Vazirlar Mahkamasi qayd etadiki, iqtisodiyotning bir qator tarmoqlarida elektr va issiqlik energiyasi uchun hisob-kitob qilish bo‘yicha nomaqbul holat saqlanib qolmoqda. Energiya uchun to‘lov bo‘yicha qarzlarning ko‘payishi, hisobga olish priborlari ko‘rsatkichlarini noto‘g‘ri aks ettirish, elektr va issiqlik energiyasi berish tarmoqlariga ruxsatsiz ulanish hollariga yo‘l qo‘yilmoqda. “O‘zbekenergo” davlat-aksiyadorlik kompaniyasi rahbariyati tomonidan mazkur kamchiliklarni bartaraf etish, to‘lov muddati o‘tgan qarzlari bo‘lgan iste’molchilarga energiya berilishiga yo‘l qo‘ymaslik bo‘yicha mufassal chora-tadbirlar ko‘rilmayapti.
O‘zaro hisob-kitob qilishda to‘lov intizomini kuchaytirish, yetkazib berilayotgan elektr energiyasi uchun iste’molchilarning barcha toifalari tomonidan haqning so‘zsiz to‘lanishini ta’minlash, energetika kompleksi korxonalarini zamonaviylashtirish va texnika bilan qayta jihozlash uchun shart-sharoitlar yaratish maqsadida Vazirlar Mahkamasi qaror qiladi:
1. “O‘zbekenergo” davlat-aksiyadorlik kompaniyasi rahbariyatiga elektr energiyasini uzatish vaqtida uning isrof bo‘lish darajasini kamaytirish bo‘yicha amalga oshirilayotgan ishlarining yetarli emasligi, yetkazib berilayotgan elektr va issiqlik energiyasi uchun iste’molchilar tomonidan o‘z vaqtida va to‘liq hisob-kitob qilinishi, ularni hisobga olish priborlaridan to‘g‘ri foydalanilishini ta’minlash yuzasidan talabchanlikning susaytirib yuborilganligi va zarur nazoratning yo‘qligi ko‘rsatib o‘tilsin.
elektr va issiqlik energiyasi o‘g‘irlanishi, hisobga olish priborlari ko‘rsatkichlarining noto‘g‘ri aks ettirilishi, elektr va issiqlik energiyasi uzatish tarmoqlariga ruxsatsiz ulanish, shu jumladan “O‘zbekenergo” davlat-aksiyadorlik kompaniyasi korxonalari xodimlari tomonidan ulab berish;
iste’molchilarda o‘rnatilgan elektr va issiqlik energiyasini hisobga olish priborlari holatini tekshirishga va ko‘rsatkichlarini yozib olishga to‘sqinlik qilish hollari aniqlangan taqdirda aybdor shaxslarni qonun hujjatlarida nazarda tutilgan jinoiy javobgarlikkacha bo‘lgan darajadagi javobgarlikka tortsin.
Keyingi tahrirga qarang.
2003-yil 1-sentabrdan boshlab, aholidan tashqari, iste’molchilarning barcha toifalari uchun “O‘zbekenergo” davlat-aksiyadorlik kompaniyasi tomonidan beriladigan elektr va issiqlik energiyasi uchun bir oylik iste’mol hajmining 30 foizi haqini majburiy ravishda oldindan to‘lash joriy etiladi, yakuniy hisob-kitoblar 60 kun mobaynida amalga oshiriladi;
Keyingi tahrirga qarang.
iste’molchining hisob-kitob qilinadigan davri boshlangungacha haqni oldindan to‘lamagan yoki yakuniy hisob-kitobni o‘z vaqtida amalga oshirmagan energiya iste’molchilariga energiya berish to‘xtatiladi;
to‘lov muddati o‘tgan qarzi bo‘lgan elektr va issiqlik energiyasi iste’molchilarini uzib qo‘yish hamda ularni qaytadan ulash bo‘yicha xarajatlar iste’molchilarning o‘z hisobidan qoplanadi;
Keyingi tahrirga qarang.
elektr va issiqlik energiyasi iste’molchilarining “O‘zbekenergo” davlat-aksiyadorlik kompaniyasi korxonalaridan 2003-yil 1-sentabrgacha vujudga kelgan qarzlari Hisob-kitoblar mexanizmini takomillashtirish va budjetga to‘lovlar intizomini mustahkamlash bo‘yicha Hukumat komissiyasi tomonidan tasdiqlangan jadvallar bo‘yicha to‘lanishi kerak.
Keyingi tahrirga qarang.
4. Hisob-kitoblar mexanizmini takomillashtirish va budjetga to‘lovlar intizomini mustahkamlash bo‘yicha Hukumat komissiyasi bir oy muddatda:
iste’molchilarning moliyaviy ahvolini hisobga olgan holda, elektr va issiqlik energiyasi uchun 2003-yil 1-sentabrgacha vujudga kelgan qarzlarni;
“O‘zbekenergo” davlat-aksiyadorlik kompaniyasi korxonalarining budjetga va davlat maqsadli jamg‘armalariga to‘lovlar bo‘yicha, yoqilg‘i va temir yo‘l tashuvlari uchun qarzlarini to‘lash jadvallarini tasdiqlasin va ularning bajarilishini qattiq nazoratga olsin.
5. Energiya sarfi ko‘rsatkichlarini buzib ko‘rsatishdan himoya qilish va uzatish tarmoqlaridagi elektr energiyasi yo‘qotilishini aniqlash maqsadida “O‘zbekenergo” davlat-aksiyadorlik kompaniyasi:
iste’molchilarda o‘rnatilgan elektr va issiqlik energiyasini hisobga olish priborlari ko‘rsatkichlari har oyda yozib olinishini ta’minlasin, elektr va issiqlik energiyasidan foydalanish qoidalarini buzuvchilarga nisbatan tegishli javobgarlik choralarini ko‘rsin;
elektr tarmoqlarini va elektr energiyasidan foydalanuvchilarni elektron va boshqa zamonaviy hisobga olish priborlari bilan qayta jihozlash tadbirlarini tasdiqlash uchun ikki oy muddatda Vazirlar Mahkamasiga kiritsin.
Keyingi tahrirga qarang.
manfaatdor vazirliklar va idoralar bilan birgalikda ikki oy muddatda elektr energiyasini uzatishda uning magistral va taqsimlash tarmoqlarida isrof bo‘lishining yo‘l qo‘yiladigan cheklangan normativlarini tasdiqlasinlar;
quvvati 10 kilovattgacha bo‘lgan elektr qurilmalarini elektr tarmoqlariga ulashda xo‘jalik yurituvchi subyektlarga soddalashtirilgan talablar to‘g‘risidagi nizomni bir oy muddatda ishlab chiqsinlar va belgilangan tartibda tasdiqlasinlar.
Keyingi tahrirga qarang.
7. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
8. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda:
amaldagi qonun hujjatlariga mazkur qarordan kelib chiquvchi o‘zgartirish va qo‘shimchalar to‘g‘risida Vazirlar Mahkamasiga takliflar kiritsin;
9. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari K.N. To‘laganov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. O‘zbekiston Respublikasi Vazirlar Mahkamasining 2003-yil 16-iyundagi 271-son qarori bilan tasdiqlangan Elektr va issiqlik energiyasidan foydalanish qoidalarida:
“Energiya ta’minoti tashkiloti elektr energiyasining amaldagi iste’molini aniqlash uchun abonentlardagi hisoblagichlar ko‘rsatkichlarini har oyda yozib olishi kerak”;
“Bunda elektr energiyasi uchun tarif oshirilgan taqdirda iste’molchilar elektr energiyasining avans tarzida haq to‘langan miqdori uchun (o‘n ikki oydan ko‘p bo‘lmagan vaqt uchun) qo‘shimcha to‘lovlardan ozod qilinadi”;
“59. Berilgan elektr energiyasi uchun iste’molchi bilan hisob-kitoblar energiya ta’minoti tashkiloti tomonidan yozib beriladigan to‘lov hujjatlari bo‘yicha, beriladigan elektr energiyasi qiymatining shartnomadagi miqdoridan kamida 30 foizini navbatdagi oy uchun oldindan to‘lagan holda amalga oshiriladi (aholidan tashqari), iste’mol qilingan elektr energiyasi uchun yakuniy hisob-kitoblar hisob-kitob davri boshlangan kundan e’tiboran 60 kun mobaynida amalga oshiriladi.
Iste’molchi tomonidan hisob-kitob davri boshlangan davrdan e’tiboran 60 kun mobaynida to‘lov hujjatlari bo‘yicha haq to‘lanmagan taqdirda energiya ta’minoti tashkiloti elektr energiyasi berishni to‘xtatadi. Bunda energiya ta’minoti tashkiloti tomonidan energiya tizimi tarmoqlariga ulash va elektr energiyasi berish bular bilan bog‘liq xarajatlarni undirishni hisobga olgan holda amalga oshiriladi”.
“60. Energiya ta’minoti tashkiloti vakili abonent bilan birgalikda har oyda hisobga olish priborlaridagi ko‘rsatkichlarni yozib oladi va hisobot oyidagi energiya sarfini aniqlaydi.
Abonent tomonidan hisobga olish priborlaridagi ko‘rsatkichlar yozib olinmaganda va elektr energiyasi iste’moli to‘g‘risida hisobot taqdim etilmagan taqdirda energiya ta’minoti tashkiloti hisob-kitobni elektr iste’molining shartnomadagi miqdori bo‘yicha amalga oshiradi, keyinchalik energiya ta’minoti tashkiloti tomonidan abonent bilan birgalikda aniqlanadigan amalda iste’mol qilingan elektr energiyasi uchun qayta hisob-kitob qiladi”;
“116. Hisobga olish elektr hisoblagichiga ega bo‘lmagan abonent to‘lovni hisobga olish elektr hisoblagichi bo‘lmagan vaqt uchun, lekin da’vo arizasidagidan ko‘p bo‘lmagan muddat uchun, energiya ta’minoti tashkiloti tomonidan tok qabul qiluvchi uskunalarning belgilangan quvvati bo‘yicha aniqlanadigan hisob-kitob miqdoridan kelib chiqqan holda, biroq abonentdagi yuklamani bir yo‘la ishga solish quvvatidan ko‘p bo‘lmagan miqdorda amalga oshiradi.
Agar hisobga olish hisoblagichiga ega bo‘lmagan abonent biron-bir sababga ko‘ra mazkur turar joyda vaqtinchalik yashamasa, energiya ta’minoti tashkilotini bu to‘g‘rida yozma ravishda xabardor qilishi shart”;
“elektr energiyasi va iste’mol qilinadigan quvvat uchun shartnomadagi miqdorning kamida 30 foizi miqdorida oldindan haq to‘lanadi va iste’mol qilingan elektr energiyasi uchun yakuniy hisob-kitob hisob-kitob davri boshlanadigan kundan e’tiboran 60 kun mobaynida amalga oshiriladi”.
Keyingi tahrirga qarang.
O‘zbekiston Respublikasi Vazirlar Mahkamasining “Suv taqchilligi munosabati bilan Qoraqalpog‘iston Respublikasiga va Xorazm viloyatiga yordam ko‘rsatish chora-tadbirlari to‘g‘risida” 2000-yil 20-iyuldagi 279-son qarorining 8-bandi;
O‘zbekiston Respublikasi Vazirlar Mahkamasining “Foydalanilayotgan elektr energiyasi uchun o‘zaro hisob-kitoblar tizimini tartibga solish chora-tadbirlari to‘g‘risida” 2000-yil 5-dekabrdagi 469-son qaroriga (O‘zbekiston Respublikasi QT, 2000-y., 12-son, 74-modda) 1-ilovaning 7-bandi va 8-bandining uchinchi xatboshi;
O‘zbekiston Respublikasi Vazirlar Mahkamasining “2001-yilda respublika qishloq xo‘jaligini mineral o‘g‘itlar bilan ta’minlash chora-tadbirlari to‘g‘risida” 2001-yil 15-fevraldagi 79-son qarorining 4-bandi o‘z kuchini yo‘qotgan deb hisoblansin.