Tadbirlar nomi | Mas’ul vazirliklar va idoralar | Tadbirni amalga oshirishning hisoblangan qiymati* (mln so‘m) | Moliyalashtirish manbalari | Bajarish muddatlari | |
I. Infratuzilma va moddiy-texnik bazani rivojlantirish | |||||
1. | Texnik topshiriqqa binoan yovvoyi hayvonlarni tutqunlikda saqlash bo‘yicha xalqaro talablarga muvofiq Toshkent hayvonot bog‘i (keyingi o‘rinlarda hayvonot bog‘i deb ataladi) obyektlarini qurish, rekonstruksiya qilish va mukammal ta’mirlash bo‘yicha loyiha-smeta hujjatlarini ishlab chiqish (mahalliy qozonxona binosini, sovuq va issiq suv ta’minoti, isitish, energiya ta’minoti, gaz ta’minoti tizimini, shuningdek hayvonot bog‘i volyerlarini rekonstruksiya qilish) | Toshkent shahri hokimligi, Toshkent hayvonot bog‘i, “Davarxitektqurilish” qo‘mitasi, Madaniyat va sport ishlari vazirligi, “O‘zshaharsozlikLITI” DUK | Mahalliy budjet | Toshkent shahri hokimligi mablag‘lari | 2016-yil |
2. | Ishlab chiqilgan loyiha-smeta hujjatlariga muvofiq hayvonot bog‘i obyektlarini qurish, rekonstruksiya qilish va mukammal ta’mirlash | Toshkent shahri hokimligi, “Davarxitektqurilish” qo‘mitasi, Madaniyat vazirligi, “O‘zshaharsozlikLITI” DUK | Loyiha-smeta hujjatlari ishlab chiqilishi yakunlari bo‘yicha aniqlanadi | Moliyalashtirish manbalari loyiha-smeta hujjatlari ishlab chiqilishi yakunlari bo‘yicha aniqlanadi | 2016 — 2020-yillar |
3. | Hayvonot bog‘i hududida volyerlar va “Akvanarium” qurish loyiha-smeta hujjatlarini ishlab chiqish | “Davarxitektqurilish” qo‘mitasi, Madaniyat vazirligi, Toshkent shahri hokimligi, “O‘zshaharsozlikLITI” DUK | Loyiha-smeta hujjatlari ishlab chiqilishi yakunlari bo‘yicha aniqlanadi | Moliyalashtirish manbalari loyiha-smeta hujjatlari ishlab chiqilishi yakunlari bo‘yicha aniqlanadi | 2017-yil |
4. | Hayvonot bog‘i hududida tashrif buyuruvchilar uchun zamonaviy bolalar ko‘ngilochar attraksion maydonchalari, wi-fi zonali qahvaxonalar va shu kabilarni o‘z ichiga oluvchi qo‘shimcha qulayliklar tashkil etish. | Toshkent shahri hokimligi, Toshkent shahar arxitektura va qurilish bosh boshqarmasi, Toshkent hayvonot bog‘i | 1000,0 | Toshkent hayvonot bog‘ining budjetdan tashqari mablag‘lari | 2016-2017-yillar |
5. | Hayvonot bog‘ida ekskursiyalar tashkil etish uchun ikkita elektromobil xarid qilish | Toshkent hayvonot bog‘i | 700,0 | Toshkent hayvonot bog‘ining budjetdan tashqari mablag‘lari | 2016-yil |
II. Ilmiy-tadqiqot va seleksiya faoliyatini rivojlantirish | |||||
6. | Hayvonot bog‘i tuzilmasida tashkil etiladigan zoologiya va zoomuhandislik laboratoriyalari negizida oliy ta’lim muassasalari talabalarining ixtisosli yo‘nalishlar bo‘yicha ishlab chiqarish, diplomoldi amaliyotidan o‘tishlari bo‘yicha dasturlarni ishlab chiqish, ularga bakalavrlarning diplom, bitiruv ishlarini va magistrlik disseratsiyalarini tayyorlash uchun shart-sharoitlar yaratish | Oliy va o‘rta maxsus ta’lim vazirligi, Toshkent hayvonot bog‘i | Har yili byudj�tdan ajratiladigan mablag‘lar doirasida | Oliy va o‘rta maxsus ta’lim vazirligi, Toshkent hayvonot bog‘i mablag‘lari | Doimo |
7. | Ilmiy-ma’rifiy faoliyatni tashkil etish va rivojlantirish, shu jumladan: a) faunistik tadqiqotlarni rivojlantirish, shuningdek zoologiya va zoomuhandislik laboratoriyalari uchun zamonaviy ilmiy majmua barpo etish; b) chiplar o‘rnatish usuli orqali hayvonlarni hisobga olish va inventarizatsiya qilishning umumjahon dasturi amaliyotini joriy etish; v) hayvonot bog‘i hayvonlarining ma’lumotlar bazasini tashkil etish va zotlari kitoblarini tuzish | Madaniyat vazirligi, Toshkent shahri hokimligi, O‘zbekiston Respublikasi Fanlar akademiyasi, Toshkent hayvonot bog‘i | Har yili budjetdan ajratiladigan mablag‘lar va hayvonot bog‘ining budjetdan tashqari mablag‘lari doirasida | Madaniyat vazirligi, Toshkent shahri hokimligi, O‘zbekiston Respublikasi Fanlar akademiyasi Toshkent hayvonot bog‘i mablag‘lari | 2017-2018-yillar |
8. | Quyidagilar yo‘li bilan hayvonot bog‘i mutaxassislarining malakasini oshirish: a) Yevropa va Osiyo hayvonot bog‘lari va akvariumlari mintaqaviy assotsiatsiyasi tomonidan o‘tkaziladigan yillik konferensiyalarda hayvonot bog‘i mutaxassislarining ishtirokini ta’minlash; b) xodimlarni jahonning yetakchi hayvonot bog‘lariga stajirovkaga yuborish | Toshkent hayvonot bog‘i, Toshkent shahri hokimligi, Madaniyat vazirligi | 30,0 | Toshkent hayvonot bog‘ining budjetdan tashqari mablag‘lari | Har yili |
9. | Qimmatbaho va noyob hayvon turlarini sun’iy chatishtirish orqali zamonaviy seleksiya va inkubatsiya texnologiyalariga ravon o‘tish chora-tadbirlarini amalga oshirish. | Toshkent hayvonot bog‘i | 100,0 | Toshkent hayvonot bog‘ining budjetdan tashqari mablag‘lari | 2017-2018-yillar |
III. Hayvonot dunyosi kolleksiyasini saqlash, to‘ldirish va boyitish | |||||
10. | Mahalliy fauna vakillari hisobiga hayvonot bog‘i kolleksiyasi tur tarkibini to‘ldirish va boyitish hamda yangi juftlarni shakllantirish, kolleksiyaning tur tarkibini genetik yangilash uchun noyob va yo‘qolib borayotgan hayvonlarni boshqa hayvonot bog‘lari bilan ayirboshlashga doir faoliyatni kengaytirish, shuningdek yaqin qon chatishuvlarini istisno etish | Ekologiya va atrof muhitni muhofaza qilish davlat qo‘mitasi, Toshkent hayvonot bog‘i | 100,0 | Toshkent hayvonot bog‘ining budjetdan tashqari mablag‘lari | Zaruriyatga ko‘ra |
11. | Faunaning yo‘qolib borayotgan va endemik turlari kolleksiyasini kengaytirish. | Ekologiya va atrof muhitni muhofaza qilish davlat qo‘mitasi, Toshkent hayvonot bog‘i | 50,0 | Toshkent hayvonot bog‘ining budjetdan tashqari m?blag‘lari | Zaruriyatga ko‘ra |
12. | Aniq maqsadga yo‘naltirilgan maxsus epizootga qarshi tadbirlarni amalga oshirish; | Toshkent hayvonot bog‘i | - | Toshkent hayvonot bog‘ining budjetdan tashqari mablag‘lari | Doimo |
IV. Ta’lim va madaniy-ma’rifiy faoliyatni rivojlantirish | |||||
13. | Maktabgacha va maktab yoshidagi o‘quvchilar uchun maxsus to‘garaklar tashkil etish | Toshkent hayvonot bog‘i, Xalq ta’limi vazirligi | Xarajatlar talab etilmaydi | Toshkent hayvonot bog‘i, Xalq ta’limi vazirligi mablag‘lari | 2016-yil |
14. | Maktab o‘quvchilari uchun multimedia ta’lim resurslari dasturini ishlab chiqish, hayvonot bog‘ida akademik litseylar va kasb-hunar kollejlari o‘quvchilari va oliy ta’lim muassasalari talabalarining ishlab chiqarish va diplomoldi amaliyotidan o‘tishlarini tashkil etish | Toshkent hayvonot bog‘i, Oliy va o‘rta maxsus ta’lim vazirligi, | 30,0 | Toshkent hayvonot bog‘ining budjetdan tashqari mablag‘lari | 2016-yil |
15. | O‘quv kurslari, ekskursiyalar, ko‘rgazmalar tashkil etish, shuningdek radioeshittirishlar va teleko‘rsatuvlar uyushtirish va ommaviy axborot vositalarida materiallar e’lon qilish yo‘li bilan ta’lim va ma’rifiy faoliyatni rivojlantirish | Toshkent hayvonot bog‘i, Madaniyat vazirligi | 50,0 | Toshkent hayvonot bog‘ining budjetdan tashqari mablag‘lari | Doimo |
16. | Ko‘rgazmali axborot materiallarini, shu jumladan hayvonot bog‘i faunasining xilma-xilligi to‘g‘risida reklama bukletlarini ishlab chiqish, tayyorlash, nashr etish va e’lon qilish | Toshkent hayvonot bog‘i | 50,0 | Toshkent hayvonot bog‘ining budjetdan t�shqari mablag‘lari | Zaruriyatga ko‘ra |
17. | Hayvonot bog‘iga maktablar, akademik litseylar, kasb-hunar kollejlari o‘quvchilari va oliy ta’lim muassasalari talabalarining bepul tashriflarini tashkil etish bo‘yicha uch tomonlama reja-jadvallarni tasdiqlash | Toshkent hayvonot bog‘i, Xalq ta’limi vazirligi, Oliy va o‘rta maxsus ta’lim vazirligi | - | Xalq ta’limi vazirligi, Oliy va o‘rta maxsus ta’lim vazirligi, Toshkent hayvonot bog‘i mablag‘lari | 2016 — 2020-yillar |
V. Axborot-kommunikatsiya texnologiyalarini joriy etish va keng qo‘llash | |||||
18. | Hayvonot bog‘ining http://www.ipzoo.uz veb-saytini takomillashtirish. Bunda quyidagilarni nazarda tutish: veb-saytni Content Management System (CMS) boshqaruvining professional tizimiga o‘tkazish; ve?-sayt dizaynini yaxshilash; veb-sayt funksiyalarini ko‘paytirish; veb-sayt bo‘limlari bilan ishlashda yanada qulay interfeys tashkil etish; veb-saytda hayvonot bog‘i bo‘ylab virtual sayohat pavilonlar, ko‘ngilochar attraksionlar, kafe va hayvonot bog‘ining boshqa infratuzilmasi joylashuvi to‘g‘risidagi batafsil ma’lumot beradigan elektron xarita-yo‘lko‘rsatkich yaratish | Toshkent hayvonot bog‘i, Madaniyat va sport ishlari vazirligi | 50,0 | Toshkent hayvonot bog‘ining budjetdan tashqari mablag‘lari | 2016-yil oxirigacha, doimiy asosda yangilagan holda |
19. | Internet tarmog‘ining mashhur qidiruv tizimlarida hamda elektron kartalarda (Google va boshqalar) hayvonot bog‘i to‘g‘risidagi batafsil axborotni joylashtirish va quyidagi axborotni ko‘rsatish: hayvonot bog‘iga borish chizmasi; hayvonot bog‘ining ish jadvali; kirish chiptalarining narxi; hayvonot bog‘ining sxematik xaritasi; hayvonot bog‘i faunasi to‘g‘risidagi ma’lumotlar va boshqalar | Toshkent hayvonot bog‘i | 20,0 | Toshkent hayvonot bog‘ining budjetdan tashqari mablag‘lari | 2016-yil oxirigacha, doimiy asosda yangilagan holda |
20. | Hayvonot bog‘ining tarixiga, uning ilmiy faoliyatiga, faunasiga va shu kabilarga bag‘ishlangan maqolalar tayyorlash va ularni umumta’lim “ZiyoNet” tarmog‘ida joylashtirish | Toshkent hayvonot bog‘i | 10,0 | Toshkent hayvonot bog‘ining budjetdan tashqari mablag‘lari | Doimo |
21. | Hayvonot bog‘ida audio-gid xizmatlarini tashkil etish uchun zamonaviy uskunalar jamlamasini xarid qilish | Toshkent hayvonot bog‘i | 50,0 | Toshkent hayvonot bog‘ining budjetdan tashqari mablag‘lari | 2016-yil |
22. | Tashrif buyuruvchilarni, xodimlarning ish vaqtini va hayvonot bog‘i xavfsizligini ta’minlash uchun asbob-uskunalar majmuini o‘z ichiga oluvchi tizimni xarid qilish orqali sensorli to‘siqlar va panjaralardan foydalaniladigan elektron turniket tizimni o‘rnatish | Toshkent hayvonot bog‘i | 160,0 | Toshkent hayvonot bog‘ining budjetdan tashqari mablag‘lari | 2016-yil |
O‘zbekiston Respublikasi Vazirlar Mahkamasining qarori, 20.05.2016 yildagi 163-son
Кучга кириш санаси
30.05.2016
Рус
Ўзб
O’zb
O‘zb|Рус
Hujjat kuchini yo‘qotgan 14.12.2019
|
LexUZ sharhi
Mazkur qaror O‘zbekiston Respublikasi Vazirlar Mahkamasining 2019-yil 13-dekabrdagi 996-sonli “Toshkent hayvonot bog‘ini kelgusida modernizatsiya qilish chora-tadbirlari to‘g‘risida”gi qaroriga asosan o‘z kuchini yo‘qotgan.
Toshkent hayvonot bog‘ini (keyingi o‘rinlarda hayvonot bog‘i deb ataladi) zamonaviy madaniy-tomosha va ilmiy-ma’rifiy davlat muassasasi sifatida rivojlantirish, hayvonot bog‘i kolleksiyasini noyob va ekzotik hayvonlar bilan to‘ldirishni ta’minlash, shuningdek hayvonlarni saqlash uchun qulay shart-sharoitlar yaratish maqsadida Vazirlar Mahkamasi qaror qiladi:
2016 — 2020-yillar davrida Toshkent hayvonot bog‘ini rivojlantirish konsepsiyasi (keyingi o‘rinlarda Konsepsiya deb ataladi) 1-ilovaga muvofiq;
2016 — 2020-yillar davrida Toshkent hayvonot bog‘ini rivojlantirish konsepsiyasini amalga oshirish chora-tadbirlari rejasi (keyingi o‘rinlarda Tadbirlar rejasi deb ataladi) 2-ilovaga muvofiq ma’qullansin. Tadbirlar rejasi quyidagilarga yo‘naltirilgan kompleks tadbirlarni nazarda tutadi:
hayvonot bog‘i obyektlari qurish, ularni rekonstruksiya qilish va mukammal ta’mirlash hamda yovvoyi hayvonlarni tutqinlikda saqlash bo‘yicha xalqaro talablarga muvofiq jihozlash yo‘li bilan hayvonot bog‘i infratuzilmasi va moddiy-texnika bazasini takomillashtirish;
zoologik izlanishlar, zoologik laboratoriyalar va zoomuhandislikni rivojlantirish uchun zamonaviy ilmiy majmua tashkil etish yo‘li bilan ilmiy-tadqiqot va seleksiya faoliyatini rivojlantirish;
hayvonlarni tutqinlikda sun’iy ko‘paytirish, boshqa hayvonot bog‘lari bilan hayvonlarni ayirboshlash, maqsadli maxsus va epizootga qarshi tadbirlarni amalga oshirish hisobiga hayvonot bog‘i genofondini saqlash, to‘ldirish va yanada boyitish;
maktabgacha va maktab yoshidagi bolalar uchun maxsus to‘garaklar tashkil etish, maktab o‘quvchilari uchun multimedia ta’lim resurslarini ishlab chiqish, akademik litseylar va kasb-hunar kollejlari o‘quvchilari, oliy ta’lim muassasalari talabalarining hayvonot bog‘ida ishlab chiqarish va diplomoldi amaliyotidan o‘tishlarini tashkil etish, o‘quv kurslari, ekskursiyalar, ko‘rgazmalar, shuningdek teleko‘rsatuvlar tashkil etish va ommaviy axborot vositalarida materiallar e’lon qilish yo‘li bilan ta’lim va ma’rifiy faoliyatni rivojlantirish;
veb-saytni takomillashtirish, hayvonot bog‘i pavilonlarining joylashishi to‘g‘risidagi batafsil ma’lumotlar mavjud bo‘lgan elektron xarita — yo‘l ko‘rsatuvchi yaratish yo‘li bilan axborot-kommunikatsiya texnologiyalarini joriy etish va keng qo‘llash.
2. Hayvonot bog‘i hududidagi obyektlarni qurish, rekonstruksiya qilish va mukammal ta’mirlash ishlarini amalga oshirish doirasida:
Toshkent shahar hokimligining “Yagona buyurtmachi xizmati” ijiniring kompaniyasi — buyurtmachi etib;
hayvonot bog‘i obyektlarini qurish, rekonstruksiya qilish va mukammal ta’mirlash bo‘yicha loyiha-smeta hujjatlari ishlab chiqilishini;
Tadbirlar rejasi amalda ro‘yobga chiqarilishini ta’minlaydigan asoslangan takliflar O‘zbekiston Respublikasi Iqtisodiyot vazirligi va Moliya vazirligiga o‘z vaqtida kiritilishini;
Tadbirlar rejasida nazarda tutilgan obyektlarni qurish, rekonstruksiya qilish va mukammal ta’mirlash ishlarini bajarish uchun pudrat tashkilotlari sifatli aniqlanishini ta’minlasin.
4. O‘zbekiston Respublikasi “Davarxitektqurilish” qo‘mitasi loyiha-smeta hujjatlarining davlat ekspertizasi zarur tarzda o‘tkazilishini belgilangan tartibda ta’minlasin hamda qurilish-montaj ishlari bajarilishi ustidan qat’iy davlat arxitektura-qurilish nazorati o‘rnatsin.
5. O‘zbekiston Respublikasi Iqtisodiyot vazirligi va Moliya vazirligi tasdiqlangan loyiha-smeta hujjatlariga muvofiq bajarilgan buyurtmachining asoslangan hisob-kitoblari bo‘yicha 2016-yilda hayvonot bog‘i obyektlarini qurish, rekonstruksiya qilish va mukammal ta’mirlashni moliyalashtirish manbalari bo‘yicha aniq takliflarni O‘zbekiston Respublikasi Vazirlar Mahkamasiga kiritsinlar.
Hayvonot bog‘ini saqlash uchun uning xarajatlarining o‘z daromadlari bilan qoplanmagan qismiga budjetdan mablag‘ ajratish tartibi saqlab qolinsin.
6. O‘zbekiston Respublikasi Markaziy bankiga hayvonot bog‘ining o‘z ehtiyojlari uchun respublikada ishlab chiqarilmaydigan maxsus biopreparatlar, vitaminlar, ozuqa, asbob-uskunalar, asbob-uskunalarga butlovchi buyumlar va sarflash materiallari, shuningdek ekzotik hayvonlar xarid qilish uchun zarur bo‘lgan mablag‘lar hayvonot bog‘ining buyurtmanomalari bo‘yicha o‘z vaqtida konvertatsiya qilinishini ta’minlash tavsiya etilsin.
7. “O‘zbekiston havo yo‘llari” milliy aviakompaniyasi hayvonot bog‘ining o‘z ehtiyojlari uchun xarid qilinadigan maxsus biopreparatlar, vitaminlar, ozuqa, asbob-uskunalar, asbob-uskunalarga butlovchi buyumlar va sarflash materiallarini, shuningdek ekzotik hayvonlarni tashish uchun e’lon qilingan yuk tariflarining 10 foizi miqdorida chegirma berilishini ta’minlasin.
(8-bandning birinchi xatboshisi O‘zbekiston Respublikasi Vazirlar Mahkamasining 2017-yil 11-maydagi 270-sonli qarori tahririda — O‘R QHT, 2017-y., 19-son, 345-modda)
2016-yil 15-iyulgacha bo‘lgan muddatda O‘zbekiston Respublikasi Iqtisodiyot vazirligi, Moliya vazirligi, Fanlar akademiyasi, “Davarxitektqurilish” qo‘mitasi, Samarqand, Surxondaryo va Farg‘ona viloyatlari hokimliklari bilan birgalikda Samarqand va Farg‘ona shaharlarida Toshkent hayvonot bog‘ining filiallarini qurish va Termiz shahri hayvonot bog‘ini rekonstruksiya qilish bo‘yicha takliflar ishlab chiqilishini va O‘zbekiston Respublikasi Vazirlar Mahkamasiga kiritilishini;
O‘zbekiston Respublikasi Tashqi iqtisodiy aloqalar, investitsiyalar va savdo vazirligi bilan birgalikda tasdiqlangan Tadbirlar rejasiga kiritilgan tadbirlarni birgalikda moliyalashtirish uchun xorijiy investitsiyalarni, donor-mamlakatlarning kreditlari va grantlarini jalb etish ishlari muntazam olib borilishini;
Toshkent hayvonot bog‘i bilan birgalikda Tadbirlar rejasi bajarilishi haqidagi axborot Vazirlar Mahkamasiga yilning har choragida kiritilishini ta’minlasin.
9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari A.I. Ikramov va B.I. Zakirov zimmasiga yuklansin.
“Toshkent hayvonot bog‘i” davlat muassasasi (keyingi o‘rinlarda hayvonot bog‘i deb ataladi) hayvonlarning noyob va qimmatli turlarini saqlash, ko‘paytirish va tabiatga qayta qo‘yib yuborishga ixtisoslashgan markaziy madaniy-tomosha va ilmiy-ma’rifiy muassasa hisoblanadi, xalqaro Qizil kitobga va O‘zbekiston Respublikasi Qizil kitobiga kiritilgan noyob va yo‘qolib borayotgan hayvonlar kolleksiyasini tashkil etish va ularni sun’iy ko‘paytirish, aholini respublika va jahon faunasi bilan tanishtirish bo‘yicha maqsadli faoliyatni amalga oshiradi.
Hayvonot bog‘ining umumiy maydoni 21,5 gektarni tashkil etadi. Bugungi kunda unda 7 mingdan ortiq noyob, ekzotik va yo‘qolib borayotgan hayvonlar, baliqlar va qushlar turlari mavjud.
1. Hayvonot bog‘ini rivojlantirishning asosiy yo‘nalishlarini belgilash hamda yaqin va uzoq muddatli istiqbolda markaziy madaniy-tomosha va ilmiy-ma’rifiy muassasa sifatida uning faoliyatini tashkil etish 2016 — 2020-yillar davrida Toshkent hayvonot bog‘ini rivojlantirish konsepsiyasini (keyingi o‘rinlarda Konsepsiya deb ataladi) ishlab chiqishning maqsadi hisoblanadi. Konsepsiyani izchil amalga oshirish hayvonot bog‘ining kolleksiya fondini tizimli boyitish va o‘rnini to‘ldirish, O‘zbekistonning tabiiy boyligini, ayniqsa hayvonlarning noyob, endemik va Qizil kitoblarga kiritilgan turlarini muntazam o‘rganish va saqlash ishlarini yanada kengaytirish va chuqurlashtirishga qo‘shimcha turtki beradi va yangi imkoniyatlar ochadi.
2. Mazkur Konsepsiya hayvonot bog‘ini rivojlantirish va uning doimiy faoliyatini tashkil etishning quyidagi asosiy yo‘nalishlarini nazarda tutadi:
hayvonot bog‘i kolleksiya fondini saqlash, boyitish va o‘rnini to‘ldirish ishlarini tizimli tashkil etish;
3. Hayvonot bog‘ining madaniy-tomosha va ilmiy-ma’rifiy faoliyatini rivojlantirish, birinchi navbatda, hayvonot bog‘ining moddiy-texnika bazasini mustahkamlashni, mavjud hududni obodonlashtirish va ko‘kalamzorlashtirish, muhandislik tarmoqlarini (suv ta’minoti, isitish, elektr ta’minoti, kanalizatsiya kollektorlari tizimlarini) ta’mirlash va tiklash ishlarini oqilona tashkil etish va amalga oshirish yo‘li bilan hayvonlarni saqlash uchun ularning tabiiy yashash muhitiga eng ko‘p yaqinlashtirilgan yanada qulay shart-sharoitlar yaratishni talab etadi.
mavjud ekspozitsiya volyerlari tashqi ko‘rinishini jahonning yetakchi hayvonot bog‘lari misolida tubdan o‘zgartirish;
mavjud volyerlarni rekonstruksiya qilish va kolleksiyaning son va tur tarkibini kengaytirish uchun yangi zamonaviy volyerlar qurish;
hayvonot bog‘i hududida yuqori texnologiyali “Akvanarium” qurish va dengiz jonivorlari va baliqlaridan iborat ekspozitsiya yaratish;
faunistik tadqiqotlarni rivojlantirish uchun zamonaviy ilmiy majmua, shuningdek zoologiya va zoomuhandislik laboratoriyalari barpo etish;
hayvonot bog‘i veterinariya shifoxonasining texnik bazasini mustahkamlash va zamonaviy tibbiy uskunalar bilan jihozlash (elektrokardiograf, ultratovushli skaner, narkozli nafas berish apparati, laboratoriya analizatorlari, endoskopik va rentgen uskunalari);
hayvonot bog‘ining har bir ekspozitsiya obyektini o‘z yo‘nalishini hisobga olgan holda obodonlashtirish.
5. Hayvonot bog‘i faoliyati jarayonida turli faunalarga mansub hayvonlarni yangi iqlimga ko‘niktirish (akklimitizatsiya) va iqlimlashtirishning dastlabki bosqichi (introduksiya) natijalari tizimli asosda umumlashtiriladigan ilmiy-ma’rifiy muassasa sifatida faoliyat ko‘rsatadi.
Mahalliy fauna hayvonlari hisobiga kolleksiyaning tur tarkibini tizimli asosda to‘ldirish va boyitish tadbirlarini amalga oshirish hamda hayvonlarning noyob va yo‘qolib borayotgan turlarini jahonning boshqa hayvonot bog‘lari bilan ayirboshlash borasidagi faoliyatni kengaytirish, bular yangi juftlarni shakllantirish va hayvonot bog‘i kolleksiyasi tur tarkibini genetik yangilash uchun amaliy imkoniyat hisoblanadi.
Ilmiy faoliyatni rivojlantirish, kadrlar malakasini oshirishni va jahonning yetakchi hayvonot bog‘lari mutaxassislari bilan ish tajribasini almashishni tizimli tashkil etish dolzarb yo‘nalishlar hisoblanadi.
6. Ilmiy tadqiqotlarning yanada yuqori darajasiga erishish maqsadida hayvonot bog‘ining ilmiy salohiyatini jumladan innovatsiya yo‘nalishlari bo‘yicha oshirish quyidagilarni ta’minlaydigan chora-tadbirlar qabul qilinishini talab qiladi:
tuzilmani rivojlantirish, jahonning yetakchi hayvonot bog‘lari misolida zamonaviy yo‘nalishlar bo‘yicha yangi ixtisoslashtirilgan bo‘linmalar (bo‘limlar va laboratoriyalar) tashkil etgan holda ilmiy-tadqiqot va ilmiy-ma’rifiy ishlarni kengaytirish;
veterinariya tadqiqotlarining zamonaviy darajasini ta’minlash uchun laboratoriya infratuzilmasini takomillashtirish;
mahalliy sharoitlarda hayvonlarning qimmatli va noyob turlari va zotlari seleksiyasi va inkubatsiyasi bo‘yicha zamonaviy texnologiyalarga ravon o‘tishga doir tizimli chora-tadbirlarni amalga oshirish.
7. Hayvonot bog‘i ekspozitsiyalarini saqlash, to‘ldirish va boyitish quyidagi yo‘llar bilan amalga oshiriladi:
boshqa hayvonot bog‘larining hayvonlari bilan ayirboshlash orqali hayvonot bog‘i genofondini saqlash va boyitish;
8. Hayvonot dunyosining xilma-xilligini o‘rganish, o‘sib kelayotgan avlodda jonivorlarga muhabbat va ularni ehtiyot qilish tuyg‘usini tarbiyalashda maktabgacha, umumiy o‘rta, o‘rta maxsus, kasb-hunar va oliy ta’lim sohasida hayvonot bog‘i muhim o‘rin tutadi.
Qayd etish zarurki, o‘qitish bevosita amaliy mashg‘ulotlar bilan uzluksiz bog‘liqligi, jarayonda hayvonlarning bevosita ishtirok etishi hayvonot bog‘idagi ta’lim jarayonining bosh xususiyati va farq qiluvchi ustunligi hisoblanadi.
Hayvonlar bilan, ayniqsa jahonning boshqa qit’alarida yashaydigan hayvonlar bilan yuzma-yuz tanishish uchungina emas, balki ular bilan ishlashning amaliy ko‘nikmalariga ega bo‘lish uchun imkoniyat beradigan resurs sifatida hayvonot bog‘ining mutlaq roli aynan mana shunda namoyon bo‘ladi.
9. Hayvonot bog‘ining ta’lim dasturi ta’lim oluvchilarning yoshiga qarab quyidagi turlarga bo‘linadi:
10. Umumiy ta’lim maktabgacha va maktab yoshidagi bolalar uchun tashkil etilgan “Yosh tabiatshunos” to‘garagida mashg‘ulotlar tashkil etilishini nazarda tutadi.
11. Umumiy o‘rta ta’lim maktab o‘quvchilari uchun multimediyali ta’lim resurslari ishlab chiqilishini, hayvonot bog‘ida darslar o‘tkazilishini, bevosita jalb etilgan o‘quvchilar ishtirokida sinfdan tashqari ilmiy-amaliy va tadqiqotchilik faoliyati amalga oshirilishini nazarda tutadi.
12. O‘rta maxsus, kasb-hunar va oliy ta’lim akademik litseylar va kasb-hunar kollejlari o‘quvchilari va oliy ta’lim muassasalari talabalari uchun multimediyali ta’lim resurslarini ishlab chiqish, hayvonot bog‘ida ishlab chiqarish, diplomoldi amaliyotidan o‘tish, bakalavrlarning diplom, bitirish malaka ishlarini hamda magistrlik dissertatsiyalarini tayyorlash, shuningdek o‘quv kurslarini tashkil etilishini nazarda tutadi.
13. Madaniy va ma’rifiy faoliyat tadbirlarning keng doirasini, shu jumladan quyidagilarni qamrab oladi:
hayvonot bog‘i to‘g‘risidagi ko‘rgazmali axborot materiallarini ishlab chiqish, nashr etish, tayyorlash va e’lon qilish;
ekskursiyalar, ko‘rgazmalar, ommaviy ma’ruzalar, teleko‘rsatuvlar tashkil etish, ommaviy axborot vositalarida e’lon qilish;
“Butunjahon yer kuni”, “Butunjahon atrof muhit kuni”, “Butunjahon biologik xilma-xillik kuni” “Dekorativ kabutarlar festivali” kabi atrof muhitni muhofaza qilish muammolariga bag‘ishlangan tadbirlarni tashkil etish va o‘tkazish.
14. Hayvonot bog‘i faoliyatining samaradorligini oshirish, axborot resurslaridan keng foydalanish va aniq maqsadli auditoriyani ma’rifiy faoliyat bilan yanada samarali qamrab olish, shuningdek hayvonot bog‘ining reklama-turistik salohiyatini rivojlantirish maqsadida zamonaviy axborot-kommunikatsiya texnologiyalarini faol joriy etish va keng qo‘llash bo‘yicha kompleks chora-tadbirlarni qabul qilish zarur.
axborot-o‘qitish resurslarini joriy etish va taqdim etish yo‘li bilan (elektron kutubxonalar, elektron kitoblar, elektron davriy nashrlar, axborot tizimlari);
16. Hayvonot bog‘ida axborot-kommunikatsiya texnologiyalarini rivojlantirish tadbirlari quyidagi asosiy yo‘nalishlarni o‘z ichiga oladi:
hayvonot bog‘ining veb-saytida va ommaviy elektron qidiruv tizimlarida (Google va boshqalar) hayvonot bog‘i to‘g‘risida batafsil ma’lumotni joylashtirish;
hayvonot bog‘i hayvonot dunyosi genofondi shakllanishi tarixiga va uning hozirgi holatini yoritishga bag‘ishlangan maqolalarni tayyorlash va joylashtirish;
hayvonot bog‘ining noyob hayvonot dunyosi to‘g‘risida zarur obzorli axborotni taqdim etgan holda yo‘l ko‘rsatuvchi — elektron xaritani tashkil etish, jumladan hayvonot bog‘ining butun hududi bo‘yicha elektron axborot displeylarini qo‘llash;
17. Konsepsiya 2016 — 2020-yillar davrida Toshkent hayvonot bog‘ini rivojlantirish konsepsiyasini amalga oshirish tadbirlari rejasi (keyingi o‘rinlarda Tadbirlar rejasi deb ataladi) sifatli va to‘liq bajarilishi orqali amalga oshiriladi.
18. O‘zbekiston Respublikasi Vazirlar Mahkamasining qarori bilan tasdiqlangan Tadbirlar rejasining o‘z vaqtida va sifatli amalga oshirilishini muvofiqlashtirish hamda to‘liq hajmda va belgilangan muddatlarda amalga oshirilishi ustidan nazorat qilish Madaniyat vazirligi va Toshkent shahri hokimligi tomonidan amalga oshiriladi, ular:
(18-bandning birinchi xatboshisi O‘zbekiston Respublikasi Vazirlar Mahkamasining 2017-yil 11-maydagi 270-sonli qarori tahririda — O‘R QHT, 2017-y., 19-son, 345-modda)
har yili O‘zbekiston Respublikasi Iqtisodiyot vazirligi va Moliya vazirligiga moliyalashtirish manbalarini aniqlashtirish uchun tegishli loyihalar bo‘yicha takliflar kiritadilar;
mas’ul bajaruvchilar bilan birgalikda moddiy-texnika resurslari, texnologik quvvatlar va shu kabilarni hisobga olgan holda Tadbirlar rejasini o‘rganadilar hamda aniqlashtirish va tuzatish bo‘yicha takliflar tayyorlaydilar;
ushbu Konsepsiyani amalga oshirish uchun ajratilgan moliyaviy mablag‘lar va moddiy resurslardan maqsadli va samarali foydalanish ustidan monitoring olib boradilar;
Tadbirlar rejasini, shuningdek Konsepsiyani amalga oshirish mexanizmini takomillashtirish, amalga oshirish usullari va shart-sharoitlari bo‘yicha takliflar kiritadilar;
Konsepsiyani amalga oshirish bo‘yicha Tadbirlar rejasining bajarilishi to‘g‘risidagi axborotni har chorakda Vazirlar Mahkamasiga taqdim etadilar.
Tadbirlarni amalga oshirish uchun ajratilgan moliyaviy mablag‘lardan aniq maqsadda va samarali foydalanishni;
Toshkent shahri hokimligiga har choraklik asosida Konsepsiya va Tadbirlar rejasining amalga oshirilishi to‘g‘risida axborot taqdim etilishini;
har yili O‘zbekiston Respublikasi Moliya vazirligi va Iqtisodiyot vazirligiga Konsepsiyani va Tadbirlar rejasini amalga oshirishni moliyalashtirish manbalarini aniqlash uchun keyingi yil uchun moliyaviy mablag‘larga bo‘lgan ehtiyojlar to‘g‘risida asoslangan takliflar belgilangan tartibda kiritilishini;
oldinga qo‘yilgan maqsadlar va vazifalarga erishishga ta’sir qilishi mumkin bo‘lgan xavf-xatarlarni bartaraf etish bo‘yicha o‘z vaqtida zarur choralarni ko‘rish uchun bo‘lishi mumkin bo‘lgan xavf-xatarlarning monitoringi doimiy asosda olib borilishini ta’minlaydilar.
(2-ilova O‘zbekiston Respublikasi Vazirlar Mahkamasining 2017-yil 14-noyabrdagi 915-sonli qarori tahririda — Qonun hujjatlari ma’lumotlari milliy bazasi, 15.11.2017-y., 09/17/915/0259-son)