“Ta’lim to‘g‘risida”gi O‘zbekiston Respublikasi Qonuniga muvofiq va oliy ta’lim muassasalari jamoatchilik boshqaruvining samarali tizimini yanada rivojlantirish, ta’lim jarayonida ijtimoiy sheriklik tamoyillarini amalga oshirish maqsadida Vazirlar Mahkamasi qaror qiladi:
1. Oliy ta’lim muassasasining vasiylik kengashi to‘g‘risidagi Namunaviy nizom ilovaga muvofiq tasdiqlansin.
2. Tasarrufida oliy ta’lim muassasalari bo‘lgan vazirliklar, davlat qo‘mitalari va idoralar bir oy muddatda:
tasarrufidagi oliy ta’lim muassasalarida vasiylik kengashlari tashkil etilishini va ularning shaxsiy tarkibi tasdiqlanishini;
o‘zlari qabul qilgan normativ-huquqiy hujjatlarning ushbu qarorga muvofiqlashtirilishini ta’minlasinlar.
3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.I. Ikramov zimmasiga yuklansin.
Oldingi tahrirga qarang.
3. Oliy ta’lim muassasasining vasiylik kengashi (keyingi o‘rinlarda Kengash deb ataladi) “Ta’lim to‘g‘risidagi” O‘zbekiston Respublikasi Qonuniga, boshqa qonunchilik hujjatlariga muvofiq tashkil etiladi va oliy ta’lim muassasasining jamoatchilik boshqaruvi organlaridan biri hisoblanadi.
(3-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
5. Kengash o‘z faoliyatini O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, ushbu Namunaviy nizomga hamda boshqa qonunchilik hujjatlariga muvofiq amalga oshiradi.
(5-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
6. Ta’lim jarayonida ijtimoiy sheriklik tamoyillarini samarali amalga oshirish, ta’lim sifatini yaxshilash, oliy ta’lim muassasasining moddiy-texnika bazasini mustahkamlash va ta’lim jarayonini takomillashtirish Kengashning asosiy maqsadlari hisoblanadi.
7. Kengash tarkibiga davlat organlarining, nodavlat notijorat tashkilotlarining vakillari, homiylar, shuningdek oliy ta’lim muassasasi faoliyatini takomillashtirish va rivojlantirishdan manfaatdor bo‘lgan boshqa yuridik va jismoniy shaxslar kirishi mumkin.
8. Kengashning tarkibi tasarrufida tegishli oliy ta’lim muassasasi bo‘lgan vazirlik va idora tomonidan tasdiqlanadi, ushbu bandning ikkinchi va uchinchi xatboshilarda nazarda tutilgan holatlar bundan mustasno.
Kengash tarkibiga O‘zbekiston Respublikasi Vazirlar Mahkamasiga hisobot beradigan davlat va xo‘jalik boshqaruvi organlarining rahbarlari kiritiladigan holatlarda Kengash tarkibi tegishli vazirliklar va idoralar tomonidan O‘zbekiston Respublikasi Vazirlar Mahkamasiga tasdiqlash uchun kiritiladi.
Kengash tarkibiga huquqni muhofaza qilish va sud organlarining, harbiylashtirilgan tuzilmalarning, shuningdek O‘zbekiston Respublikasi Prezidentiga hisobot beradigan davlat boshqaruvi organlarining rahbarlari kiritiladigan holatlarda tasarrufida tegishli oliy ta’lim muassasasi bo‘lgan vazirlik va idoraning taqdimnomasiga binoan Vazirlar Mahkamasi tomonidan O‘zbekiston Respublikasi Prezidentiga ko‘rib chiqish uchun kiritiladi.
9. Kengash to‘g‘risidagi nizom ushbu Namunaviy nizom talablarini hisobga olgan holda Kengash tomonidan tasdiqlanadi.
oliy ta’lim muassasalarining moddiy-texnika, o‘quv-metodik bazasini mustahkamlash, ijtimoiy va maishiy infratuzilmasini yaxshilash, binolarini muvofiqlashtirish va hududlarini obodonlashtirish;
ta’lim jarayonini hamda talabalarning ishlab chiqarish amaliyotini samarali tashkil etish va takomillashtirish, shuningdek oliy ta’lim muassasalari bitiruvchilarini kelgusida ishlab chiqarish, fan va ta’limni integratsiyalashni rivojlantirish orqali ishga joylashtirish;
bakalavrlar va magistrlar tayyorlash sifatini hamda ilmiy-tadqiqotlar samaradorligini baholash ishlarini tashkil etish;
ta’lim jarayoni sifati va natijadorligini oshirish, kelgusida mehnat bozori rivojlanishini hisobga olgan holda mutaxassislar va ilmiy-texnika kadrlarini tayyorlashning istiqboli yo‘nalishlarini aniqlash;
mutaxassislar tayyorlash sifatiga ko‘maklashadigan istiqbolli dasturlarni moliyalashtirish va amalga oshirish;
oliy ta’lim muassasasida ilmiy-tadqiqot va innovatsiya faoliyatini rivojlantirish, fundamental (amaliy) ilmiy-texnika ishlanmalarini amalga oshirish, o‘quv va ilmiy jarayonlarni oqilona integratsiyalash;
ishlab chiqarish va xizmatlar ko‘rsatish sohasidagi malakali va tajribali mutaxassislarni ta’lim jarayoniga jalb etish;
oliy ta’lim muassasalari pedagog kadrlarining mehnat sharoitlarini yaxshilash hamda ularning malaka oshirish va qayta tayyorlashdan o‘tishlarini tashkil etish;
oliy ta’lim muassasalari faoliyatining izchil rivojlantirilishini ta’minlash uchun homiylik ehsonlarini, texnikaviy ko‘maklashish (grantlar) mablag‘larini va boshqa budjetdan tashqari mablag‘larni jalb etish;
eng avvalo, yetim bolalar jumlasidan bo‘lgan talabalarni ijtimoiy himoyalashni ta’minlash, iqtidorli talabalarga stipendiyalar ajratish, talabalarning yashashi uchun xonadonlarda yashash va foydali hordiq chiqarish sharoitlarini yaxshilash, shuningdek ta’tillar davrida talabalarning dam olishini tashkil etish;
o‘qitishning ilg‘or shakllari va metodlarini, kompyuter va axborot-kommunikatsiya texnologiyalarini, elektron ta’lim resurslarini ta’lim jarayoniga joriy etish, shu jumladan internet tarmog‘idan foydalanilishini ta’minlash, oliy ta’lim muassasasini zamonaviy o‘quv-laboratoriya anjomlari va o‘quv-metodik adabiyotlar bilan ta’minlash, ilmiy-tadqiqot va innovatsiya faoliyatini qo‘llab-quvvatlash va rag‘batlantirish, oliy ta’lim muassasasining zamonaviy ilmiy laboratoriyalarini shakllantirish va rivojlantirish;
oliy ta’lim muassasasida sog‘lom intellektual va ma’naviy-psixologik, pedagoglar va talabalar o‘rtasida o‘zaro hamfikrlik muhitini shakllantirishga, ularda kasbiy, ma’naviy, intellektual va jismoniy takomillashuvga doimiy intilishni tarbiyalashga yo‘naltirilgan tadbirlarni amalga oshirish;
mualliflik o‘quv dasturlari, metodik qo‘llanmalar, tavsiyanomalar, didaktik materiallar hamda boshqa o‘quv-metodik hujjatlarni ishlab chiqish va nashr etish;
iqtidorli talabalarni yetakchi xorijiy ta’lim muassasalariga tajriba orttirishga yuborish bo‘yicha takliflarni shakllantirish, ular uchun maxsus stipendiyalar ta’sis etish;
oliy ta’lim muassasalarining professor-o‘qituvchilar tarkibi, katta ilmiy xodimlari — izlanuvchilari va talabalari uchun xalqaro tajriba almashuvlarni tashkil etish borasida ko‘maklashish.
oliy ta’lim muassasasidan Kengashga yuklangan vazifalarni bajarish uchun zarur ma’lumotlar va axborotlarni belgilangan tartibda oladi;
Kengash to‘g‘risidagi nizomga o‘zgartirishlar va qo‘shimchalar kiritish to‘g‘risidagi takliflarni ishlab chiqadi va belgilangan tartibda kiritadi;
oliy ta’lim muassasasining ish rejalarini, tadbirlar rejalarini, dasturlarini va boshqa hujjatlarini muhokama etishda qatnashadi, ularni takomillashtirishga doir takliflar kiritadi;
oliy ta’lim muassasasi faoliyatini takomillashtirish va rivojlantirish, shu jumladan oliy ta’lim muassasasining rahbarlik lavozimlariga nomzodlarni ko‘rib chiqish yuzasidan davlat organlariga murojaat qiladi;
oliy ta’lim muassasasida kadrlar tayyorlash sifatini yaxshilash bo‘yicha takliflar kiritadi, shuningdek oliy ta’lim muassasasining rektoriga (direktoriga) oliy ta’lim muassasasining xodimlari va talabalarini moddiy va ma’naviy rag‘batlantirish to‘g‘risida tavsiyanomalar taqdim etadi;
Kengashning mablag‘ tushumlari va mablag‘larning sarflanishi bo‘yicha moliyaviy rejasini tasdiqlaydi;
Kengash mablag‘laridan maqsadli va samarali foydalanilishini tekshirish uchun nazorat-taftish komissiyasini tayinlaydi.
Oldingi tahrirga qarang.
Kengash amaldagi qonunchilikka, o‘z Nizomiga va oliy ta’lim muassasasining ustaviga muvofiq boshqa vakolatlarga ham ega bo‘lishi mumkin.
(11-bandning o‘n birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
12. Kengash ishtirok etishning ixtiyoriyligi va Kengash vakolatiga tegishli masalalarni hal etishda uning barcha a’zolarining teng huquqliligi tamoyillari asosida shakllantiriladi.
Kengash, qoidaga ko‘ra, Kengash raisi, raisning o‘rinbosari, kotib va a’zolaridan iborat tarkibda shakllantiriladi.
Kengashning son tarkibi tartibga solinmaydi. Kengashning shaxsiy tarkibi va rahbariyatidagi o‘zgarishlar, qoidaga ko‘ra, bir yilda bir marta amalga oshiriladi.
13. Kengash raisi va uning o‘rinbosari Kengashning birinchi tashkiliy majlisida saylanadi, majlisda oliy ta’lim muassasasining rektori (direktori) raislik qiladi.
Kengash a’zolarining faoliyati muddatlari, Kengash raisi va uning o‘rinbosarini qayta saylash Kengash to‘g‘risidagi nizomda belgilanadi.
Kengash o‘z vakolatlarini oliy ta’lim muassasasining rektoriga (direktoriga) berish huquqiga ega emas.
Kengashning yillik ish rejasini tasdiqlaydi, shuningdek Kengashning yillik ish rejasi bajarilishi to‘g‘risidagi hisobotni Kengashga taqdim etadi;
oliy ta’lim muassasasida ta’lim jarayonini rivojlantirishning dolzarb masalalari bo‘yicha Kengashga takliflar kiritish;
Kengash a’zolari majlisda shaxsan qatnashishi kerak. Bunday qatnashishning imkoni bo‘lmagan taqdirda Kengash a’zosi majlisning kun tartibi bo‘yicha o‘z fikrini Kengashga yozma ravishda taqdim etishga haqlidir.
17. Kengash o‘z ishlarini o‘zi tasdiqlagan rejalar asosida amalga oshiradi va o‘z majlislarini zaruriyatga ko‘ra, biroq yil choragida kamida bir marta o‘tkazadi. Kengash raisi tomonidan uning a’zolarining yozma iltimosnomalari asosida navbatdan tashqari majlislar chaqirilishi mumkin. Iltimosnomalarda navbatdan tashqari majlisni chaqirishning sabablari va asoslari bayon qilinishi kerak.
18. Kengash majlisini Kengash raisi, u bo‘lmagan taqdirda esa — Kengash raisining o‘rinbosari boshqaradi.
Kengash majlisi unda Kengash a’zolarining kamida uchdan ikki qismi qatnashganda huquqiy vakolatli hisoblanadi.
Majlisni o‘tkazish uchun kvorum yoki rais va uning o‘rinbosari bo‘lmaganda Kengash majlisini o‘tkazishning yangi sanasi e’lon qilinadi.
19. Kengash majlisida ko‘rib chiqiladigan masalalarning xususiyatiga ko‘ra davlat organlari va boshqa tashkilotlarning rahbarlari va mutaxassislari, oliy ta’lim muassasasining xodimlari, ayrim jismoniy shaxslar taklif etilishi mumkin.
Kengash a’zolari va taklif etilgan shaxslarni majlisning sanasi, kun tartibi loyihasi, majlisni o‘tkazish vaqti va joyidan xabardor qiladi;
Kengash bayonnomalarini rasmiylashtiradi va tasdiqlangan bayonnomalarni Kengash a’zolariga va boshqa manfaatdor tashkilotlarga yuboradi.
21. Kengash o‘z faoliyatini ta’lim muassasasining rektori (direktori) bilan o‘zaro hamkorlikda amalga oshiradi.
22. Kengash qarori Kengashning majlisda qatnashgan a’zolarining oddiy ko‘pchilik ovozi bilan qabul qilinadi. Ovozlar teng bo‘lgan taqdirda Kengash raisining ovozi hal qiluvchi hisoblanadi.
Tushumlar va sarflarning yillik moliyaviy rejasini, shuningdek Kengash mablag‘laridan foydalanilishini tasdiqlash masalalari bo‘yicha qaror Kengashning majlisda qatnashgan a’zolari uchdan ikki qismining ovozlari bilan qabul qilinadi.
23. Kengash qarorlari Kengash majlisining bayonnomasi bilan rasmiylashtiriladi. Kengash majlisining bayonnomasi Kengash raisi tomonidan tasdiqlanadi va bir hafta muddatda Kengash a’zolariga va manfaatdor tashkilotlarga yuboriladi.
Oliy ta’lim muassasasining rektori (direktori) Kengash hujjatlarining saqlanishi va ularning saqlanishini ta’minlash uchun shart-sharoitlar yaratadi.
25. Kengash kotibi Kengash a’zolarining yordamida Kengash qarorlarining bajarilishini muntazam ravishda o‘rganadi va ko‘rib chiqadi, zaruriyat bo‘lganda, Kengash raisiga tegishli takliflar kiritadi.
Kengash qabul qilingan qarorlarning ijro etilishi holatini o‘z majlislarida muntazam ravishda ko‘rib chiqadi.
Oldingi tahrirga qarang.
27. Kengash mablag‘lari vakillari Kengash a’zolari hisoblanadigan tashkilotlarning, shuningdek Kengash a’zolarining xayriya ehsonlari, ixtiyoriy badallari shaklida Kengash tomonidan oliy ta’lim muassasasiga jalb etiladigan budjetdan tashqari mablag‘lar, shuningdek qonunchilikda taqiqlanmagan boshqa mablag‘lar hisobiga shakllantiriladi.
(27-bandning birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Kengash mablag‘lari mol-mulk, pul mablag‘lari, boshqa moddiy va nomoddiy aktivlar shaklida kiritiladi.
28. Kengash mablag‘laridan Kengashning maqsadlari, vazifalari va vakolatlarini amalga oshirish va ularga erishish uchun foydalanilishi mumkin.
29. Kengash mablag‘lari Oliy ta’lim muassasasini rivojlantirish jamg‘armasining budjetdan tashqari shaxsiy hisob raqamida jamlanadi, Jamg‘armaning daromadlari va xarajatlari smetasiga kiritiladi va ulardan belgilangan tartibda foydalaniladi.
Oliy ta’lim muassasasiga beriladigan aktivlardan foydalanish tartibi Kengashning qarori bilan belgilanadi.
30. Kengashning kelgusi yilgi daromadlari va mablag‘lari sarflarining hajmi Kengash majlisida tasdiqlangan moliyaviy rejaga muvofiq Oliy ta’lim muassasasini rivojlantirish jamg‘armasining daromadlari va xarajatlari smetasiga kiritiladi.
Kengash tushumlari va mablag‘lari sarfining moliyaviy rejasiga oliy ta’lim muassasasidagi Kengash faoliyati bilan bog‘liq joriy xarajatlar kiritiladi.
31. Kengashning daromadlari va mablag‘lari sarflari smetasi Kengashning qarori asosida oliy ta’lim muassasasi rektori tomonidan tasdiqlanadi.
Oldingi tahrirga qarang.
Zaruriyat bo‘lganda Kengashning daromadlari va mablag‘lari sarflari smetasiga qonunchilikda belgilangan tartibda o‘zgartirishlar kiritilishi mumkin.
(31-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
32. Kengash mablag‘larining buxgalteriya hisobi to‘g‘ri yuritilishi, mablag‘lar zarur tarzda rasmiylashtirilishi va ulardan maqsadli foydalanilishini nazorat qilish uchun oliy ta’lim muassasasining rektori (direktori) va bosh buxgalteri javob beradi.
Jamg‘armaning joriy yilda foydalanilmagan mablag‘lari qoldig‘i olib qo‘yilmaydi va keyingi yilga o‘tadi.
33. Kengashning mablag‘laridan xodimlarning qo‘shimcha soni ta’minoti uchun foydalanish taqiqlanadi.
34. Kengash Kengash mablag‘laridan to‘g‘ri, maqsadli va samarali foydalanilishi ustidan moliyaviy nazoratni amalga oshiradi.
Nazoratni amalga oshirish uchun Kengash tomonidan Kengashning nazorat-taftish komissiyasi tayinlanadi.
Kengash nazorat-taftish komissiyasining raisi va a’zolarini tayinlash tartibi, ularning vakolatlari muddatlari va taftishlarni o‘tkazish davriyligi Kengashning reglamentida belgilanadi.
bir yilda kamida bir marta hisob raqamining to‘g‘riligini tekshiradi, Kengash mablag‘lari hisobiga amalga oshirilgan sarf-xarajatlarni taftish qiladi, yillik hisobotlar va balans bo‘yicha xulosa tayyorlaydi;
Kengashning kelgusi yilgi tushumlari va mablag‘lari sarflarining moliyaviy rejasini uni tuzishning to‘g‘riligi va asoslanganligi yuzasidan ko‘rib chiqadi;
36. Kengashning kelgusi yilgi tushumlari va mablag‘lari sarflarining moliyaviy rejasi ko‘rib chiqilgandan va nazorat-taftish komissiyasi tomonidan ma’qullangandan keyin Kengash tomonidan tasdiqlanadi.
Oldingi tahrirga qarang.
37. Moliya-xo‘jalik faoliyati bilan bog‘liq kelishmovchiliklar qonunchilikda nazarda tutilgan tartibda hal etiladi.
(37-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
38. Kengashni tarqatib yuborish tasarrufida tegishli oliy ta’lim muassasasi bo‘lgan vazirliklar va idoralarning qarorlari asosida amalga oshiriladi.
39. Kengash tarqatib yuborilgan taqdirda uning Kengash mablag‘larini boshqarish bo‘yicha vakolati vaqtincha oliy ta’lim muassasasining Kengashiga beriladi.