Korxonalarning o‘z faoliyati natijalari uchun iqtisodiy mas’uliyatini oshirish, ularning moliyaviy ahvolini mustahkamlash, iqtisodiy nochor xo‘jalik yurituvchi subyektlarni tugatish, ularning tarkibini o‘zgartirish, ularni mulkchilikning boshqa shakllarida qayta tashkil etish maqsadida Vazirlar Mahkamasi qaror qiladi:
1. Korxonalar bankrotligi va sanatsiyasi masalalari bo‘yicha Hukumat komissiyasi, O‘zbekiston Respublikasi Davlat mulki qo‘mitasi, Makroiqtisodiyot va statistika vazirligi huzuridagi Iqtisodiy nochor korxonalar ishlari qo‘mitasining:
1-ilovaga* muvofiq iqtisodiy nochor korxonalarga nisbatan bankrotlik tartibotlarini boshlash to‘g‘risidagi tashabbusi;
2-ilovaga* muvofiq past rentabelli, zarar ko‘rib ishlayotgan va iqtisodiy nochor korxonalarni davlat tasarrufidan chiqarish va xususiylashtirish to‘g‘risidagi taklifi;
3-ilovaga* muvofiq zarar ko‘rib ishlayotgan va iqtisodiy nochor korxonalarning davlatga tegishli ulushlarini erkin sotuvga qo‘yish to‘g‘risidagi taklifi ma’qullansin.
2. Korxonalar bankrotligi va sanatsiyasi masalalari bo‘yicha Hukumat komissiyasi (R.Azimov) O‘zbekiston Respublikasi Davlat mulki qo‘mitasi, Makroiqtisodiyot va statistika vazirligi, Moliya vazirligi, Iqtisodiy nochor korxonalar ishlari qo‘mitasi, viloyatlar va Toshkent shahar hokimliklari, uyushmalar, korporatsiyalar, kompaniyalar, xo‘jalik birlashmalari va korxonalar bilan birgalikda ikki hafta muddatda 4-ilovaga* muvofiq zarar ko‘rib ishlayotgan va iqtisodiy nochor yirik sanoat korxonalari tarkibini o‘zgartirish hamda ularning moliyaviy ahvolini mustahkamlash yuzasidan kompleks chora-tadbirlarni tasdiqlasinlar va ularning bajarilishi bo‘yicha doimiy monitoring olib borsinlar.
Ko‘rsatib o‘tilgan chora-tadbirlarning amalga oshirilishi natijalari to‘g‘risida har chorakda O‘zbekiston Respublikasi Vazirlar Mahkamasiga axborot berilsin.
3. “O‘zbekenergo” davlat-aksiyadorlik kompaniyasi, “O‘zkimyosanoat” davlat-aksiyadorlik kompaniyasi, “O‘zkommunxizmat” agentligi, “O‘zbekiston havo yo‘llari” milliy aviakompaniyasi, “O‘zagromashservis” uyushmasi, O‘zbekiston Respublikasi Qishloq va suv xo‘jaligi vazirligi Vazirlar Mahkamasi komplekslari, O‘zbekiston Respublikasi Makroiqtisodiyot va statistika vazirligi, Moliya vazirligi, Davlat mulki qo‘mitasi bilan birgalikda uch oy muddatda 5-ilovada* ko‘rsatib o‘tilgan korxonalarning moliyaviy beqarorligi sabablarini chuqur tahlil qilsinlar hamda ularni moliyaviy sog‘lomlashtirish yuzasidan ta’sirchan chora-tadbirlar ishlab chiqsinlar.
mulkida davlat ulushi bo‘lgan bankrot korxonalar mulkiy kompleks sifatida ochiq savdolarda, zimmasiga korxonalarni moliyaviy sog‘lomlashtirish yuzasidan investitsiya majburiyatlari olgan investorlarga ustuvor ravishda sotiladi;
tarkibi o‘zgartirilayotgan 4 va 5-ilovalarga muvofiq korxonalar tarkibini o‘zgartirish jarayonida ortiqcha mol-mulkini sotishda, bo‘shayotgan mablag‘lar soliqlar va majburiy to‘lovlar bo‘yicha qarzlarni qoplashga, ishlab chiqarishni texnika bilan qayta jihozlashga, asbob-uskunalarni demontaj va montaj qilish xarajatlarini qoplashga maqsadli yo‘naltirilgan taqdirda, daromad (foyda) solig‘i to‘lashdan ozod qilinadilar.
5. O‘zbekiston Respublikasi Davlat mulki qo‘mitasi tugatish komissiyalari bilan birgalikda mulkida davlat ulushi bo‘lgan bankrot korxonalarni mulkiy kompleks sifatida to‘liq sotishda:
imkoniyatli investorlar tomonidan mol-mulkka talabdan va ularning investitsiya majburiyatlari mavjudligidan kelib chiqqan holda narxlar o‘zgarishining o‘zgaruvchan mexanizmini belgilasin;
tugatiladigan ishlab chiqarishlarni qonun hujjatlarida belgilangan muddatlarda tugatish maqsadida bankrot korxonalar mulkiy kompleksining o‘z vaqtida baholanishini va sotilishini ta’minlasin.
6. O‘zbekiston Respublikasi Hukumatining 6-ilovaga** muvofiq ayrim qarorlariga o‘zgartirish va qo‘shimchalar kiritilsin.
**6-ilova rus tilidagi matnda berilgan.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari R.S.Azimov va O‘.Q.Ismoilov zimmasiga yuklansin.