LexUZ sharhi
Mazkur Qonun O‘zbekiston Respublikasi 2022-yil 3-avgustdagi O‘RQ-786-sonli “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish, shuningdek ayrim qonun hujjatlarini o‘z kuchini yo‘qotgan deb topish to‘g‘risida”gi Qonuniga asosan 2022-yil 5-noyabrdan o‘z kuchini yo‘qotadi.
O‘zbekiston Respublikasi Oliy Kengashi qaror qiladi:
1. Surishtiruv organiga, tergovchi, prokuror huzuriga yoki sudga chaqiriladigan guvohlar, jabrlanuvchilar, ekspertlar, mutaxassislar, tarjimonlar va xolislarga o‘z turar joyidan shu chaqirilgan erga kelish va bu erdan qaytib ketish xarajatlari korxonalar, muassasalar va tashkilotlarning xodimlariga xizmat safariga borish va qaytish xarajatlarini qoplash uchun belgilangan tartibda to‘lanadi.
Keyingi tahrirga qarang.
2. Guvohlar, jabrlanuvchilar, ekspertlar, mutaxassislar, tarjimonlar va xolislar o‘zlarining doimiy yashash joylaridan tashqaridagi surishtiruv organiga, tergovchi, prokuror huzuriga yoki sudga chaqirilganda va ular shu chaqirilgan joyda bir sutkadan ortiq turishlari lozim bo‘lganda, ularga turar joy binosini ijaraga olganlik uchun qilingan xarajatlar va sutkalik xarajatlar, shuningdek xizmat safari bilan bog‘liq qo‘shimcha xarajatlar korxonalar, muassasalar va tashkilotlar xodimlarining xizmat safari bilan bog‘liq bo‘lgan xarajatlarni qoplash uchun belgilangan tartibda va miqdorda to‘lanadi.
Keyingi tahrirga qarang.
LexUZ sharhi
Qarang: O‘zbekiston Respublikasi hududidagi xizmat safarlari to‘g‘risidagi Yo‘riqnoma (ro‘yxat № 1268 29.08.2003-y.).
Oldingi tahrirga qarang.
(3-modda O‘zbekiston Respublikasining 1994-yil 23-sentabrdagi 2022-XII-son Qonuni tahririda — Oliy Kengash Axborotnomasi, 1994-y., 11-12-son, 285-modda)
Keyingi tahrirga qarang.
Oldingi tahrirga qarang.
4. Tarjimonlar yozma tarjimaga — har 1000 bosma (qo‘lyozma) belgi uchun eng kam ish haqiga nisbatan — 0,010-0,015 koeffitsiyenti bo‘yicha haq oladilar.
Sud majlislarida yoki surishtiruv organlari va dastlabki tergov organlari o‘tkazadigan so‘roqlarda tarjimon sifatida qatnashganlik uchun tarjimonlar eng kam ish haqiga nisbatan — ishning bir soatiga 0,015-0,020 koeffitsiyenti bo‘yicha haq oladilar.
(4-modda O‘zbekiston Respublikasining 1994-yil 23-sentabrdagi 2022-XII-son Qonuni tahririda — Oliy Kengash Axborotnomasi, 1994-y., 11-12-son, 285-modda)
Keyingi tahrirga qarang.
5. Ekspertlar, mutaxassislar va tarjimonlar bajargan ishlari uchun surishtiruv yoki dastlabki tergov organlarining qaroriga yoxud sudning ajrimiga binoan haq oladilar.
Keyingi tahrirga qarang.
Bu haqning miqdori ekspert, mutaxassis yoki tarjimonni chaqirgan idora tomonidan ularning malakasi va ishning murakkabligi, shuningdek bajarilgan ish uchun sarflangan vaqtni hisobga olib belgilanadi.
6. Ushbu Qonunda ko‘rsatilgan barcha pullar chaqiruvchi organ tomonidan: jinoiy ishlar bo‘yicha — smeta bo‘yicha maxsus ajratiladigan mablag‘lar hisobidan, fuqarolik ishlari bo‘yicha esa — taraflar beradigan pullar hisobidan to‘lanadi, taraflar ish yuzasidan qilinadigan xarajatlarni to‘lashdan ozod etilgan hollar bundan mustasnodir. Bunday hollarda pullar smeta bo‘yicha ajratiladigan mablag‘lar hisobidan to‘lanadi.
7. O‘zbekiston Respublikasi Jinoyat-protsessual kodeksining 86-moddasiga muvofiq guvohlar, jabrlanuvchilar, ekspertlar, mutaxassislar, tarjimonlar va xolislarga to‘lanadigan mablag‘lar jinoiy ishlar bo‘yicha sud xarajatlariga qo‘shiladi va O‘zbekiston Respublikasi Jinoyat-protsessual kodeksining 87-moddasida belgilangan tartibda undirib olinadi.
Keyingi tahrirga qarang.
8. Guvohlar, jabrlanuvchilar, ekspertlar, mutaxassislar, tarjimonlar va xolislarga haq ularni chaqirgan organ tomonidan bu shaxslar o‘z vazifalarini bajarib bo‘lganlaridan keyin, tegishli pullar ish yuzasidan qilingan xarajatlar tarzida yoki hukm etilganlardan sud xarajatlari tarzida tashqaridan olingan va undirib olingan yoki olinmaganligidan qat’i nazar darhol to‘lanishi kerak.
Keyingi tahrirga qarang.
9. Surishtiruv organiga, tergovchi, prokuror huzuriga yoki sudga guvohlar, jabrlanuvchilar, ekspertlar, mutaxassislar, tarjimonlar va xolislar sifatida chaqiriladigan harbiy xizmatchilarning xarajatlarini (yo‘lkira haqi, sutkalik haq va kvartira haqi) sud harbiy qismlarning talabiga binoan va harbiy xizmatchilarning pul ta’minoti to‘g‘risidagi nizomda belgilangan normalar bo‘yicha to‘laydi.
Keyingi tahrirga qarang.
10. Ushbu Qonun xizmat topshirig‘i sifatida o‘z vazifalarini bajaradigan ekspertlar, mutaxassislar va tarjimonlarga taalluqli emas.