O‘zbekiston Respublikasi Vazirlar Mahkamasining “O‘zbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun to‘lovlar tizimini takomillashtirish to‘g‘risida” 2003-yil 1 maydagi 199-son qarori qabul qilinganligi munosabati bilan Vazirlar Mahkamasi qaror qiladi:
O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
1. O‘zbekiston Respublikasi Vazirlar Mahkamasining 1993-yil 24-maydagi 246-son qarori (O‘zbekiston Respublikasi QT, 1993-y., 5-son, 20-modda; 1996-y., 1-son, 1-modda; 2000-y., 4-son, 18-modda) bilan tasdiqlangan Tabiatni muhofaza qilish jamg‘armalari to‘g‘risida Nizom 5-bandining ikkinchi xatboshi quyidagi tahrirda bayon qilinsin:
“O‘zbekiston Respublikasi hududida atrof tabiiy muhit ifloslantirilganligi va chiqindilar joylashtirilganligi uchun kompensatsiya to‘lovlari”.
2. O‘zbekiston Respublikasi Vazirlar Mahkamasining 1998-yil 15-apreldagi 159-son qarori (O‘zbekiston Respublikasi QT, 1998-y., 4-son, 15-modda; 1999-y., 11-son, 64-modda; 2000-y., 8-son, 45-modda, 2001-y., 6-son, 34-modda; 2002-y., 7-son, 41-modda) bilan tasdiqlangan Kichik korxonalar uchun soliq solishning soddalashtirilgan tizimini qo‘llash Tartibi I bo‘limi 3-bandining to‘rtinchi xatboshidagi “chiqindilar tashlaganlik, tabiiy muhitga ifloslantiruvchi moddalar tashlaganlik uchun to‘lov” so‘zlari “atrof tabiiy muhit ifloslantirilganligi uchun kompensatsiya to‘lovlari” so‘zlari bilan almashtirilsin.
Keyingi tahrirga qarang.
3. O‘zbekiston Respublikasi Vazirlar Mahkamasining 1999-yil 5-fevraldagi 54-son qarori (O‘zbekiston Respublikasi QT, 1999-y., 2-son, 9-modda) bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi to‘g‘risidagi Nizomning 1.5.1.5-bandi quyidagi tahrirda bayon qilinsin:
“1.5.1.5. Tabiatni muhofaza qilish maqsadlaridagi fondlarni saqlash va ulardan foydalanish xarajatlari, shu jumladan atrof tabiiy muhit ifloslantirilganligi va chiqindilar joylashtirilganligi uchun kompensatsiya to‘lovlari”.
4. O‘zbekiston Respublikasi Vazirlar Mahkamasining 2002-yil 12-iyuldagi 249-son qarori (O‘zbekiston Respublikasi QT, 2002-y., 7-son, 41-modda) bilan tasdiqlangan Chakana savdo sohasida mikrofirmalar va kichik korxonalar tomonidan belgilangan daromaddan olinadigan yagona soliqni hisoblab chiqish va to‘lash tartibi to‘g‘risidagi Nizom 3-bandining ikkinchi xatboshidagi “ifloslantiruvchi moddalarni tabiiy muhitga chiqarib tashlaganlik, oqizganlik uchun to‘lovlar” so‘zlari “atrof tabiiy muhit ifloslantirilganligi uchun kompensatsiya to‘lovlari” so‘zlari bilan almashtirilsin.
Keyingi tahrirga qarang.