Davlat boshqaruvi organlarining idoralararo o‘zaro hamkorligiga jahonda umumiy e’tirof etilgan iqtisodiy faoliyat turlarini tasniflashni joriy etish, kichik tadbirkorlik subyektlarini tasniflashda undan foydalanish, shuningdek statistika, soliq va moliyaviy hisobot tizimini yanada takomillashtirish maqsadida Vazirlar Mahkamasi qaror qiladi:
1. O‘zbekiston Respublikasi Davlat statistika qo‘mitasi Yevropa Ittifoqining iqtisodiy faoliyat turlarini statistik tasniflashi (KDES/NACE) negizida ishlab chiqilgan O‘zbekiston Respublikasi Iqtisodiy faoliyat turlarining umumdavlat tasniflagichiga (keyingi o‘rinlarda IFUT deb ataladi) o‘tganligi ma’lumot uchun qabul qilinsin.
2. O‘zbekiston Respublikasi Iqtisodiyot vazirligi, Moliya vazirligi, Davlat statistika qo‘mitasi, Davlat soliq qo‘mitasining davlat boshqaruvi organlarining idoralararo o‘zaro hamkorligida, statistika, soliq va moliyaviy hisobot shakllarida IFUTdan majburiy tartibda foydalanish to‘g‘risidagi taklifi ma’qullansin.
3. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi yuridik shaxslar to‘g‘risidagi axborotlarni saqlovchi va ular bilan ishlovchi davlat organlarining axborot tizimlari va resurslarida IFUTdan foydalanish uchun uni “Elektron hukumat” tizimining ma’lumotnomalari va klassifikatorlari registriga kiritsin.
4. Kichik tadbirkorlik subyektlariga tegishli bo‘lgan tashkilotlarning IFUT asosida takomillashtirilgan tasniflagichi 1-ilovaga* muvofiq tasdiqlansin.
* 1-ilova rus tilidagi matnda berilgan.
5. Davlat boshqaruvi organlari, Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari:
tashkilotlar turlarini aniqlashda Kichik tadbirkorlik subyektlariga tegishli bo‘lgan tashkilotlar tasniflagichiga qat’iy rioya etsinlar;
axborot tizimlari va resurslarida, shuningdek o‘zaro idoralararo elektron hamkorlikda IFUTdan foydalanilishini ta’minlasinlar.
6. O‘zbekiston Respublikasi Davlat statistika qo‘mitasi, Mehnat vazirligi O‘zbekiston Respublikasi Iqtisodiyot vazirligi, Moliya vazirligi bilan birgalikda Tadbirkorlik subyektlari xodimlarining o‘rtacha yillik sonini aniqlash tartibi to‘g‘risidagi nizomni ikki oy muddatda ishlab chiqsinlar va belgilangan tartibda tasdiqlasinlar.
7. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirishlar kiritilsin.
8. O‘zbekiston Respublikasi Hukumatining 3-ilovaga muvofiq ba’zi qarorlari o‘z kuchini yo‘qotgan deb hisoblansin.
9. Vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
11. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
1. Vazirlar Mahkamasining 2003-yil 20-avgustdagi 357-son qarori (O‘zbekiston Respublikasi QT, 2003-y., 8-son, 72-modda) bilan tasdiqlangan Tadbirkorlik subyektlarini davlat ro‘yxatidan o‘tkazish, hisobga qo‘yish va ruxsat beruvchi hujjatlarni rasmiylashtirish tartibi to‘g‘risidagi nizomda:
a) 3-ilovaning 13-bandidagi “XXTUT” qisqartmasi “Ro‘yxatdan o‘tkazish sanasidagi IFUT” so‘zlari bilan almashtirilsin;
Keyingi tahrirga qarang.
2. Vazirlar Mahkamasining 2004-yil 1-noyabrdagi 511-son qarori (O‘zbekiston Respublikasi QT, 2004-y., 11-son, 103-modda) bilan tasdiqlangan Elektr energiyasi iste’molchilari va energiya bilan ta’minlovchi tashkilotlar o‘rtasidagi o‘zaro hisob-kitoblar tartibi to‘g‘risidagi nizomga 3a-ilovadagi “XXTUT” qisqartmasi “IFUT” qisqartmasi bilan almashtirilsin.
3. Vazirlar Mahkamasining 2006-yil 1-noyabrdagi 226-son qarori (O‘zbekiston Respublikasi QT, 2006-y., 11-son, 81-modda) bilan tasdiqlangan Umumiy foydalaniladigan avtomobil yo‘llari qurish, ularni rekonstruksiya qilish, mukammal va o‘rtacha ta’mirlash bo‘yicha bajarilgan ishlar sifatini nazorat qilish va ularni qabul qilib olish tartibi to‘g‘risidagi nizomga 2-ilovadagi “XXTUT” qisqartmasi “IFUT” qisqartmasi bilan almashtirilsin.
4. Vazirlar Mahkamasining 2008-yil 1-iyuldagi 146-son qarori (O‘zbekiston Respublikasi QT, 2008-y., 7-son, 33-modda) bilan tasdiqlangan Kasanachilikni rivojlantirishning hududiy va tarmoq dasturlarini shakllantirish, ularning bajarilishi monitoringini olib borish hamda kasanachilik ish o‘rinlarini hisobga olish tartibi to‘g‘risidagi nizomga 1-ilovadagi “XXTUT” qisqartmasi “IFUT” qisqartmasi bilan almashtirilsin.
5. Vazirlar Mahkamasining 2009-yil 24-iyundagi 177-son qarori (O‘zbekiston Respublikasi QT, 2009-y., 6-son, 51-modda) bilan tasdiqlangan Ish beruvchining fuqarolik javobgarligini majburiy sug‘urta qilish qoidalariga 2 va 3-ilovalardagi 3-bandlar quyidagi tahrirda bayon qilinsin:
“IFUT (Iqtisodiy faoliyat turlari umumdavlat tasniflagichi)ga muvofiq ish beruvchi amalga oshiradigan faoliyat turi (turlari)_____________________________________________________________________________________ | |||||||||
(iqtisodiy faoliyatning kodi va nomi)” | |||||||||
6. Vazirlar Mahkamasining “Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish bilan bog‘liq axborotni taqdim etish tartibini takomillashtirish to‘g‘risida” 2009-yil 12-oktabrdagi 272-son qaroriga 2-ilovadagi (O‘zbekiston Respublikasi QT, 2009-y., 9-10-son, 66-modda) “XXTUT” qisqartmasi “IFUT” qisqartmasi bilan almashtirilsin.
7. Vazirlar Mahkamasining “Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturini shakllantirish mexanizmini takomillashtirishga doir qo‘shimcha chora-tadbirlar to‘g‘risida” 2010-yil 21-iyuldagi 154-son qarorida (O‘zbekiston Respublikasi QT, 2010-y., 7-son, 38-modda):
a) Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturini shakllantirish tartibi to‘g‘risidagi nizomga 6-ilovadagi “XXTUT” qisqartmasi “IFUT” qisqartmasi bilan almashtirilsin;
b) Olib kirilayotgan texnologik asbob-uskunalarni va ularga ehtiyot qismlarni, shuningdek komponentlar, xomashyo va materiallarni mahalliylashtiriladigan mahsulotlarni ishlab chiqarishda texnologik jarayonda foydalaniladigan toifaga tegishli deb hisoblash tartibi to‘g‘risidagi nizomga 2-ilovadagi “XXTUT” qisqartmasi “IFUT” qisqartmasi bilan almashtirilsin.
8. Vazirlar Mahkamasining 2011-yil 16-maydagi 136-son qarori (O‘zbekiston Respublikasi QT, 2011-y., 5-son, 35-modda) bilan tasdiqlangan Xorijiy investorlar va xorijiy investitsiyalar ishtirokidagi korxonalar tomonidan o‘z ishlab chiqarish ehtiyojlari uchun olib kelinayotgan mol-mulkni aniqlash tartibi to‘g‘risidagi nizomga 1-ilovadagi “XXTUT” qisqartmasi “IFUT” qisqartmasi bilan almashtirilsin.
9. Vazirlar Mahkamasining 2012-yil 28-martdagi 89-son qarori (O‘zbekiston Respublikasi QT, 2012-y., 3-son, 20-modda) bilan tasdiqlangan Umumiy ovqatlanish korxonalari tomonidan alkogolli mahsulotlarni sotish huquqi uchun ruxsat guvohnomasi berish tartibi to‘g‘risidagi nizomga 2-ilovadagi “XXTUT” qisqartmasi “IFUT” qisqartmasi bilan almashtirilsin.
Keyingi tahrirga qarang.
10. Vazirlar Mahkamasining 2014-yil 10-martdagi 56-son qarori (O‘zbekiston Respublikasi QT, 2014-y., 3-son, 24-modda) bilan tasdiqlangan Yuridik shaxslar — rezidentlar tomonidan chet elda hisob raqamlari ochishga ruxsatnomalar berish tartibi to‘g‘risidagi nizomga 5-ilovadagi “XXTUT” qisqartmasi “IFUT” qisqartmasi bilan almashtirilsin.
Keyingi tahrirga qarang.
11. Vazirlar Mahkamasining 2014-yil 24-iyundagi 169-son qarori (O‘zbekiston Respublikasi QT, 2014-y., 6-son, 65-modda) bilan tasdiqlangan Iqtisodiyot tarmoqlarida gazdan foydalanish qoidalariga 2-ilovaning XI bo‘limidagi “XXTUT” qisqartmasi “IFUT” qisqartmasi bilan almashtirilsin.
12. Vazirlar Mahkamasining 2014-yil 15-sentabrdagi 263-son qarori (O‘zbekiston Respublikasi QT, 2014-y., 9-son, 100-modda) bilan tasdiqlangan Ish o‘rinlarini mehnat sharoitlari va asbob-uskunalarning jarohatlash xavfliligi yuzasidan attestatsiyadan o‘tkazish tartibi to‘g‘risidagi nizomga 1, 2, 4, 5, 6, 7 va 8-ilovalardagi “XXTUT” qisqartmasi “IFUT” qisqartmasi bilan almashtirilsin.
13. Vazirlar Mahkamasining 2014-yil 15-dekabrdagi 341-son qarori (O‘zbekiston Respublikasi QT, 2014-y., 12-son, 122-modda) bilan tasdiqlangan Voyaga yetmaganlar uchun mo‘ljallangan dori vositalarini reklama qilishga ruxsatnoma berish tartibi to‘g‘risidagi nizomga 2-ilovadagi “XXTUT” qisqartmasi “IFUT” qisqartmasi bilan almashtirilsin.
14. Vazirlar Mahkamasining “Sanoat korxonalari va qurilish tashkilotlarining barqaror faoliyatini va ularning quvvatlaridan yuqori darajada foydalanishni ta’minlashga doir qo‘shimcha chora-tadbirlar to‘g‘risida” 2015-yil 26-yanvardagi 11-son qaroriga 1 va 2-ilovalardagi (O‘zbekiston Respublikasi QT, 2015-y., 1-son, 3-modda) “XXTUT” qisqartmasi “IFUT” qisqartmasi bilan almashtirilsin.
Keyingi tahrirga qarang.
15. Vazirlar Mahkamasining 2015-yil 15-sentabrdagi 266-son qarori (O‘zbekiston Respublikasi QT, 2015-y., 9-son, 82-modda) bilan tasdiqlangan Tashuvchining fuqarolik javobgarligini majburiy sug‘urta qilish qoidalariga 3-ilovadagi “XXTUT” qisqartmasi “IFUT” qisqartmasi bilan almashtirilsin.
16. Vazirlar Mahkamasining “Jismoniy va yuridik shaxslar markaziy ma’lumotlar bazalarini shakllantirish va “Elektron hukumat” tizimi foydalanuvchilarini identifikatsiyalashning yagona axborot tizimini joriy etish chora-tadbirlari to‘g‘risida” 2015-yil 17-dekabrdagi 365-son qaroriga 1-ilova 10-bandi 2-kichik bandining oltinchi xatboshidagi (O‘zbekiston Respublikasi QT, 2015-y., 12-son, 108-modda) “XXTUT” qisqartmasi chiqarib tashlansin.
1. Vazirlar Mahkamasining “Kichik tadbirkorlik (biznes) subyektlariga tegishli bo‘lgan korxonalar va tashkilotlar klassifikatsiyasini tasdiqlash to‘g‘risida” 2003-yil 11-oktabrdagi 439-son qarori (O‘zbekiston Respublikasi QT, 2003-y., 19-son, 182-modda).
2. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida” 2012-yil 28-fevraldagi 56-son qaroriga 1-ilovaning 2-bandi (O‘zbekiston Respublikasi QT, 2012-y., 2-son, 14-modda).
3. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasining “Oilaviy tadbirkorlik to‘g‘risida” 2012-yil 26-apreldagi O‘RQ-327-son Qonuni)” 2012-yil 19-iyuldagi 225-son qaroriga ilovaning 3-bandi (O‘zbekiston Respublikasi QT, 2012-y., 7-son, 57-modda).
4. Vazirlar Mahkamasining “Kichik tadbirkorlik (biznes) subyektlariga tegishli bo‘lgan korxonalar va tashkilotlar klassifikatsiyasiga o‘zgartirish kiritish to‘g‘risida” 2013-yil 14-iyundagi 172-son qarori.
5. Vazirlar Mahkamasining “Kichik tadbirkorlik (biznes) subyektlariga tegishli bo‘lgan korxonalar va tashkilotlar klassifikatsiyasiga o‘zgartirishlar kiritish to‘g‘risida (O‘zbekiston Respublikasi Prezidentining “O‘zbekiston Respublikasida investitsiya iqlimi va ishbilarmonlik muhitini yanada takomillashtirishga doir qo‘shimcha chora-tadbirlar to‘g‘risida” 2014-yil 7-apreldagi PF-4609-son Farmoni)” 2014-yil 3-iyuldagi 178-son qarori.