O‘zbekiston Respublikasi Havo kodeksining 48-moddasiga muvofiq Vazirlar Mahkamasi qaror qiladi:
1. O‘zbekiston Respublikasi fuqaro va eksperimental aviatsiyasi aviatsiya xodimlariga tegishli lavozimlar ro‘yxati ilovaga muvofiq tasdiqlansin.
2. O‘zbekiston Respublikasi vazirliklari va idoralari o‘z idoraviy normativ hujjatlarini mazkur qarorga muvofiqlashtirsinlar.
3. Mudofaa vazirligi, Ichki ishlar vazirligi, Milliy xavfsizlik xizmati manfaatdor vazirliklar va idoralar bilan kelishgan holda bir oy muddatda davlat aviatsiyasiga tegishli aviatsiya xodimlari lavozimlari ro‘yxatini ko‘rib chiqish uchun O‘zbekiston Respublikasi Vazirlar Mahkamasiga kiritsinlar.
4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari K.N. To‘laganov zimmasiga yuklansin.
— parvozlar rahbari — Fazodan foydalanishni boshqarish yagona tizimining rayon markazi fuqarolik sektori boshlig‘i;
— aviakompaniyaning Bosh direktori (shu jumladan uchish ishlarini tashkil etish, muhandislik-aviatsiya ta’minoti va ishlab chiqarish bo‘yicha o‘rinbosarlar);
— Bosh direktor, direktor (birlashma, aviatsiya-texnika kompleksi, aviatsiya-texnika bazasi, mulkchilikning barcha shakllaridagi aviakorxonalar bosh direktori, direktori, shu jumladan muhandislik-aviatsiya ta’minoti va ishlab chiqarish bo‘yicha o‘rinbosarlar);
— bosh muhandis (birlashma, aviatsiya-texnika kompleksi, aviatsiya — texnika bazasi, mulkchilikning barcha shakllaridagi aviakorxonalar bosh muhandisi, shu jumladan o‘rinbosarlar);
— bosh mexanik — (birlashma, aviatsiya-texnika kompleksi, aviatsiya — texnika bazasi, mulkchilikning barcha shakllaridagi aviakorxonalar bosh mexanigi, shu jumladan o‘rinbosarlar);
— parvozlarni ta’minlash va havodagi qatnovlarni boshqarishni nazorat qilish bo‘limining bosh shturmani;
— aviakompaniya direktori (shu jumladan uchish ishlarini tashkil etish va muhandislik-aviatsiya ta’minoti hamda ishlab chiqarish bo‘yicha o‘rinbosarlari);
— (birlashma, aviatsiya-texnika kompleksi, aviatsiya-texnika bazasi, mulkchilikning barcha shakllaridagi aviakorxonalar) aviatsiya texnikasidan texnik foydalanish bo‘limining barcha nomdagi va ixtisoslardagi muhandislari;
— havo kemalariga texnik xizmat ko‘rsatish, foydalanish va ta’mirlash bo‘yicha barcha nomdagi master (katta master, nazorat masteri);
— bo‘lim (parvozlarni ta’minlash va havodagi qatnovlarni boshqarishni nazorat qilish, havo kemalaridan texnik foydalanish, ularni ta’mirlash va ishlab chiqarishni nazorat qilish, aviatsiya hodisalarini tekshirish, ro‘yxatga olish, sertifikatlash va litsenziyalash) boshlig‘i (boshliq o‘rinbosari);
— (ishlab chiqarish, aviatsiya-texnika bazasi, muhandislik-aviatsiya xizmati, mulkchilikning barcha shakllaridagi aviakorxonalar, “Davavianazorat” inspeksiyasi ilmiy-tadqiqot laboratoriyasi, bazaviy tekshirish-ta’mirlash metrologiya laboratoriyasi, sinov uchishlari bo‘linmasi, aviatsiya-texnika bazasining muhandislik-axborot markazi, sex, uchastka, smena, brigada, guruh, ustaxona, texnologiya byurosi, texnologiya siyosatini boshqarish va texnik foydalanish bo‘limi, texnik nazorat bo‘limi, texnika bo‘limi, sifat kafolati va nazorati bo‘limi, aviatexnikani ta’mirlash bo‘linmasi, obyektiv nazorat xizmati, parvoz axborotlarini yig‘ish, ishlash va tahlil qilish bo‘limi, parashyut xizmati) boshlig‘i (shu jumladan o‘rinbosarlari);
— (aviatsiya-texnika kompleksi, aviatsiya-texnika bazasi, mulkchilikning barcha shakllaridagi aviakorxonalar) havo kemalariga texnik xizmat ko‘rsatishni rejalashtirish va boshqarish bo‘yicha boshliq (bosh muhandis, muhandis);
— O‘zbekiston Respublikasi Parvozlar xavfsizligini nazorat qilish davlat inspeksiyasi (“Davavianazorat” inspeksiyasi) boshlig‘i (shu jumladan o‘rinbosarlari);
— havo qatnovlarini boshqarish va radiotexnika bilan ta’minlash bo‘yicha hududiy bo‘lim boshlig‘i (shu jumladan o‘rinbosarlari);
— bo‘lim (parvozlarni ta’minlash va havodagi qatnovni boshqarish ustidan nazorat, havo kemalaridan texnik foydalanish, ularni ta’mirlash, ishlab chiqarish ustidan nazorat, aviatsiya hodisalarini tekshirish, ro‘yxatga olish, sertifikatlash va litsenziyalash) mutaxassisi (bosh, yetakchi mutaxassis);
— “Davavianazorat” inspeksiyasining parvozlar bo‘yicha axborotlarini rasshifrovka va tahlil qilish bo‘yicha ekspert (bosh, yetakchi ekspert);
— (aviatsiya-texnika kompleksi, aviatsiya-texnika bazasi, mulkchilikning barcha shakllaridagi aviakorxonalar) havo kemalariga, ularning qismlariga va asbob-uskunalariga texnik xizmat ko‘rsatish, foydalanish, diagnostika qilish va ta’mirlash bo‘yicha barcha nomdagi va ixtisosdagi aviatsiya texnigi;
— (aviatsiya-texnika kompleksi, aviatsiya-texnika bazasi, aviakompaniya) parashyutlari va avariya-qutqaruv vositalari bo‘yicha aviatsiya texnigi (muhandisi, katta muhandisi);
— (aviatsiya zavodi, aviata’mirlash zavodi, aviatsiya-texnika kompleksi, aviatsiya-texnika bazasi, mulkchilikning barcha shakllaridagi aviakorxonalar) havo kemalariga, ularning qismlariga va asbob-uskunalariga texnik xizmat ko‘rsatish, foydalanish, diagnostika qilish, sinash va ta’mirlash bo‘yicha barcha nomdagi hamda ixtisosdagi aviatsiya mexanigi (mexanik);
— (aviatsiya zavodi, aviata’mirlash zavodi, aviatsiya-texnika bazasi) aviatsiya akkumulyator batareyalariga texnik xizmat ko‘rsatish va ularni ta’mirlash bo‘yicha akkumulyatorchi;
— parvozlar bo‘yicha axborotlarni yig‘ish, ishlash va tahlil qilish vositalaridan foydalanish bo‘yicha muhandis;
— (aviatsiya-texnika kompleksi bo‘linmalari, aviata’mirlash zavodi, aviatsiya-texnika bazasi, mulkchilikning barcha shakllaridagi aviakorxonalar) aviatsiya texnikasiga, havo kemalariga, ularning qismlariga va asbob-uskunalariga texnik xizmat ko‘rsatish, foydalanish, diagnostika qilish, sinash va ta’mirlash bo‘yicha, texnik o‘quv bo‘yicha barcha nomdagi va ixtisosdagi (shu jumladan texnik nazorat, texnika bo‘limi, sifatni boshqarishni kafolatlash va nazorat qilish bo‘limi, perron-texnika brigadasi, uchish otryadi) muhandislar (yetakchi, katta muhandislar);
— aviatsiya texnikasidagi sifat va (aviatsiya zavodi, aviata’mirlash zavodi) aviatsiya texnikasi o‘lchov priborlari sifati nazoratchisi;
— (aviatsiya zavodi, aviata’mirlash zavodi) aviatsiya texnikasidagi radio va maxsus asbob-anjomlarni o‘rnatuvchi;
— (aviatsiya zavodi, aviata’mirlash zavodi, aviatsiya-texnika bazasi) havo kemalarini yig‘uvchi-ulovchi;
— (aviatsiya zavodi, aviata’mirlash zavodi, aviatsiya-texnika bazasi) havo kemalarini, ularning qismlarini va asbob-uskunalarini ta’mirlash bo‘yicha barcha nomdagi hamda ixtisosdagi chilangar;
— (aviatsiya-texnika kompleksi, aviatsiya-texnika bazasi, mulkchilikning barcha turlaridagi aviakorxonalarning) asbob-uskunalari bo‘yicha, nazorat-o‘lchov priborlariga xizmat ko‘rsatish va avtomatika bo‘yicha, yuqori bosimli idishlarga xizmat ko‘rsatish bo‘yicha, parvozlarga oid axborotlarni yig‘ish, ishlash va tahlil qilish vositalaridan foydalanish, radiolokatsiya, radionavigatsiya, aloqa bo‘yicha texnik.