LexUZ sharhi
Mazkur qaror O‘zbekiston Respublikasi Vazirlar Mahkamasining 2013-yil 7-dekabrdagi 322-sonli “O‘zbekiston Respublikasi Intellektual mulk agentligining budjetdan tashqari mablag‘larini shakllantirish va ulardan foydalanish tartibi to‘g‘risidagi Nizomni tasdiqlash haqida”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Ilmiy-tadqiqot faoliyatini tashkil etishni takomillashtirish to‘g‘risida” 2002-yil 20-fevraldagi PF-3029-son Farmonini va O‘zbekiston Respublikasi Vazirlar Mahkamasining “Ilmiy-tadqiqot faoliyatini tashkil etishni takomillashtirish chora-tadbirlari to‘g‘risida” 2002-yil 4-martdagi 77-son qarorini bajarish yuzasidan, shuningdek O‘zbekiston Respublikasi Davlat patent idorasi hisob raqamlariga tushadigan mablag‘lardan oqilona foydalanish maqsadida Vazirlar Mahkamasi qaror qiladi:
O‘zbekiston Respublikasi Davlat patent idorasining tuzilmasi va 125 kishidan (xizmat ko‘rsatuvchi xodimlardan tashqari) iborat bo‘lgan shtatdagi xodimlarining cheklangan soni 1-ilovaga muvofiq;
Keyingi tahrirga qarang.
2. Belgilansinki, O‘zbekiston Respublikasi Davlat patent idorasi faoliyatini mablag‘ bilan ta’minlash davlat budjeti mablag‘lari hamda qonun hujjatlarida belgilangan tartibda patent poshlinalari va boshqa soliq bo‘lmagan to‘lovlar tarzida idoraning hisob raqamiga tushadigan budjetdan tashqari mablag‘lar hisobiga amalga oshiriladi.
3. Belgilab qo‘yilsinki, 2002-yil 1-iyuldan boshlab O‘zbekiston Respublikasi Davlat patent idorasi hisob raqamlariga milliy va xorijiy valyutada tushadigan patent poshlinalari mablag‘lari hamda boshqa soliq bo‘lmagan to‘lovlar quyidagi tartibda:
Oldingi tahrirga qarang.
(3-bandning ikkinchi xatboshisi O‘zbekiston Respublikasi Vazirlar Mahkamasining 2004-yil 25-oktabrdagi 499-son qarori tahririda — O‘zbekiston Respublikasi Qonun hujjatlari to‘plami, 2004-y., 43-son, 456-modda)
Oldingi tahrirga qarang.
(xatboshi O‘zbekiston Respublikasi Vazirlar Mahkamasining 2004-yil 25-oktabrdagi 499-son qarori bilan chiqarib tashlangan — O‘zbekiston Respublikasi Qonun hujjatlari to‘plami, 2004-y., 43-son, 456-modda)
Oldingi tahrirga qarang.
5 foizi — O‘zbekiston Respublikasi Davlat patent idorasining budjetdan tashqari hisob raqamiga — uning xodimlarini moddiy rag‘batlantirishda (mablag‘larning ko‘pi bilan 25 foizi), idoraning moddiy-texnika bazasini mustahkamlashda hamda sanoat obyektlarini va intellektual mulkning boshqa turlarini huquqiy muhofaza qilish sohasidagi xalqaro tashkilotlarda qatnashishda foydalanish uchun taqsimlanadi.
(xatboshi O‘zbekiston Respublikasi Vazirlar Mahkamasining 2004-yil 25-oktabrdagi 499-son qarori tahririda — O‘zbekiston Respublikasi Qonun hujjatlari to‘plami, 2004-y., 43-son, 456-modda)
Oldingi tahrirga qarang.
Davlat patent idorasi tushadigan mablag‘larning har o‘n kunda O‘zbekiston Respublikasi Moliya vazirligining maxsus valyuta va so‘mdagi hisob raqamlariga o‘tkazilishini ta’minlasin.
(xatboshi O‘zbekiston Respublikasi Vazirlar Mahkamasining 2004-yil 25-oktabrdagi 499-son qarori tahririda — O‘zbekiston Respublikasi Qonun hujjatlari to‘plami, 2004-y., 43-son, 456-modda)
O‘zbekiston Respublikasi Davlat patent idorasi tomonidan patent poshlinalarini va boshqa soliq bo‘lmagan to‘lovlarni undirishdan tushadigan mablag‘lardan foydalanish tartibi to‘g‘risidagi Nizom 3-ilovaga muvofiq tasdiqlansin.
Keyingi tahrirga qarang.
5. O‘zbekiston Respublikasi Moliya vazirligi, Adliya vazirligi, Davlat patent idorasi sanoat mulki obyektlariga, seleksiya yutuqlariga, elektron-hisoblash texnikasi uchun dasturlarga, ma’lumotlar bazalariga va integral mikrosxemalar topologiyalariga huquqiy muhofaza xizmati ko‘rsatish bilan bog‘liq bo‘lgan yuridik jihatdan ahamiyatli ishlarning amalga oshirilganligi uchun undiriladigan patent poshlinalari miqdorlari yuzasidan bir oy muddatda takliflar kiritsinlar.
6. O‘zbekiston aloqa va axborotlashtirish agentligi O‘zbekiston Respublikasi Davlat patent idorasi buyurtmanomalariga binoan hukumat aloqasi telefonlari o‘rnatsin.
7. O‘zbekiston Respublikasi Davlat patent idorasi Toshkent shahar, To‘ytepa ko‘chasi, 2a-uyga joylashtirilsin.
8. O‘zbekiston Respublikasi Hukumatining 4-ilovaga muvofiq ayrim qarorlariga o‘zgartirish va qo‘shimchalar kiritilsin.
9. Adliya vazirligi O‘zbekiston Respublikasi Davlat patent idorasi bilan birgalikda bir oy muddatda amaldagi qonun hujjatlariga ushbu qarordan kelib chiquvchi o‘zgartirish va qo‘shimchalar to‘g‘risida takliflar kiritsin.
10. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari H.S. Karomatov va R.S. Azimov zimmasiga yuklansin.
Keyingi tahrirga qarang.
1. Mazkur Nizom “Ixtirolar, foydali modellar va sanoat namunalari to‘g‘risida”, “Tovar belgilari, xizmat ko‘rsatish belgilari va tovarlar kelib chiqishi joylarining nomlari to‘g‘risida”, “Seleksiya yutuqlari to‘g‘risida”, “Elektron hisoblash mashinalari uchun dasturlar va ma’lumotlar bazalarini huquqiy muhofaza qilish to‘g‘risida” va “Integral mikrosxemalar topologiyalarini huquqiy muhofaza qilish to‘g‘risida”gi O‘zbekiston Respublikasi qonunlariga muvofiq O‘zbekiston Respublikasi Davlat patent idorasining (keyingi o‘rinlarda — Patent idorasi deb ataladi) asosiy vazifalari, funksiyalari va vakolatlarini belgilaydi.
2. Patent idorasi sanoat mulkini, shu jumladan ixtirolarga, sanoat namunalariga, foydali modellarga, tovar belgilariga, xizmat ko‘rsatish belgilariga va tovarlar kelib chiqishi joylarining nomlariga (keyingi o‘rinlarda — sanoat mulki obyektlariga) huquqlarni muhofaza qilish sohasida, shuningdek seleksiya yutuqlarini, elektron hisoblash mashinalari uchun dasturlarni (keyingi o‘rinlarda — EHM uchun dasturlar deb ataladi), ma’lumotlar bazalarini va integral mikrosxemalar topologiyalarini huquqiy muhofaza qilish borasida yagona davlat siyosatini shakllantirish va ro‘yobga chiqarishda ishtirok etuvchi vakolatli davlat organi hisoblanadi.
3. Patent idorasi o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga va O‘zbekiston Respublikasi Oliy Majlisining boshqa qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, xalqaro shartnomalarga (bitimlarga), shuningdek mazkur Nizomga amal qiladi.
4. Patent idorasi yuridik shaxs hisoblanadi, O‘zbekiston Respublikasi Davlat gerbi tasviri tushirilgan va o‘z nomi yozilgan muhrga, boshqa zarur muhr va shtamplarga, bank muassasalarida hisob-kitob va boshqa hisob raqamlariga ega bo‘ladi.
5. Patent idorasi o‘z faoliyatini davlat organlari, ixtirochilar va ratsionalizatorlarning jamoat tashkilotlari, ilmiy-tadqiqot muassasalari, faoliyati intellektual mulk muhofazasi bilan bog‘liq bo‘lgan boshqa tashkilotlar bilan o‘zaro hamkorlikda amalga oshiradi.
6. Patent idorasi xodimlariga fan sohasi va ilmiy muassasalar xodimlari uchun belgilangan mehnatga haq to‘lash shartlari tatbiq etiladi.
sanoat mulki obyektlarini, seleksiya yutuqlarini, EHM uchun dasturlarni, ma’lumotlar bazalarini, integral mikrosxemalar topologiyalarini huquqiy muhofaza qilish sohasidagi davlat siyosatining ro‘yobga chiqarilishini ta’minlash;
sanoat mulki obyektlari, seleksiya yutuqlari, EHM uchun dasturlar, ma’lumotlar bazalari , integral mikrosxemalar topologiyalariga huquqiy muhofaza xizmati ko‘rsatish;
rasmiy ro‘yxatdan o‘tkazilgan EHM uchun dasturlar, ma’lumotlar bazalari va integral mikrosxemalar topologiyalariga oid patent hujjatlarining davlat fondini va ma’lumotlar bankini shakllantirish;
O‘zbekiston Respublikasida ilmiy-texnika, badiiy-konstruktorlik va boshqa ijodiyotlarning rivojlanishi uchun sharoitlar yaratishga ko‘maklashish.
Hukumatga sanoat mulki obyektlarini, seleksiya yutuqlarini, EHM uchun dasturlarni, ma’lumotlar bazalarini, integral mikrosxemalar topologiyalarini huquqiy muhofaza qilish sohasida davlat siyosatini shakllantirish bo‘yicha takliflar kiritadi va uni ro‘yobga chiqarishda bevosita ishtirok etadi;
sanoat mulki obyektlarini, seleksiya yutuqlarini, EHM uchun dasturlarni, ma’lumotlar bazalarini, integral mikrosxemalar topologiyalarini huquqiy muhofaza qilish masalalari bo‘yicha qonun hujjatlarini tayyorlashda qatnashadi, shuningdek o‘z vakolatlari doirasida zarur normativ hujjatlar qabul qiladi;
sanoat mulki obyektlari, seleksiya yutuqlariga oid muhofaza hujjatlarini berish yuzasidan buyurtmanomalarni, EHM uchun dasturlarni, ma’lumotlar bazalarini, integral mikrosxemalar topologiyalarini rasmiy ro‘yxatdan o‘tkazish yuzasidan buyurtmanomalarni ko‘rib chiqish uchun qabul qiladi, ixtirolarning davlat ilmiy-texnika ekspertizasini, foydali modellar, sanoat namunalari, tovar belgilari, xizmat ko‘rsatish belgilari, tovarlar kelib chiqishi joylarining nomlari davlat ekspertizasini amalga oshiradi, arizadagi obyektlarning ustuvorligini belgilaydi, seleksiya yutuqlariga oid buyurtmanomalarni rasmiy ekspertizadan o‘tkazadi, EHM uchun dasturlar, ma’lumotlar bazalari va integral mikrosxemalar topologiyalarini ro‘yxatdan o‘tkazishga oid buyurtmanomalarni davlat ekspertizasidan o‘tkazadi;
arizadagi sanoat mulki obyektlarining patentga loyiqlik shartlariga muvofiqligini aniqlash natijalari bo‘yicha muhofaza qilish hujjatlarini berish yoki berishni rad etish to‘g‘risida qaror qabul qiladi, O‘zbekiston Respublikasi Qishloq va suv xo‘jaligi vazirligining ixtisoslashtirilgan tashkilotlari xulosalari asosida seleksiya yutuqlariga patentlar va guvohnomalar berish yoki berishni rad etish to‘g‘risida qarorlar qabul qiladi, shuningdek EHM uchun dasturlarni, ma’lumotlar bazalarini va integral mikrosxemalar topologiyalarini berilgan buyurtmanomalarning belgilangan talablarga muvofiqligini tekshirish natijalariga ko‘ra rasmiy ro‘yxatdan yoki ro‘yxatdan o‘tkazishni rad etish to‘g‘risida qarorlar qabul qiladi;
sanoat mulki obyektlarini, seleksiya yutuqlarini, EHM uchun dasturlarni, ma’lumotlar bazalarini va integral mikrosxemalar topologiyalarini davlat ro‘yxatidan o‘tkazishni amalga oshiradi, shuningdek muhofaza qilish hujjatlarini beradi, tegishli davlat reyestrlarini yuritadi;
Keyingi tahrirga qarang.
davlat ilmiy-texnika ekspertizasini o‘tkazishda qatnashish uchun manfaatdor vazirliklar, idoralar va tashkilotlar mutaxassislarini belgilangan tartibda jalb etadi;
sanoat mulki obyektlaridan, seleksiya yutuqlaridan, EHM uchun dasturlardan, ma’lumotlar bazalaridan, integral mikrosxemalar topologiyalaridan foydalanish huquqini berish to‘g‘risidagi litsenziya shartnomalarini, shuningdek ularni to‘liq yoki qisman berish to‘g‘risidagi yoki ularning kafolati to‘g‘risidagi shartnomalarni ro‘yxatdan o‘tkazadi;
Patent idorasining byulletenlarini va boshqa rasmiy nashrlarini, shuningdek sanoat mulki obyektlarini, seleksiya yutuqlarini, EHM uchun dasturlarni, ma’lumotlar bazalarini va integral mikrosxemalar topologiyalarini huquqiy muhofaza qilish va ulardan foydalanish masalalari bo‘yicha boshqa ma’lumotlar va materiallarni chop etishni tashkil qiladi va amalga oshiradi;
sanoat mulki obyektlarini, seleksiya yutuqlarini, EHM uchun dasturlarni, ma’lumotlar bazalarini va integral mikrosxemalar topologiyalarini huquqiy muhofaza qilish sohasida manfaatdor shaxslarga metodik yordam ko‘rsatadi;
patent hujjatlarining davlat fondini butlash ishlarini tashkil etadi va amalga oshiradi, uning saqlanishini ta’minlaydi va uning asosida manfaatdor tashkilotlarga, mansabdor shaxslarga va fuqarolarga kutubxona-bibliografiya, ma’lumotnoma-axborot va ilmiy-metodik xizmat ko‘rsatishni tashkil qiladi;
sanoat mulki obyektlarini, seleksiya yutuqlarini, EHM uchun dasturlarni, ma’lumotlar bazalarini va integral mikrosxemalar topologiyalarini huquqiy muhofaza qilish sohasidagi faoliyatni rivojlantirish va takomillashtirish muammolari bo‘yicha ilmiy-tadqiqot ishlarini amalga oshiradi, davlat patent tizimini rivojlantirishning muhim istiqbolli muammolarini ishlab chiqish va hal etish uchun vaqtinchalik ijodiy ilmiy jamoalarni tashkil qiladi;
patent bo‘yicha vakolatli vakillarni attestatsiyadan va ro‘yxatdan o‘tkazishni amalga oshiradi, patent bo‘yicha vakolatli vakillarning davlat reyestrini yuritadi;
sanoat mulki obyektlarini, seleksiya yutuqlarini, EHM uchun dasturlarni, ma’lumotlar bazalarini va integral mikrosxemalar topologiyalarini huquqiy muhofaza qilish to‘g‘risidagi shikoyatlar va nizolarni O‘zbekiston Respublikasi qonun hujjatlariga muvofiq ko‘rib chiqadi;
sanoat mulki obyektlarini, seleksiya yutuqlarini, EHM uchun dasturlarni, ma’lumotlar bazalarini va integral mikrosxemalar topologiyalarini yaratish, huquqiy muhofaza qilish va ulardan foydalanish sohasidagi kadrlarni tayyorlashni va ularning malakasini oshirishni tashkil etadi;
o‘z xodimlarini ijtimoiy muhofaza qilish chora-tadbirlarini amalga oshiradi, ijtimoiy infratuzilmani rivojlantiradi;
sanoat va intellektual mulkning hamda uni huquqiy muhofaza qilish tizimining roli va ularning davlatni iqtisodiy, madaniy va ijtimoiy rivojlantirishga ta’sirini targ‘ib qilish tadbirlarini tashkil qiladi va amalga oshiradi;
Patent idorasining vazifalariga muvofiq bo‘lgan va amaldagi qonun hujjatlariga zid bo‘lmagan boshqa funksiyalarni bajaradi.
intellektual mulk huquqlarini muhofaza qilish sohasida xalqaro hamkorlikni belgilangan tartibda amalga oshiradi hamda ushbu hamkorlik doirasida sanoat obyektlarini va intellektual mulkning boshqa turlarini huquqiy muhofaza qilish masalalari bo‘yicha xalqaro tashkilotlar ishida qatnashadi;
o‘z vakolati doirasida O‘zbekiston Respublikasining tegishli xalqaro shartnomalari (bitimlari)dan kelib chiqadigan O‘zbekiston Respublikasi majburiyatlarining bajarilishini ta’minlaydi;
sanoat obyektlarini va intellektual mulkning boshqa turlarini huquqiy muhofaza qilish masalalari bo‘yicha O‘zbekiston Respublikasining xalqaro shartnomalarini tuzish to‘g‘risida belgilangan tartibda takliflar kiritadi, tegishli xalqaro tashkilotlar, patent idoralari va chet mamlakatlarning boshqa tashkilotlari bilan hamkorlik qilish va shartnomalar tuzish to‘g‘risida muzokaralar olib boradi hamda Vazirlar Mahkamasining topshirig‘iga binoan mazkur shartnomalarni imzolaydi;
xorijiy patent idoralari, xalqaro tashkilotlar va chet el axborot firmalari bilan patent hujjatlari va patent-huquqiy adabiyotlarni xalqaro almashishni amalga oshiradi, intellektual mulk huquqlarini muhofaza qilish sohasidagi chet el tajribasini o‘rganish va undan foydalanishni tashkil qiladi.
arizachilardan sanoat mulki obyektlari, seleksiya yutuqlari, EHM uchun dasturlar, ma’lumotlar bazalari va integral mikrosxemalar topologiyalari yuzasidan buyurtmanomalarga qo‘shimcha materiallarni, buyurtmanomalarni ko‘rib chiqish va davlat ekspertizasidan o‘tkazish uchun zarur bo‘lgan qo‘shimcha materiallarni belgilangan tartibda so‘rab olish;
sanoat mulki obyektlari, seleksiya yutuqlari, EHM uchun dasturlar, ma’lumotlar bazalari va integral mikrosxemalar topologiyalari yuzasidan buyurtmanomalarni ko‘rib chiqish bilan bog‘liq masalalarni og‘zaki muhokama qilishni tashkil etish va o‘tkazish, arizachilarni va ularning vakillarini ko‘rsatib o‘tilgan masalalarni ko‘rib chiqishda qatnashish uchun taklif etish;
intellektual mulk obyektlarini huquqiy muhofaza qilish va ulardan foydalanish sohasidagi ishlarning ahvolini tavsiflovchi statistik va boshqa ma’lumotlarni, shuningdek Patent idorasiga yuklangan vazifalarni ro‘yobga chiqarish va unga o‘z funksiyalarini amalga oshirishi uchun zarur bo‘lgan boshqa ma’lumotlarni belgilangan tartibda olish;
sanoat mulki obyektlarini, seleksiya yutuqlarini, EHM uchun dasturlarni, ma’lumotlar bazalarini va integral mikrosxemalar topologiyalarini muhofaza qilish sohasidagi munosabatlarni huquqiy tartibga solish masalalari bo‘yicha belgilangan tartibda takliflar kiritish;
qonun hujjatlarida nazarda tutilgan yuridik jihatdan ahamiyatli ishlarni amalga oshirish uchun patent poshlinalari va boshqa soliq bo‘lmagan to‘lovlarning turlari, miqdorlari, to‘lash muddatlari va tartibi to‘g‘risida belgilangan tartibda takliflar kiritish;
patent-axborot va boshqa mahsulotlarga, shuningdek sanoat obyektlarini va boshqa intellektual mulk turlarini huquqiy muhofaza qilish va ulardan foydalanish sohasidagi materiallar va xizmatlarga belgilangan tartibda narxlar va tariflar belgilash;
noshirlik faoliyatini amalga oshirish, intellektual obyektlarni muhofaza qilish sohasida ilmiy-metodik va axborot materiallarini, davriy nashrlarni, audiovizual va boshqa matbaa mahsulotlarini chop etish va tarqatish;
patent poshlinalarini va boshqa soliq bo‘lmagan to‘lovlarni, shuningdek turli xizmatlar ko‘rsatganlik uchun tushumlar va materiallarni o‘tkazish va keyinchalik ulardan foydalanish uchun hisob raqamlari, shu jumladan valyuta hisob raqamlari ochish;
Patent idorasi tomonidan ta’sis etilgan tarkibiy bo‘linmalarni belgilangan tartibda tashkil etish, qayta tashkil etish va tugatish;
ixtirochilik va ijodning boshqa turlari sohasidagi ulkan yutuqlar uchun O‘zbekiston Respublikasining Faxriy unvonlarini berish to‘g‘risida belgilangan tartibda takliflar kiritish;
intellektual mulk obyektlarini huquqiy muhofaza qilish va ulardan foydalanish bilan bog‘liq bo‘lgan masalalarni hal etish uchun mamlakatimiz va chet el mutaxassislarini shartnomaviy asosda jalb etish;
sanoat obyektlari va intellektual mulkning boshqa turlari yuzasidan buyurtmanomalarning davlat ekspertizasini o‘z vaqtida o‘tkazish, uning sifati va maxfiyligi;
patent poshlinalarini va boshqa soliq bo‘lmagan to‘lovlarni undirishdan tushgan tushumlar belgilangan qismining davlat budjetiga va Innovatsiya ilmiy-texnika faoliyatini mablag‘ bilan ta’minlash jamg‘armasiga o‘z vaqtida o‘tkazilishi;
budjet mablag‘larining va patent poshlinalarini hamda soliq bo‘lmagan to‘lovlarni undirishdan tushgan mablag‘larning idora ixtiyorida qolgan qismidan maqsadli foydalanilishi uchun javob beradi.
12. Patent idorasini O‘zbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan Direktor boshqaradi.
Direktorning O‘zbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan ikki nafar o‘rinbosari, shu jumladan bir nafar birinchi o‘rinbosari bo‘ladi.
Patent idorasining faoliyatiga rahbarlik qiladi hamda Patent idorasiga yuklangan vazifalar va funksiyalarning bajarilishi uchun shaxsan javob beradi;
Direktor o‘rinbosarlari lavozimiga tayinlash uchun nomzodlarni O‘zbekiston Respublikasi Vazirlar Mahkamasiga taqdim etadi;
Patent idorasining shtat jadvalini, ularni mablag‘ bilan ta’minlash xarajatlari smetasini belgilangan xodimlar soni va ish haqi fondi doirasida tasdiqlaydi;
tasdiqlangan tuzilmaga belgilangan xodimlar soni va ish haqi fondi doirasida o‘zgartirishlar kiritish huquqiga ega;
o‘z vakolati doirasida Patent idorasi xodimlarining bajarishi majburiy bo‘lgan buyruqlar, farmoyishlar va yo‘riqnomalar chiqaradi, ko‘rsatmalar beradi;
14. Patent idorasi faoliyatini mablag‘ bilan ta’minlash respublika budjet mablag‘lari hamda patent poshlinalari mablag‘larining va yuridik jihatdan ahamiyatli bo‘lgan ishlarni amalga oshirganlik uchun undiriladigan boshqa soliq bo‘lmagan to‘lovlarning bir qismi va qonun hujjatlari bilan taqiqlanmagan boshqa manbalar hisobiga amalga oshiriladi.
Keyingi tahrirga qarang.
15. Patent idorasida hay’at tuziladi, uning tarkibiga Direktor (hay’at raisi) va uning o‘rinbosarlari, shuningdek Patent idorasining boshqa rahbar xodimlari kiradi. Hay’at 7 kishidan iborat tarkibda tuziladi.
Hay’at maslahatlashuv organi hisoblanadi, u o‘zining muntazam ravishda o‘tkaziladigan majlislarida Patent idorasi va uning tarkibiy bo‘linmalari faoliyatining muhim masalalarini ko‘rib chiqadi.
Hay’at raisi va uning a’zolari o‘rtasida kelishmovchiliklar bo‘lgan taqdirda qaror rais tomonidan qabul qilinadi, u kelishmovchiliklar to‘g‘risida O‘zbekiston Respublikasi Vazirlar Mahkamasiga ma’lum qiladi. Hay’at a’zolari, o‘z navbatida, o‘z fikrlarini O‘zbekiston Respublikasi Vazirlar Mahkamasiga xabar qilishlari mumkin.
Hay’at qarorlari protokollar bilan rasmiylashtiriladi va Patent idorasi Direktorining buyruqlari bilan amalga oshiriladi.
Keyingi tahrirga qarang.
16. Patent idorasida Patent idorasining arizadagi sanoat mulki obyektlari, seleksiya yutuqlari, EHM uchun dasturlar, ma’lumotlar bazalari va integral mikrosxemalar topologiyalari, muhofaza qilish hujjatlarini berishga qarshilik yuzasidan Patent idorasi qarorlariga manfaatdor jismoniy va yuridik shaxslar tomonidan bildirilgan apellyatsiyalarni va boshqa turdagi apellyatsiyalarni ko‘rib chiqish uchun Apellyatsiya kengashi tuziladi.
Apellyatsiya kengashi tarkibiga Patent idorasi Direktori, uning o‘rinbosarlari va bosh ekspertlar kiradi.
17. Muammolarni ilmiy tahlil qilish, sanoat mulki obyektlarini muhofaza qilish, EHM uchun dasturlarni, ma’lumotlar bazalarini va integral mikrosxemalar topologiyalarini huquqiy muhofaza qilish bo‘yicha muhim masalalarni ko‘rib chiqish va ular yuzasidan tavsiyalar ishlab chiqish uchun Patent idorasida uning yuqori malakali xodimlaridan, shuningdek patentlash sohasidagi davlat organlari, tashkilotlar vakillaridan, yetakchi olimlar va mutaxassislardan Ilmiy-texnika kengashi tuziladi.
Ilmiy-texnika kengashi to‘g‘risidagi Nizom va uning shaxsiy tarkibi Patent idorasi Direktori tomonidan tasdiqlanadi.
18. Patent idorasini tugatish yoki qayta tashkil etish O‘zbekiston Respublikasi qonun hujjatlariga muvofiq amalga oshiriladi.
Keyingi tahrirga qarang.
1. Mazkur Nizom O‘zbekiston Respublikasi Davlat patent idorasiga (keyingi o‘rinlarda Patent idorasi deb ataladi) patent poshlinalari va soliq bo‘lmagan boshqa to‘lovlar undirishdan tushadigan milliy va xorijiy valyutalardagi mablag‘lardan foydalanish tartibini belgilaydi.
2. Patent poshlinalari va boshqa soliq bo‘lmagan to‘lovlar undirishdan tushgan so‘mdagi va valyutadagi mablag‘lardan samarali va maqsadga muvofiq foydalanish maqsadida Patent idorasi tijorat bankida (keyingi o‘rinlarda bank deb ataladi) so‘mda va valyutadagi hisob raqamlarining quyidagi turlarini ochadi:
tushgan valyuta mablag‘larini jamlash va keyinchalik ularni taqsimlash uchun xorijiy valyutalardagi (AQSh dollari, Evro, Shveysariya franki, Rossiya rubli va boshqalar) blok-hisob raqamlari;
tushadigan so‘m mablag‘larini jamlash va keyinchalik ularni taqsimlash uchun milliy valyutadagi blok-hisob raqamlari;
idora ixtiyorida qoladigan valyuta mablag‘laridan mazkur Nizomning 7-bandida ko‘rsatilgan maqsadlarda foydalanish uchun xorijiy valyutalardagi joriy hisob raqami;
patent poshlinalari va soliq bo‘lmagan boshqa to‘lovlarni milliy valyutada undirishdan tushgan, shuningdek valyuta mablag‘larini belgilangan tartibda birjadan tashqari valyuta bozorida sotishdan tushgan mablag‘larni mazkur Nizomning 7-bandida ko‘rsatilgan maqsadlarga yo‘naltirgan holda o‘tkazish uchun milliy valyutadagi talab qilib olinadigan depozit hisob raqami.
3. Patent idorasining ko‘rsatib o‘tilgan valyuta va so‘mdagi hisob raqamlariga faqat patent poshlinalarini va soliq bo‘lmagan boshqa to‘lovlarni undirishdan tushgan mablag‘lar o‘tkaziladi.
4. Ushbu hisob raqamlari bo‘yicha hisob va hisobot Patent idorasining boshqa bank hisob raqamlaridan alohida yuritiladi.
5. Patent idorasi tomonidan patent poshlinalari va soliq bo‘lmagan boshqa to‘lovlarni undirishdan xorijiy va milliy valyutada tushadigan mablag‘lar idoraning tegishli blok-hisob raqamlariga o‘tkaziladi.
6. Hisobot davrida tushgan valyuta va so‘mdagi mablag‘lar har o‘n kunda, har bir oyning 10, 20 va 30-kunidan kechikmay valyuta va so‘mdagi blok-hisob raqamlaridan:
Oldingi tahrirga qarang.
O‘zbekiston Respublikasi Moliya vazirligining valyuta (valyutalarning har bir turi bo‘yicha alohida) va so‘mdagi hisob raqamlariga — tushgan mablag‘lar umumiy hajmining 95 foizi miqdorida;
(6-bandning ikkinchi xatboshisi O‘zbekiston Respublikasi Vazirlar Mahkamasining 2004-yil 25-oktabrdagi 499-son qarori tahririda — O‘zbekiston Respublikasi qonun hujjatlari to‘plami, 2004-y., 43-son, 456-modda
Oldingi tahrirga qarang.
(xatboshi O‘zbekiston Respublikasi Vazirlar Mahkamasining 2004-yil 25-oktabrdagi 499-son qarori bilan chiqarib tashlangan — O‘zbekiston Respublikasi Qonun hujjatlari to‘plami, 2004-y., 43-son, 456-modda)
Oldingi tahrirga qarang.
Patent idorasining joriy valyuta hisob raqamlariga (valyutalarning har bir turi bo‘yicha alohida) va talab qilib olinadigan depozit hisob raqamiga — tushgan mablag‘lar umumiy hajmining 5 foizi miqdorida o‘tkaziladi.
(6-bandning uchinchi xatboshisi O‘zbekiston Respublikasi Vazirlar Mahkamasining 2004-yil 25-oktabrdagi 499-son qarori tahririda — O‘zbekiston Respublikasi qonun hujjatlari to‘plami, 2004-y., 43-son, 456-modda
Bunda patent idorasining blok-hisob raqamlaridagi valyuta va so‘mdagi mablag‘laridan boshqa yo‘nalishlarda foydalanish taqiqlanadi.
Keyingi tahrirga qarang.
Keyingi tahrirga qarang.
qolgan mablag‘lardan — idoraning moddiy-texnika bazasini mustahkamlash, kadrlar tayyorlash, xizmat safari xarajatlari, shuningdek O‘zbekiston Respublikasining sanoat obyektlarini va intellektual mulkning boshqa turlarini huquqiy muhofaza qilish masalalari bo‘yicha xalqaro tashkilotlarda ishtirok etish bilan bog‘liq bo‘lgan xarajatlarni qoplashda foydalanish mumkin.
Keyingi tahrirga qarang.
Idoraning moddiy-texnika bazasini mustahkamlash uchun nazarda tutilgan mablag‘lar hisobiga avtotransport vositalari, aloqa vositalari va shunga o‘xshash boshqa buyumlar (ofis texnikasi, audio-video texnika, ofisni jihozlash uchun yumshoq va qattiq jihozlar va shu kabilar) xarid qilishga faqat O‘zbekiston Respublikasi Moliya vazirligining roziligi bilan yo‘l qo‘yiladi.
8. Patent idorasining joriy hisob raqamlaridagi mablag‘lar birjadan tashqari valyuta bozorida sotilishi mumkin.
9. Patent idorasining joriy valyuta hisob raqamlaridagi valyuta mablag‘larining bir qismi sotilgan taqdirda uning so‘mga teng qiymati Patent idorasining talab qilib olinadigan so‘mdagi depozit hisob raqamiga o‘tkazilishi kerak.
Joriy hisob raqami va talab qilib olinadigan depozit hisob raqamidagi mablag‘lardan faqat mazkur Nizomning 7-bandida ko‘rsatilgan maqsadlarda foydalanish mumkin.
10. Patent idorasining valyuta va so‘mdagi hisob raqamlaridan tushgan mablag‘lar umumiy hajmining ko‘pi bilan 25 foizi miqdorida ajratiladigan mablag‘lar yuqori malakali kadrlar mehnatini qo‘llab-quvvatlash va rag‘batlantirishga, patent ishi nufuzini oshirishga, intellektual mulk obyektlarini muhofaza qilish sohasiga yosh istiqbolli mutaxassislarni jalb qilishga yo‘naltiriladi.
Keyingi tahrirga qarang.
11. Patent idorasi xodimlari mehnatini moddiy rag‘batlantirish O‘zbekiston Respublikasi milliy valyutasida quyidagi shakllarda amalga oshiriladi:
12. Hisobot davridagi ish yakunlari bo‘yicha xodimlarga rag‘batlantiruvchi to‘lov va mukofot belgilash va to‘lash to‘g‘risidagi qaror Patent idorasi rahbari tomonidan idora tarkibiy bo‘linmalari rahbarlarining taqdimnomasi bo‘yicha va kasaba uyushmasi qo‘mitasi bilan kelishgan holda qabul qilinadi.
Hisobot davridagi ish yakunlari bo‘yicha Patent idorasi rahbariga rag‘batlantiruvchi to‘lovlar va mukofot belgilash to‘g‘risidagi qaror O‘zbekiston Respublikasi Vazirlar Mahkamasi tomonidan qabul qilinadi.
13. Xodimlarga moddiy yordam to‘lash va xarajatlarni kompensatsiya qilish to‘g‘risidagi qaror Patent idorasining kamida 5 kishidan iborat tarkibdagi maxsus komissiyasi tomonidan qabul qilinadi. Komissiya tarkibiga idora rahbari va kasaba uyushmasi qo‘mitasi vakili kirishi shart. Komissiya ishining ish tartibi idora rahbari tomonidan tasdiqlangan va kasaba uyushmasi qo‘mitasi bilan kelishilgan nizom bilan belgilanadi.
14. Rag‘batlantiruvchi to‘lovlar xodimlarning yuqori malakasi uchun Patent idorasi tarkibiy bo‘linmalari rahbariyatining taqdimnomasiga ko‘ra xodim lavozim maoshi miqdorining 75 foizi miqdorida lavozim maoshlariga har oylik shaxsiy ustamalar sifatida belgilanishi mumkin.
15. Xodimlarning lavozim maoshlariga ustamalar topshiriqlar o‘z vaqtida bajarilmagan, ish sifati yomonlashgan va mehnat intizomi buzilgan taqdirda bekor qilinishi yoki kamaytirilishi mumkin.
17. Yil choragidagi ish yakunlari bo‘yicha mukofot topshiriqlar ortig‘i bilan bajarilgan, xodimlarga yuklangan lavozim majburiyatlari zarur darajada bajarilgan taqdirda amalda ishlangan vaqt (qonun hujjatlariga muvofiq ish haqi hisoblanadigan vaqt) uchun to‘lanadi.
18. Yil choragi yakunlari bo‘yicha har bir xodimni mukofotlashning aniq miqdori xodimning ikkita lavozim maoshidan ortiq bo‘lmasligi kerak.
19. Ishda nuqsonlarga yo‘l qo‘ygan va mehnat intizomini buzgan xodimlar mukofotdan to‘liq yoki qisman mahrum etiladi. Ishdagi nuqsonlar va mehnat intizomi buzilishlari ro‘yxati ichki tartib qoidalari bilan belgilanadi.
20. Idoraning bir yildagi ish yakunlari bo‘yicha Patent idorasining ro‘yxatdagi tarkibida turuvchi xodimlarga qo‘shimcha mukofot to‘lanishi mumkin.
Bir yildagi ish yakunlari bo‘yicha xodimlarni mukofotlashning umumiy summasi hisobot yilida shakllangan o‘rtacha ish haqining olti baravaridan ortiq bo‘lishi mumkin emas.
21. Bir yildagi ish yakunlari bo‘yicha mukofotlash butun kalendar yil davomida ishlagan xodimlarga to‘liq miqdorda to‘lanadi.
22. Butun kalendar yil mobaynida ishlagan, biroq mazkur mukofotlash to‘lanishigacha Patent idorasidan bo‘shagan xodimlarga ushbu mukofot to‘liq miqdorda va ushbu mukofotni to‘lash uchun belgilangan muddatlarda to‘lanadi.
23. Kalendar yil tamom bo‘lishigacha ishdan bo‘shagan xodimlarga, ishdan bo‘shash sabablaridan qat’i nazar, bir yildagi ish yakunlari bo‘yicha mukofot to‘lanmaydi.
24. Ish haqi hisoblash to‘g‘risidagi buxgalteriya hisobi ma’lumotlari xodimlarga bir yildagi ish yakunlari bo‘yicha mukofotni hisoblash uchun asos hisoblanadi.
25. Patent idorasi xodimlariga aniq alohida muhim vazifalar yuqori sifatli va o‘z vaqtida bajarilganligi uchun bir gallik mukofotlar to‘lanishi mumkin. Ushbu mukofot miqdori bir yilda ikkita lavozim maoshidan ortiq bo‘lishi mumkin emas.
26. Xodim mehnat ta’tiliga chiqqan taqdirda unga bitta lavozim maoshidan ko‘p bo‘lmagan miqdorda moddiy yordam to‘lanishi mumkin.
27. Ish bilan bog‘liq bo‘lmagan hollarda (dafn etish, kasal bo‘lganda va baxtsiz hodisalarda) xodimga ikkita lavozim maoshi miqdorigacha moddiy yordam ko‘rsatilishi mumkin.
28. Xodimlarga ovqatlanish uchun kompensatsiya to‘lovlari har oyda oylik lavozim maoshining 0,5 gacha miqdorida belgilanadi va to‘lanadi.
29. Xodimlarning jamoat transportida yurishi uchun kompensatsiya to‘lovlari har oyda oylik yo‘lkira kartochkalari qiymatidan ortiq bo‘lmagan miqdorda belgilanadi va to‘lanadi.
30. Patent idorasi yilning har choragida hisobot choragi tamom bo‘lgandan keyingi oyning 25-kunidan kechikmay O‘zbekiston Respublikasi Moliya vazirligiga so‘mdagi va valyutadagi blok-hisob raqamlariga tushgan mablag‘lar taqsimlanishi, shuningdek idoraning joriy valyuta hisob raqamlari va talab qilib olinadigan depozit hisob raqamidagi mablag‘lardan foydalanilishi to‘g‘risida hisobot taqdim etadi.
31. Mazkur Nizomda ko‘rsatilgan idora xodimlarini moddiy rag‘batlantirish shakllari o‘rnatilishi, hisob-kitob qilinishi va to‘lanishi to‘g‘riligi uchun javobgarlik Patent idorasining rahbari va bosh buxgalteriga yuklanadi.
32. O‘zbekiston Respublikasi Moliya vazirligining Nazorat-taftish bosh boshqarmasi ikki yilda kamida bir marta Patent idorasining moliya-xo‘jalik faoliyatini belgilangan tartibda taftish qiladi, idoraning valyuta va so‘mdagi hisob raqamlaridagi mablag‘lar to‘g‘ri taqsimlanishi va ulardan maqsadli foydalanilishi masalasini majburiy tartibda o‘rganadi.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. Vazirlar Mahkamasining “Xorijiy valyutadagi davlat bojlari, yig‘imlar hamda soliq bo‘lmagan boshqa to‘lovlar stavkalari to‘g‘risida” 1993-yil 19-avgustdagi 423-son qarorida:
beshinchi xatboshidagi “Respublika valyuta jamg‘armasining hisob raqamiga” so‘zlari “davlat budjetiga” so‘zlari bilan almashtirilsin;
oltinchi xatboshidagi “Respublika valyuta jamg‘armasi hisob raqamiga” so‘zlari “davlat budjetiga” so‘zlari bilan almashtirilsin;
“Tovar belgilari va xizmat ko‘rsatish belgilari to‘g‘risida” so‘zlari “Tovar belgilari, xizmat ko‘rsatish belgilari va tovarlarning kelib chiqish joylari nomlari to‘g‘risida” so‘zlari bilan almashtirilsin;
v) Bojlar, yig‘imlar hamda soliq bo‘lmagan boshqa to‘lovlar to‘lashdan tushgan valyuta tushumlarini taqsimlash jadvalida:
oxirgi ustundagi “Fan va texnika davlat qo‘mitasining Patent idorasi” so‘zlari “Davlat patent idorasi” so‘zlari bilan almashtirilsin;
— 15% Ilmiy-texnika taraqqiyotini Muvofiqlashtirish Kengashi huzuridagi Innovatsiya ilmiy-texnika faoliyatini mablag‘ bilan ta’minlash jamg‘armasiga”.
2. Vazirlar Mahkamasining 2002-yil 4-martdagi 77-son qarori “O‘zbekiston Respublikasi QT., 2002-y., 3-son, 14-modda) bilan tasdiqlangan Ilmiy-texnika taraqqiyotini Muvofiqlashtirish Kengashi huzuridagi Innovatsiya ilmiy-texnika faoliyatini mablag‘ bilan ta’minlash jamg‘armasi mablag‘larini shakllantirish va sarflash tartibi to‘g‘risidagi Nizomda:
— O‘zbekiston Respublikasi Davlat patent idorasining hisob raqamiga tushuvchi patent poshlinalari va boshqa soliq bo‘lmagan to‘lovlardan tushuvchi 15% miqdoridagi valyuta va so‘mdagi mablag‘lar”;
“O‘zbekiston Respublikasi Davlat patent idorasining hisob raqamiga tushuvchi patent poshlinalari va boshqa soliq bo‘lmagan to‘lovlardan tushuvchi valyuta va so‘mdagi mablag‘lar har o‘n kunda hisobot davrida amalda tushgan mablag‘larning 15 foizi miqdorida Jamg‘armaning valyuta va so‘mdagi hisob raqamlariga o‘tkaziladi”.