“Tovar bozorlarida monopolistik faoliyatni cheklash va raqobat to‘g‘risida”, “Iste’molchilarning huquqlarini himoya qilish to‘g‘risida”gi O‘zbekiston Respublikasi qonunlariga muvofiq va respublikaga iste’mol tovarlarini olib kelish va sotish tizimini yanada takomillashtirish, ichki iste’mol bozorida raqobat muhitini yaratish maqsadida Vazirlar Mahkamasi qaror qiladi:
Keyingi tahrirga qarang.
1. Amaldagi qonun hujjatlariga muvofiq tayyor iste’mol tovarlarini import qiluvchi korxonalar va tashkilotlarga so‘mlarni erkin muomaladagi valyutaga konvertatsiya qilishning ustuvor huquqini beruvchi litsenziyalar berish mexanizmi bekor qilinganligi ma’lumot uchun qabul qilinsin.
2. 2002-yil 1-oktabrdan boshlab ijtimoiy ahamiyatga ega bo‘lgan xalq iste’mol tovarlari va dori-darmonlarni import qiluvchi korxonalar va tashkilotlar uchun birjadan tashqari valyuta bozorida xorijiy valyutani sotib olishga vakolatli banklarga har choraklik limitlar bekor qilinsin.
3. Belgilansinki, 2002-yil 1-oktabrdan boshlab yuridik va jismoniy shaxslar tomonidan tijorat faoliyati uchun O‘zbekiston Respublikasining bojxona hududiga barcha iste’mol tovarlari olib kelinishiga amaldagi qonun hujjatlariga binoan majburiy tartibda muvofiqlik sertifikati taqdim etilgan taqdirda yo‘l qo‘yiladi.
Keyingi tahrirga qarang.
bojxona chegarasi orqali iste’mol tovarlarini olib kelishda bojxona to‘lovlari va qonun hujjatlarida belgilangan boshqa majburiy to‘lovlar va yig‘imlarni o‘z vaqtida va to‘liq to‘lash;
Keyingi tahrirga qarang.
turg‘un savdo shoxobchalari orqali chakana savdo faoliyatini amalga oshiruvchi yuridik va jismoniy shaxslar tomonidan qonun hujjatlarida belgilangan soliqlarni to‘lash va naqd savdo tushumini har kuni banklarning kassalariga majburiy topshirish qoidalariga qat’iy rioya qilish kabi xalqaro amaliyotda umumiy qabul qilingan normalarga rioya etilgan taqdirda iste’mol tovarlarini respublikaga import qilish va ularni sotish huquqi berilsin.
Keyingi tahrirga qarang.
yuridik va jismoniy shaxslar tomonidan iste’mol tovarlari tuzilgan shartnomalar asosida faqat o‘zining rasmiy e’lon qilingan distribyutorlariga, shuningdek nazorat-kassa mashinalaridan majburiy foydalanilgan taqdirda turg‘un savdo shoxobchalari orqali chakana savdo qiluvchi yuridik va jismoniy shaxslarga ulgurji sotiladi;
Keyingi tahrirga qarang.
import iste’mol tovarlarini olib kelish va ularni ulgurji sotish bilan shug‘ullanuvchi yuridik va jismoniy shaxslar ro‘yxatdan o‘tkazish va bojxona rasmiylashtiruvida o‘zining rasmiy distribyutorlari ro‘yxatini taqdim etishi shart;
ulgurji savdo subyektlarining distribyutorlari nazorat-kassa mashinalari bilan jihozlangan turg‘un savdo shoxobchasiga ega bo‘lishlari kerak;
iste’mol tovarlari qonun hujjatlariga muvofiq yuridik yoki jismoniy shaxslar tomonidan faqat naqd pulsiz hisob-kitob qilish shaklida ulgurji sotiladi.
Yuridik va jismoniy shaxslarning o‘zlarining rasmiy distribyutorlari sifatida e’lon qilinmagan, shuningdek nazorat-kassa mashinalari bilan jihozlangan turg‘un savdo shoxobchalariga ega bo‘lmagan jismoniy shaxslarga iste’mol tovarlarini ulgurji sotishi taqiqlansin.
Qoraqalpog‘iston Respublikasi Vazirlar Kengashi, shaharlar va tumanlar hokimliklari, O‘zbekiston Respublikasi Adliya vazirligi ulgurji va ulgurji-chakana savdo qiluvchi yuridik va jismoniy shaxslarni ro‘yxatdan o‘tkazishda ko‘rsatib o‘tilgan tartibga qat’iy amal qilsinlar.
O‘zbekiston Respublikasi Davlat bojxona qo‘mitasi ulgurji sotish uchun import qilinayotgan iste’mol tovarlarini bojxonada rasmiylashtirishda belgilangan tartibga qat’iy rioya qilsin.
Keyingi tahrirga qarang.
6. Belgilansinki, 2002-yil 1-sentabrdan boshlab respublikaning buyum bozorlarida import iste’mol tovarlari faqat yuridik shaxs tashkil etmasdan yakka tartibdagi tadbirkor sifatida ro‘yxatdan o‘tkazilgan va eksport-import operatsiyalarini hamda chakana savdoni amalga oshirish huquqiga ega bo‘lgan jismoniy shaxslar tomonidan respublika hududiga tovarlar ular tomonidan olib kelinganligini, muvofiqlik sertifikatlarini, bojxona to‘lovlari va qat’iy belgilangan soliq to‘langanligini tasdiqlovchi hujjatlar mavjud bo‘lgan taqdirda sotilishiga belgilangan tartibda yo‘l qo‘yiladi. Bunda ular tomonidan iste’mol tovarlarini nazorat-kassa mashinalari qo‘llanilmasdan sotishga ruxsat beriladi.
Keyingi tahrirga qarang.
O‘zbekiston Respublikasi Davlat soliq qo‘mitasi, Davlat bojxona qo‘mitasi, O‘zbekiston Respublikasi Prokuraturasi huzuridagi Soliqqa oid jinoyatlarga qarshi kurashish departamenti, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari buyum bozorlarida iste’mol tovarlarini sotishning ko‘rsatib o‘tilgan tartibiga rioya etilishi ustidan qat’iy nazorat o‘rnatsinlar.
Keyingi tahrirga qarang.
7. O‘zbekiston Respublikasi Davlat soliq qo‘mitasi, Markaziy banki, tijorat banklari savdo qiluvchi tashkilotlar tomonidan belgilangan savdo qoidalariga rioya etilishi va iste’mol tovarlarini sotishdan tushgan naqd savdo tushumi har kuni banklarning kassalariga to‘liq topshirilishi ustidan qattiq nazorat o‘rnatilishini ta’minlasinlar.
8. Iste’molchilarning huquqlarini himoya qilish maqsadida 2003-yil 1-yanvardan boshlab O‘zbekiston Respublikasi hududiga tovar yorliqlarida (etiketkalarida) O‘zbekiston Respublikasining davlat tilida tovarning xususiyatlari to‘g‘risidagi axborot va ularni qo‘llash, ulardan foydalanish bo‘yicha yo‘riqnomalar mavjud bo‘lmagan erkin muomalaga chiqarishga mo‘ljallangan iste’mol tovarlarining ayrim turlarini olib kelish taqiqlansin.
O‘zbekiston Respublikasi Tashqi iqtisodiy aloqalar vazirligi, Makroiqtisodiyot va statistika vazirligi, Davlat bojxona qo‘mitasi, “O‘zdavstandart” markazi O‘zbekiston Respublikasiga import qilinadigan tovarlarning ayrim turlarini markalashtirish tartibi to‘g‘risidagi nizomni ikki hafta muddatda ishlab chiqsinlar va tasdiqlash uchun Vazirlar Mahkamasiga kiritsinlar.
9. O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi barcha xo‘jalik yurituvchi subyektlar tomonidan monopoliyaga qarshi qonunchilikka qat’iy rioya qilinishi, iste’mol tovarlari bozorida raqobat munosabatlari samarali ishlashi, narxlar sun’iy ravishda oshirilishiga, nohalol raqobatga, eng avvalo, tovarlarning tayyorlanish joyi, iste’mol xususiyatlari va sifati yuzasidan iste’molchilar chalg‘itilishiga yo‘l qo‘yilmasligi ustidan qat’iy nazoratni ta’minlasin.
Keyingi tahrirga qarang.
10. O‘zbekiston Respublikasi Tashqi iqtisodiy aloqalar vazirligi, Makroiqtisodiyot va statistika vazirligi, Moliya vazirligi, Davlat bojxona qo‘mitasi, Monopoliyadan chiqarish va raqobatni rivojlantirish davlat qo‘mitasi manfaatdor vazirliklar va idoralar bilan birgalikda 2002-yil 20-sentabrgacha bo‘lgan muddatda:
ijtimoiy ahamiyatga ega bo‘lgan iste’mol tovarlari va dori-darmonlar importini tarif bilan va notarif boshqarish tizimini joriy etishni;
import iste’mol tovarlari tender asosida olib kelinishini nazarda tutuvchi mexanizmni ishlab chiqsinlar va joriy etsinlar.
11. Belgilansinki, yuridik shaxslar tomonidan respublikaga texnologiya xomashyosi, butlovchi uzellar va buyumlar sifatida olib kelinayotgan nooziq-ovqat tovarlari Vazirlar Mahkamasining 2002-yil 19-iyuldagi 257-son qarori bilan belgilangan tovar bojxona qiymatining 30 foizi miqdorida iste’mol tovarlari importi uchun yig‘imdan ozod qilinadi.
O‘zbekiston Respublikasi Davlat bojxona qo‘mitasi, Moliya vazirligi, Makroiqtisodiyot va statistika vazirligi, Tashqi iqtisodiy aloqalar vazirligi boshqa manfaatdor tuzilmalar bilan birgalikda tayyor mahsulotlarni texnologiya xomashyosi, butlovchi uzellar va buyumlar qatoriga kiritishni aniq cheklovchi qoidani ikki hafta muddatda ishlab chiqsinlar va tasdiqlasinlar.
Keyingi tahrirga qarang.
12. O‘zbekiston Respublikasi Davlat bojxona qo‘mitasi, Davlat soliq qo‘mitasi Moliya vazirligi, Tashqi iqtisodiy aloqalar vazirligi, tijorat banklari, boshqa manfaatdor vazirliklar va idoralar bilan birgalikda 2002-yil 1-dekabrgacha bo‘lgan muddatda Tashqi savdo operatsiyalarining yagona elektron axborot tizimini yaratsinlar.
13. Vazirlar Mahkamasining 2001-yil 18-iyuldagi 305-son qarorining 2-bandi o‘z kuchini yo‘qotgan deb hisoblansin.
14. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda normativ hujjatlarga mazkur qarordan kelib chiquvchi o‘zgartirishlar kiritsin.
15. Mazkur qarorning bajarilishini nazorat qilish O‘zbekiston Respublikasining Bosh vaziri O‘.T. Sultonov zimmasiga yuklansin.