LexUZ sharhi
Mazkur qaror O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2017-yil 7-apreldagi 237/2-sonli ““Talabgorlarning ilmiy va ilmiy-pedagogik faoliyatga layoqatini aniqlash bo‘yicha test o‘tkazish tartibi to‘g‘risidagi nizomni tasdiqlash haqida”gi qarorni o‘z kuchini yo‘qotgan deb topish to‘g‘risida”gi qaroriga (ro‘yxat raqami 2664-1, 13.04.2017-y.) asosan o‘z kuchini yo‘qotgan.
O‘zbekiston Respublikasi Prezidentining 2012-yil 24-iyuldagi PF-4456-son “Oliy malakali ilmiy va ilmiy-pedagog kadrlar tayyorlash va attestatsiyadan o‘tkazish tizimini yanada takomillashtirish to‘g‘risida”gi Farmoni hamda O‘zbekiston Respublikasi Vazirlar Mahkamasining 2012-yil 28-dekabrdagi 365-son “Oliy o‘quv yurtidan keyingi ta’lim hamda oliy malakali ilmiy va ilmiy-pedagog kadrlarni attestatsiyadan o‘tkazish tizimini takomillashtirish chora-tadbirlari to‘g‘risida”gi qaroriga muvofiq O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosati qaror qiladi:
1. Talabgorlarning ilmiy va ilmiy-pedagogik faoliyatga layoqatini aniqlash bo‘yicha test o‘tkazish tartibi to‘g‘risidagi nizom ilovaga muvofiq tasdiqlansin.
O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2015-yil 20-martdagi 214/7-son qaroriga
ILOVA
ILOVA
Mazkur Nizom O‘zbekiston Respublikasi Prezidentining 2012-yil 24-iyuldagi PF-4456-son “Oliy malakali ilmiy va ilmiy-pedagog kadrlar tayyorlash va attestatsiyadan o‘tkazish tizimini yanada takomillashtirish to‘g‘risida”gi Farmoni hamda O‘zbekiston Respublikasi Vazirlar Mahkamasining 2012-yil 28-dekabrdagi 365-son “Oliy o‘quv yurtidan keyingi ta’lim hamda oliy malakali ilmiy va ilmiy-pedagog kadrlarni attestatsiyadan o‘tkazish tizimini takomillashtirish chora-tadbirlari to‘g‘risida”gi qaroriga muvofiq talabgorlarning ilmiy va ilmiy-pedagogik faoliyatga layoqatini aniqlash bo‘yicha test (bundan buyon matnda test deb yuritiladi) o‘tkazish tartibini belgilaydi.
1. Vazirlar Mahkamasining 2012-yil 28-dekabrdagi 365-son qarori bilan tasdiqlangan Oliy o‘quv yurtidan keyingi ta’limga qo‘yiladigan davlat talablariga muvofiq, oliy o‘quv yurtidan keyingi ta’lim institutiga katta ilmiy xodimlar-izlanuvchilar sifatida kiruvchi shaxslar hamda mustaqil izlanuvchilar sifatida rasmiylashtiriladigan shaxslar ilmiy izlanishlar va ilmiy-pedagogik faoliyat bilan shug‘ullanish layoqatiga ega bo‘lishi lozim.
2. Test oliy o‘quv yurtidan keyingi ta’lim institutiga katta ilmiy xodimlar-izlanuvchilar sifatida kiruvchi shaxslar hamda mustaqil izlanuvchilar sifatida rasmiylashtiriladigan shaxslarning ilmiy va ilmiy-pedagogik faoliyat bilan shug‘ullanish layoqatini aniqlash maqsadida o‘tkaziladi.
3. Test O‘zbekiston Respublikasi Vazirlar Mahkamasi huzuridagi Oliy attestatsiya komissiyasi (bundan buyon matnda OAK deb yuritiladi) Rayosatining qarori bilan tasdiqlangan test o‘tkazish dasturi asosida, sessiya tarzida iyul va avgust oylaridan tashqari barcha oylarda o‘tkaziladi.
5. Test o‘tkazishni tashkil etish uchun manfaatdor vazirlik va idoralarning tavsiyalari asosida OAK Rayosatining qarori bilan oliy ta’lim yoki ilmiy-tadqiqot muassasalari orasidan test o‘tkazuvchi muassasalar (bundan buyon matnda muassasalar deb yuritiladi) tanlab olinadi.
6. Testlarni yagona dasturiy-texnik tizim asosida masofaviy test usulida tashkil etish, shuningdek dasturiy ta’minot va administratorlik vazifasini amalga oshirish uchun OAK Rayosatining qarori bilan muassasalar orasidan bosh muassasa tanlab olinadi.
bosh muassasa tomonidan ishlab chiqilgan test o‘tkazish dasturi va savollar bankining dasturiy ta’minotiga ulanish bo‘yicha tegishli texnik tayyorgarlikni amalga oshirish;
masofaviy test o‘tkazish jarayonida muassasada test o‘tkazish tizimining uzluksiz va xavfsiz ishlashini ta’minlash;
testdan ijobiy o‘tgan talabgorlarga bosh muassasa tomonidan mazkur Nizomning ilovasiga muvofiq shaklda rasmiylashtiriladigan Talabgorning ilmiy va ilmiy-pedagogik faoliyatga layoqatini aniqlash bo‘yicha testdan o‘tganligini tasdiqlovchi guvohnomalarni (bundan buyon matnda guvohnoma deb yuritiladi) topshirish.
tasdiqlangan test o‘tkazish dasturi asosida savollar banki va uning dasturiy ta’minotini ishlab chiqish;
test o‘tkazish dasturi, savollar banki va uning dasturiy ta’minotini muntazam ravishda takomillashtirib borishni tashkil etish;
masofaviy test o‘tkazishni dasturiy-texnik jihatdan tashkil etish, test o‘tkazish tizimining uzluksiz va xavfsiz ishlashini ta’minlash;
9. Testni ilmiy-tashkiliy jihatdan yuqori saviyada tashkil etish, test jarayonining xolisona va adolatli o‘tishini ta’minlash, talabgorlarga ularning test jarayonidagi vazifalari, huquq va majburiyatlarini tushuntirish, test o‘tkazish bilan bog‘liq zarur shart-sharoitlarni yaratish maqsadida bosh muassasa va muassasalarda test o‘tkazish bo‘yicha komissiyalar (bundan buyon matnda komissiya deb yuritiladi) tashkil etiladi.
10. Komissiyalarning tarkibi tegishlicha bosh muassasa va muassasalarning tavsiyasi asosida OAK Rayosati tomonidan fan doktori ilmiy darajasiga ega bo‘lgan 9–12 nafar a’zodan iborat tarkibda, shu jumladan komissiya raisi va mas’ul kotibi ko‘rsatilgan holda tasdiqlanadi. Har yili komissiyalar tarkibining uchdan bir qismi yangilanib boriladi.
shaxsini tasdiqlovchi hujjatlar asosida talabgorlarni guruhlar bo‘yicha tegishli kompyuter xonalariga tartibli kiritishni tashkil etish;
Bosh muassasada tuzilgan komissiya mazkur vazifalarni bajarishdan tashqari test o‘tkazish jarayonini to‘g‘ridan to‘g‘ri videoaloqa orqali nazorat qiladi.
12. Talabgorlar test sinovlarida ishtirok etish uchun OAKga ish joyi yoki yashash joyidagi oliy o‘quv yurti yoxud ilmiy tadqiqot muassasasi yoki bevosita OAK veb-sayti orqali murojaat qiladi.
13. Oliy o‘quv yurti va ilmiy tadqiqot muassasasi testda ishtirok etish uchun murojaat qilgan talabgorlar haqidagi ma’lumotlarni individual login va parol asosida OAK veb-sayti orqali OAKga yetkazadi. OAK talabgorlar haqidagi ma’lumotlarni oliy o‘quv yurtlaridan bevosita qabul qilishi mumkin.
14. Har bir sessiya davomida testda ishtirok etadigan talabgorlar ro‘yxati OAK tomonidan bosh muassasaga taqdim etiladi. Mazkur ro‘yxat asosida bosh muassasa muassasalar bilan kelishilgan holda test o‘tkazish muddati va vaqtini belgilaydi.
Bosh muassasa testdan kamida besh kun oldin test o‘tkaziladigan vaqt haqida OAKga elektron shaklda xabar beradi va o‘zining rasmiy saytida bu haqda e’lon qiladi.
16. Test javoblari 100 ballik tizimda, har bir to‘g‘ri javob uchun 2 ball berilgan holda baholanadi.
17. Talabgorning ilmiy nashrlarda, shu jumladan ilmiy konferensiyalar materiallarida e’lon qilingan ilmiy ishlari mavjud bo‘lganda, u tomonidan testda to‘plangan ballga komissiya tomonidan bitta ilmiy ish uchun 10 ball, ikkita ilmiy ish uchun 20 ball, uch va undan ortiq ilmiy ish uchun 30 ball qo‘shib beriladi.
Talabgorning ilmiy nashrlarda, shu jumladan ilmiy konferensiyalar materiallarida e’lon qilingan ilmiy ishlari elektron (skaner qilingan) shaklda oliy o‘quv yurti yoki ilmiy tadqiqot muassasasi yoxud bevosita talabgor tomonidan OAK veb-saytiga kiritiladi.
18. Testga lug‘at, kitob, uyali telefon, kompyuter, telekommunikatsiya vositalari va shpargalkalar olib kirgan, test davomida boshqa talabgordan yordam olgan yoki yordam bergan talabgorlar komissiya tomonidan dalolatnoma tuzilgan holda testdan chetlashtiriladi.
19. Test natijalariga ko‘ra, shu jumladan ilmiy ishlar uchun hisoblangan ballarni qo‘shgan holda 56 va undan yuqori ball to‘plagan talabgorlar testdan muvofaqqiyatli o‘tgan hisoblanadi va ularga guvohnoma beriladi.
20. Guvohnomalar test natijalari e’lon qilingan kundan boshlab o‘n ish kuni ichida bosh muassasa tomonidan talabgorlarning shaxsini tasdiqlovchi hujjati nusxasi asosida rasmiylashtiriladi, bosh muassasa rahbari tomonidan imzolanib, muhr bilan tasdiqlanadi hamda OAKga taqdim etiladi.
Guvohnomalar OAK raisi tomonidan imzolanib, muhr bilan tasdiqlangach, bosh muassasaga, bosh muassasa tomonidan testni o‘tkazgan muassasa vakiliga topshiriladi.
21. Bosh muassasa tomonidan muassasaga taqdim etilgan guvohnomalar muassasa rahbari hamda muassasadagi komissiya raisi tomonidan imzolanib, muhr bilan tasdiqlanadi hamda talabgorlarga topshiriladi.
Bosh muassasa muassasa vazifasini bajarganda guvohnomalar OAK raisi, bosh muassasa rahbari va bosh muassasadagi komissiya raisi tomonidan imzolanib, muhr bilan tasdiqlanadi.
22. Guvohnomalarni rasmiylashtirish jarayonida xatolik aniqlangan yoki guvohnoma buzilgan taqdirda, ushbu guvohnomalar dalolatnoma tuzilgan holda bosh muassasaga topshiriladi va bosh muassasa tomonidan mazkur Nizomda belgilangan tartibda yangi guvohnoma rasmiylashtiriladi.
24. Belgilangan vaqtda testga kelmagan yoki testdan muvofaqqiyatli o‘ta olmagan talabgorlar keyingi sessiyalarda test topshirishi mumkin. Bir sessiya davomida qayta test topshirishga yo‘l qo‘yilmaydi.
25. Talabgorning test o‘tkazish jarayoni bo‘yicha shikoyatlari test o‘tkazilgan va natijalari e’lon qilingan kunning o‘zida muassasa rahbari tomonidan tuzilgan apellatsiya komissiyasi tomonidan ko‘rib chiqiladi.
26. Test savollari yoki test natijalari haqidagi shikoyatlar muassasa orqali bosh muassasa rahbari tomonidan tuzilgan apellatsiya komissiyasi tomonidan ko‘rib chiqiladi.
27. OAK, tizimida oliy o‘quv yurtidan keyingi ta’lim institutlari mavjud bo‘lgan vazirlik, idora va tashkilotlar komissiyalar ishida hamda test jarayonini kuzatishda ishtirok etish uchun o‘z vakillarini yuborishlari mumkin.
28. Test jarayoni xolis o‘tkazilmaganligi aniqlanganda uning natijalari OAK tomonidan bekor qilinadi.
29. Test natijalari bo‘yicha yillik tahliliy ma’lumotnoma “OAK Byulleteni” jurnalida chop etib boriladi.
30. Komissiyalar faoliyati va ularga yuklatilgan vazifalarning bajarilishini ta’minlash uchun muassasalar rahbarlari, komissiya raisi va mas’ul kotibi javobgardir.
31. Mazkur Nizom O‘zbekiston Respublikasi Madaniyat va sport ishlari vazirligi, Oliy va o‘rta maxsus ta’lim vazirligi, Sog‘liqni saqlash vazirligi, Xalq ta’limi vazirligi, Qishloq va suv xo‘jaligi vazirligi, Tashqi ishlar vazirligi, Fanlar akademiyasi, Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qo‘mitasi bilan kelishilgan.
Talabgorlarning ilmiy va ilmiy-pedagogik faoliyatga layoqatini aniqlash bo‘yicha test o‘tkazish tartibi to‘g‘risidagi nizomga
ILOVA
ILOVA
_______________________________________________________________ | |||||
(bosh muassasaning nomi) | |||||
| |||||
Talabgor ________________________________________________________________ | |||||
(familiyasi, ismi, otasining ismi) | |||||
______________________________________________________________________ da | |||||
(muassasaning nomi) | |||||
o‘tkazilgan ilmiy va ilmiy-pedagogik faoliyatga layoqatni aniqlash bo‘yicha testda _____ ball to‘pladi va testdan muvofaqqiyatli o‘tdi. | |||||
(familiyasi, ismi, otasining ismi) | |||||
ilmiy va ilmiy-pedagogik faoliyat olib borish layoqatiga ega. | |||||
Oliy att�statsiya komissiyasi raisi | _________ | ___________________ | |||
(imzo) | M.O‘. | (F.I.O.) | |||
Bosh muassasa rahbari | _________ | ___________________ | |||
(imzo) | M.O‘. | (F.I.O.) | |||
Muassasa rahbari* | _________ | ___________________ | |||
(imzo) | M.O‘. | (F.I.O.) | |||
Muassasa komissiyasi raisi | _________ | ___________________ | |||
(imzo) | M.O‘. | (F.I.O.) | |||
Berilgan sana: 20__ yil “___” ___________ Ro‘yxatga olish raqami: ____________ |