O‘zbekiston Respublikasining “Xavfli ishlab chiqarish obyektlarining sanoat xavfsizligi to‘g‘risida”gi Qonuni hamda Vazirlar Mahkamasining 2011-yil 11-maydagi 131-son “O‘zbekiston Respublikasi Vazirlar Mahkamasi huzuridagi Yer qa’rini geologik o‘rganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi tuzilmasini yanada takomillashtirishga doir chora-tadbirlar to‘g‘risida”gi qaroriga muvofiq buyuraman:
1. Yuk ko‘tarish mashinalarining soz holatda saqlanishiga javobgar bo‘lgan muhandis-texnik xodimlar uchun namunaviy yo‘riqnoma ilovaga muvofiq tasdiqlansin.
O‘zbekiston Respublikasi Vazirlar Mahkamasi huzuridagi Yer qa’rini geologik o‘rganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi boshlig‘ining 2016-yil 2-maydagi 47-son buyrug‘iga
ILOVA
ILOVA
Mazkur Namunaviy yo‘riqnoma O‘zbekiston Respublikasining “Xavfli ishlab chiqarish obyektlarining sanoat xavfsizligi to‘g‘risida”gi Qonuni hamda Vazirlar Mahkamasining 2011-yil 11-maydagi 131-son “O‘zbekiston Respublikasi Vazirlar Mahkamasi huzuridagi Yer qa’rini geologik o‘rganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi tuzilmasini yanada takomillashtirishga doir chora-tadbirlar to‘g‘risida”gi qaroriga muvofiq, yuk ko‘tarish mashinalarining soz holatda saqlanishiga javobgar bo‘lgan muhandis-texnik xodimlarning ish faoliyatini tashkil etishga qo‘yiladigan talablar, ularning vazifalari, huquq va javobgarligini belgilaydi.
1. Mazkur Namunaviy yo‘riqnoma yuk ko‘tarish mashinalarining soz holatda saqlanishiga javobgar bo‘lgan muhandis-texnik xodimlarga (bundan buyon matnda muhandis-texnik xodim deb yuritiladi) taalluqlidir.
2. Yuk ko‘tarish mashinalariga ega bo‘lgan tashkilotlar (bundan buyon matnda tashkilot deb yuritiladi) ushbu Namunaviy yo‘riqnoma asosida muhandis-texnik xodimlarning soni, tarkibi, shuningdek yuk ko‘tarish mashinalarini ishlatishga oid mahalliy sharoitlarni inobatga olgan holda muhandis-texnik xodimlar uchun lavozim yo‘riqnomalarini ishlab chiqishlari va tasdiqlashlari zarur.
3. Mazkur Namunaviy yo‘riqnomada yuk ko‘tarish mashinalari deganda minora kranlar, portal kranlar, ko‘priksimon kranlar, xarrak kranlar, strelali kranlar (avtomobil, temir yo‘l, zanjirli, pnevmo-g‘ildirakli, kran-manipulyatorlar, quvuryotqizgichlar), kabelli kranlar va ishlash jarayonida ko‘chmas asosga o‘rnatiladigan boshqa kranlar, elektr tallar tushuniladi.
4. Muhandis-texnik xodimlarning bilimlarini sinash Mehnat muhofazasi bo‘yicha o‘qishlarni tashkil qilish va bilimlarni sinash to‘g‘risidagi namunaviy nizomga (ro‘yxat raqami 272, 1996-yil 14-avgust) muvofiq amalga oshiriladi.
5. Muhandis-texnik xodim lavozimiga Mehnat muhofazasi bo‘yicha o‘qishlarni tashkil qilish va bilimlarni sinash to‘g‘risidagi namunaviy nizomga (ro‘yxat raqami 272, 1996-yil 14-avgust) muvofiq sinovdan o‘tgan shaxslar tashkilot rahbarining buyrug‘i bilan tayinlanadi.
6. Muhandis-texnik xodimlarning soni va tarkibi tashkilotda mavjud bo‘lgan yuk ko‘tarish mashinalarining soni va ularni ishlatish sharoitini hisobga olgan holda tashkilot rahbari tomonidan tasdiqlanadi.
7. Muhandis-texnik xodim tashkilotning bosh muhandisiga, agar tashkilotda bunday lavozim mavjud bo‘lmasa, to‘g‘ridan to‘g‘ri tashkilot rahbariga bo‘ysunadi.
8. Muhandis-texnik xodim mehnat ta’tilida, xizmat safarida bo‘lgan vaqtda yoki boshqa uzrli sabablarga ko‘ra ishda bo‘lmagan hollarda, uning vazifalarini vaqtincha bajarish tashkilot rahbarining buyrug‘i bilan zarur malakaga ega bo‘lgan boshqa muhandis-texnik xodimga yuklatilishi lozim.
Iste’molchilarning elektr qurilmalaridan texnik foydalanish qoidalari (ro‘yxat raqami 1383, 2004-yil 9-iyul) talablarini;
Iste’molchilarning elektr qurilmalaridan foydalanishda texnika xavfsizligi qoidalari (ro‘yxat raqami 1400, 2004-yil 20-avgust) talablarini;
yuk ko‘tarish mashinasiga va uning mexanizmlariga texnik xizmat ko‘rsatish va ularni ta’mirlash muddatlarini;
yuk ko‘tarish mashinasining metall-konstruksiyalaridagi gidrotizim qismlarining ulangan joylarida sodir bo‘lishi mumkin bo‘lgan nosozliklarni;
yuk ko‘tarish mashinasida yemirilish darajasi yuqori bo‘lgan, vaqti-vaqti bilan almashtirib turilishi lozim bo‘lgan ehtiyot qismlarini va ularning texnik hujjatlarida foydalanishga ruxsat etilgan yaroqlilik darajasini.
tashkilot rahbari tomonidan tasdiqlanadigan yuk ko‘tarish mashinalarini davriy ko‘rikdan o‘tkazish jadvali asosida yuk ko‘tarish mashinalarini o‘z vaqtida davriy ko‘rikdan o‘tkazilishini ta’minlash;
yuk ko‘tarish mashinalarini rejaviy-ogohlantirish ta’mirlanishi, bunda yuk ko‘tarish mashinalarini ta’mirlashga chiqarish va ta’mirlashdan so‘ng ishga tushirilishini ta’minlash;
yuk ko‘tarish mashinalaridan foydalanish hamda ishlarni bajarish vaqtida yuk ko‘tarish mashinasida nosozliklar kelib chiqqan hollarda va avariya holatlari sodir etilishining oldini olish maqsadida barcha mashinist va yuk iluvchilarga tegishli uslubiy ko‘rsatmalar berish;
yuk ko‘tarish mashinalariga tegishli bo‘lgan texnik hujjatlarning but holatda saqlanishini ta’minlash;
11. Muhandis-texnik xodim yuk ko‘tarish mashinalarini texnik shahodatlashdan, davriy ko‘rikdan o‘tkazishda va ta’mirlashda ishtirok etish huquqiga ega.
12. Muhandis-texnik xodim o‘ziga yuklatilgan vazifalar bajarilishi yuzasidan javobgar hisoblanadi. Bunda muhandis-texnik xodim yuk ko‘tarish mashinalarining soz holatdaligini aniqlashi va aniqlangan holatlar bo‘yicha tashkilot rahbarini xabardor qilishi shart.
13. Mazkur Namunaviy yo‘riqnoma O‘zbekiston Respublikasi Mehnat vazirligi, Savdo-sanoat palatasi, “O‘zmaxsusmontajqurilish” Aksiyadorlik kompaniyasi, O‘zbekiston Kasaba uyushmalari Federatsiyasi Kengashi va “O‘zbekneftgaz” milliy xolding kompaniyasi bilan kelishilgan.