LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Aholiga kommunal xizmat ko‘rsatish tizimida iqtisodiy islohotlarni chuqurlashtirish konsepsiyasiga muvofiq, iste’mol qilinayotgan energiya manbalarini zarur darajada hisobga olish va tejashni ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Kommunal xizmat ko‘rsatish vazirligi tomonidan Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda ishlab chiqilgan 1999 — 2004-yillarda uy-joy fondini suv va gazni hisobga olish priborlari bilan jihozlash dasturi 1-2-ilovalarga* muvofiq ma’qullansin.
Keyingi tahrirga qarang.
2. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Respublikasi Kommunal xizmat ko‘rsatish vazirligi bilan birgalikda 1999 — 2004-yillarda uy-joy fondini suv va gazni hisobga olish priborlari bilan jihozlash dasturi topshiriqlari bajarilishini ta’minlash bo‘yicha aniq chora-tadbirlarni bir oy muddatda ishlab chiqsinlar, bunda:
yangidan qurilayotgan (rekonstruksiya qilinayotgan) uy-joylar suv va gazni hisobga oluvchi uy va kvartira priborlarisiz foydalanishga qabul qilinishiga yo‘l qo‘ymaslik;
hisobga olish priborlarini ishlab chiqarishni tashkil etish bo‘yicha mahalliy ishlab chiqaruvchilarga amaliy yordam ko‘rsatish, ishlab chiqarishga tayyorgarlik ko‘rish bilan bog‘liq paydo bo‘luvchi masalalarni tezkorlik bilan hal etish;
muqobil manbalarni jalb qilgan holda gaz va suvni hisobga olish priborlarini sotib olish va o‘rnatishni mablag‘ bilan ta’minlashni tashkil etish;
uy-joy-kommunal xizmatlarining hisobga olish priborlari o‘z vaqtida o‘rnatilishi bo‘yicha o‘zini o‘zi boshqarish mahalliy organlari bilan mustahkam o‘zaro hamkorligini ta’minlash;
suv va gazni hisobga olish priborlari o‘rnatilishi va ulardan foydalanish ustidan nazorat qilinishini ta’minlash;
1999 — 2004-yillarda O‘zbekiston Respublikasida suv va gazni hisobga olish priborlari ishlab chiqarish Dasturi 3-ilovaga* muvofiq tasdiqlansin;
“Suvjihozgaz” qo‘shma korxonasi va “Chkalov nomidagi Toshkent aviatsiya ishlab chiqarish birlashmasi” davlat-aksiyadorlik jamiyatining ishlab turgan maydonlarda va asbob-uskunalar bilan gaz va suvni hisobga olish priborlari ishlab chiqarishni tashkil etish va kengaytirish, barcha butlovchi buyumlarni keyinchalik “Chkalov nomidagi Toshkent aviatsiya ishlab chiqarish birlashmasi” davlat-aksiyadorlik jamiyatida ishlab chiqargan holda kooperatsiya asosida korpus detallari, jihozlar va nostandart asbob-uskunalarni olingan foydadan o‘z mablag‘lari hisobiga tayyorlash haqidagi takliflari ma’qullansin;
O‘zbekiston Respublikasi Kommunal xizmat ko‘rsatish vazirligi va Qishloq va suv xo‘jaligi vazirligiga, “O‘zeltexsanoat”, “O‘zmashsanoat”, “O‘zkimyosanoat” uyushmalariga va boshqa manfaatdor vazirliklar va idoralarga, suv va gazni hisobga olish priborlarini tayyorlashda qatnashuvchi korxonalarning buyurtmanomalari bo‘yicha detallar, jihozlar va nostandart asbob-uskunalar tayyorlashda kooperatsiya shartlarida qatnashish tavsiya qilinsin.
Keyingi tahrirga qarang.
Keyingi tahrirga qarang.
suv va gazni hisobga olish priborlari ishlab chiqarishni mablag‘ bilan ta’minlash ishlab chiqaruvchilarning o‘z mablag‘lari, shuningdek jalb qilingan kredit resurslari hisobiga amalga oshiriladi;
Keyingi tahrirga qarang.
uy-joylar va kvartiralarning muhandislik kommunikatsiyalari mukammal tuzatilganda, uylar qurilganda (rekonstruksiya qilinganda) — tuzatish yoki qurilishning smeta qiymati doirasida amalga oshiriladi.
5. O‘zbekiston Respublikasi Makroiqtisodiyot va statistika vazirligi suv va gazni hisobga olish priborlari, shuningdek ularga butlovchi buyumlar ishlab chiqarish bo‘yicha investitsiya loyihalari belgilangan tartibda respublika investitsiya dasturiga kiritilishini ta’minlasin.
6. Vazirlar Mahkamasining Yoqilg‘i-energetika resurslarini iqtisod qilish komissiyasiga O‘zbekiston Respublikasi Moliya vazirligi bilan kelishilgan texnik-iqtisodiy asoslar va mablag‘ bilan ta’minlash sxemalari taqdim etilganda suv va gazni hisobga olish priborlarini joriy etish bo‘yicha kompleks chora-tadbirlarni amalga oshirish uchun energiya bilan ta’minlash maxsus respublika schyotidan mablag‘ ajratish masalasini ko‘rib chiqish tavsiya qilinsin.
7. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari “O‘zdavstandart” markazi, Kommunal xizmat ko‘rsatish vazirligi bilan birgalikda suv va gazni hisobga olish priborlariga xizmat ko‘rsatilishini va ular tekshirilishini ta’minlasinlar.
Keyingi tahrirga qarang.
8. “O‘zdavstandart” markazi suv va gazni hisobga olish priborlarini ishlab chiqaruvchi va sotuvchi korxonalarga ishlab chiqarishni metrologik jihatdan ta’minlash masalalarini hal qilishda yordam ko‘rsatsin.
Keyingi tahrirga qarang.
9. Mazkur qarorning bajarilishini nazorat qilish Bosh vazir o‘rinbosari B.S. Hamidov zimmasiga yuklansin.