Vazirlar Mahkamasi yangi o‘rta maxsus, kasb-hunar ta’lim muassasalarini ishga tushirish bo‘yicha yo‘l qo‘yilgan qoloqlik va o‘rta umumta’lim maktablarida o‘quvchilar o‘rni yetarlicha muvozanatli qisqartirilmaganligi munosabati bilan ayrim tumanlarda 9-sinflarning bitiruvchilari o‘qishni kasb-hunar kollejlarida yoki umumta’lim maktablarining 10-sinflarida davom ettirish imkoniyatiga ega emasligi hollari mavjudligini qayd etadi.
Kadrlar tayyorlash milliy dasturini izchil, bosqichma-bosqich amalga oshirish, 9-sinflarning bitiruvchilari umumiy o‘rta va o‘rta maxsus, kasb-hunar ta’limi bilan to‘liqroq qamrab olinishini ta’minlash maqsadida Vazirlar Mahkamasi qaror qiladi:
9-sinflarni bitiruvchilarni keyinchalik akademik litseylar, kasb-hunar kollejlari va umumta’lim maktablarining 10-sinflarida o‘qitish bilan qamrab olishning istiqbolli ko‘rsatkichlari 1-ilovaga* muvofiq;
9-sinflarni bitiruvchilar umumiy o‘rta ta’lim muassasalarining 10-11-sinflarida o‘qishni davom ettirishlarini tashkil etish tartibi to‘g‘risidagi nizom 2-ilovaga muvofiq;
Keyingi tahrirga qarang.
2004—2009-yillarda O‘zbekiston Respublikasi bo‘yicha akademik litseylar va kasb-hunar kollejlarini ishga tushirishning aniq yo‘naltirilgan dasturi 3 va 4-ilovaga* muvofiq tasdiqlansin.
Keyingi tahrirga qarang.
1, 3 va 4-ilovalarga muvofiq 9-sinflarning bitiruvchilarini qamrab olishning va yangi o‘rta maxsus, kasb-hunar ta’lim muassasalarini ishga tushirishning belgilangan istiqbolli ko‘rsatkichlari viloyatlar, shaharlar va tumanlar bo‘yicha puxta ishlab chiqilganligi, o‘zaro aniq muvozanatlashtirilganligi hamda 2009-yilga borib 9-sinflarni bitiruvchilar kasb-hunar kollejlari va akademik litseylarda o‘qish bilan to‘liq qamrab olinishi;
Vazirlar Mahkamasining Ijtimoiy kompleksi, O‘zbekiston Respublikasi Xalq ta’limi vazirligi tomonidan 10-11-sinflarda o‘qishni vaqtincha davom ettirishni ta’minlaydigan zarur moddiy va o‘quv bazaga, malakali o‘qituvchilarga ega bo‘lgan tumanlar va shaharlar bo‘yicha maktablarning aniq soni aniqlanganligi;
umumta’lim maktablarining 10-sinflari uchun o‘quv rejalari va o‘qitish dasturlari akademik litseylar va kasb-hunar kollejlarining umumta’lim fanlari bo‘yicha davlat ta’lim standartlari talablariga muvofiq qayta ishlab chiqilganligi va tasdiqlanganligi ma’lumot uchun qabul qilinsin.
Keyingi tahrirga qarang.
3. Mazkur qaror bilan belgilangan 9-sinflarni bitiruvchilarni qamrab olish parametrlari so‘zsiz bajarilishi, 10-sinflarga va o‘rta maxsus, kasb-hunar o‘quv yurtlariga qabul qilishni ta’minlash, shuningdek akademik litseylar va kasb-hunar kollejlarini o‘z vaqtida ishga tushirish uchun shaxsiy javobgarlik O‘zbekiston Respublikasi ta’lim muassasalariga qabul qilish bo‘yicha Davlat komissiyasiga, Qoraqalpog‘iston Respublikasi Vazirlar Kengashi Raisiga, viloyatlar, shaharlar va tumanlar hokimlariga, xalq ta’limi hududiy boshqarmalari boshliqlariga yuklansin.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Respublikasi Xalq ta’limi vazirligi va O‘rta maxsus, kasb-hunar ta’limi markazi bilan birgalikda:
9-sinflar bitiruvchilarini qamrab olishning mazkur qaror bilan tasdiqlangan istiqbolli ko‘rsatkichlari so‘zsiz bajarilishini ta’minlasinlar;
umumta’lim maktablarining vaqtincha faoliyat ko‘rsatayotgan 10-11-sinflari faoliyati ustidan nazorat qilsinlar.
9-sinfning bitiruvchisi biror shahar yoki tumanda o‘qishni bundan keyin davom ettira olmasligining har bir holati mahalliy hokimiyat organlari tomonidan darhol qaror qabul qilinishini talab etuvchi tashvishli hol sifatida qaralsin.
O‘zbekiston Respublikasi ta’lim muassasalariga qabul qilish bo‘yicha Davlat komissiyasi 9-sinflarni bitiruvchilar keyinchalik umumiy o‘rta va o‘rta maxsus, kasb-hunar ta’lim muassasalarida o‘qish bilan to‘liq qamrab olinishi ustidan qattiq nazorat o‘rnatsin hamda har yili 1-oktabrga, yangi o‘quv yili boshlanishi yakunlari bo‘yicha, ishlarning joylardagi holati to‘g‘risidagi ma’lumotlarni umumlashtirsin va Vazirlar Mahkamasiga axborot bersin. Mazkur talabning bajarilishi uchun shaxsiy javobgarlik O‘zbekiston Respublikasi Bosh vazirining o‘rinbosari A.A. Azizxo‘jayev zimmasiga yuklansin.
4. O‘zbekiston Respublikasi Xalq ta’limi vazirligi O‘rta maxsus, kasb-hunar ta’limi markazi bilan birgalikda:
2003/2004 o‘quv yili oxirigacha 11-sinflar uchun yangi o‘quv rejalari va dasturlar ishlab chiqilishini tugallasin hamda ularni o‘rta maxsus, kasb-hunar ta’limi muassasalari uchun tasdiqlangan umumta’lim fanlari bo‘yicha davlat ta’lim standartlari talablariga muvofiqlashtirsin;
10-11-sinflarda o‘qitishning yangi o‘quv rejalari va dasturlariga muvofiq bo‘lgan 11-sinflar o‘quvchilari uchun darsliklar yaratilishi va nashr etilishini 2004-yil 1-avgustgacha tugallasin.
5. Belgilansinki, umumta’lim maktablarining 11-sinfini bitiruvchilar oliy o‘quv yurtlariga o‘qishga kirishda akademik litseylar va kasb-hunar kollejlarining bitiruvchilari bilan teng huquqlarga egadir.
O‘zbekiston Respublikasi Oliy va o‘rta maxsus ta’lim vazirligi Davlat test markazi bilan birgalikda umumta’lim maktablarining 11-sinflarini, akademik litseylar va kasb-hunar kollejlarini bitiruvchilarga nisbatan ularning tayyorlanishi va o‘qish uchun respublikaning oliy ta’lim muassasalariga qabul qilinishi masalasida yagona yondashuvga rioya etilishini ta’minlasin.
6. Davlat test markazi O‘zbekiston Respublikasi Xalq ta’limi vazirligi va O‘rta maxsus, kasb-hunar ta’limi markazi bilan birgalikda:
Keyingi tahrirga qarang.
har yili 11-sinflar, akademik litseylar va kasb-hunar kollejlari bitiruvchilarining umumta’lim fanlari bo‘yicha ta’lim tayyorgarligi darajasi va sifati monitoringini o‘tkazsin;
amaldagi davlat ta’lim standartlarini takomillashtirish va respublikada majburiy ta’lim sifatini oshirishni tanqidiy o‘rganib chiqsin va belgilangan tartibda chora-tadbirlar ko‘rsin.
7. Belgilab qo‘yilsinki, mazkur qarorga 3 va 4-ilovalarda belgilangan akademik litseylar va kasb-hunar kollejlari qurilishiga investitsiyalarning yillik hajmi ko‘rsatib o‘tilgan o‘rta maxsus, kasb-hunar ta’lim muassasalarini ishga tushirish bo‘yicha belgilangan topshiriq so‘zsiz bajarilishi nazarda tutilgan holda respublikaning yillik investitsiya dasturlarini tuzishda aniqlashtiriladi.
O‘zbekiston Respublikasi Iqtisodiyot vazirligi, Moliya vazirligi, O‘rta maxsus, kasb-hunar ta’limi markazi, Qoraqalpog‘iston Respublikasi Vazirlar Kengashi hamda viloyatlar va Toshkent shahar hokimliklari:
yillik investitsiya dasturini hamda akademik litseylar va kasb-hunar kollejlari qurilishining aniq yo‘naltirilgan ro‘yxatlarini tuzishda ko‘rsatib o‘tilgan o‘quv yurtlarini birinchi navbatda qishloq aholi yashash joylarida qurishni nazarda tutsinlar;
zarurat bo‘lganda akademik litseylar va kasb-hunar kollejlari qurilishining aniq yo‘naltirilgan dasturiga ularning o‘quvchilar bilan to‘ldirilishini hamda umumiy o‘rta ta’limning 9-sinflari bitiruvchilari o‘rta maxsus, kasb-hunar ta’limi tizimi bo‘yicha uch yillik o‘qish bilan qamrab olinishini hisobga olgan holda o‘zgartirishlar kiritsinlar.
8. Vazirlar Mahkamasining “Akademik litseylar va kasb-hunar kollejlarining moddiy-texnika bazasini yanada rivojlantirish chora-tadbirlari to‘g‘risida” 2001-yil 14-avgustdagi 338-son qarorining 1, 3 va 4-bandlari o‘z kuchini yo‘qotgan deb hisoblansin.
9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari A.A. Azizxo‘jayev va R.S. Azimov zimmasiga yuklansin.
1. “Ta’lim to‘g‘risida” va “Kadrlar tayyorlash milliy dasturi to‘g‘risida”gi O‘zbekiston Respublikasi qonunlariga muvofiq 9 yillik umumiy o‘rta va 3 yillik o‘rta maxsus, kasb-hunar ta’limi uzluksiz ta’limning majburiy turlari hisoblanadi.
2. 9-sinflarni bitiruvchilarni akademik litseylar va kasb-hunar kollejlarida o‘quvchilar o‘rni bilan ta’minlash O‘zbekiston Respublikasi Vazirlar Mahkamasining 2003-yil 29-oktabrdagi 473-son qarori bilan tasdiqlangan 2004—2009-yillarda O‘zbekiston Respublikasida akademik litseylar va kasb-hunar kollejlarini ishga tushirishning aniq yo‘naltirilgan dasturiga muvofiq ular foydalanishga topshirilishiga ko‘ra izchil amalga oshiriladi.
3. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, O‘rta maxsus, kasb-hunar ta’limi markazi va O‘zbekiston Respublikasi Xalq ta’limi vazirligi o‘rta umumiy ta’lim muassasalarining 9-sinflari bitiruvchilarini akademik litseylar va kasb-hunar kollejlarida o‘qitish bilan qamrab olishning tasdiqlangan istiqbolli ko‘rsatkichlari bajarilishini, shuningdek ularning keyinchalik umumta’lim maktablarining 10-11–sinflarida o‘qishni vaqtincha davom ettirishlarini tashkil etishni ta’minlaydi.
4. O‘rta maxsus, kasb-hunar ta’limi muassasalarida o‘quvchilar o‘rni bilan vaqtincha ta’minlanmagan 9-sinflarning bitiruvchilarini umumta’lim maktablarining 10-11-sinflarida o‘qitish mazkur Nizomga qat’iy muvofiq holda amalga oshiriladi.
5. Majburiy o‘qishni davom ettirishda 9-sinflarning bitiruvchilariga to‘sqinlik qilayotgan maktablar va o‘rta maxsus, kasb-hunar ta’limi muassasalarining mansabdor shaxslari, shuningdek o‘quvchilarning ota-onalari yoki ularning qonuniy vakillari O‘zbekiston Respublikasining amaldagi qonun hujjatlariga muvofiq javob beradilar.
6. O‘zbekiston Respublikasi hududida doimiy yashovchi chet el fuqarolari va fuqaroligi bo‘lmagan shaxslarni respublika majburiy ta’lim tizimi muassasalarida o‘qitish qonun hujjatlarida belgilangan tartibda va O‘zbekiston Respublikasining xalqaro bitimlari asosida amalga oshiriladi.
7. 10-11-sinflarda o‘qishni vaqtincha davom ettirish uchun umumta’lim maktablarini aniqlash respublikaning tumanlari (shaharlari), aholi yashash joylari, viloyat markazlari va yirik shaharlari ko‘lamida amalga oshiriladi.
8. To‘qqiz yillik maktabga aylantirilgan maktablar hokimlikning qaroriga ko‘ra 10-11-sinflari mavjud bo‘lgan yaqinda joylashgan maktabga biriktirib qo‘yiladi.
10-11-sinflar birinchi navbatda quyidagi mezonlar va shartlarga javob beruvchi maktablarda ochilishi mumkin:
maktabning ta’lim va tarbiya jarayonini Kadrlar tayyorlash milliy dasturi talablari darajasida amalga oshirishga qodir bo‘lgan yuqori malakali pedagog kadrlar bilan ta’minlanganligi;
o‘quvchilarni fanlar bo‘yicha ixtisosli yoki chuqur o‘qitishni, uzluksiz ta’limni takomillashtirish bo‘yicha tajriba ishlarini, o‘quv-tarbiya jarayoni sifatini oshirishga hamda mintaqa va respublikaning boshqa maktablarida yoyish uchun qabul qilingan o‘z ishlanmalarini tashkil etish borasida pedagogik va amaliy tajriba mavjudligi;
ushbu mintaqada o‘quvchilar 9-sinfda o‘qishni tugallagungacha o‘qigan til bo‘yicha 9-sinflarning bitiruvchilarini to‘liq qamrab olish uchun umumiy o‘rta yoki o‘rta maxsus, kasb-hunar ta’limini davom ettirishni ta’minlaydigan yaqinda joylashgan 10-11-sinflar bo‘lgan maktablar, akademik litseylar va kasb-hunar kollejlari mavjud emasligi, shuningdek jamoat transporti bilan uzluksiz ta’minlashni tashkil etish imkoniyati yo‘qligi.
9. 9-sinflarning bitiruvchilari akademik litseylar va kasb-hunar kollejlariga, shuningdek umumta’lim maktablarining 10-sinflariga kirishlarining hisobini yuritish umumiy o‘rta ta’lim tizimida amal qiluvchi hisobdan chiqarish-biriktirish tartib-qoidasiga muvofiq quyidagi izchilikda amalga oshiriladi:
davlat hokimiyati mahalliy organlari har yili, joriy o‘quv yilining 1-mayigacha, 9-sinflar bitiruvchilarini akademik litseylar va kasb-hunar kollejlarida, va keyingi o‘quv yilida 10-sinflarda o‘qitish bilan qamrab olishning tasdiqlangan istiqbolli ko‘rsatkichlariga muvofiq ularda 10-11-sinflar faoliyat ko‘rsatishini vaqtincha davom ettirish uchun maktablar ro‘yxatini (o‘qitish tilini hisobga olgan holda) belgilaydilar;
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari O‘zbekiston Respublikasi Xalq ta’limi vazirligi va O‘rta maxsus, kasb-hunar ta’limi markazi bilan birgalikda har yili, joriy o‘quv yilining iyun oyigacha bo‘lgan muddatda tegishli hududlar bo‘yicha ushbu ro‘yxatlarni umumlashtiradilar, mintaqaning o‘quvchilarni akademik litseylar, kasb-hunar kollejlariga va 10-sinflarga qabul qilish (mutaxassisliklar va o‘qitish tili bo‘yicha) ko‘rsatkichlarini, shuningdek 10-11-sinflar faoliyat ko‘rsatadigan umumta’lim maktablari ro‘yxatini 9-sinflarni bitiruvchilar va ularning ota-onalari e’tiboriga yetkazadi;
9-sinflarni bitiruvchilar o‘qishni davom ettirish uchun belgilangan tartibda hujjatlarni: akademik litseylar va kasb-hunar kollejlariga, qoidaga ko‘ra, 15-avgustgacha bo‘lgan muddatda, umumta’lim maktablarning 10-sinflariga, joriy yilning 25-avgustigacha bo‘lgan muddatda taqdim etadilar.
10. 9-sinflarning bitiruvchilarini akademik litseylar va kasb-hunar kollejlarida, shuningdek umumta’lim maktablarining 10-sinflarida majburiy o‘qitishni ta’minlash masalalari bo‘yicha nazorat qilish tartibini hisobga olish shakli va mas’ul shaxslarning hisobot berish turlari O‘zbekiston Respublikasi Xalq ta’limi vazirligi va O‘rta maxsus, kasb-hunar ta’limi markazining qo‘shma qarori bilan tasdiqlanadi va amalga kiritiladi.
Keyingi tahrirga qarang.