O‘zbekiston Respublikasi Qurolli Kuchlari harbiy xizmatchilarini va harbiy xizmatga majburlarni harbiy hisobga olish tizimini takomillashtirish hamda O‘zbekiston Respublikasi Prezidentining “O‘zbekiston Respublikasida pasport tizimini takomillashtirish to‘g‘risida” 1999-yil 26-fevraldagi PF-2240-son Farmoniga muvofiq Vazirlar Mahkamasi qaror qiladi:
1. O‘zbekiston Respublikasi Qurolli Kuchlari ofitseri shaxsiy guvohnomasi, bitimga binoan harbiy xizmatchi shaxsiy guvohnomasi, zaxiradagi ofitserning guvohnomasi va harbiy guvohnomasining yangi namunalari 1—4-ilovalarga* muvofiq tasdiqlansin va 2002-yil 1-iyundan boshlab amalga kiritilsin.
Qurolli Kuchlar ofitserlari shaxsiy guvohnomasi va haqiqiy harbiy xizmatdagi bitimga binoan harbiy xizmatchilarning shaxsiy guvohnomasi 2002-yil 1-sentabrgacha;
Belgilansinki, O‘zbekiston Respublikasi Qurolli Kuchlari harbiy xizmatchilari va harbiy xizmatga majburlarning guvohnomalari mavjud namunalari ularni yangi namunadagi hujjatlarga almashtirish uchun belgilangan davr mobaynida haqiqiy hisoblanadi.
O‘zbekiston Respublikasi Qurolli Kuchlari ofitserining, bitimga binoan harbiy xizmatchining shaxsiy guvohnomalari va zaxiradagi ofitserning guvohnomasi to‘g‘risidagi Nizom 5-ilovaga muvofiq;
3. O‘zbekiston Respublikasi Mudofaa vazirligi (Q.G‘. G‘ulomov), Ichki ishlar vazirligi (Z.A. Almatov), Favqulodda vaziyatlar vazirligi (R.H. Haydarov), Milliy xavfsizlik xizmati (R.R. Inoyatov) va Davlat chegaralarini himoya qiluvchi qo‘mita (M.I. O‘taganov):
guvohnomalarni almashtirish davrida harbiy xizmatchilarga shaxsiy guvohnomalar tashkiliy berilishi maqsadida markaziy apparatlarda vazirliklar va idoralarning kadrlar organlari, MXX maxsus bo‘limlari va O‘zbekiston Respublikasi Ichki ishlar vazirligining, kirish, chiqish va fuqarolik boshqarmasi vakillaridan iborat tarkibda ikki hafta muddatda tegishli ishchi guruhlar tuzsinlar;
guvohnomalar blanklari saqlanishi, hisobga olinishi, to‘ldirilishi va berilishini ta’minlash uchun markaziy apparatlar kadrlar tuzilmasida vazirliklar va idoralarning belgilangan shtatdagi xodimlari soni doirasida tegishli bo‘linmalar tashkil etsinlar.
4. O‘zbekiston Respublikasi Mudofaa vazirligi (Q.G‘. G‘ulomov) Mudofaa vazirligining belgilangan shtatdagi xodimlari soni doirasida Qoraqalpog‘iston Respublikasi, viloyatlar va Toshkent shahar mudofaa ishlari boshqarmalarida zaxiradagi ofitser guvohnomalari va harbiy guvohnomalar hisobga olinishi, saqlanishi, rasmiylashtirilishi va berilishi bo‘yicha bo‘linmalar tashkil etsin.
Keyingi tahrirga qarang.
5. O‘zbekiston Respublikasi Markaziy banki huzuridagi “Davlat belgisi” davlat ishlab chiqarish birlashmasi (S.X. Xudoyqulov) uch oy muddatda Mudofaa vazirligining buyurtmanomasi bo‘yicha ofitser shaxsiy guvohnomasi, bitimga binoan harbiy xizmatchi guvohnomasi, zaxiradagi ofitserning guvohnomasi va harbiy guvohnoma blanklarini zarur miqdorda tayyorlasin.
6. O‘zbekiston Respublikasi Moliya vazirligi (M.B. Nurmurodov) Qurolli Kuchlar harbiy xizmatchilari va harbiy xizmatga majburlar guvohnomalari blanklarini tayyorlashga, ularni avtomatlashtirilgan tarzda hisobga olish va to‘ldirish uchun maxsus asbob-uskunalar va texnika sotib olishga O‘zbekiston Respublikasi Mudofaa vazirligining asoslangan hisob-kitoblari bo‘yicha 2002-yildan boshlab bosqichma-bosqich budjet mablag‘lari ajratishni nazarda tutsin.
7. Adliya vazirligi (A.A. Polvon-zoda) Mudofaa vazirligi (Q.G‘. G‘ulomov) va Ichki ishlar vazirligi (Z.A. Almatov) bilan birgalikda bir oy muddatda amaldagi normativ hujjatlarga mazkur qarordan kelib chiquvchi o‘zgartirish va qo‘shimchalar to‘g‘risida takliflar kiritsin.
8. Mazkur qarorning bajarilishini nazorat qilish O‘zbekiston Respublikasi Prezidenti huzuridagi Milliy xavfsizlik Kengashi Kotibi M.X. Rahmonqulov va O‘zbekiston Respublikasi Prezidentining Davlat maslahatchisi T.A. Xudoyberganov zimmasiga yuklansin.
1. O‘zbekiston Respublikasi Qurolli Kuchlari ofitserining, bitimga binoan harbiy xizmatchining shaxsiy guvohnomalari (keyingi o‘rinlarda — “harbiy xizmatchining shaxsiy guvohnomasi” deb yuritiladi) va zaxiradagi ofitserning guvohnomasi to‘g‘risidagi Nizom guvohnomalarni berish, almashtirish, hisobga olish, to‘ldirish, ulardan foydalanish, shuningdek ular yaroqsiz holga keltirilganligi, yo‘qotilganligi va ehtiyotsizlik bilan saqlanganligi uchun javobgarlik tartibini belgilaydi.
2. Harbiy xizmatchining shaxsiy guvohnomasi amaldagi qonun hujjatlariga muvofiq harbiy xizmat nazarda tutilgan O‘zbekiston Respublikasining vazirliklari va idoralari harbiy tuzilmalarida ofitser va bitimga binoan harbiy xizmatchi sifatida haqiqiy harbiy xizmatni o‘tayotgan O‘zbekiston Respublikasi fuqarolariga beriladi.
Keyingi tahrirga qarang.
3. O‘zbekiston Respublikasi Qurolli Kuchlari harbiy xizmatchisining shaxsiy guvohnomasi ofitser va bitimga binoan harbiy xizmatchining shaxsini va xizmat mavqeyini tasdiqlovchi hujjat hisoblanadi.
Harbiy xizmatchining shaxsiy guvohnomasi ofitsyerga va bitimga binoan harbiy xizmatchiga harbiy xizmatchining haqiqiy harbiy xizmatda bo‘lish butun davrida O‘zbekiston Respublikasi fuqarosining pasporti o‘rnini bosadi va O‘zbekiston Respublikasining butun hududida haqiqiydir.
Qurolli Kuchlarning harbiy xizmatchilari O‘zbekiston Respublikasida pasport tizimi to‘g‘risidagi Nizomga muvofiq O‘zbekiston Respublikasi fuqarosining pasportini olish huquqiga egadir.
4. Zaxiradagi ofitserning guvohnomasi fuqaroning O‘zbekiston Respublikasi Qurolli Kuchlariga mansubligini tasdiqlovchi hujjat hisoblanadi.
5. Harbiy xizmatchining shaxsiy guvohnomasi O‘zbekiston Respublikasining Davlat chegarasidan o‘tish huquqini beruvchi hujjat hisoblanmaydi. Chet elga chiqayotgan O‘zbekiston Respublikasi harbiy xizmatchilariga Pasport tizimi to‘g‘risidagi Nizomga hamda O‘zbekiston Respublikasining amaldagi qonun hujjatlariga muvofiq O‘zbekiston Respublikasi fuqarosining pasporti beriladi.
Keyingi tahrirga qarang.
6. Harbiy xizmatchining shaxsiy guvohnomasi tegishli vazirliklar va idoralarning kadrlar xizmatlari tomonidan beriladi.
O‘zbekiston Respublikasi Qurolli Kuchlari zaxiradagi ofitserining guvohnomasi Qoraqalpog‘iston Respublikasi, viloyatlar va Toshkent shahar mudofaa ishlari boshqarmalari tomonidan beriladi.
Keyingi tahrirga qarang.
7. Harbiy xizmatchi shaxsiy guvohnomasi va O‘zbekiston Respublikasi Qurolli Kuchlari zaxiradagi ofitserining guvohnomasi blanklari barcha vazirliklar va idoralar uchun yagona namunada o‘zbek (lotin harflarida) va rus (kirillitsa harflarida) tillarida tayyorlanadi.
8. Harbiy xizmatchi va harbiy xizmatga majbur unga berilgan guvohnoma saqlanishi uchun shaxsan javob beradi. Guvohnoma yaroqsiz holga keltirilganligi, yo‘qotilganligi, ehtiyotsizlik bilan saqlanganligi va boshqa shaxslarga berilganligi uchun aybdorlar ma’muriy javobgarlikka tortiladi.
9. Ofitser va bitimga binoan harbiy xizmatchi harbiy xizmatdan bo‘shatilgan taqdirda harbiy qism shtabi (kadrlar organi) harbiy xizmatchi shaxsiy guvohnomasining “Xizmat mavqeyidagi o‘zgarishlar” ustuniga shaxsiy tarkib bo‘yicha buyruqning tartib raqamiga va sanasiga havola qilgan holda harbiy xizmatdan bo‘shatish to‘g‘risidagi yozuvni qayd etadi, ushbu yozuv harbiy qism shtabi boshlig‘i (kadrlar organi boshlig‘i)ning imzosi bilan tasdiqlanadi va unga gerbli muhr bosiladi. Bunda “tayinlangan” so‘zining ustidan chiziladi.
10. Harbiy xizmatdan bo‘shatilgan harbiy xizmatchining shaxsiy guvohnomasi u harbiy hisobga qo‘yilganda mudofaa ishlari bo‘limida olib qo‘yiladi. Harbiy xizmatchining olib qo‘yilgan shaxsiy guvohnomasi o‘rniga zaxiradagi ofitserning guvohnomasi yoki harbiy guvohnoma beriladi.
Harbiy xizmatchidan olib qo‘yilgan shaxsiy guvohnoma mudofaa ishlari bo‘limida dalolatnoma asosida belgilangan tartibda yo‘q qilinadi.
11. Vafot etishi (halok bo‘lishi) munosabati bilan yoki boshqa sabablarga ko‘ra Qurolli Kuchlar shaxsiy tarkibi ro‘yxatidan chiqarilgan harbiy xizmatchining shaxsiy guvohnomasi harbiy qism shtabi tomonidan guvohnomani bergan kadrlar organiga yuboriladi va u erda dalolatnoma asosida yo‘q qilinadi. Dalolatnomada harbiy xizmatchining familiyasi, ismi va otasining ismi, yo‘q qilingan shaxsiy guvohnomaning seriyasi va tartib raqami ko‘rsatiladi. Dalolatnoma kadrlar organining shaxsiy guvohnomalar bo‘yicha yozishmalar yig‘ma jildiga tikib qo‘yiladi.
harbiy xizmatchiga birinchi ofitserlik unvoni berilganda va u O‘zbekiston Respublikasi Qurolli Kuchlarining ofitser kadrlar tarkibiga o‘tkazilganda;
ixtiyoriy tartibda yoki chaqiriq bo‘yicha zaxiradagi ofitser O‘zbekiston Respublikasi Qurolli Kuchlariga haqiqiy harbiy xizmatga jalb etilganda beriladi.
13. Bitimga binoan harbiy xizmatchining shaxsiy guvohnomasi harbiy xizmatchiga yoki harbiy xizmatga majburga u bitimga binoan harbiy xizmatga qabul qilingandan va lavozimga tayinlangandan keyin (serjantlar tayyorlash maktabiga qabul qilingandan keyin) beriladi.
Keyingi tahrirga qarang.
ofitserlar tarkibi harbiy unvoniga ega bo‘lgan, haqiqiy harbiy xizmatdan bo‘shatilgan va zaxiraga o‘tkazilgan harbiy xizmatchiga;
attestatsiyaga ko‘ra ofitserlar tarkibiga o‘tkazilgan bitimga binoan harbiy xizmatchiga u harbiy xizmatdan bo‘shatilganda va zaxiraga chiqarilganda;
zaxiradagi ofitserlar tayyorlash dasturi bo‘yicha ta’lim olgan O‘zbekiston Respublikasi fuqarosiga zaxira bo‘yicha birinchi ofitserlik unvoni berilganda beriladi.
harbiy xizmatchi harbiy xizmat nazarda tutilgan boshqa vazirlik yoki idoraga xizmatni davom ettirish uchun safarbar qilinganda;
O‘zbekiston Respublikasi Qurolli Kuchlarida 10 va 20 kalendar yil xizmat qilgan bitimga binoan harbiy xizmatchiga;
16. Harbiy xizmatchilarning shaxsiy guvohnomalari vazirliklar va idoralarning nomlari o‘zgargan, vazirliklar va idoralar tarkibida mustaqil harbiy tuzilmalar tashkil etilgan yoki tugatilgan taqdirda vazirlik va idora rahbarining ko‘rsatmasi bo‘yicha qayta ro‘yxatdan o‘tkaziladi.
17. Shaxsiy guvohnomani to‘ldirish va uni harbiy xizmatchiga berish vazirlik (idora)ning kadrlar organi tomonidan belgilangan tartibda amalga oshiriladi.
18. Urush davrida harbiy xizmatchining shaxsiy guvohnomasi harbiy okrugning kadrlar organi tomonidan to‘ldiriladi va beriladi.
19. Davolanishda, uzoq muddatli xizmat safarida, shuningdek shtatdagi lavozimdan ozod etilmagan holda o‘qishda bo‘lgan harbiy xizmatchiga shaxsiy guvohnoma xizmat joyida beriladi, almashtiriladi va qayta ro‘yxatdan o‘tkaziladi. Agar guvohnomani berish, almashtirish yoki qayta ro‘yxatdan o‘tkazish muayyan muddatlar bilan cheklangan bo‘lsa, bunday hollarda shaxsiy guvohnoma harbiy xizmatchi bo‘lgan joyga yuboriladi va tilxat bilan unga topshiriladi. Yangi shaxsiy guvohnoma olinganligi to‘g‘risidagi tilxat va eski shaxsiy guvohnoma harbiy xizmatchi xizmat qilgan joydagi qismga yuboriladi.
Bitimga binoan harbiy xizmatchiga shaxsiy guvohnoma berishda harbiy guvohnoma undan olib qo‘yiladi va uning shaxsiy hujjatlar yig‘ma jildida saqlanadi. Bu haqda shaxsiy hujjatlar yig‘ma jildining qo‘shimcha materiallaridagi ro‘yxatga belgi qo‘yiladi.
20. Harbiy xizmatchi tomonidan shaxsiy guvohnoma, harbiy xizmatga majburlar tomonidan — zaxiradagi ofitserning guvohnomasi yo‘qotilgan (yaroqsiz holga kelgan) taqdirda, yo‘qotishning barcha holatlari aniqlangandan keyin, yo‘qotishda (yaroqsiz holga kelishda) harbiy xizmatchining aybi bo‘lgan taqdirda unga yangi guvohnoma intizomiy jazo berilgandan keyin beriladi.
Harbiy xizmatchining yangi guvohnomasi va zaxiradagi ofitserning guvohnomasi harbiy xizmatchilar guvohnoma blanki qiymatini to‘lagan holda birinchi berishdagi singari asoslarda va tartibda beriladi.
21. Harbiy xizmatchining guvohnomasi va zaxiradagi ofitserning guvohnomasi ushbu maqsadlar uchun maxsus belgilangan mansabdor shaxslar tomonidan harbiy xizmatchining shaxsiy hujjatlar yig‘ma jildi (zaxiradagi ofitserning qisqartirilgan shaxsiy hujjatlar yig‘ma jildi) asosida to‘ldiriladi.
22. Harbiy xizmatchining shaxsiy guvohnomasi birinchi–uchinchi sahifalari maxsus bosma yozuv uskunalari qo‘llangan holda guvohnomani beradigan vazirlik (idora)ning kadrlar organi tomonidan to‘ldiriladi. Zaxiradagi ofitserning guvohnomasi birinchi va ikkinchi sahifalarini to‘ldirish va uni berish Qoraqalpog‘iston Respublikasi, viloyatlar va Toshkent shahar mudofaa ishlari boshqarmalari tomonidan amalga oshiriladi. Guvohnomaning birinchi sahifasi barcha zarur ma’lumotlar kiritilgandan, fotosurat yopishtirilgandan, vazirlik (idora) kadrlar organi gerbli muhri bilan tasdiqlangandan keyin o‘zi yelimlanadigan shaffof plastik plyonka bilan muhofazalanadi.
Keyingi tahrirga qarang.
23. Fotosuratlar (byust, anfas) 3x4 sm o‘lchamda tayyorlanadi. Harbiy xizmatchi kundalik harbiy kiyim-boshda (shinel, palto va bosh kiyimisiz), zaxiradagi ofitserlar fuqaro kiyimida suratga tushadilar. Fotosuratlardagi farqlash belgilari harbiy xizmatchining guvohnoma to‘ldirilgan kundagi harbiy unvoniga muvofiq bo‘lishi kerak.
24. Shaxsiy guvohnomaga kiritiladigan barcha keyingi yozuvlar, guvohnoma egasining shaxsiy imzosi va guvohnomaga yozuvlarni qayd etgan mansabdor shaxslarning imzolari o‘chirib yozilmasdan va tuzatilmasdan aniq, tushunarli xusnixat bilan qora rangdagi tushda yoziladi. Shaxsiy guvohnomalar boshqa rangdagi tush va siyohlar, sharikli ruchkalar bilan yozilishiga, shuningdek shtamplar qo‘llanilishiga (FHDY organlari shtamplari va qonning guruhi va rezus-faktori to‘g‘risidagi shtamplardan tashqari) yo‘l qo‘yilmaydi.
25. “Oilaviy ahvoli va oilasining tarkibi” ustunida nikohdan o‘tganlik yoki uning bekor qilinganligi, voyaga yetmagan bolalar borligi to‘g‘risida belgi qo‘yiladi.
Oilaviy ahvoli to‘g‘risidagi yozuvlar (guvohnoma to‘ldirilgan kunda bolalarning borligi, keyinchalik bolalar tug‘ilishi haqida) FHDY organlari tomonidan beriladigan hujjatlar asosida yoziladi.
“Alohida qaydlar” ustunida qonning guruhi va rezus-faktori to‘g‘risida shtamp qo‘yiladi. Bu ustunga vazirlik (idora) rahbarining ko‘rsatmasi bo‘yicha boshqa qaydlar ham kiritilishi mumkin.
“Guvohnomani yangidan qayd qilish belgilari” ustunida yangidan qayd qilish sanasi to‘g‘risida yozuv yoziladi (yil, kun, oy ko‘rsatiladi) va u guvohnomani imzolash huquqi berilgan tegishli komandir (boshliq)ning imzosi bilan tasdiqlanadi va gerbli muhr bosiladi.
26. Harbiy xizmatchining shaxsiy guvohnomasi, zaxiradagi ofitserning guvohnomasi blanklari qat’iy hisobda turadigan hujjat hisoblanadi va O‘zbekiston Respublikasi Markaziy banki huzuridagi “Davlat belgisi” davlat ishlab chiqarish birlashmasi tomonidan qalbakilashtirishdan himoya qilish elementlariga ega bo‘lgan maxsus qog‘ozda tayyorlanadi hamda O‘zbekiston Respublikasi Mudofaa vazirligi tomonidan vazirliklarga (idoralarga) va Qoraqalpog‘iston Respublikasi, viloyatlar va Toshkent shahar mudofaa ishlari boshqarmalariga jo‘natiladi.
Keyingi tahrirga qarang.
27. Olingan harbiy guvohnomalarning hisobi vazirliklar va idoralarning kadrlar organlarida, mudofaa ishlari boshqarmalarida qat’iy hisobda turadigan blanklar daftarida olib boriladi.
Keyingi tahrirga qarang.
Harbiy guvohnomalarni hisobga olish uchun zarur bo‘lgan daftarlar va blanklar vazirliklar, idoralar va mudofaa ishlari boshqarmalari tomonidan tayyorlanadi.
28. Nakladnoylar va blanklarni berish vedomostlari, zarur hollarda esa olingan blanklar mavjudligini tekshiruvchi komissiyalar dalolatnomalari blanklarni hisobga olish va hisobdan chiqarish uchun asos hisoblanadi.
29. Harbiy guvohnomalarni yuborish, hisobga olish va saqlash rasmiy davlat hujjatlariga nisbatan qo‘llaniladigan amaldagi qoidalarga muvofiq tashkil etiladi.
30. Guvohnomalar kamomadi aniqlangan, ular yo‘qotilgan va o‘g‘irlangan hollarda tekshirish o‘tkaziladi hamda aybdor shaxslar amaldagi qonun hujjatlariga muvofiq javobgarlikka tortiladi.
Keyingi tahrirga qarang.
31. Vazirliklar, idoralar va mudofaa ishlari boshqarmalarida guvohnomalar saqlanishi va hisobga olinishi uchun ofitserlarni, bitimga binoan harbiy xizmatchilarni va zaxiradagi ofitserlarni harbiy hisobga olish bilan shug‘ullanuvchi bo‘linmalar boshliqlari mas’ul hisoblanadilar.
Keyingi tahrirga qarang.
32. Almashtiriladigan shaxsiy guvohnoma harbiy xizmatchi tomonidan guvohnomani bergan vazirlik (idora)ning kadrlar organiga yuborish uchun shtabning mansabdor shaxsiga topshiriladi.
33. To‘ldirish paytida buzib qo‘yilgan guvohnoma blanki va almashtirishda olib qo‘yilgan guvohnoma barcha sahifalarni chizib tashlash yo‘li bilan bekor qilinadi.
Buzib qo‘yilgan guvohnoma blanki vazirlik (idora)ning kadrlar bo‘limida dalolatnoma asosida yo‘q qilinadi.
34. Kadrlar organlari va mudofaa ishlari boshqarmalarida guvohnomalar blanklari kirimi, chiqimi va mavjudligi shaxsiy tarkibni hisobga olishning holatini tekshirish uchun tayinlangan, ushbu maqsadlar uchun maxsus tashkil etilgan komissiyalar tomonidan har yili birinchi chorakda tekshiriladi.
Keyingi tahrirga qarang.
Komissiyalarning dalolatnomalari shaxsiy guvohnomalar bo‘yicha yozishmalar yig‘ma jildiga tikib qo‘yiladi.
Ofitserning shaxsiy guvohnomasi: o‘lchamlari — 77x110 mm, joylashishi — vertikal, hajmi — 24 sahifa, muqovaning rangi — yashil, rangli ofset usulida bosiladi, seriya — “A”, tartib raqami qo‘yish — yetti belgili, qog‘oz — sakkiz qirrali ko‘rinishdagi umumiy suv belgisi bo‘lgan 100 foiz paxta asosida tayyorlangan. Guvohnomaning birinchi sahifasidagi yozuvlar va fotosurat sovuq holatda silliqlangan plyonka bilan muhofazalanadi.
Bitimga binoan harbiy xizmatchi guvohnomasi: o‘lchamlari 77x110 mm, joylashishi — vertikal, hajmi — 24 sahifa, muqovaning rangi — kul rang, rangli ofset usulida bosiladi, seriya — “S”, tartib raqami qo‘yish — yetti belgili, qog‘oz — sakkiz qirrali ko‘rinishdagi umumiy suv belgisi bo‘lgan 100 foiz paxta asosida tayyorlangan. Guvohnomaning birinchi sahifasidagi yozuvlar va fotosurat sovuq holatda silliqlangan plyonka bilan muhofazalanadi.
Zaxiradagi ofitserning guvohnomasi: o‘lchamlari 77x110 mm, joylashishi — vertikal, hajmi — 32 sahifa, muqovaning rangi — yashil, rangli ofset usulida bosiladi, seriya — “V”, tartib raqami qo‘yish — yetti belgili, qog‘oz — sakkiz qirrali ko‘rinishdagi umumiy suv belgisi bo‘lgan 100 foiz paxta asosida tayyorlangan. Guvohnomaning birinchi sahifasidagi yozuvlar va fotosurat sovuq holatda silliqlangan plyonka bilan muhofazalanadi.
1. Harbiy guvohnoma to‘g‘risidagi Nizom harbiy guvohnomani berish, almashtirish, hisobga olish va to‘ldirish tartibini belgilaydi.
2. Harbiy guvohnoma muddatli harbiy xizmatdagi xizmatchining va harbiy o‘quv yurti kursanti (tinglovchisi)ning shaxsini tasdiqlovchi hujjat hisoblanadi.
Keyingi tahrirga qarang.
O‘zbekiston Respublikasi fuqarosi uchun harbiy guvohnoma harbiy hisobga olishga doir asosiy hujjat hisoblanadi va uning egasining harbiy xizmatga majburiyati munosabatini belgilaydi.
Keyingi tahrirga qarang.
4. Harbiy guvohnoma muddatsiz hujjat hisoblanadi hamda muddatli harbiy xizmatda va O‘zbekiston Respublikasi Qurolli Kuchlarida zaxirada bo‘lishning butun davrida haqiqiydir.
Keyingi tahrirga qarang.
5. Harbiy guvohnoma faqat harbiy qism (harbiy muassasa) shtabiga, mudofaa ishlari bo‘limiga, sud-tergov organlariga, yashash yoki ish joyida harbiy-hisobga olish ishlari uchun mas’ul bo‘lgan mansabdor shaxsga tilxat bilan topshirilishi mumkin.
6. O‘zbekiston Rsspublikasi fuqarosi unga berilgan harbiy guvohnomaning saqlanishi uchun shaxsan javob beradi. Harbiy guvohnoma yaroqsiz holga keltirilganligi yoki uni yo‘qotilishiga sabab bo‘luvchi ehtiyotsizlik bilan saqlanganlik uchun aybdorlar ma’muriy javobgarlikka tortiladi.
Harbiy xizmatchi harbiy guvohnomani yaroqsiz holga keltirganligi yoki yo‘qotganligi uchun intizomiy tartibda javob beradi.
7. Harbiy guvohnoma yo‘qotilganda yoki yaroqsiz holga kelgan taqdirda yangi harbiy guvohnoma yo‘qotish yoki yaroqsiz holga kelish sabablari tekshirilgandan va aniqlangandan keyin beriladi.
a) muddatli harbiy xizmatga chaqirilgan fuqaro uchun — chaqiruv komissiyasining qarori va harbiy qismga jo‘natish uchun komandaga qabul qilish;
b) bitimga binoan harbiy xizmatni o‘tagan va zaxiraga bo‘shatilgan harbiy xizmatchi uchun — uning shaxsiy hujjatlar yig‘majildi, bitimga binoan harbiy xizmatchi guvohnomasi (harbiy guvohnoma) hamda harbiy qismning ko‘rsatmasi;
Keyingi tahrirga qarang.
v) belgilangan xizmat muddatini o‘tab bo‘lgan va zaxiraga bo‘shatilgan muqobil xizmat xizmatchisi uchun — muqobil xizmat bo‘limi ko‘rsatmasi, hisobga olish kartochkasi va muqobil xizmat xizmatchisi guvohnomasi;
g) harbiy o‘quv yurti kursanti (tinglovchisi) uchun — uning o‘qishga qabul qilinganligi to‘g‘risidagi buyruqdan ko‘chirma;
Keyingi tahrirga qarang.
d) zaxiraga o‘tkazilgan chaqiriq yoshidagi fuqaro uchun — chaqiriluvchining hisobga olish kartochkasi hamda zaxiraga o‘tkazish to‘g‘risidagi qaror ilova qilingan chaqiruv komissiyasining protokollari daftaridan ko‘chirma;
e) tibbiy yoki boshqa maxsus ma’lumot olgan xotin-qizlar uchun — tibbiyot bilim yurtini tugatganlik to‘g‘risidagi diplom yoki oliy va o‘rta o‘quv yurtlarida, Mudofaaga ko‘maklashuvchi “Vatanparvar” tashkilotining o‘quv tashkilotlarida, kurslarda yoki amaliy ishda olingan tegishli tayyorgarlikni tasdiqlovchi boshqa hujjat (shahodatnoma, guvohnoma, ma’lumotnoma);
Keyingi tahrirga qarang.
j) ozodlikdan mahrum qilish joylaridan ozod qilingan yoki sud hukmiga ko‘ra jazoning boshqa turini o‘tab bo‘lgan fuqaro uchun — O‘zbekiston Respublikasi Ichki ishlar vazirligi organining ozod qilinganlik to‘g‘risidagi ma’lumotnomasi, unga berilgan pasport va harbiy guvohnoma berish to‘g‘risidagi shaxsiy ariza asos hisoblanadi.
9. Fuqaroning shaxsiy arizasi yo‘qolgan, yo‘qotib qo‘yilgan yoki yaroqsiz holga kelgan harbiy guvohnoma o‘rniga takroran harbiy guvohnoma berish uchun asos hisoblanadi.
Tabiiy ofat natijasida yaroqsiz holga kelgan harbiy guvohnomani almashtirish zaruriyati tug‘ilganda arizaga tegishli organning tabiiy ofat sodir bo‘lganligini tasdiqlovchi ma’lumotnomasi ilova qilinadi.
10. Mudofaa ishlari boshqarmasida taqdim etilgan hujjatlar asosida harbiy guvohnomaning birinchi va ikkinchi sahifalari rasmiylashtiriladi. Harbiy guvohnomaning birinchi sahifasi o‘zi yelimlanadigan shaffof plastik plyonka bilan muhofazalanadi.
Harbiy guvohnomaning boshqa bo‘limlarini rasmiylashtirish, uni harbiy xizmatga majburga topshirish, harbiy hisobga olish qoidalari bilan tanishtirish tuman (shahar) mudofaa ishlari bo‘limlari tomonidan amalga oshiriladi.
Keyingi tahrirga qarang.
Harbiy guvohnomaning birinchi va ikkinchi sahifalari maxsus bosma yozuv uskunalari qo‘llangan holda rasmiylashtiriladi, boshqa yozuvlar qora rangli tush bilan yoziladi.
Keyingi tahrirga qarang.
Oldingi tahrirga qarang.
12. Harbiy guvohnomalar blanklari qat’iy hisobda turadigan hujjat hisoblanadi va O‘zbekiston Respublikasi Markaziy banki huzuridagi “Davlat belgisi” davlat ishlab chiqarish birlashmasi tomonidan qalbakilashtirishdan himoya qilish elementlariga ega bo‘lgan maxsus qog‘ozda tayyorlanadi hamda O‘zbekiston Respublikasi Qurolli Kuchlari Bosh shtabi tomonidan Qoraqalpog‘iston Respublikasi, viloyatlar va Toshkent shahar mudofaa ishlari boshqarmalari bo‘yicha taqsimlanadi.
(12-band O‘zbekiston Respublikasi Vazirlar Mahkamasining 2018-yil 20-sentabrdagi 748-sonli qarori tahririda — Qonun hujjatlari ma’lumotlari milliy bazasi, 21.09.2018-y., 09/18/748/2024-son)
Keyingi tahrirga qarang.
Oldingi tahrirga qarang.
13. Olingan harbiy guvohnomalarning hisobi O‘zbekiston Respublikasi Qurolli Kuchlari Bosh shtabida, Qoraqalpog‘iston Respublikasi, viloyatlar va Toshkent shahar mudofaa ishlari boshqarmalarida qat’iy hisobda turadigan blanklar daftarida olib boriladi.
(13-bandning birinchi xatboshisi O‘zbekiston Respublikasi Vazirlar Mahkamasining 2018-yil 20-sentabrdagi 748-sonli qarori tahririda — Qonun hujjatlari ma’lumotlari milliy bazasi, 21.09.2018-y., 09/18/748/2024-son)
Keyingi tahrirga qarang.
Harbiy guvohnomalarni hisobga olish uchun zarur bo‘lgan daftarlar va blanklar mudofaa ishlari boshqarmalari tomonidan tayyorlanadi.
Nakladnoylar va blanklarni berish vedomostlari, zarur hollarda esa olingan blanklar mavjudligini tekshiruvchi komissiyalar dalolatnomalari blanklari hisobga olish va hisobdan chiqarish uchun asos hisoblanadi.
14. Harbiy guvohnomalarni yuborish, hisobga olish va saqlash rasmiy davlat hujjatlariga nisbatan qo‘llaniladigan amaldagi qoidalarga muvofiq tashkil etiladi.
15. Harbiy guvohnomalar kamomadi aniqlangan, ular yo‘qotilgan va o‘g‘irlangan hollarda tekshirish o‘tkaziladi hamda aybdor shaxslar amaldagi qonun hujjatlariga muvofiq javobgarlikka tortiladi.
Keyingi tahrirga qarang.
16. Mudofaa ishlari boshqarmalarida harbiy guvohnomalar saqlanishi va hisobga olinishi uchun zaxiradagi soldatlar (matroslar)ni va serjantlarni harbiy hisobga olish bilan shug‘ullanuvchi bo‘linmalar boshliqlari mas’ul hisoblanadilar.
Keyingi tahrirga qarang.
17. To‘ldirish paytida buzib qo‘yilgan guvohnoma blanki guvohnomaning barcha sahifalarini chizib tashlash yo‘li bilan bekor qilinadi.
18. Mudofaa ishlari boshqarmalari har chorakda kamida bir marta harbiy guvohnomalarning mavjudligini hamda ularni hisobga olish, saqlash va berishning to‘g‘riligini ushbu maqsadlar uchun maxsus tayinlangan komissiyalar tomonidan ichki tekshirishdan o‘tkazadilar. Tekshirish natijalari dalolatnomalar bilan rasmiylashtiriladi.
Keyingi tahrirga qarang.
Harbiy guvohnoma: o‘lchamlari — 77x110 mm, joylashishi — vertikal, hajmi — 24 sahifa, muqovaning rangi — qora, rangli ofset usulida bosiladi, seriya — “QK”, tartib raqami qo‘yish — yetti belgili, qog‘ozi — sakkiz qirrali ko‘rinishdagi umumiy suv belgisi bo‘lgan 100 foiz paxta asosida tayyorlangan. Guvohnomaning birinchi sahifasidagi yozuvlar va fotosurat sovuq holatda silliqlangan plyonka bilan muhofazalanadi.