘zbekiston Respublikasi Prezidentining 2017-yil 17-fevraldagi PF-4960-son “O‘zbekiston Respublikasi Qurolli Kuchlari pensionerlarini ijtimoiy himoya qilishni yanada takomillashtirish chora-tadbirlari to‘g‘risida”gi Farmoni hamda Vazirlar Mahkamasining 2006-yil 10-fevraldagi 20-son “Oliy ta’lim muassasalariga pedagog xodimlarni tanlov asosida ishga qabul qilish tartibi to‘g‘risidagi nizomni tasdiqlash haqida”gi qaroriga muvofiq harbiy xizmatchilar orasidan pensionerlarni (bundan buyon matnda pensionerlar deb yuritiladi) oliy harbiy ta’lim muassasalarining ilmiy xodimlari va o‘qituvchilari lavozimlariga ishga qabul qilish tartibini belgilaydi.
1. Mazkur Nizom talablari O‘zbekiston Respublikasi Mudofaa vazirligining oliy harbiy ta’lim muassasalariga (bundan buyon matnda oliy harbiy ta’lim muassasalari deb yuritiladi) tatbiq etiladi.
2. Pensionerlarni ishga qabul qilish ularni yoshlarni vatanparvarlik, Vatanga muhabbat va sodiqlik ruhida tarbiyalash jarayoniga yanada kengroq jalb etish maqsadida amalga oshiriladi.
3. Ishga qabul qilinadigan pensionerlar O‘zbekiston Respublikasi fuqarolari orasidan tanlab olinadi.
4. Tegishli ma’lumotga, kasbiy tayyorgarlikka va yuksak axloqiy sifatlarga ega bo‘lgan shaxslar oliy harbiy ta’lim muassasalarida pedagogik faoliyat bilan shug‘ullanishi mumkin.
5. Oliy harbiy ta’lim muassasalarining ilmiy xodimlari va o‘qituvchilari lavozimlariga ishga qabul qilishda ilmiy daraja va ilmiy unvonga hamda chuqur kasbiy bilim va tajribaga ega bo‘lgan nomzodlarga ustunlik beriladi.
6. Pensionerlar oliy harbiy ta’lim muassasalarining ilmiy xodimlari va o‘qituvchilari lavozimlariga Vazirlar Mahkamasining 2006-yil 10-fevraldagi 20-son qarori bilan tasdiqlangan Oliy ta’lim muassasalariga pedagog xodimlarni tanlov asosida ishga qabul qilish tartibi to‘g‘risidagi nizomda belgilangan tartibda tanlab olinadi.
7. Oliy harbiy ta’lim muassasalarining ilmiy xodimlari va o‘qituvchilari lavozimlariga tanlovda ishtirok etish xohishini bildirgan pensionerlar ta’lim muassasasiga quyidagi hujjatlarni topshirishi lozim:
ilmiy ishlar hamda ixtirolarga tegishli hujjatlar va boshqa mualliflik huquqini tasdiqlovchi hujjatlar nusxasi (mavjud bo‘lsa).
(7-band O‘zbekiston Respublikasi Mudofaa vazirligining 2022-yil 10-fevraldagi 3-son, Bandlik va mehnat munosabatlari vazirligining 2022-yil 8-fevraldagi 2-2022-Q/Q-son va Moliya vazirligining 2022-yil 8-fevraldagi 2-son qarori (ro‘yxat raqami 2901-1, 28.02.2022-y.) tahririda — Qonunchilik ma’lumotlari milliy bazasi, 28.02.2022-y., 10/22/2901-1/0165-son)
8. Pensionerlar oliy harbiy ta’lim muassasalarining ilmiy xodimlari va o‘qituvchilari lavozimlariga qonunchilik hujjatlarida belgilangan tartibda oliy harbiy ta’lim muassasalarining rahbari tomonidan tayinlanadi.
(8-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
9. Mazkur Nizom talablarining buzilishida aybdor bo‘lgan shaxslar qonunchilik hujjatlariga muvofiq javob beradi.
(9-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)