O‘zbekiston Respublikasi Prezidentining “O‘zbekiston Respublikasi Investitsiyalar bo‘yicha davlat qo‘mitasini tashkil qilish to‘g‘risida” 2017-yil 31-martdagi PF-4996-son Farmoniga va O‘zbekiston Respublikasi Prezidentining “O‘zbekiston Respublikasi Investitsiyalar bo‘yicha davlat qo‘mitasi faoliyatini tashkil qilish chora-tadbirlari to‘g‘risida” 2017-yil 4-apreldagi PQ-2868-son qarorini ijro etish maqsadida Vazirlar Mahkamasi qaror qiladi:
1. O‘zbekiston Respublikasi Investitsiyalar bo‘yicha davlat qo‘mitasi to‘g‘risidagi nizom ilovaga muvofiq tasdiqlansin.
Keyingi tahrirga qarang.
2020-yil 31-dekabrga qadar muddatda materiallar, texnika va uskunalar, xizmat transport vositalari, ofis mebeli va jihozlari, kompyuterlar va tashkiliy texnika, shu jumladan ularga dasturiy ta’minotini tender va (yoki) O‘zbekiston Respublika tovar-xomashyo birjasining maxsus axborot portali orqali elektron savdo yo‘li bilan tadbirkorlik subyektlaridan eng zarur tovarlar (ishlar, xizmatlar)ning davlat xaridini o‘tkazmasdan, mahalliy ishlab chiqaruvchilarga afzallik berilgan holda eng yaxshi takliflarni saralash asosida amalga oshirishga;
eng yaxshi takliflarni saralash asosida (tender o‘tkazmasdan) xorijiy investitsiyalarni jalb qilish, investitsiya faoliyati, investitsiya loyihalari hamda investitsiya kontraktlarini ekspertiza qilish masalalarida tajribasi bo‘lgan nufuzli xalqaro konsalting kompaniyalari va maslahatchilarini jalb qilishga;
axborotning maxfiyligi va axborot xavfsizligi talablari ta’minlanishini hisobga olgan holda, import kontraktlari bajarilishi monitoringini olib borish, narxga oid axborotni to‘plash, umumlashtirish va tahlil qilish maqsadida Valyuta operatsiyalarining yagona axborot-elektron tizimi (VOYAAET)dan erkin foydalanishga ruxsat etilsin.
Keyingi tahrirga qarang.
3. Belgilansinki, davlat organlari tomonidan xalqaro investitsiyaviy va iqtisodiy forumlar hamda boshqa turdagi xalqaro investitsiyaviy va iqtisodiy tadbirlarning o‘tkazilishi O‘zbekiston Respublikasi Investitsiyalar bo‘yicha davlat qo‘mitasi bilan kelishgan holda amalga oshiriladi.
4. Vazirliklar va idoralar o‘zlari qabul qilgan normativ-huquqiy hujjatlarni ikki hafta muddatda ushbu qarorga muvofiqlashtirsinlar.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari J.A. Qo‘chqorov zimmasiga yuklansin.
Keyingi tahrirga qarang.
1. O‘zbekiston Respublikasi Investitsiyalar bo‘yicha davlat qo‘mitasi (keyingi o‘rinlarda Qo‘mita deb ataladi) yagona davlat investitsiya siyosati shakllantirilishini muvofiqlashtirish va amalga oshirish, shuningdek chet el investitsiyalarini jalb qilishga mas’ul vakolatli davlat boshqaruvi organi hisoblanadi.
2. Qo‘mita o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalari qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, ushbu Nizomga, shuningdek boshqa qonun hujjatlariga amal qiladi.
3. Qo‘mita o‘z faoliyatini davlat boshqaruvining boshqa organlari, mahalliy davlat hokimiyati organlari va boshqa tashkilotlar, shu jumladan xalqaro tashkilotlar, xalqaro moliya institutlari, chet el hukumat moliya tashkilotlari va chet ellik investorlar bilan o‘zaro hamkorlikda amalga oshiradi.
4. Qo‘mitaning o‘z vakolatlari doirasida qabul qilingan va normativ-huquqiy tusga ega qarorlari davlat va xo‘jalik boshqaruvi organlari, mahalliy davlat hokimiyati va boshqaruvi organlari, mulkchilik va idoraviy bo‘ysunishi shaklidan qat’i nazar, xo‘jalik yurituvchi subyektlar tomonidan bajarilishi majburiydir.
5. Qo‘mitaning markaziy apparati, shuningdek Qoraqalpog‘iston Respublikasi Investitsiyalar bo‘yicha qo‘mitasi yuridik shaxslar hisoblanadi, O‘zbekiston Respublikasi Davlat gerbi va o‘z nomi tushirilgan muhr va blankalarga, bank hisob raqamiga (jumladan chet el valyutasidagi hisob raqamga) ega bo‘ladi.
yagona davlat investitsiya siyosatini shakllantirish va yuritish, shu jumladan iqtisodiyot tarmoqlari va mamlakat mintaqalariga investitsiyalar hajmini kengaytirishni rag‘batlantirishga qaratilgan chet el investitsiyalarini jalb qilish, respublikadagi investitsiya muhitini yanada takomillashtirish, chet el kapitali ishtirokidagi korxonalar rivojlanishini qo‘llab-quvvatlash ishlarini muvofiqlashtirish;
chet el investitsiyalarini jalb qilish va O‘zbekiston Respublikasi hududida investitsiya faoliyatini kengaytirish uchun yanada qulay sharoitlarni yaratish sohasida normativ-huquqiy bazani yanada takomillashtirish chora-tadbirlarini ishlab chiqish va amalga oshirish;
O‘zbekiston Respublikasining yillik Investitsiya dasturlarini va mintaqaviy investitsiya dasturlarini, shu jumladan chet el investitsiyalari ishtirokidagi loyihalar bo‘yicha shakllantirishda qatnashish, kelishish va monitoringini amalga oshirish, chet el investitsiyalari, kreditlar va moliyaviy-texnik ko‘maklashish vositalarini jalb qilish uchun investitsiyaviy takliflar yagona bazasini yuritish;
O‘zbekiston Respublikasining chet davlatlar, xalqaro iqtisodiy va moliyaviy institutlar, xorijiy banklar, fondlar, agentliklar, kompaniyalar va xalqaro huquqning boshqa subyektlari bilan o‘zaro manfaatli asosda investitsiyaviy hamkorligi yo‘nalishlarini rivojlantirish va diversifikatsiya qilish bo‘yicha takliflar ishlab chiqish;
chet el investitsiyalarini jalb qilishning asosiy yo‘nalishlarini belgilash va amalga tatbiq etishda, shuningdek xalqaro moliya institutlari va chet el investorlari bilan investitsiyaviy hamkorlikni amalga oshirishda davlat va xo‘jalik boshqaruvi organlari, mahalliy davlat hokimiyati organlari, O‘zbekiston Respublikasining chet eldagi diplomatik vakolatxonalari va O‘zbekiston Respublikasining xalqaro tashkilotlardagi doimiy vakillarining savdo-iqtisodiy masalalar bo‘yicha maslahatchilari faoliyatini muvofiqlashtirish;
O‘zbekiston Respublikasining chet mamlakatlar, xalqaro moliya institutlari, xorijiy hukumatlar moliya institutlari, yetakchi xorijiy kompaniyalar va bank tuzilmalari bilan investitsiyaviy hamkorlik masalalari bo‘yicha xalqaro shartnomalarini tayyorlashda, kelishishda va imzolashda ishtirok etish;
tarmoq investitsiya dasturlari, hududlarni ijtimoiy-iqtisodiy rivojlantirish kompleks dasturlari, ishlab chiqarish, transport-kommunikatsiya va ijtimoiy infratuzilmani rivojlantirish dasturlari bilan uyg‘unlikda chet el, birinchi navbatda to‘g‘ridan to‘g‘ri investitsiyalarni, moliyaviy-texnik ko‘mak vositalarini jalb qilish;
investitsiya loyihalari bajarilishining borishi ustidan tizimli monitoring olib borish, chet el kapitali ishtirokidagi korxonalar faoliyatining, shuningdek investor tomonidan investitsiya majburiyatlari bajarilishining tahlilini o‘tkazish, chet el investitsiyalari ishtirokidagi investitsiya loyihalarini o‘z vaqtida va samarali amalga oshirishga to‘sqinlik qiluvchi omillarni aniqlash va ularni hal etish yuzasidan tezkor choralar qabul qilish asosida mamlakat iqtisodiyotiga jalb etilayotgan chet el investitsiyalaridan foydalanish samaradorligini oshirish;
xalqaro va xorijiy hukumatlar moliya institutlaridan jalb qilinayotgan kredit resurslari va texnik ko‘maklashish vositalari (grantlar), O‘zbekiston Respublikasi Tiklanish va taraqqiyot jamg‘armasi, O‘zbekiston Respublikasi Davlat budjeti va davlat maqsadli jamg‘armalari mablag‘lari hisobiga markazlashtirilgan investitsiyalardan samarali foydalanish bo‘yicha tavsiyalar ishlab chiqish;
O‘zbekiston Respublikasida va chet ellarda xorijiy investorlarga mamlakatning iqtisodiy va investitsiyaviy salohiyati haqida keng axborot berish maqsadida xalqaro konferensiyalar, seminarlar, investitsiya forumlari o‘tkazilishini tashkil etish;
tegishli iqtisodiyot tarmoqlarida va ijtimoiy sohada amalga oshirilayotgan investitsiya loyihalari doirasida texnologik jihozlar, butlovchi buyumlar va materiallar xaridi bo‘yicha tender (tanlov) savdolarida qatnashish va savdolar natijalari bo‘yicha g‘oliblarni belgilash, tender hujjatlari ekspertizasi va tender takliflarini baholashni ishlab chiqish va o‘tkazishda qatnashish; samaradorligi, sifati va ishlab chiqariladigan mahsulotning raqobatbardoshligi, energiya va resurs tejamkorligi, ekologik standartlar, taklif etilgan narxlarning jahondagi o‘rtacha narxlarga muvofiqligi va bozorda yuzaga kelgan konyunktura, shuningdek taklif etilayotgan texnologiyaga muvofiq loyihalarning “kaliti bilan” topshirish qiymati bo‘yicha zamonaviy talablarga javob beradigan ilg‘or texnologiyalar va jihozlar jahon bozorining chuqur tahlilidan kelib chiqib, zarur hollarda, o‘tkazilgan tender (tanlov) savdolari natijalarini rad etish, shuningdek tender natijalari asosida tuzilgan import kontraktlarining amal qilishini bekor qilish;
Keyingi tahrirga qarang.
investitsiya loyihalarini amalga oshirish doirasida xarid qilinayotgan jihozlar, texnika va texnologiyalar, butlovchi buyumlar narx parametrlari, shuningdek loyihalarni “kaliti bilan” topshirish qiymati parametrlari borasida import kontraktlarni tizimli asosda izchil ekspertizadan o‘tkazish;
Keyingi tahrirga qarang.
respublika loyiha institutlari va tashkilotlari faoliyatini investitsiyaviy, avvalo chet el investitsiyasi ishtirokidagi loyihalar bo‘yicha loyihaoldi va loyiha hujjatlarini ishlab chiqish borasida muvofiqlashtirish.
Keyingi tahrirga qarang.
a) yagona davlat investitsiya siyosatini shakllantirish va yuritish bo‘yicha ishlarni muvofiqlashtirish, chet el investitsiyalarini jalb qilish sohasidagi normativ-huquqiy bazani takomillashtirish bo‘yicha chora-tadbirlarni ishlab chiqish va amalga oshirish sohasida:
qisqa muddatli, o‘rta va uzoq muddatli istiqboldagi O‘zbekiston Respublikasi investitsiya siyosatining asosiy yo‘nalishlari bo‘yicha takliflarni ishlab chiqadi;
investitsiyalash hajmini kengaytirishni rag‘batlantirishga qaratilgan chet el investitsiyalarini jalb qilish maqsadida mamlakat iqtisodiyoti tarmoqlari va hududlari rivojlanishining asosiy tendensiyalari va prognozlarining tizimli tahlilini, shu jumladan xalqaro konsalting kompaniyalarini jalb etgan holda yuritadi;
O‘zbekiston Respublikasi hududida chet el investitsiyalarini jalb qilish va investitsiyaviy faoliyatni kengaytirish sohasida normativ-huquqiy bazani takomillashtirish bo‘yicha chora-tadbirlar ishlab chiqadi;
investitsiya sohasida davlat va bozor boshqaruvining optimizatsiyasi, investitsiyalar oqimiga, axborot-kommunikatsiya texnologiyalarini faol joriy etishga to‘sqinlik qiluvchi to‘siqlarni bartaraf etish bo‘yicha takliflar tayyorlaydi;
davlat va xo‘jalik boshqaruvi organlari, mahalliy ijro etuvchi hokimiyat organlari va boshqa tashkilotlar tomonidan yagona investitsiya siyosati amalga oshirilishi bo‘yicha ishlarni muvofiqlashtiradi;
chet el investitsiyalari ishtirokidagi korxonalarning davlat organlari bilan o‘zaro munosabatlarida ko‘maklashadi;
b) O‘zbekiston Respublikasining har yilgi Investitsiya dasturlari, mintaqaviy va tarmoq investitsiya dasturlari, hududlarni ijtimoiy-iqtisodiy rivojlantirish, ishlab chiqarish, transport-kommunikatsiya va ijtimoiy infratuzilmani rivojlantirish dasturlari, shuningdek investitsiyaviy loyihalarni shakllantirish, kelishish va monitoringini olib borish, mamlakat iqtisodiyotiga jalb etiladigan chet el investitsiyalarining samaradorligini oshirish borasida:
O‘zbekiston Respublikasining har yilgi Investitsiya dasturlari, mintaqaviy va tarmoq investitsiya dasturlari, texnik ko‘mak vositalarini (grantlarini) jalb qilish dasturlarini tayyorlash, shakllantirish va kelishishda qatnashadi;
O‘zbekiston Respublikasining har yilgi Investitsiya dasturi shakllantirilishida investitsiyaviy, shu jumladan xorijiy investitsiyalar va kreditlar (qarzlar) ishtirokidagi loyihalarni kiritish bo‘yicha O‘zbekiston Respublikasi Iqtisodiyot vazirligiga takliflar kiritadi;
hududlarni ijtimoiy-iqtisodiy rivojlantirish, ishlab chiqarish, transport-kommunikatsiya va ijtimoiy infratuzilmani rivojlantirish dasturlarini ishlab chiqishda va ularga chet el investorlarini jalb qilishda vazirliklar va idoralarga ko‘maklashadi;
Iqtisodiyot vazirligi, O‘zbekiston Respublikasi Tiklanish va taraqqiyot jamg‘armasi, shuningdek loyihalar tashabbuskorlari bo‘lgan vazirliklar, idoralar va xo‘jalik yurituvchi birlashmalar bilan o‘zaro hamkorlikda O‘zbekiston Respublikasi Investitsiya dasturi, shu jumladan chet el investitsiyalari va kreditlari (qarzlar) ishtirokidagi investitsiyaviy loyihalar amalga oshirilishining borishi ustidan monitoring tizimini tashkil etadi, investitsiya loyihalarining o‘z vaqtida amalga oshirilishiga to‘sqinlik qiluvchi tizimli muammolarni aniqlaydi va buning asosida investitsiya jarayonlarini takomillashtirish bo‘yicha takliflarni ishlab chiqadi;
O‘zbekiston Respublikasi Investitsiya dasturlariga kiritilgan investitsiya loyihalari, mintaqaviy va tarmoq investitsiya dasturlari, hududlarni ijtimoiy-iqtisodiy rivojlantirish, ishlab chiqarish, transport-kommunikatsiya va ijtimoiy infratuzilmani rivojlantirish dasturlarining amalga oshirilishi va ular doirasida mablag‘lar o‘zlashtirilishining, shuningdek ishlab chiqilayotgan loyihalarni ushbu investitsiya dasturlariga kiritishning doimiy monitoringini olib boradi;
O‘zbekiston Respublikasining har yilgi Investitsiya dasturlari, mintaqaviy va tarmoq investitsiya dasturlari, texnik ko‘mak vositalarini (grantlarni) jalb qilish dasturlari, hududlarni ijtimoiy-iqtisodiy rivojlantirish, ishlab chiqarish, transport-kommunikatsiya va ijtimoiy infratuzilmani rivojlantirish dasturlarini shakllantirish, shu jumladan chet el investitsiyalarini jalb qilish yuzasidan takliflar ishlab chiqish uchun vazirliklar va idoralar mutaxassislarini, shuningdek mahalliy va xorijiy mutaxassislarni jalb qiladi;
O‘zbekiston Respublikasi hududida erkin iqtisodiy zonalar tashkil etishda va ular faoliyatini tugatishda ishtirok etadi;
erkin iqtisodiy zonalar rivojlantirish monitoringini olib boradi, ma’muriy kengashlar a’zolarining xulosalari asosida ma’muriy kengashlarga yangi investitsiya loyihalari bo‘yicha takliflar kiritadi va erkin iqtisodiy zonalarda faoliyat yurituvchi chet el investitsiyalari ishtirokidagi korxonalarning samarali ishlashini ta’minlash chora-tadbirlarini ko‘radi;
v) chet el investitsiyalarini jalb qilish, shuningdek O‘zbekiston Respublikasining xorijiy davlatlar, xalqaro moliya institutlari, chet el hukumatlari moliya tashkilotlari, xorijiy banklar, fondlar, agentliklar, kompaniyalar va xalqaro huquqning boshqa subyektlari bilan investitsiyaviy hamkorligi sohasida:
O‘zbekiston Respublikasiga investitsiyalar kiritish bo‘yicha potensial va istiqbolli investitsiya va kredit bozorlarining doimiy tahlilini olib boradi;
chet el investitsiyalari va kreditlari (zaymlar)ni, birinchi navbatda to‘g‘ridan to‘g‘ri chet el investitsiyalari va kreditlari (zaymlari)ni va texnik ko‘mak vositalari (grantlar)ni jalb qilishda, shuningdek ulardan samarali foydalanishda vazirliklar, idoralar va O‘zbekiston Respublikasining boshqa tashkilotlariga ko‘maklashadi;
strategik muhim investitsiya loyihalarini amalga oshirish uchun xorijiy mamlakatlarda davlat kompaniyalari ishtirokidagi investitsiya kompaniyalarini tuzishda ko‘maklashadi;
O‘zbekiston Respublikasi hududida xorijiy tijorat tashkilotlari vakolatxonalarining va mazkur vakolatxonalar xorijiy xodimlarining akkreditatsiyasini belgilangan tartibda amalga oshiradi;
chet ellik investorga respublikaning investitsiya salohiyati haqidagi axborotni tezkor olish imkonini beruvchi dasturiy mahsulotlar yaratadi va ularni joriy etadi;
ustuvor investitsiya loyihalarini amalga oshiruvchi chet ellik investorlar bilan investitsiyalarni jalb qilish masalalarida “yagona darcha” tamoyili bo‘yicha hamkorlik qiladi;
Keyingi tahrirga qarang.
xalqaro moliya institutlari, chet el hukumatlari moliya tashkilotlari, xorijiy banklar, fondlar, agentliklar, kompaniyalar va boshqa tashkilotlar bilan ularni respublika uchun strategik ahamiyatga ega bo‘lgan investitsiya loyihalarini amalga oshirishga jalb qilish bo‘yicha takliflarni, istiqbolli va joriy dasturlarni o‘rganadi, umumlashtiradi va tayyorlaydi;
chet eldagi innovatsiyaviy va yuqori texnologik loyihalarni tahlil qiladi va uning asosida O‘zbekiston Respublikasi Iqtisodiyot vazirligiga yangi, O‘zbekiston Respublikasi sharoitida istiqbolli investitsiya loyihalarini shakllantirish uchun investitsiyaviy takliflar kiritadi;
ustuvor va istiqbolli investitsiya loyihalari va texnik ko‘mak vositalarini (grantlarni) jalb etish dasturlari, jumladan Vazirlar Mahkamasi tomonidan belgilangan ishlab chiqarish va ijtimoiy infratuzilmani rivojlantirish yo‘nalishlari portfelining shakllantirilishida qatnashadi, shuningdek xorijiy davlatlar, xalqaro moliya institutlari, chet el hukumat tashkilotlari, xorijiy banklar, fondlar, agentliklar, kompaniyalarni uzoq muddatli prognozlar, iqtisodiy rivojlanish va tarkibiy o‘zgarishlar ustuvorliklari asosida jalb qilishga ko‘maklashadi;
chet el investitsiyalari va kreditlari (qarzlar), birinchi navbatda to‘g‘ridan to‘g‘ri chet el investitsiyalari va kreditlari (zaymlari), shuningdek texnik ko‘mak vositalari (grantlar) oqimi hisobi va tahlilini yuritadi, o‘rganadi va ularni jalb qilish va rag‘batlantirishning jahon tajribasini umumlashtiradi;
chet el investitsiyalari va kreditlari (qarzlar), ilg‘or texnologiyalar, shuningdek texnik ko‘mak vositalari (grantlar)ni jalb qilish uchun ustuvor va istiqbolli loyihalar yagona bazasini shakllantiradi va doimiy yangilaydi;
Keyingi tahrirga qarang.
g) davlat va xo‘jalik boshqaruvi organlari, mahalliy davlat hokimiyati organlari, O‘zbekiston Respublikasining chet eldagi diplomatik vakolatxonalari va O‘zbekiston Respublikasining xalqaro tashkilotlardagi doimiy vakillarining, savdo-iqtisodiy masalalar bo‘yicha maslahatchilarining chet el investitsiyalarini jalb qilishning asosiy yo‘nalishlarini belgilash va amalga oshirish, shuningdek xalqaro moliya institutlari va chet ellik investorlar bilan investitsiyaviy hamkorlikni amalga oshirish borasidagi faoliyatini muvofiqlashtirish sohasida:
respublikadagi loyiha tashabbuskorlariga chet ellik investorlar bilan o‘zaro manfaatli aloqalar o‘rnatishda ko‘maklashadi;
O‘zbekiston Respublikasining chet ellardagi diplomatik vakolatxonalari va O‘zbekiston Respublikasining xalqaro tashkilotlardagi doimiy vakillarining, savdo-iqtisodiy masalalar bo‘yicha maslahatchilarining ishini muvofiqlashtiradi;
O‘zbekiston Respublikasining chet ellardagi diplomatik vakolatxonalarining savdo-iqtisodiy maslahatchilari instituti faoliyatini takomillashtirish bo‘yicha takliflar ishlab chiqadi va kiritadi;
O‘zbekiston Respublikasining chet ellardagi diplomatik vakolatxonalari savdo-iqtisodiy maslahatchilarining to‘g‘ridan to‘g‘ri chet el investitsiyalarini va ilg‘or texnologiyalarni, iqtisodiyot tarmoqlari va infratuzilma rivojlanishiga ustuvor dasturlar va loyihalarni amalga oshirish uchun texnik ko‘mak vositalari (grantlar), kreditlarni jalb qilish bo‘yicha bajarilgan ishlar yuzasidan yillik hisobotlarini, shuningdek O‘zbekiston Respublikasining chet mamlakatlar bilan investitsiyaviy hamkorligini yanada mustahkamlash va kengaytirish bo‘yicha takliflarini eshitadi;
respublika tadbirkorlik subyektlarining chet el kompaniyalari bilan ishlab chiqarish va ilmiy-texnik hamkorlik o‘rnatishiga, shuningdek qo‘shma korxonalar tashkil etishga va birgalikdagi tadbirkorlikning boshqa shakllarini rivojlantirishda ko‘maklashadi;
tadbirkorlik subyektlariga va respublikaning boshqa shaxslariga chet ellik investorlarni topishda, uzoq muddatli sheriklik aloqalarini o‘rnatishda ko‘maklashadi, shuningdek to‘g‘ridan to‘g‘ri chet el investitsiyalarini jalb qilish uchun loyiha takliflari va boshqa zarur materiallar tayyorlashda metodik yordam ko‘rsatadi;
d) O‘zbekiston Respublikasining chet mamlakatlar, xalqaro moliya institutlari, chet el hukumatlari moliya institutlari, yetakchi xorijiy kompaniyalar va bank tuzilmalari bilan investitsiyaviy hamkorlik borasidagi xalqaro shartnomalarini tayyorlash, kelishish va belgilangan tartibda imzolashda qatnashish sohasida:
vazirliklar, idoralar va O‘zbekiston Respublikasining boshqa tashkilotlari bilan xalqaro va investitsiyaviy shartnomalar shartlarini kelishadi va ularni tuzish bo‘yicha takliflar kiritadi;
xalqaro moliya institutlari, chet el hukumatlar moliya institutlari, bank tuzilmalari bilan qarzga oid va boshqa muzokaralarda qatnashadi;
O‘zbekiston Respublikasining investitsiyaviy hamkorlik masalalari bo‘yicha imzolangan xalqaro shartnomalari ma’lumotlar bazasini yuritadi, ularni bajarish bo‘yicha doimiy monitoring olib boradi va Vazirlar Mahkamasiga tegishli axborot hamda takliflarni kiritadi;
xalqaro iqtisodiy tashkilotlar ishida, investitsiya mavzuiga bag‘ishlangan xalqaro tadbirlarda O‘zbekiston Respublikasi manfaatlarini himoya qiladi va qatnashadi, investitsiyaviy hamkorlik masalalarini muhokama qilish va hal etish uchun O‘zbekiston Respublikasiga kelgan chet el delegatsiyalarini qabul qiladi;
Keyingi tahrirga qarang.
e) investitsiya loyihalari tender (tanlov) hujjatlarini tayyorlash va kelishish, import kontraktlarini ekspertizadan o‘tkazish va ro‘yxatga olish, shuningdek loyiha tashkilotlari faoliyatini muvofiqlashtirish sohasida:
investitsiya loyihalarini amalga oshirish doirasida bitta kontrakt bo‘yicha 100 ming AQSh dollariga teng bo‘lgan miqdordan oshadigan qiymatda xarid qilinadigan jihozlar, texnika va texnologiyalar, butlovchi buyumlarning narx parametrlari yuzasidan import kontraktlarni, shu jumladan “kaliti bilan” loyihalarni qonun hujjatlarida belgilangan tartibda ekspertizasini o‘tkazadi;
Keyingi tahrirga qarang.
investitsiya loyihalarini amalga oshirish doirasida bitta kontrakt bo‘yicha 100 ming AQSh dollariga teng bo‘lgan miqdordan oshadigan qiymatda xarid qilinadigan texnologik jihozlar, butlovchi buyumlarni yetkazib berish, shuningdek ish (xizmat)larni amalga oshirishni muvofiqlashtirish, ekspertiza qilish, kelishish va ular bo‘yicha tender (tanlov) savdolari natijalariga rioya etilishini qonun hujjatlarida belgilangan tartibda nazorat qiladi;
Keyingi tahrirga qarang.
samaradorligi, sifati va ishlab chiqariladigan mahsulotning raqobatbardoshligi, energiya va resurs tejamkorligi, ekologik standartlar, taklif etilgan narxlarning jahondagi o‘rtacha narxlarga muvofiqligi va bozorda yuzaga kelgan konyunktura, shuningdek taklif etilayotgan texnologiyaga muvofiq loyihalarning “kaliti bilan” topshirish qiymati bo‘yicha zamonaviy talablarga javob beradigan ilg‘or texnologiyalar va jihozlar jahon bozorining chuqur tahlilidan kelib chiqib, tender hujjatlari ekspertizasini ishlab chiqish va o‘tkazishda, tender takliflarini baholashda qatnashadi, zarur hollarda, o‘tkazilgan tender (tanlov) savdolari natijalarini rad etish, shuningdek qonunchilik va o‘tkazish shartlari buzilgan holda tashkil etilgan tender natijalari bo‘yicha tuzilgan import kontraktlarining amal qilishini bekor qilish bo‘yicha takliflar kiritadi;
Keyingi tahrirga qarang.
investitsiya loyihalarini amalga oshirish doirasida, buyurtmachi bank kafolatlari olinganini tasdiqlagan holda, tender natijalari bo‘yicha tuzilgan import kontraktlarini qonun hujjatlarida belgilangan tartibda ro‘yxatdan o‘tkazadi;
Keyingi tahrirga qarang.
samaradorligi, ishlab chiqariladigan mahsulot sifati va raqobatbardoshligi, energiya va resurs tejamkorligi bo‘yicha zamonaviy talablarga javob beruvchi ilg‘or texnologiyalar va jihozlar jahon bozorini tahlil qiladi;
loyihalash institutlari va tashkilotlari tomonidan investitsiya loyihalari, birinchi navbatda chet el investitsiyalari ishtirokidagi loyihalarning loyihaoldi va loyiha hujjatlari tayyorlanishi ustidan monitoring olib boradi;
Keyingi tahrirga qarang.
loyihaoldi va loyiha hujjatlarini ekspertizasini o‘tkazish va tayyorlashning samarali mexanizmini ishlab chiqish va tatbiq etishda loyihalash tashkilotlari va davlat ekspertizasi organlariga ko‘maklashadi;
Keyingi tahrirga qarang.
Keyingi tahrirga qarang.
j) chet ellik investorlarni mamlakat investitsiyaviy salohiyati haqida keng xabardor qilish uchun O‘zbekiston Respublikasida va xorijda xalqaro konferensiyalar, seminarlar, investitsiya forumlarini tashkil etish sohasida:
chet ellik investorlarni mamlakat iqtisodiy va investitsiyaviy salohiyati haqida keng xabardor qilish uchun O‘zbekiston Respublikasida va xorijda xalqaro konferensiyalar, seminarlar, investitsiya forumlarini tashkil etadi va ularda qatnashadi;
davlat organlari tomonidan o‘tkaziladigan xalqaro investitsiyaviy va iqtisodiy forumlar va boshqa xalqaro investitsiyaviy va iqtisodiy tadbirlarni kelishadi;
tegishli xalqaro moliya institutlari bilan amalga oshirilayotgan o‘zaro hamkorlik haqida O‘zbekiston Respublikasi nomidan xalqaro moliya institutlari boshqaruv idoralarini muntazam xabardor qilishni ta’minlaydi.
Keyingi tahrirga qarang.
8. Qo‘mita o‘ziga yuklangan vazifalar va funksiyalarni bevosita, shuningdek o‘zining hududiy bo‘linmalari va o‘ziga idoraviy mansub boshqa tashkilotlar orqali amalga oshiradi.
davlat va xo‘jalik boshqaruvi organlari, mahalliy ijro etuvchi hokimiyat organlari va boshqa davlat tashkilotlaridan Qo‘mita vakolatlariga kiruvchi masalalar bo‘yicha hujjatlar, statistik ma’lumotlar, tahliliy materiallar, xulosalar va boshqa axborotni talab qilish va olish, shuningdek Tashqi savdo operatsiyalarining yagona elektron axborot tizimidan erkin foydalanish;
davlat va xo‘jalik boshqaruvi organlari, mahalliy ijro etuvchi hokimiyat va boshqaruv organlariga xorijiy investorlar uchun shart-sharoitlarni takomillashtirishga doir takliflarni yo‘llash;
belgilangan tartibda investitsiya masalalari bo‘yicha xorijiy davlatlarning vakolatli organlari bilan axborot almashish;
o‘z vakolatlari doirasida konferensiyalar, seminarlar, simpoziumlar, ko‘rgazmalar, yarmarkalar o‘tkazish, shuningdek boshqa tashkilotlar tomonidan o‘tkaziladigan shunday tadbirlarda ishtirok etish;
investitsiya muhitini yaxshilash, xorijiy investorlar kafolatlari va huquqlarining himoyasini ta’minlashga qaratilgan chora-tadbirlarni birgalikda ishlab chiqish maqsadida xalqaro, xorijiy va milliy tashkilotlar bilan aloqalar o‘rnatish;
tegishli vazirliklar va idoralar, mahalliy ijro etuvchi hokimiyat organlari, shuningdek, tashqi iqtisodiy va investitsiya faoliyati ishtirokchilari bilan kelishgan holda ularning investitsiya faoliyatini olib borish masalalari bo‘yicha javobgar shaxslarini eshitish;
O‘zbekiston Respublikasining xorijdagi diplomatik vakolatxonalaridan iqtisodiyot tarmoqlari va infratuzilmani rivojlantirishga to‘g‘ridan to‘g‘ri xorijiy investitsiyalar va ilg‘or texnologiyalar, texnik jihatdan qo‘llab-quvvatlash vositalari (grantlar), ustuvor dasturlar va loyihalarni amalga oshirishga kreditlarni jalb etish yuzasidan tahliliy materiallar, bu borada amalga oshirilgan ishlar, shuningdek O‘zbekiston Respublikasining xorijiy mamlakatlar bilan investitsiyaviy hamkorligini yanada mustahkamlash va kengaytirish bo‘yicha takliflarni muntazam ravishda so‘rash va olish;
Erkin iqtisodiy zonalar tashkil etish bo‘yicha takliflarni tayyorlash va O‘zbekiston Respublikasi Vazirlar Mahkamasiga ko‘rib chiqish uchun kiritish;
respublikaning investitsiya salohiyatini namoyish qiluvchi reklama mahsulotlari va boshqa turdagi mahsulotlarni (reklama audio-video materiallari va risolalari, xaritalari va boshqa turdagi reklama-axborot materiallarini) bosib chiqarish, ko‘paytirish va yaratish yuzasidan buyurtmalarni mustaqil ravishda yoki tasarrufidagi tashkilotlar orqali joylashtirish;
xorijiy davlatlar, xalqaro va xorijiy tashkilotlar vakillari bilan O‘zbekiston Respublikasiga investitsiyalarni jalb qilish masalalari bo‘yicha muzokaralar olib borish;
ustuvor investitsiya loyihalarini moliyalashtirish maqsadida xorijiy hamkorlar ishtirokida investitsiya jamg‘armalarini tashkil qilish;
zarur bo‘lganda Qo‘mita va uning hududiy bo‘linmalarining rasmiy taklifi bilan O‘zbekiston Respublikasiga tashrif buyurgan xorijiy delegatsiyalarning respublika hududidagi yashash va transport xarajatlarini Qo‘mita bilan kelishgan holda Qo‘mitaning budjetdan tashqari jamg‘armasi mablag‘lari hisobidan milliy valyutada to‘lash;
O‘zbekiston Respublikasining xorijdagi diplomatik vakolatxonalari orqali xorijiy mamlakatlarning vakolatli organlari va tashkilotlari bilan axborot almashish, ushbu maqsadda davlat organlari, yuridik va jismoniy shaxslar — loyihalar tashabbuskorlaridan zarur materiallarni olish;
tegishli davlat va xo‘jalik boshqaruvi organlari, mahalliy ijro etuvchi hokimiyat organlari, tadbirkorlik subyektlari va boshqa shaxslar tomonidan investitsiya majburiyatlarining bajarilishi monitoringini olib borish;
o‘z faoliyatini keng yoritish maqsadida Internet butunjahon axborot tarmog‘ida rasmiy veb-saytlar, shuningdek ijtimoiy tarmoqlarda o‘z sahifalarini yaratish;
texnologik yechimlarning loyihaoldi va loyiha hujjatlarini tayyorlash, “nou-xau” va tayyor holatga keltirilgan loyihalarni baholashga alohida e’tibor bergan holda ularni batafsil ekspertiza qilish uchun maslahat-kengash organlarini tashkil etish, shuningdek ko‘rib chiqilayotgan loyihalarning o‘ziga xos xususiyatlarini hisobga olgan holda ular ishiga tegishli idoralar vakillari, mahalliy va xorijiy ekspertlarni jalb qilish.
Keyingi tahrirga qarang.
10. Qo‘mita o‘z vakolatlari doirasida davlat boshqaruvi organlari, mahalliy ijro etuvchi hokimiyat organlari, boshqa tashkilotlar, mansabdor shaxslar va fuqarolar uchun majburiy bo‘lgan normativ-huquqiy hujjatlarni qabul qilishga haqli.
Qo‘mita, zarur hollarda, boshqa vazirliklar, davlat qo‘mitalari va idoralari bilan birgalikda qo‘shma qarorlar va boshqa turdagi hujjatlarni chiqarishga haqli.
12. Qo‘mitaga O‘zbekiston Respublikasining Bosh vaziri taqdimiga binoan O‘zbekiston Respublikasi Prezidenti tomonidan lavozimga tayinlanadigan va lavozimdan ozod etiladigan rais rahbarlik qiladi.
Qo‘mita raisining O‘zbekiston Respublikasi Prezidenti tomonidan lavozimga tayinlanadigan va lavozimdan ozod etiladigan birinchi o‘rinbosari va o‘rinbosarlari bo‘ladi.
Qo‘mita faoliyatiga umumiy rahbarlikni amalga oshiradi hamda Qo‘mitaga yuklangan vazifalar va funksiyalarning bajarilishi uchun shaxsan javob beradi;
davlat organlarida va boshqa tashkilotlarda Qo‘mita nomidan vakillik qiladi yoxud Qo‘mita nomidan ishonchnoma va (yoki) vakolatlar beradi;
belgilangan umumiy shtatlar soni doirasida Qo‘mitaning markaziy apparati va hududiy boshqarmalarining shtat jadvalini, shuningdek Qo‘mitaning markaziy apparati, uning hududiy boshqarmalari va o‘ziga qarashli tashkilotlar xarajatlari smetasini tasdiqlaydi;
belgilangan tartibda markaziy apparat va hududiy boshqarmalar tuzilmasi va nizomlarini, shuningdek qaramog‘idagi tashkilotlar ustavlarini, shu jumladan, aksiyadorlik jamiyatlari majlislarida tasdiqlaydi;
belgilangan tartibda Qo‘mita markaziy apparati xodimlarini, hududiy boshqarmalar, qaramog‘idagi tashkilotlar rahbarlarini lavozimga tayinlaydi va lavozimdan ozod etadi;
O‘zbekiston Respublikasi Vazirlar Mahkamasi bilan kelishgan holda respublikaning xorijdagi diplomatik vakolatxonalarining savdo-iqtisodiy masalalar bo‘yicha maslahatchilarini hamda O‘zbekiston Respublikasining xalqaro va xorijiy tashkilotlardagi vakillarini lavozimga tayinlaydi va lavozimdan ozod etadi;
Qo‘mita vakolatiga kiruvchi masalalar bo‘yicha qarorlar qabul qiladi, raisning birinchi o‘rinbosari va o‘rinbosarlarining, Qo‘mitaning, Qo‘mita hududiy boshqarmalari va qaramog‘idagi tashkilotlarning boshqa mansabdor shaxslarining vakolatlari, majburiyatlari va javobgarlik darajasini belgilaydi;
zarur bo‘lganda markaziy apparatning, Qoraqalpog‘iston Respublikasi Investitsiyalar bo‘yicha qo‘mitasining va O‘zbekiston Respublikasi Investitsiyalar bo‘yicha davlat qo‘mitasining hududiy boshqarmalari tuzilmasiga xodimlarning belgilangan cheklangan umumiy shtatlar soniga muvofiq o‘zgartirishlar kiritadi;
Qo‘mita, hududiy bo‘linmalar va qaramog‘idagi tashkilotlar xodimlari bajarishi majburiy bo‘lgan buyruqlar chiqaradi va ko‘rsatmalar beradi;
Qo‘mita xodimlari, shuningdek O‘zbekiston Respublikasining xorijdagi diplomatik vakolatxonalarining savdo-iqtisodiy masalalar bo‘yicha maslahatchilarini rag‘batlantirish hamda Qo‘mitaning moddiy-texnika bazasini mustahkamlash maqsadida O‘zbekiston Respublikasi Moliya vazirligi bilan kelishgan holda Budjetdan tashqari Rivojlantirish va moddiy rag‘batlantirish jamg‘armasini tashkil qiladi va uning Nizomini tasdiqlaydi.
Qo‘mita nazoratidagi bo‘linmalarga bevosita rahbarlik qiladilar va Qo‘mitaga yuklangan vazifalar va funksiyalarning bajarilishi uchun shaxsan javob beradilar;
Qoraqalpog‘iston Respublikasi Investitsiyalar bo‘yicha qo‘mitasi raisini — Qo‘mita raisi bilan kelishgan holda Qoraqalpog‘iston Respublikasi Jo‘qorg‘i Kengesi tomonidan;
O‘zbekiston Respublikasi Investitsiyalar bo‘yicha davlat qo‘mitasining hududiy boshqarmalari rahbarlarini — tegishli viloyatlar va Toshkent shahri hokimlari bilan kelishgan holda Qo‘mita raisi tomonidan;
O‘zbekiston Respublikasining xorijdagi diplomatik vakolatxonalarining savdo-iqtisodiy masalalar bo‘yicha maslahatchilari va O‘zbekiston Respublikasining xalqaro va xorijiy moliyaviy tashkilotlardagi doimiy vakillarini — O‘zbekiston Respublikasi Vazirlar Mahkamasi bilan kelishgan holda Qo‘mita raisi tomonidan amalga oshiriladi.
O‘zbekiston Respublikasining xorijdagi diplomatik vakolatxonalarining savdo-iqtisodiy masalalar bo‘yicha maslahatchilari faoliyati O‘zbekiston Respublikasi Tashqi ishlar vazirligi bilan birgalikda O‘zbekiston Respublikasi Investitsiyalar bo‘yicha davlat qo‘mitasi tomonidan muvofiqlashtiriladi.
16. Qo‘mitada Qo‘mita faoliyatining asosiy yo‘nalishlarini muvofiqlashtiradigan, Qo‘mita raisi (hay’at raisi), uning o‘rinbosarlari, shuningdek Qo‘mita markaziy apparati bo‘linmalari rahbarlaridan iborat tarkibda hay’at tashkil etiladi.
Hay’atning miqdoriy va shaxsiy tarkibi Qo‘mita raisining taqdimiga binoan O‘zbekiston Respublikasi Vazirlar Mahkamasi tomonidan tasdiqlanadi.
Qo‘mitaning mazkur Nizomda nazarda tutilgan faoliyatining asosiy yo‘nalishlarini tayyorlash va amalga oshirish;
kadrlarni Qo‘mita nomenklaturasiga kiruvchi lavozimlarga tanlash, joy-joyiga qo‘yish, tayyorlash va qayta tayyorlash;
Qo‘mitaning hududiy organlari va qaramog‘idagi tashkilotlar rahbarlarining yarim yilliklar yakunlari bo‘yicha hisobotlarini eshitish;
Qo‘mita rahbarlari va xodimlarining qonun hujjatlarida belgilangan vazifalarni amalga oshirish bo‘yicha ijro intizomini mustahkamlash, ularning o‘z vaqtida va sifatli bajarilishi ta’minlanishi uchun shaxsiy mas’uliyatini oshirish.
18. Hay’at majlislariga boshqa vazirliklar, davlat qo‘mitalari, idoralar, mahalliy ijro etuvchi hokimiyat organlari, Qo‘mita vakolatlariga kiruvchi masalalarga aloqador boshqa tashkilotlar rahbarlari taklif qilinishi mumkin.
Majlisda Hay’at tarkibining yarmidan ko‘pi hozir bo‘lganda Hay’at qonuniy hisoblanadi. Ko‘rib chiqilayotgan masalalar bo‘yicha qarorlar oddiy ko‘pchilik ovoz bilan qabul qilinadi.
19. Hay’at tomonidan qabul qilingan qarorlar Qo‘mita qarorlari va raisning buyruqlari bilan amalga oshiriladi. Qo‘mita raisi va hay’at a’zolari o‘rtasida kelishmovchiliklar mavjud bo‘lgan taqdirda rais mustaqil ravishda qaror qabul qiladi, bunda yuzaga kelgan kelishmovchiliklar haqida O‘zbekiston Respublikasi Vazirlar Mahkamasining tegishli kompleksi rahbariga xabar qilinadi. Hay’at a’zolari ham o‘z fikrlarini O‘zbekiston Respublikasi Vazirlar Mahkamasining tegishli kompleksi rahbariga ma’lum qilishlari mumkin.
20. Qo‘mita tizimi xodimlarining ish haqi qonun hujjatlari va Budjetdan tashqari Rivojlantirish va moddiy rag‘batlantirish jamg‘armasi to‘g‘risidagi nizomda nazarda tutilgan lavozim maoshi, mukofotlar, qo‘shimcha haqlar va ustamalar, rag‘batlantirish to‘lovlari, shuningdek qo‘shimcha moddiy rag‘batlantirish to‘lovlaridan iborat bo‘ladi.
21. Xalqaro tajribadan foydalangan holda investitsiya siyosatini ishlab chiqish bo‘yicha takliflarni shakllantirish maqsadida Qo‘mita huzurida investitsiya sohasi, ilmiy-texnik doiralardagi, huquq va boshqa sohalardagi mahalliy va xorijiy ekspertlardan iborat maslahat kengashi tashkil etiladi.
Maslahat kengashi tarkibi har yili rais tomonidan tasdiqlanadi. Maslahat kengashining qarorlari tavsiya tusida bo‘ladi.
Maslahat kengashining faoliyat tartibi Qo‘mita raisi tomonidan tasdiqlanadigan Kengash reglamenti bilan belgilanadi.
22. Qo‘mita markaziy apparati va uning qaramog‘idagi bo‘linmalarda ishlash uchun Qo‘mita tomonidan O‘zbekiston Respublikasi Vazirlar Mahkamasi bilan kelishgan holda investitsiya sohasidagi xorijiy kompaniyalar va alohida mutaxassislar shartnoma asosida jalb etilishi mumkin.
23. Qo‘mitani qayta tashkil etish va tugatish qonun hujjatlarida belgilangan tartibda amalga oshiriladi.
Keyingi tahrirga qarang.