“Seleksiya yutuqlari to‘g‘risida”gi O‘zbekiston Respublikasi Qonuniga muvofiq hamda O‘zbekiston Respublikasi Prezidentining “Qonunlarning havolaki normalarini amalga oshirishga qaratilgan normativ-huquqiy va boshqa hujjatlarni ishlab chiqish rejalarini tasdiqlash to‘g‘risida” 2013-yil 15-iyuldagi PQ-2003-son qarorini bajarish maqsadida Vazirlar Mahkamasi qaror qiladi:
1. “Seleksiya yutuqlari to‘g‘risida”gi O‘zbekiston Respublikasi Qonuniga muvofiq buyurtmanomada ko‘rsatilgan seleksiya yutug‘i sinovlarining quyidagi ixtisoslashtirilgan tashkilotlar tomonidan o‘tkazilishi ma’lumot uchun qabul qilinsin:
Keyingi tahrirga qarang.
O‘zbekiston Respublikasi Qishloq va suv xo‘jaligi vazirligining Qishloq xo‘jaligi ekinlari navlarini sinash Davlat komissiyasi — o‘simliklarning yangi navlari bo‘yicha;
Keyingi tahrirga qarang.
Oldingi tahrirga qarang.
O‘zbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi ta’minlanishi ustidan nazorat qilish inspeksiyasi — yangi hayvon zotlari bo‘yicha.
(1-bandning uchinchi xatboshisi O‘zbekiston Respublikasi Vazirlar Mahkamasining 2018-yil 24-sentabrdagi 759-sonli qarori tahririda — Qonun hujjatlari ma’lumotlari milliy bazasi, 25.09.2018-y., 09/18/759/2026-son)
Keyingi tahrirga qarang.
2. O‘simliklarning yangi navlari bo‘yicha buyurtmanomada ko‘rsatilgan seleksiya yutug‘i sinovlarini o‘tkazadigan Davlat nav sinash stansiyalari va davlat nav sinash uchastkalari ro‘yxati ilovaga* muvofiq tasdiqlansin.
*Ilova rus tilidagi matnda berilgan.
Oldingi tahrirga qarang.
Keyingi tahrirga qarang.
3. Belgilab qo‘yilsinki, hayvonlarning yangi zotlari bo‘yicha buyurtmanomada ko‘rsatilgan seleksiya yutug‘i sinovlari O‘zbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi ta’minlanishi ustidan nazorat qilish inspeksiyasi tomonidan hayvonlarning yangi zotlari yaratilgan tashkilotlar — chorva naslchiligi subyektlarida o‘tkaziladi.
(3-band O‘zbekiston Respublikasi Vazirlar Mahkamasining 2018-yil 24-sentabrdagi 759-sonli qarori tahririda — Qonun hujjatlari ma’lumotlari milliy bazasi, 25.09.2018-y., 09/18/759/2026-son)
Keyingi tahrirga qarang.
4. O‘zbekiston Respublikasi Qishloq va suv xo‘jaligi vazirligi manfaatdor vazirliklar va idoralar bilan birgalikda ikki oy muddatda seleksiya yutuqlari sinovlarini o‘tkazish uslubiyotini ishlab chiqsin va belgilangan tartibda tasdiqlasin.
Keyingi tahrirga qarang.
5. O‘zbekiston Respublikasi Vazirlar Mahkamasining 1995-yil 10-oktabrdagi 393-son qarori bilan tasdiqlangan O‘zbekiston Respublikasi Qishloq va suv xo‘jaligi vazirligining Chorvachilikda naslchilik ishlari bo‘yicha davlat bosh inspeksiyasi to‘g‘risidagi nizom 7-bandining to‘qqizinchi xatboshi quyidagi tahrirda bayon qilinsin:
6. Mazkur qarorning bajarilishini nazorat qilish O‘zbekiston Respublikasi Vazirlar Mahkamasining Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari axborot-tahlil departamentiga yuklansin.