LexUZ sharhi
Mazkur qaror O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2022-yil 30-noyabrdagi 13-2022-sonli ““Yer kadastriga doir axborotlarni manfaatdor yuridik va jismoniy shaxslarga berish tartibi to‘g‘risidagi nizomni tasdiqlash to‘g‘risida”gi qaror, shuningdek unga o‘zgartirishlarni o‘z kuchini yo‘qotgan deb topish to‘g‘risida”gi buyrug‘iga (ro‘yxat raqami 2791-3, 21.12.2022-y.) asosan 2023-yil 1-yanvardan o‘z kuchini yo‘qotadi.
O‘zbekiston Respublikasining “Davlat yer kadastri to‘g‘risida”gi Qonuni, O‘zbekiston Respublikasi Prezidentining 2020-yil 7-sentabrdagi PF-6061-son “Yer hisobi va davlat kadastrlarini yuritish tizimini tubdan takomillashtirish chora-tadbirlari to‘g‘risida” Farmoni, O‘zbekiston Respublikasi Prezidentining 2020-yil 7-sentabrdagi PQ-4819-son “O‘zbekiston Respublikasi Davlat soliq qo‘mitasi huzuridagi Kadastr agentligi faoliyatini tashkil etish chora-tadbirlari to‘g‘risida”gi qarori hamda O‘zbekiston Respublikasi Vazirlar Mahkamasining 2021-yil 22-iyundagi 389-son “Davlat kadastrlarini yuritish sohasini tartibga soluvchi ayrim normativ-huquqiy hujjatlarni tasdiqlash to‘g‘risida”gi qaroriga muvofiq buyuraman.
(muqaddima O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2021-yil 28-sentabrdagi 10-sonli buyrug‘i (ro‘yxat raqami 2791-2, 21.10.2021-y.) tahririda — Qonunchilik ma’lumotlari milliy bazasi, 21.10.2021-y., 10/21/2791-2/0984-son)
1. Yer kadastriga doir axborotlarni manfaatdor yuridik va jismoniy shaxslarga berish tartibi to‘g‘risidagi nizom ilovaga muvofiq tasdiqlansin.
O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasining 2016-yil 27-apreldagi 34-son qaroriga
ILOVA
ILOVA
Mazkur Nizom O‘zbekiston Respublikasining “Davlat yer kadastri to‘g‘risida”gi Qonuni, O‘zbekiston Respublikasi Prezidentining 2020-yil 7-sentabrdagi PF-6061-son “Yer hisobi va davlat kadastrlarini yuritish tizimini tubdan takomillashtirish chora-tadbirlari to‘g‘risida” Farmoni, O‘zbekiston Respublikasi Prezidentining 2020-yil 7-sentabrdagi PQ-4819-son “O‘zbekiston Respublikasi Davlat soliq qo‘mitasi huzuridagi Kadastr agentligi faoliyatini tashkil etish chora-tadbirlari to‘g‘risida”gi qarori hamda O‘zbekiston Respublikasi Vazirlar Mahkamasining 2021-yil 22-iyundagi 389-son “Davlat kadastrlarini yuritish sohasini tartibga soluvchi ayrim normativ-huquqiy hujjatlarni tasdiqlash to‘g‘risida”gi qaroriga muvofiq, yer kadastriga doir axborotlarni manfaatdor yuridik va jismoniy shaxslarga berish tartibini belgilaydi.
(muqaddima O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2021-yil 28-sentabrdagi 10-sonli buyrug‘i (ro‘yxat raqami 2791-2, 21.10.2021-y.) tahririda — Qonunchilik ma’lumotlari milliy bazasi, 21.10.2021-y., 10/21/2791-2/0984-son)
ishonchli vakil — yuridik va jismoniy shaxs tomonidan belgilangan tartibda va shaklda berilgan ishonchnomaga muvofiq ishonchnoma beruvchi tomonidan berilgan vakolatlar doirasida ish olib boradigan fuqaro;
er kadastriga doir axborot — yer uchastkalariga bo‘lgan huquqlarni davlat ro‘yxatidan o‘tkazish, erni hisobga olish va yer bahosiga oid axborotlar majmui;
(1-bandning uchinchi xatboshisi O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2021-yil 28-sentabrdagi 10-sonli buyrug‘i (ro‘yxat raqami 2791-2, 21.10.2021-y.) tahririda — Qonunchilik ma’lumotlari milliy bazasi, 21.10.2021-y., 10/21/2791-2/0984-son)
yer uchastkasi — yer yuzasining qayd etilgan chegaraga, maydonga, joylashish manziliga, huquqiy tartibga hamda davlat yer kadastrida aks ettiriladigan boshqa xususiyatlariga ega bo‘lgan qismi;
yer fondi — xo‘jalik boshqaruvi va huquqiy munosabatlar obyekti bo‘lgan, ma’muriy-hududiy birliklarning (mamlakat, respublika, viloyat, tuman, shahar) chegaralari doirasida yerlarning turlari va toifalari bo‘yicha maydonlari aks ettirilgan jami yerlar;
kadastr yig‘majildi — obyektning ko‘chmas mulkka bo‘lgan huquqlarni shakllantirish, hisobga olish va keyinchalik davlat ro‘yxatidan o‘tkazish uchun zarur bo‘lgan kadastr suratiga olish, texnik xatlovdan o‘tkazish va pasportlashtirishning, maxsus tekshirish va izlanishlarning, sifat va qiymat jihatdan baholashning hujjatlari, materiallari va ma’lumotlari jamlamasi;
(1-bandning oltinchi xatboshisi O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2021-yil 28-sentabrdagi 10-sonli buyrug‘i (ro‘yxat raqami 2791-2, 21.10.2021-y.) tahririda — Qonunchilik ma’lumotlari milliy bazasi, 21.10.2021-y., 10/21/2791-2/0984-son)
ko‘chmas mulk obyektlariga bo‘lgan huquqlarning davlat reyestri — ko‘chmas mulk obyektlari va ularga bo‘lgan huquqlar to‘g‘risida, shuningdek, huquq egalari haqidagi ma’lumotlardan iborat yagona axborot ma’lumotlar bazasi;
(1-bandning yettinchi xatboshisi O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2021-yil 28-sentabrdagi 10-sonli buyrug‘i (ro‘yxat raqami 2791-2, 21.10.2021-y.) tahririda — Qonunchilik ma’lumotlari milliy bazasi, 21.10.2021-y., 10/21/2791-2/0984-son)
tuman (shahar) yer kadastri daftari — yerlarni hisobga olish va ularni baholash bo‘yicha asosiy hujjat, yer uchastkasining joylashgan o‘rni, qaysi maqsadda foydalanishga mo‘ljallanganligini, unga egalik qilish, undan foydalanish, uni ijaraga olish huquqlarini va unga bo‘lgan mulk huquqini aniqlash uchun zarur ma’lumotlarni o‘z ichiga oladigan, yer uchastkasining miqdor va sifat holati hamda bahosi to‘g‘risidagi axborot manbai.
2. Yer kadastriga doir axborot O‘zbekiston Respublikasining davlat axborot resursidir va u yer uchastkasiga bo‘lgan huquqni davlat ro‘yxatidan o‘tkazish, hisobga olish va uning bahosiga oid axborotlar majmuini tashkil etadi hamda davlat hokimiyati va boshqaruvi organlari, shuningdek manfaatdor yuridik va jismoniy shaxslar foydalanishi uchun mo‘ljallanadi.
(2-band O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2021-yil 28-sentabrdagi 10-sonli buyrug‘i (ro‘yxat raqami 2791-2, 21.10.2021-y.) tahririda — Qonunchilik ma’lumotlari milliy bazasi, 21.10.2021-y., 10/21/2791-2/0984-son)
3. Yer kadastriga doir axborot O‘zbekiston Respublikasi Davlat soliq qo‘mitasi huzuridagi Kadastr agentligining Davlat kadastrlari palatasi (bundan buyon matnda Davlat kadastrlari palatasi deb yuritiladi) uning hududiy boshqarmalari ma’lumotlar bazasida shakllantiriladi va ular tomonidan manfaatdor yuridik va jismoniy shaxslarga ularning murojaatlariga muvofiq beriladi.
(3-band O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2021-yil 28-sentabrdagi 10-sonli buyrug‘i (ro‘yxat raqami 2791-2, 21.10.2021-y.) tahririda — Qonunchilik ma’lumotlari milliy bazasi, 21.10.2021-y., 10/21/2791-2/0984-son)
4. Maqsad va foydalanish xususiyatiga qarab yer kadastriga doir axborot ochiq va foydalanilishi cheklangan axborot turlariga bo‘linadi.
Yer kadastriga doir ochiq axborotga yer uchastkasiga bo‘lgan huquqning davlat ro‘yxatidan o‘tkazilganligi to‘g‘risidagi axborot (huquq egasining nomi, huquq turi, yer uchastkasining umumiy maydoni) va Qoraqalpog‘iston Respublikasi, viloyatlar, Toshkent shahri va tumanlar (shaharlar) kesimidagi yer fondi to‘g‘risidagi ma’lumotlar kiradi.
Yer kadastriga doir foydalanilishi cheklangan axborotga ushbu bandning ikkinchi xatboshisida ko‘rsatilgan ma’lumotlardan tashqari ko‘chmas mulkka bo‘lgan huquqlar va u haqda tuzilgan bitimlarning davlat reyestridagi, tuman (shahar) yer kadastri daftaridagi va kadastr yig‘majildidagi boshqa barcha axborotlar kiradi.
Davlat siri hisoblangan yer kadastriga doir axborotni berish O‘zbekiston Respublikasining “Davlat sirlarini saqlash to‘g‘risida”gi Qonunida va boshqa qonunchilik hujjatlarida belgilangan tartibda amalga oshiriladi.
(4-bandning to‘rtinchi xatboshisi O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
6. Yer kadastriga doir axborot aerokosmik suratga olish, topografik-geodezik, kartografik, tuproq, agrokimyoviy, geobotanik va boshqa tadqiqotlar va izlanishlar, yerlarning miqdor va sifat jihatidan hisobga olinishi va baholanishi, yerlarni inventarizatsiya qilish, yuridik va jismoniy shaxslarning yer uchastkalariga bo‘lgan huquqlarini davlat ro‘yxatidan o‘tkazish natijasida olingan ma’lumotlarga asosan shakllantiriladi.
7. Yer kadastriga doir axborot yer uchastkasiga bo‘lgan huquqlarni davlat ro‘yxatidan o‘tkazishga, yer uchastkalarini hisobga olishga va qishloq xo‘jaligi yerlarining sifati va normativ qiymatiga oid axborot majmuini tashkil etadi.
Yer uchastkasiga bo‘lgan huquqlar davlat ro‘yxatidan o‘tkazilganligi to‘g‘risida axborot yer uchastkasiga bo‘lgan huquq egalari to‘g‘risidagi ma’lumotlar, yer uchastkasi to‘g‘risidagi (erlarning turi, foydalanish maqsadi, sifati, qiymati, chegaralari, maydoni, kadastr raqami va boshqa tavsiflari), yer uchastkasiga bo‘lgan huquqlarni tasdiqlovchi hujjatlar to‘g‘risidagi, huquqlarning cheklanishi va servitutlar to‘g‘risidagi, shuningdek ko‘chmas mulkka bo‘lgan huquqlar va u haqda tuzilgan bitimlarning davlat reyestriga kiritiladigan boshqa ma’lumotlardan iborat bo‘ladi.
Yer uchastkalarini hisobga olish to‘g‘risidagi axborot yerlarning o‘lchamlari, miqdor va sifat holati, o‘rnashgan joyi, ularning haqiqiy holati va foydalanishi bo‘yicha yer uchastkalari, aholi punktlari, tumanlar, viloyatlar, Qoraqalpog‘iston Respublikasi, viloyatlar va Toshkent shahar bo‘yicha tuzilgan ma’lumotlardan iborat bo‘ladi.
Qishloq xo‘jaligi yerlarining normativ qiymati to‘g‘risidagi axborot tuproqlarning bonitirovkasi va ularning qiymat bahosi to‘g‘risidagi ma’lumotlardan iborat bo‘ladi.
(8-bandning ikkinchi xatboshisi O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2021-yil 28-sentabrdagi 10-sonli buyrug‘i (ro‘yxat raqami 2791-2, 21.10.2021-y.) tahririda — Qonunchilik ma’lumotlari milliy bazasi, 21.10.2021-y., 10/21/2791-2/0984-son)
9. Yer kadastriga doir axborotni uning shakllantirilishiga, saqlanishiga, yangilab borilishiga va turiga qarab foydalanuvchilarga quyidagi tashkilotlar taqdim etadi:
a) Davlat kadastrlari palatasi tomonidan respublika bo‘yicha Qoraqalpog‘iston Respublikasi, viloyatlar va Toshkent shahri kesimida beriladigan axborot:
b) Davlat kadastrlari palatasining Qoraqalpog‘iston Respublikasi, viloyatlar va Toshkent shahar boshqarmalari tomonidan tegishli hududlari bo‘yicha tumanlar (shaharlar) kesimida beriladigan axborot:
yer uchastkasiga bo‘lgan huquqning davlat ro‘yxatidan o‘tkazilganligi to‘g‘risida Vazirlar Mahkamasining 2018-yil 29-dekabrdagi 1060-son qarori bilan tasdiqlangan Ko‘chmas mulk obyektlariga bo‘lgan huquqlarni davlat ro‘yxatidan o‘tkazish tartibi to‘g‘risida nizomga muvofiq ko‘chmas mulk obyektlariga bo‘lgan huquqlarning davlat reyestridagi axborot;
yer uchastkasining yer turlari bo‘yicha maydoni, qishloq xo‘jaligi yerlarining sifati va normativ qiymati to‘g‘risida Vazirlar Mahkamasining 2014-yil 7-yanvardagi 1-son qarori bilan tasdiqlangan Tuman (shahar) yer kadastri daftarini yuritish tartibi to‘g‘risida nizomga muvofiq tuman (shahar) yer kadastri daftaridagi axborot;
kadastr yig‘majildidagi yer uchastkasining tavsifi va boshqa xususiyatlari to‘g‘risidagi ma’lumotlar.
(9-band O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2021-yil 28-sentabrdagi 10-sonli buyrug‘i (ro‘yxat raqami 2791-2, 21.10.2021-y.) tahririda — Qonunchilik ma’lumotlari milliy bazasi, 21.10.2021-y., 10/21/2791-2/0984-son)
10. Yer kadastriga doir axborot manfaatdor yuridik va jismoniy shaxslarga ularning murojaatnomalariga asosan beriladi.
Murojaatnoma og‘zaki yoki yozma ravishda, shu jumladan bevosita, pochta orqali yoxud elektron hujjat shaklida taqdim etilishi mumkin.
Manfaatdor yuridik va jismoniy shaxslar yer kadastriga doir axborot berish haqidagi murojaatnoma bilan, qoida tariqasida, tegishli yer uchastkasining o‘rnashgan joyi bo‘yicha Davlat kadastrlari palatasi, uning hududiy boshqarmalariga murojaat qilishga haqli.
(10-bandning uchinchi xatboshisi O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2021-yil 28-sentabrdagi 10-sonli buyrug‘i (ro‘yxat raqami 2791-2, 21.10.2021-y.) tahririda — Qonunchilik ma’lumotlari milliy bazasi, 21.10.2021-y., 10/21/2791-2/0984-son)
Agar so‘ralayotgan yer kadastriga doir axborot Davlat kadastrlari palatasi yoki uning boshqa hududiy boshqarmasida mavjud bo‘lsa, murojaatnomani qabul qilgan tashkilot uni tegishli tashkilotdan so‘rab oladi hamda manfaatdor yuridik va jismoniy shaxsga taqdim etadi.
(10-bandning to‘rtinchi xatboshisi O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2021-yil 28-sentabrdagi 10-sonli buyrug‘i (ro‘yxat raqami 2791-2, 21.10.2021-y.) tahririda — Qonunchilik ma’lumotlari milliy bazasi, 21.10.2021-y., 10/21/2791-2/0984-son)
11. Murojaat etuvchi yuridik shaxsning murojaatnomasida uning to‘liq nomi va joylashgan manzili (pochta adresi), jismoniy shaxsning murojaatnomasida uning familiyasi, ismi va otasining ismi, yashash joyi hamda so‘ralayotgan axborotning aniq turi (turlari) ko‘rsatilishi kerak. Murojaatnoma yuridik va jismoniy shaxslarning ishonchli vakili tomonidan berilgan bo‘lsa, ishonchli vakil ekanligini tasdiqlovchi hujjat murojaatnomaga ilova qilinadi.
12. Murojaatnomalarning va berilayotgan yer kadastriga doir axborotlarning hisobi yer kadastriga doir axborotni berayotgan tashkilot tomonidan mazkur Nizomning ilovasiga muvofiq jurnalda yuritiladi.
Yer kadastriga doir axborot berilganligi haqidagi ma’lumotlar jurnalga uni yurituvchi mas’ul shaxs tomonidan axborot berilgan kundan boshlab bir ish kuni ichida kiritiladi.
13. Yuridik va jismoniy shaxslarga ularning huquqlari va qonuniy manfaatlariga daxldor axborotdan tashqari yer kadastriga doir boshqa axborotlarni berish O‘zbekiston Respublikasining “Davlat yer kadastri to‘g‘risida”gi Qonunining 23-moddasiga muvofiq haq evaziga amalga oshiriladi.
14. Axborot haqiga uni qidirish, umumlashtirish, berishga tayyorlash va axborotni berish bilan bog‘liq boshqa xarajatlar kiritiladi. Axborot haqi murojaatnomani qabul qilib olgan xodim tomonidan berilgan to‘lov xabarnomasiga muvofiq tijorat banki orqali to‘lanadi.
15. Yer kadastriga doir ochiq axborot barcha manfaatdor yuridik va jismoniy shaxslarga hech qanday cheklovlarsiz beriladi. Yer kadastriga doir foydalanilishi cheklangan axborot faqat yer uchastkasining egasiga, foydalanuvchisiga, ijarachisiga va mulkdoriga yoki ularning ishonchli vakiliga hamda qonunchilik hujjatlariga muvofiq yer uchastkasiga bo‘lgan huquq o‘tgan boshqa shaxslarga beriladi.
(15-bandning birinchi xatboshisi O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Yuridik va jismoniy shaxslar boshqa shaxslarga tegishli bo‘lgan yer uchastkalari to‘g‘risida yer kadastriga doir foydalanilishi cheklangan axborotni yer uchastkasiga bo‘lgan huquq egasi orqali olishlari mumkin.
16. Yer kadastriga doir axborot manfaatdor yuridik va jismoniy shaxslarga ularning murojaatnomasiga muvofiq qog‘oz yoki elektron hujjat shaklida beriladi.
17. Yuridik va jismoniy shaxslarga yer kadastriga doir axborot murojaatnoma kelib tushgan kundan boshlab 5 kun ichida beriladi.
So‘ralgan yer kadastriga doir axborotni tayyorlash ishlarining hajmi ko‘p bo‘lgan yoki uni boshqa tashkilotdan so‘rab olish lozim bo‘lgan taqdirda axborot berish muddati 15 kungacha uzaytirilishi mumkin. Bunda axborot berish muddati uzaytirilganligi haqida murojaat etuvchiga yozma ravishda yoki elektron pochta orqali xabar beriladi.
huquq egasi bo‘lmagan yuridik va jismoniy shaxslar tomonidan boshqa shaxsga tegishli bo‘lgan yer uchastkasi to‘g‘risida yer kadastriga doir foydalanilishi cheklangan axborot so‘ralganda;
murojaat qiluvchining huquqlari va qonuniy manfaatlariga daxldor axborotdan tashqari yer kadastriga doir boshqa axborotlarni berish uchun haq to‘langanligini tasdiqlovchi hujjat taqdim qilinmaganda;
19. Yer kadastriga doir axborotni berishni rad etish to‘g‘risidagi xat manfaatdor yuridik va jismoniy shaxsga yozma ravishda taqdim etilishi, unda rad etish sababi ko‘rsatilgan bo‘lishi va u tashkilot rahbari tomonidan imzolangan bo‘lishi lozim. Rad etish to‘g‘risidagi xatda axborotni berishni rad etish ustidan sudga shikoyat qilinishi mumkinligi ko‘rsatiladi.
Yer kadastriga doir axborotni berishni rad etish holatlari yer kadastriga doir axborotni olish uchun tushgan murojaatnomalarni hisobga olish jurnalining 6-ustunida qayd etiladi.
20. Ko‘chmas mulk obyektlariga bo‘lgan huquqlarning davlat reyestrida, tuman (shahar) yer kadastri daftarida, kadastr yig‘majildlarida yoki boshqa manbalarda so‘ralayotgan yer kadastriga doir axborot mavjud bo‘lmasa, murojaat etuvchiga u so‘rayotgan axborot yo‘qligi to‘g‘risida yozma ravishda ma’lum qilinadi.
(20-band O‘zbekiston Respublikasi Davlat soliq qo‘mitasi huzuridagi Kadastr agentligi direktorining 2021-yil 28-sentabrdagi 10-sonli buyrug‘i (ro‘yxat raqami 2791-2, 21.10.2021-y.) tahririda — Qonunchilik ma’lumotlari milliy bazasi, 21.10.2021-y., 10/21/2791-2/0984-son)
21. Yuridik va jismoniy shaxslar berilgan yer kadastriga doir axborotda xatolar, noaniqliklar mavjudligini aniqlagan yoki unda berilgan ma’lumotlar tarkibiga rozi bo‘lmagan holatlarda ushbu axborot ma’lumotlari qayta ko‘rib chiqilishini talab qilishga haqli.
Berilgan yer kadastriga doir axborotda aniqlangan xato va noaniqliklarni to‘g‘rilash, ma’lumot bergan tashkilot hisobidan amalga oshiriladi.
22. Mazkur Nizom talablari buzilishida aybdor shaxslar qonunchilik hujjatlarida belgilangan tartibda javobgar bo‘ladi.
(22-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Yer kadastriga doir axborotlarni manfaatdor yuridik va jismoniy shaxslarga berish tartibi to‘g‘risidagi nizomga
ILOVA
ILOVA
T/r | Murojaatnoma bergan yuridik shaxsning nomi yoki jismoniy shaxsning familiyasi, ismi, otasining ismi | Murojaatnoma qabul qilingan sana | Murojaatnoma mazmuni | Axborot uchun to‘langan haq summasi, so‘m | Axborot berilgan yoki rad etilgan sana | Murojaatnomani qabul qilib olgan xodimning familiyasi va imzosi |
1 | 2 | 3 | 4 | 5 | 6 | 7 |