“Mahalliy davlat hokimiyati to‘g‘risida”gi, “Chiqindilar to‘g‘risida”gi, “Fuqarolarning o‘zini o‘zi boshqarish organlari to‘g‘risida”gi O‘zbekiston Respublikasi qonunlariga hamda O‘zbekiston Respublikasi Vazirlar Mahkamasining 2013-yil 10-yanvardagi “Respublika aholi punktlarini obodonlashtirish ishlarini tashkil etishni takomillashtirish chora-tadbirlari to‘g‘risida”gi 4-sonli, 2010-yil 28-oktabrdagi “Tovarlar (ishlar, xizmatlar)ga tartibga solinadigan narxlar (tariflar)ni deklaratsiya qilish (tasdiqlash) va belgilash tartibini yanada takomillashtirish chora-tadbirlari to‘g‘risida”gi 239-son qarorlariga asosan, chiqindilarni fuqarolar hayoti va sog‘lig‘iga, atrof-muhitga zararli ta’sirini oldini olish, chiqindilar hosil bo‘lishini kamaytirish, tuman hududini ekologik hamda sanitariya holatini, tozaligini amalga oshirish maqsadida qaror qilaman:
1. O‘zbekiston Respublikasi Vazirlar Mahkamasining 2013-yil 3-dekabrdagi “Respublika aholi punktlarida sanitariya jihatdan tozalash tizimini rivojlantirish va takomillashtirish chora-tadbirlari to‘g‘risida”gi 315-sonli qaroriga asosan, tumanda qattiq maishiy chiqindilarni tashib olib ketish xizmatlari tuman obodonlashtirish boshqarmasi tomonidan amalga oshirilishi belgilansin.
2. Yangibozor tumanida yuridik va jismoniy shaxslardan qattiq maishiy chiqindilarni olib ketish uchun har oyga belgilangan to‘lov miqdorlari ilovaga* muvofiq tasdiqlansin.
3. Tuman obodonlashtirish boshqarmasi (I. Alimov), tuman aholisi, korxona va tashkilotlar bilan chiqindilarni olib ketish yuzasidan shartnomalarini tuzish hamda shartnoma asosida maishiy chiqindilarni o‘z vaqtida olib ketish va ularni belgilangan tartibda joylashtirib borsin.
hududlarda maishiy chiqindilarni samarali va o‘z vaqtida olib chiqib ketishni tashkil etish hamda hududlar doirasida obodonlashtirishga, ko‘kalamzorlashtirishga va sanitariya holatini yaxshilashga qaratilgan tadbirlar rejalarini tasdiqlash;