LexUZ sharhi
Mazkur qaror O‘zbekiston Respublikasi Prezidentining 2019-yil 8-noyabrdagi PF-5868-sonli “O‘zbekiston Respublikasi Prezidentining ayrim hujjatlarini o‘z kuchini yo‘qotgan deb hisoblash to‘g‘risida”gi Farmoniga asosan 2019-yil 13-noyabrdan o‘z kuchini yo‘qotadi.
Qayd etib o‘tilsinki, respublikani iqtisodiy rivojlantirishda ijobiy natijalarga erishilganiga qaramay, ayrim mulkdorlarning qurilishi tugallanmagan obyektlar va foydalanilmayotgan ishlab chiqarish maydonlaridan samarali foydalana olishga noqobilligi sababli hamon ularning soni ancha miqdorda saqlanib qolmoqda.
Shu bilan birga, yangi ishlab chiqarishlar va ish joylari yaratishni xohlovchi tadbirkorlar buning uchun zarur ishlab chiqarish binolarini xarid qilishda ko‘pincha qiyinchiliklarga duch kelmoqdalar.
Qurilishi tugallanmagan obyektlardan va foydalanilmayotgan ishlab chiqarish maydonlaridan samarali hamda oqilona foydalanish, zarur investitsiyalar kiritish, zamonaviy ishlab chiqarishlarni tashkil etish, yangi ish joylari barpo etish uchun qulay shart-sharoitlar yaratish maqsadida:
Oldingi tahrirga qarang.
(1-band O‘zbekiston Respublikasi Prezidentining 2018-yil 4-sentabrdagi PQ-3928-sonli qaroriga asosan o‘z kuchini yo‘qotgan)
Oldingi tahrirga qarang.
(2-band O‘zbekiston Respublikasi Prezidentining 2018-yil 4-sentabrdagi PQ-3928-sonli qaroriga asosan o‘z kuchini yo‘qotgan)
Oldingi tahrirga qarang.
(3-band O‘zbekiston Respublikasi Prezidentining 2018-yil 4-sentabrdagi PQ-3928-sonli qaroriga asosan o‘z kuchini yo‘qotgan)
davlat tomonidan xususiy mulk qilib berilgan (shu jumladan ustav kapitaliga berilgan, sotilgan va boshqa usullar bilan boshqa shaxsga berilgan) ko‘chmas mulk obyektlari, keyinchalik mulkdorlar o‘zgarganidan qat’i nazar, ilgari xususiylashtirilgan binolar, noturarjoy xonalari va qurilishi tugallanmagan ko‘chmas mulk obyektlari sifatida e’tirof etiladi;
ilgari xususiylashtirilgan binolar va noturar joy xonalari umumiy maydonining 50 foizdan ko‘prog‘i (bir bino yoki noturar joy xonasi konturi doirasida) so‘nggi 12 oy mobaynida tovarlar ishlab chiqarish (ishlar bajarish, xizmatlar ko‘rsatish)da foydalanilmay kelingan bo‘lsa, foydalanilmayotgan ishlab chiqarish maydonlari sifatida e’tirof etiladi;
qurilish loyiha-smeta hujjatida belgilangan normativ muddatlarda tugallanmagan, qurilishning belgilangan normativ muddati mavjud bo‘lmagan taqdirda — qurilish boshlangan sanadan boshlab 24 oy mobaynida qurib bitkazilmagan hollarda ilgari xususiylashtirilgan ko‘chmas mulk obyektlari qurilishi tugallanmagan obyektlar sifatida e’tirof etiladi.
LexUZ sharhi
4-bandning uchinchi va to‘rtinchi xatboshilariga O‘zbekiston Respublikasi Prezidentining 2018-yil 4-sentabrdagi PF-3928-sonli qaroriga asosan o‘zgartirish kiritilgan. Rus tili matniga qarang.
Oldingi tahrirga qarang.
(5-band O‘zbekiston Respublikasi Prezidentining 2018-yil 4-sentabrdagi PQ-3928-sonli qaroriga asosan o‘z kuchini yo‘qotgan)
Oldingi tahrirga qarang.
(6-band O‘zbekiston Respublikasi Prezidentining 2018-yil 4-sentabrdagi PQ-3928-sonli qaroriga asosan o‘z kuchini yo‘qotgan)
Oldingi tahrirga qarang.
(7-band O‘zbekiston Respublikasi Prezidentining 2018-yil 4-sentabrdagi PQ-3928-sonli qaroriga asosan o‘z kuchini yo‘qotgan)
8. Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari foydalanilmayotgan hamda maqsadga nomuvofiq foydalanilayotgan yer uchastkalari olib qo‘yilishini, bo‘shayotgan yer uchastkalari zaxira yerlari toifasiga o‘tkazilishini ta’minlasin.
9. Tijorat banklariga qurilishi tugallanmagan obyektlar va foydalanilmayotgan ishlab chiqarish maydonlari negizida investitsiya loyihalarini amalga oshirayotgan yuridik va jismoniy shaxslarga, shuningdek, ijarachilarga 5 yil muddatgacha, imtiyozli davri 12 oy bo‘lgan va O‘zbekiston Respublikasi Markaziy bankining qayta moliyalashtirish stavkasidan oshmaydigan stavka bo‘yicha imtiyozli kreditlar berish tavsiya etilsin.
10. O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasining raisi D.A. Xidoyatov Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari bilan birgalikda o‘n kun muddatda ushbu qarorda nazarda tutilgan chora-tadbirlarni amalga oshirish yuzasidan hududlar bo‘yicha “yo‘l xaritasi”ni tasdiqlasin hamda uning bajarilishi to‘g‘risida Vazirlar Mahkamasining majlislarida har chorakda ma’lumot berib borsin.
LexUZ sharhi
10-bandga O‘zbekiston Respublikasi Prezidentining 2017-yil 6-iyuldagi PF-5111-sonli Farmoniga asosan o‘zgartirish kiritilgan. Rus tili matniga qarang.
11. Vazirlar Mahkamasining Makroiqtisodiy rivojlantirish, tarkibiy o‘zgartirishlar va xorijiy investitsiyalarni jalb etish masalalari kompleksining rahbari R.S. Azimov:
ilgari xususiylashtirilgan qurilishi tugallanmagan obyektlarni va foydalanilmayotgan ishlab chiqarish maydonlarini xo‘jalik faoliyatiga tezkorlik bilan jalb etish mexanizmi tatbiq qilinishini har bir hudud bo‘yicha ko‘rib chiqish jadvalini tasdiqlasin;
qurilishi tugallanmagan obyektlar va foydalanilmayotgan ishlab chiqarish maydonlarining mulkdorlariga ular tomonidan ishlab chiqarishlarni yoki xizmat ko‘rsatish obyektlarini tashkil qilish bo‘yicha investitsiya loyihalarini amalga oshirishda, shuningdek, qurilishi tugallanmagan obyektlar va foydalanilmayotgan ishlab chiqarish maydonlari sotuvga qo‘yilgan hollarda amaliy yordam ko‘rsatish chora-tadbirlari ro‘yobga chiqarilishini, yangi mulkdorlar aniqlanishini shaxsiy nazorat ostiga olsin.
12. Qoraqalpog‘iston Respublikasi Vazirlar Kengashi raisining birinchi o‘rinbosari, viloyatlar va Toshkent shahar hokimlarining birinchi o‘rinbosarlari — hududiy Idoralararo komissiyalarning raislari O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasining hududiy bo‘linmalari, boshqa manfaatdor tashkilotlar bilan birgalikda xatlov yakunlari bo‘yicha qurilishi tugallanmagan obyektlar va foydalanilmayotgan ishlab chiqarish maydonlarining tasdiqlangan ro‘yxati mahalliy matbuotda albatta chop etilishini hamda ularning xo‘jalik faoliyatiga tezkorlik bilan jalb etilishi yuzasidan ko‘rilayotgan chora-tadbirlar to‘g‘risida bosma va elektron ommaviy axborot vositalari hamda televideniye orqali aholining xabardor qilinishini ta’minlasinlar.
LexUZ sharhi
12-bandga O‘zbekiston Respublikasi Prezidentining 2017-yil 6-iyuldagi PF-5111-sonli Farmoniga asosan o‘zgartirish kiritilgan. Rus tili matniga qarang.
13. O‘zbekiston Respublikasi Bosh prokuraturasi vazirliklar, idoralar, Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari, tijorat banklari, mas’ul mansabdor shaxslar tomonidan ushbu qarorning moddalari bajarilishi ustidan tizimli monitoring o‘rnatsin.
14. O‘zbekiston Milliy axborot agentligi, O‘zbekiston Milliy teleradiokompaniyasi, O‘zbekiston Matbuot va axborot agentligi ushbu qaror bilan belgilab berilgan maqsad hamda vazifalar bosma va elektron ommaviy axborot vositalarini jalb etgan holda aholi orasida muntazam, tizimli va keng ko‘lamda yoritib borilishini ta’minlasin.
15. O‘zbekiston Respublikasi Moliya vazirligi boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
16. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.